Juan 18:12 - Biblia Pume

¹² Ja̧dëa ji̧ domano guadia judiro̧, tjamo̧ tai̧mȩ guadiaborë chjaodëri̧ mitërëreji̧ri̧diro̧jo̧ȩ Jechu ju̧i̧, Ütë ja̧ bë oa jidaji̧ri̧ guadia pio judiro̧borë. Ado mitë ëte, yurë cji̧dëno̧a̧diro̧jo̧ȩ.

Juan 18:12 Iomraidhean Croise

Taruparea̧ Ma̧ȩ 22:9

Ado ja̧dëa ji̧ judiro̧ go̧düdäräa̧rä, Ütërë yo̧a̧rea̧räpȩ go̧düdäräa̧rä, jabechji̧ gu̧na̧rea̧ mechja oa jëdano̧a̧dejȩ Abaraa̧ judi. Ado ju̧i̧ jëdano̧ ëte are a̧ra̧dejȩ cjo̧do oa gu̧na̧rea̧ mechja uëmo̧. Ado ja̧di dari̧ japa ëte mitëa̧dejȩ joja oa. Ado tabüa̧dejȩ. Ado ja̧dëa ji̧ are a̧ra̧dejȩ gu̧na̧rea̧ mechjarä, cjo̧do uëmo̧.

Taruparea̧ Ma̧ȩ 40:3

Ado pio ju̧i̧iä chaäa̧ cjia tänȩrëremȩdejȩrȩ. Pjarao̧ ja̧ guadia ütërë cjo̧ro̧mȩ bë yuroro chaärea̧ bëräpȩ ju̧ri̧ chaärëremȩdejȩrȩ, Jocherë chaäa̧ oa cjo̧ro̧mȩräpȩ pio ju̧ri̧.

Mateo 26:57

Ja̧dëa ji̧ Jechu pio ju̧i̧ mitë ëte, ëba järëreji̧ri̧diro̧jo̧ȩ tjamo̧ goë tuti ja̧bepamȩ pio ju̧i̧iäpȩ, Caipa quȩmȩ pio ju̧i̧iäpȩ. Jabechji̧ pio ju̧ri̧pȩ a̧dopea̧ oa cjiarëreji̧ri̧dirȩ Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧, ado judio ütëti̧ pio judiro̧borë. Aja̧, ja̧dira̧ ëba järëreji̧ri̧diro̧jo̧ȩ Jechu pio ju̧i̧.

Mateo 27:2

Ado a̧dopeno̧ ëte, Jechu pio ju̧i̧ tabü ëte, jabechji̧ ëba järëreji̧ri̧diro̧jo̧ȩ Pirato pio ju̧i̧iäpȩ, domano̧ tjamo̧ cjo̧ro̧mȩ pio ju̧i̧iäpȩ.

Mateo 27:27

Ja̧dëa ji̧ chiri tjamo̧ cjo̧ro̧mȩ pio ju̧i̧ ja̧ guadia judiro̧ orë ëba yu̧a̧rëreji̧ri̧diro̧jo̧ȩ Jechu ju̧i̧. Pirato pio ju̧i̧ ja̧ bëräpȩ ëba yu̧a̧rëreji̧ri̧diro̧jo̧ȩ. Ado pio jibë nö̧ta ja̧bepaji̧ri̧ guadia pio ji̧ri̧bo a̧dopa tänȩrëreji̧ri̧diro̧jȩrȩ Jechu pio ju̧i̧ ja̧ dëbëräpȩ.

Marcos 14:53

Jechu ju̧i̧ mitëa̧ji̧ri̧ pio judiro̧ ëba järëreji̧ri̧diro̧jo̧ȩ tjamo̧ goë tuti ja̧bepamȩ pio ju̧i̧ ja̧ bëräpȩ. Ju̧ri̧pȩ a̧dopea̧ oa cjiarëreji̧ri̧dirȩ tjamo̧ yo̧ji̧ri̧ judiro̧. Goë tuti ja̧bepaji̧ri̧ ütëborë, ado Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧, ado judio ütëti̧ pio judiro̧borë a̧dopea̧ oa cjiarëreji̧ri̧dirȩ.

Marcos 15:1

Peadai̧ tjamo̧ro tjamo̧ ütarë yo̧ji̧ri̧ judio pio judiro̧ jëreeaji̧ri̧rȩ a̧doparëreji̧ri̧dirȩ Jechu pio ju̧i̧ chjiari ni̧bä chjaopea̧ oa. Aja̧, tjamo̧ goë tuti ja̧bepaji̧ri̧ pio judiro̧, ado Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧, ado judio ütëti̧ pio judiro̧borë, tjamo̧ ütaraji̧ri̧ ütëborë a̧dopeno̧rëreji̧ri̧dirȩ Jechu pio ju̧i̧ chjiari ni̧bä chjaopea̧ oa. Ado a̧dopeno̧a̧ ëte, Jechu pio ju̧i̧ tabü ëte ëba järëreji̧ri̧diro̧jo̧ȩ Pirato pio ju̧i̧iäpȩ, domano tjamo̧ cjo̧ro̧mȩ pio ju̧i̧iäpȩ. Ado yürüa̧diro̧jo̧ȩ pio ju̧i̧iäpȩmo̧.

