Jabo Jechu judi pio ji̧iä ta̧rëa̧ oaiä, jabechji̧ iei̧ pio ji̧iäpȩmo̧ dëbë yo̧dëa̧dejȩ. Jabechji̧ arayi̧ ja̧ u̧ri̧ pio ji̧ri̧ chjiari goë cjo̧dë yürüyi̧ pio ji̧iäpȩmo̧ dëbë yo̧dëa̧dejȩ, jabo ja̧ u̧ri̧ pio ji̧ri̧iäpȩmo̧ yo̧a̧dejȩrȩ Juan pio ju̧i̧iäpȩmo̧, Santiago pio ju̧i̧iäpȩmo̧bo, ja̧di ta̧rëri̧ yo̧mȩrȩ: —Jabo cjäri̧ manȩrȩ —dëbë yo̧a̧dejȩrȩ—, dibëa̧ ai̧ jini̧ pio coaiä goë cjo̧dë yürüa̧ pio ju̧i̧ chjiari tjamo̧ri̧ dabadëji̧ri̧nȩrȩ. Danȩrȩ, a̧dë chjäte ji̧ra̧ri̧ conȩda̧ oa cjiaparequede. Ado ca̧ yuroro chapaji̧ri̧ pio judiro̧borë ana̧ri̧ tarapadirȩ. ¿Ado ana̧ri̧ tarapea̧ ji̧ nö̧tanȩrȩ? ¿Dami̧ti̧ chjai̧dë oa chjätäpea̧ ji̧ nö̧tanȩrȩ? ¿Ju chianȩrȩ mȩnȩro̧ pio cüdë chjai̧dë oa chjätämi̧ dari̧ chjätäpea̧ oa? —yo̧mȩrȩ iëno̧ë ta̧rëa̧dejȩrȩ Jechu judi. Ado dëbë yo̧a̧diro̧jo̧ȩ Jechu ju̧i̧: —Dëdë, pio mȩnȩ chjai̧dë oa chjätämi̧ dari̧ chjätäpai̧ darea̧rȩ peaja̧di —dëbë yo̧a̧diro̧jo̧ȩ.
Juan 18:11 - Biblia Pume11 Jabo Pedro ju̧i̧iäpȩmo̧ yo̧a̧dejȩ Jechu judi: —Jo̧ërä ado chjereno̧ go̧iovä na̧ coana̧rea̧ oa —yo̧a̧dejȩ—. Jabechji̧ ca̧ Ama̧i̧ judi coa a̧dë chjäte goaedëti̧ oa chjätä tänȩräbo, jabechji̧ ta̧rëdiäpareconȩ. 'Jabechji̧ ca̧ Ama̧i̧ judi coa chjai̧dë oa chjätä tänȩa̧ üdë jabechji̧dida, dabamȩrȩ chjätä tänȩdicoada’ quëna̧pareconȩ —yo̧mȩrȩ yo̧rëremȩdejȩ Jechu judi Chimo̧ Pedro pio ju̧i̧iäpȩmo̧. Faic an caibideil |
Juan 18:11
22 Iomraidhean Croise
Ado Jechu judi ji̧dë u̧i̧ jachi chja oa jämȩrȩ toboe china̧därärëremȩde daburäpȩ. Ado jibëa̧ Ama̧i̧ pio ju̧i̧iä cjo̧dëmȩrȩ cjo̧dëmȩpea̧de pio jȩa chjiari tuti japatä, jënȩ a̧dë chjäte ana̧ri̧ tarachea oa. Aja̧, ja̧di ta̧rëri̧ yo̧mȩrȩ ni̧bärëremȩdejȩ: "Ama̧i̧, ca̧ Ama̧i̧, a̧docoe. A̧dë chjäte jauëchjamȩrenȩ. Tuti japavä pio coa chjiari, cüdë a̧dë chjäte ma̧i̧ dari̧ tarachea oa. Jabo cüdë jo̧rȩta̧mi̧ japadëvä, jabo pio mȩnȩ ütarë jo̧rȩta̧mi̧ japavä Ama̧i̧." Aja̧, ja̧di ta̧rëri̧ yo̧mȩrȩ ni̧bärëremȩdejȩ jibëa̧ Ama̧i̧ ju̧i̧ Jechu judi.