Lucas 22:54

Ja̧dëa ji̧ Jechu pio ju̧i̧ chjuari̧ mitë ëte, ëba järëreji̧ri̧diro̧jo̧ȩ tjamo̧ goë tuti ja̧bepamȩ pio ju̧i̧ ja̧ bëräpȩ. Ado Pedro judi, duriräpȩ cjiamȩrȩ jaerira̧ jachi chja dariä cho̧rë järëremȩdejȩrȩ tjamo̧ goë tuti ja̧bepamȩ pio ju̧i̧ ja̧ bëräpȩ yuro.

Juan 18:3

Ado pio ju̧i̧iä, ‘Aja̧, tjadoräpȩ ju̧ri̧ a̧dopë cjia jirodiro̧da’ quëna̧ dabamȩrȩ järëremȩde domano guadia buba pio ji̧ri̧ nö̧ta, Ütë tjamo̧ ja̧ bë oa jidaji̧ri̧ guadia pio ji̧ri̧ nö̧ta. Jabechji̧ tjamo̧ goë tuti ja̧bepaji̧ri̧ pio judiro̧ chjadüa̧ oa, pjaricheo pio judiro̧borë chjadüa̧ oa järëreji̧ri̧dirȩ. Ado dëbëribo jo̧dë chiamȩ tjapënȩ jujuai̧ oa araji̧ri̧rȩ, gu̧na̧rea̧ to araji̧ri̧rȩ go̧düdäräa̧dirȩ tataparea̧ goaji̧ri̧rȩ, cjo̧dë chiamȩ to araji̧ri̧rȩ.

Japarea̧ 10:1

Ado cja̧rȩmȩrȩ, Corenerio quȩmȩ pio judi cjo̧ro̧rëremȩde Checharea quȩmȩ bë ma̧ri̧räpȩ. Domano guadia ütëmȩrȩ cjo̧ro̧rëremȩde. Itariano quȩmȩ guadia buba pio ju̧i̧ tjamo̧ yo̧mȩrȩ cjo̧ro̧rëremȩde.

Japarea̧ 21:31

Ado ja̧dëa ji̧ Pablo pio ju̧i̧ bide cjaeäa̧ nö̧ta, pio ju̧i̧ ja̧bo tänȩtea̧ nö̧ta, domano guadia ütë pio judi ta̧rëmȩpea̧de. Aja̧, pumȩrȩ ma̧ȩ a̧depea̧ oaiä, jabechji̧ chjaodëri̧ ta̧rërëremȩde Jerucharȩräpȩ cjo̧ro̧ji̧ri̧ judiro̧ cjarari̧ cjiape baga̧ pio ju̧i̧ chjiari.

Japarea̧ 21:37

Guadia judiro̧ Pablo pio ju̧i̧ nö̧ta guadiarë cjo̧ro̧mȩ bë ana̧räpȩ yu̧a̧patea̧ ji̧, Pablo judi domano guadia ütë pio ju̧i̧iäpȩmo̧ yo̧a̧dejȩ. Giriego ma̧ȩra̧ ni̧bämȩrȩ yo̧a̧dejȩ: —Danȩ, cüdë pio mȩaiäpȩmo̧ ni̧bärä judi ¿jabechji̧dëde? Ado guadia ütë judi dëbë yo̧a̧dejȩ: —Chia chia, ¿giriego ma̧ȩ ni̧bämȩrenȩ? —yo̧ë ta̧rëa̧dejȩ—.

Japarea̧ 23:10

Jabo cjäri̧ madirȩ, dëbë ni̧bätaji̧ri̧ pio judiro̧ cjatäcjie jo̧rȩtarea̧ dadëji̧ri̧rȩ ji̧dë u̧i̧ ma̧i̧ dari̧ dëbë ni̧bä chjaorëreji̧ri̧dirȩ, ma̧ cjüëtü tjamo̧ri̧ jo̧rȩtaji̧ri̧rȩ. Ado guadia ütë pio ju̧i̧ daea̧ oaiä, 'Jabo cjäri̧ madiro̧da, ma̧i̧ dari̧ japadiro̧da, ado Pablo pio ju̧i̧ dëbë mu̧i̧ quirë ja̧bo tänȩpai̧ dadiro̧ju̧i̧da, Pablo pio ju̧i̧ gito ana̧ri̧ japapai̧ dadiro̧ju̧i̧da' quëna̧ jo̧rȩtamȩrȩ jabërä chjadüeno̧a̧dejȩrȩ jibëa̧ guadia ji̧ri̧ Pablo pio ju̧i̧ jo̧ȩra̧pe mitëpea̧ oa, guadiarë cjo̧ro̧mȩ bë ana̧räpȩmo̧ ëba baäpea̧. Ado ja̧di dari̧ japamȩrȩ chjadëri̧ ëba baärëreji̧ri̧diro̧jo̧ȩ Pablo ju̧i̧ guadiarë cjo̧ro̧mȩ bë ana̧räpȩ.