Ado ja̧di ta̧rëri̧ yo̧ ëte, ado a̧dë järëremȩdejȩrȩ Jechu judi jibëa̧ Ama̧i̧ pio ju̧i̧ ni̧bäpea̧ oa. Jënȩ ni̧bäa̧rea̧mi̧ ni̧bäa̧dejȩ ado chjereno̧, ja̧di ta̧rëri̧ yo̧mȩrȩ: "Aja̧ Ama̧i̧, tuti japavä pio coa chjiari cüdë a̧dë chjäte ma̧i̧ dari̧ tarachea oa. Jabo japarea̧ decjiarä judi, jabechji̧de coaiä. Jabechji̧ cüdë jo̧rȩta̧mi̧ japadëvä, jabo pio mȩnȩ ütarë jo̧rȩta̧mi̧ japavä Ama̧i̧." Aja̧, ja̧di ta̧rëri̧ ni̧bärëremȩdejȩ jibëa̧ Ama̧i̧ ju̧i̧.
Peaja̧dimi̧ dari̧ jo̧rȩta maeadirȩ chiriräpȩti̧ oa quëna̧dëji̧ri̧ pio judiro̧. Tjamo̧ davä. Ütë tjamo̧ ju̧i̧ dabadëji̧ri̧ pio judiro̧ ji̧dë ma bücjüri̧ cjiadirȩ pio ju̧i̧ chjiari. Jabo danȩrȩ ca̧ pumȩ, peadë dabade davä ibëa̧ Ama̧i̧ judi mȩnȩro̧ ea̧ pio ju̧i̧ chjiari. Peadë dabade mȩnȩro̧ cjäri̧ ja̧boa̧ pio ju̧i̧ chjiari.
—Ado danȩ Ama̧i̧, mȩnȩ coa yürüa̧ pumȩ pio judiro̧ pio coadi cjiatä earequedejȩrȩ cüdë cjiapea̧räpȩ ju̧ri̧, ca̧ chjacjiamȩrea̧ pio ju̧i̧ chjadëri̧ dapea̧ oa —yoa̧dejȩ—. Jabechji̧ dabu oa jabë pareapea̧ oa cjiadëa̧rä, coa ea tjamo̧mȩrȩ yürürëremȩrenȩque na̧ chjacjiamȩrea̧ pio ju̧i̧. Ado pio ju̧i̧ chjadëri̧ datä earequedejȩrȩ ca̧ pumȩ ji̧ri̧.
Ado Jechu judi dëbë yo̧a̧dejȩ: —Danȩ, cüdë pio yoa chirirä tjamo̧ yo̧mȩrȩ cjo̧ro̧dërequede —yo̧a̧dejȩ—. Cüdë yo̧a̧ chja̧oerä cjo̧ro̧ji̧ri̧ judiro̧ pio yoa chirirä ja̧rä judi, chjaodëri̧ acji jana̧täreji̧ri̧dirȩ pio coa a̧dopea̧ oa, judio tjamo̧ yo̧ji̧ri̧ judiro̧ pio coa mitërea̧ dachea oa. Jabo cjäri̧ madirȩ, ca̧ chja̧oerä cjo̧ro̧ji̧ri̧ judiro̧ pio yoa chirirä ja̧dëdirȩ —dëbë yo̧a̧dejȩ.
Jabo Maria jini̧ Jechu ju̧i̧ ida chjaoa̧ oaiä yo̧a̧dejȩ: —Ji̧dë ma chjuari̧ acji idadëcoa —yoa̧dejȩ—. Damȩ, cüdë ca̧ Ama̧i̧ pio ju̧i̧iäpȩ jabë baädëa̧ oaiä, ji̧dë ma ida chjaodëcoa. Jabo damȩ, cuchupë jäeno̧je ca̧ oti̧ pio ji̧ri̧iäpȩmo̧ ta̧rë tänȩpea̧ oa. Cüdë ca̧ Ama̧i̧ pio ju̧i̧iäpȩ ado chjereno̧ baäpea̧ pio ju̧i̧ chjiari, cüdë pio ji̧ri̧ ja̧ Ama̧i̧ ju̧i̧iäpȩ baäpea̧ pio ju̧i̧ chjiari, yo̧ji̧ri̧. Tjamo̧ davä. Cüdë ca̧ Ütë pio ju̧i̧iäpȩ baäpea̧ ju̧i̧ chjiari yo̧ji̧ri̧, cüdë pio ji̧ri̧ ja̧ Ütë pio ju̧i̧iäpȩ baäpea̧ ju̧i̧ chjiari. Jäje —yo̧a̧dejȩ Jechu judi.
Jabechji̧ a̧ro̧rȩ pio yoa chirirä cjo̧ro̧räbo, dai chirirä cjo̧ro̧ji̧ri̧ pio judiro̧mi̧ dari̧ dëbëpe chjaodë marea̧rȩ teracaba a̧ra̧ano̧rea̧ oa. Jabechji̧ oëra̧ a̧ra̧ano̧ji̧ri̧ pio ji̧ri̧ gu̧na̧rea̧ tora̧ pio ju̧ri̧ra̧ gu̧na̧dëparea̧ro̧jȩrȩ. Ado chjito̧ra̧ pio ju̧ri̧ra̧ adëparea̧ro̧jȩrȩ. Jabechji̧ tjibato ara ma̧ ja̧didë, jabo Ütë tjamo̧ pio judi yürüa̧ pio ju̧i̧mo̧i̧ arami̧ dari̧ dëbëpe chjaorea̧ro̧jo̧ȩ. Jabechji̧ pio judiri ma̧na̧mȩ jauëchjarea̧ra̧ pio ju̧ri̧ra̧ dëbëpe chjaorea̧ro̧jo̧ȩ teracaba jo̧rȩtarea̧ pio ju̧i̧. Tjamo̧ davä. Ütë tjamo̧ ju̧i̧ eadëji̧ri̧ judiro̧ dai chirirä ja̧ jo̧rȩtarea̧ maeara̧ jo̧rȩta̧ oaiä, jibëa̧ icjararä chjai̧dëri pio judiri cjitëmȩ jo̧rȩtarea̧ maeara̧ jo̧rȩta̧ oaiä, cjäri̧ madirȩ, ma̧i̧ da tutirea̧ tjoro cjiami̧ dari̧ cjiadirȩ. Ado pio jiro tutirea̧ tjoro cjiaji̧ri̧rȩ oëra̧ jo̧rȩtadirȩ. ‘Aja̧, jabechji̧a̧ro̧da, jabechji̧ coëma cjiari̧ quëna̧ji̧ri̧rȩ cjo̧ro̧a̧ro̧da, ano̧ mire jo̧rȩtarea̧mi̧dëri̧ cjo̧ro̧a̧ro̧da’ quëna̧ jo̧rȩtadirȩ, chjuari̧ quëna̧ji̧ri̧rȩ. Jabo danȩrȩ ca̧ oti̧, judiro̧ teracabari̧ jo̧rȩta̧ pio ju̧i̧ boadärämi̧ dari̧ japarea̧ro̧jo̧ȩ. Tjamo̧ davä. Eami̧ti̧ jo̧rȩtarea̧ teracaba pio ju̧i̧, dami̧ti̧ oëra̧ baämȩ jo̧rȩtarea̧ pio ju̧i̧, jabechji̧ Ütë tjamo̧ ja̧ jauëchjarea̧ra̧ pio ju̧ri̧ra̧ boadärämi̧ dari̧ japarea̧ro̧jo̧ȩ ma̧i̧ da tutirea̧ pio ju̧i̧ iëchämi̧ dari̧. Aja̧ ca̧ oti̧, a̧ro̧rȩ Ütë tjamo̧ ja̧ ma̧ȩ oa a̧ra̧ano̧a̧ oaiä, jabechji̧ baë iëchä ëte aeno̧mi̧ dari̧ japarea̧ro̧jo̧ȩ ma̧i̧ da tutirea̧ uë pio ju̧i̧. Tjamo̧ davä. Iëchädärämi̧ dari̧ japarea̧ro̧jo̧ȩ teracaba jo̧rȩtarea̧ oa Ütë tjamo̧ ja̧ ma̧ȩ pio ju̧i̧ a̧ra̧ano̧a̧ oaiä.
Ado ji̧dë ma coëma cjiari̧ a̧ra̧ano̧rea̧ro̧jo̧ȩ Ütë tjamo̧ ja̧ ma̧ȩ oa. Jabechji̧ pio ibëiä ana̧ri̧ ja̧bepade Ütë tjamo̧ ja̧ jauëchjarea̧ üdë. Ana̧ri̧ na̧rȩde. Ado a̧ro̧rȩ coëma cjiari̧ cjo̧ro̧rea̧ üdë, jabechji̧ chjadëri̧ a̧dodiibe ca̧ oti̧. Jabechji̧ a̧ro̧rȩ coëma cjiari̧ cjo̧ro̧rea̧ra̧ pio ju̧ri̧ra̧ acji tai̧ji̧ri̧mi̧ dari̧ ja̧beparea̧ darea̧rȩ, dëbëribo jo̧dë chiamȩ tjapërȩ jujuai̧mi̧ dara̧ pio ju̧ra̧. Tjamo̧ davä ca̧ oti̧. A̧ro̧rȩ coëma cjiari̧ cjo̧ro̧rea̧ üdë a̧dodiibe a̧ro̧rȩ boadärämi̧ dari̧ ja̧bepapea̧ oa, acji tai̧ji̧ri̧mi̧ dari̧ ja̧bepapea̧ oa, dae jämi̧ dari̧ ja̧bepapea̧ oa. Ado danȩrȩ, a̧ro̧rȩ coëma cjiari̧ cjo̧ro̧a̧ oaiä, peaja̧di chjadëri̧ jida̧ oa cjiami̧ dari̧ cjiarea̧rȩ. Tjamo̧ davä. A̧ro̧rȩ coëma cjiari̧ cjo̧ro̧rea̧ra̧ pio ju̧ri̧ra̧ chjadëri̧ jida̧ oa cjiami̧ dari̧ ja̧beparea̧ darea̧rȩ, ibë jidamȩ chjiparari pjatëmi̧ dara̧ pio ju̧ri̧ra̧. Jabechji̧ a̧ro̧rȩ ibë dëbëpe chjaoji̧ri̧ pio ji̧ri̧ chjadëri̧ boadärärea̧ dapea̧ oa, a̧ro̧rȩ peaja̧di chjadëri̧ jida̧ oa cjiapea̧ oa, jabechji̧ chjadëri̧ a̧dodiibe davä, coëma cjiari̧ cjo̧ro̧rea̧ üdë.
Ado ja̧di dari̧ japarea̧ darea̧rȩ a̧ro̧rȩ Jechu pio ju̧i̧iäpȩmo̧ ji̧dë ma dami̧ dari̧ jo̧rȩta̧ oaiä. Jabechji̧ pio ju̧i̧iä taruparëremȩde a̧ro̧rȩ quëna̧ üdë. Ado pio ju̧i̧iä peaja̧di nö̧tadäräri̧ quëna̧rea̧ darea̧rȩ. Jabechji̧ Jechu pio ju̧i̧iä peaja̧di ju chiarea̧ darea̧rȩ nö̧tadäräri̧ quëna̧pea̧ oa, pio judimi̧ dari̧ quëna̧pea̧ oa. Jabechji̧ pio judi toro cji̧däa̧ oa cjia̧rä, ‘Aja̧, ca̧ goe oaiä noi̧dërë chjätärea̧ dapadiro̧da’ quëna̧ jo̧rȩta̧ oaiä, jabechji̧ ma̧ chiadëri̧ cjiari̧ jo̧rȩtamȩrȩ chjätärëremȩde pio jiro ma̧i̧ da chjai̧dë oa. Jabechji̧ ma̧ chjua jo̧rȩtamȩrȩ chjätärëremȩde, pio jȩa idëri̧ cjia tänȩa̧ pio ju̧i̧ chjiari bücjüri̧ cjiadëmȩrȩ. Ado yaba̧ chadäräa̧ oa cjiade tjamo̧ yo̧mȩ Ütë pio ju̧i̧ ja̧ mu̧i̧ chjuaräpȩ ju̧ri̧.