Ado Jeova ja̧ mu̧i̧tjoi̧ üdë, coëma cjiari̧ cjo̧ro̧mȩ mu̧i̧tjoi̧ pio judi, jabechji̧ gito ana̧ri̧ conȩda̧ oa cjia ëte, o ji̧ri̧ chjiari ano̧ mire ja̧bo ëte, jabechji̧ a̧dë chjäte ma̧ chiadëri̧ cjiamȩrȩ cjo̧ro̧mȩpea̧de. Aja̧, ma̧ chiadëri̧ cjiamȩrȩ cjo̧ro̧mȩpea̧de ja̧di dari̧ jo̧rȩtamȩrȩ: 'Aja̧, badëri̧ conȩda̧ oa cjiadëa̧quëda, badëri̧ ja̧bodëa̧quëda jabo jabechji̧ pumȩ ja̧ chjai̧dë oa tuti aramȩrȩ ja̧boa̧quëda, judiro̧ cja̧rȩmȩ co chjai̧dëri̧ japadëji̧ri̧mi̧ dari̧ cjiadiäpea̧ oa ja̧boa̧quëda, jabechji̧parȩa̧ oa cjiadiro̧da yaba̧, pio ju̧i̧iä ma̧ chiadëri̧ cjia tjamo̧quëda' quëna̧ jo̧rȩtarëremȩde.
Juan 17:3 - Biblia Pume3 Jabechji̧ pio mȩa dabadiro̧mȩ Ama̧i̧. Ado pio mȩa daba̧ üdë bucho ana̧ cjo̧ro̧rea̧de. Aja̧ Ama̧i̧, pio judimo̧rȩnȩ, ado judiri decjiade. Tjamo̧ri̧ cjiamȩ Ütë pio judimo̧renȩ. Ado pio mȩnȩrenȩ coa chjadürëremȩ judi pio yoa chiriräpȩmo̧ ma̧na̧pea̧ ji̧. Aja̧ Ama̧i̧, Jechu Quiricho pio judirequede. Ado pio coa chjadürëremȩrenȩque. Ado ca̧ jadü judiro̧ peaja̧di dabadiro̧coe. Jabechji̧ pio coa daba̧ üdë, peaja̧di bucho ana̧ cjo̧ro̧rea̧de —yo̧mȩrȩ ni̧bärëremȩdejȩ Jechu judi jibëa̧ Ama̧i̧ ju̧i̧iäpȩmo̧. Faic an caibideil |
Juan 17:3
52 Iomraidhean Croise
—Danȩrȩ, eami̧ pumȩ judi pio yoa boi̧chji̧ oa cjäri̧ri̧ cjiamȩrȩ jearä judi, eami̧ pumȩ judi cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjiamȩrȩ jeadique. Ado pio coa cjäri̧ri̧ cjiamȩrȩ jeamȩ judi, pio coamo̧ cjäri̧ri̧ cjiamȩrȩ jeadëdejȩ, jabo jabechji̧ coa chjadüa̧mȩ pio ju̧i̧bo cjäri̧ri̧ cjiamȩrȩ jeadejȩ —yo̧mȩrȩ yo̧rëremȩdejȩrȩ jibëa̧ jadü ji̧ri̧.
Ado ja̧dëa ji̧ yo̧a̧dejȩrȩ: —Danȩrȩ, eami̧ pumȩ üdë pio cüdëmi̧ dari̧ japarä judi, pio yoa pumȩ boi̧chji̧ oa cjäri̧ri̧ cjiamȩrȩ jearä judi, ba chiadëmȩmi̧ damȩ pio ju̧i̧ cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjia dami̧ dari̧ jeadique. Ado eami̧ pumȩ üdë pio coa cjäri̧ri̧ cjia damȩrȩ jearä judi, pio coa chjadüa̧mȩ pio ju̧i̧bo cjäri̧ri̧ cjia dami̧ dari̧ jeadejȩ. Tjamo̧ davä —yo̧a̧dejȩrȩ—. Pio coabo cjäri̧ri̧ cjia dami̧ dari̧ jeamȩ pio judi, ca̧ Ama̧i̧ pio ju̧i̧bo cjäri̧ri̧ cjia dami̧ dari̧ jeadejȩ. Jabechji̧ eami̧ pumȩ üdë, ‘Aja̧, bo maquëda, o ji̧ri̧iä ji̧dë u̧i̧ ba chiadëquëda jabo o judiro̧ pio coa u̧i̧ ba chiadiro̧da, jabechji̧ ba chiadëmȩquëda’ quëna̧rä judi, jabechji̧ ba chia tjamo̧dida' quëna̧ jo̧rȩtamȩrȩ dapadejȩ Ütë tjamo̧ pio judi.
Ütë tjamo̧ judi icharaita tjamo̧ yo̧ji̧ri̧ pio ji̧ri̧iäpȩmo̧ “ütënȩrȩ” yo̧a̧rä judi, ¿tjana̧ ju̧i̧iä cjarari̧ cjiape baga̧nȩrȩ cüdë yo̧a̧ pio ju̧i̧ chjiari, cüdë, “Ütë tjamo̧ ja̧ Jojarequede” yo̧a̧ pio ju̧i̧ chjiari? Jabechji̧, Ama̧i̧ tjamo̧ pio judi mitërëremȩdique china̧chjari̧ tutimȩrȩ. Ado mitëa̧ oa cjiamȩ oa chjadürëremȩdique pio yoa chirirä. Tjamo̧ davä. Pio judi chjadüa̧ oa cjiarequede. Ado pio ju̧i̧iiä iëno̧ë ta̧rërequededibe. ¿Tjana̧ ju̧i̧iä ja̧di ta̧rëri̧ aenȩ ni̧bärenero̧coe? ¿Tjana̧ ju̧i̧iä “Chjai̧dëri̧ ni̧bärenȩ Ütë tjamo̧ pio ju̧i̧iäpȩmo̧” yo̧renȩro̧coe?
‘Aja̧, ji̧dë ma ta̧rë ja̧bodicoada’ quëna̧ dabarequede pio mȩa chjiari Ama̧i̧. Ado yaba̧ jabechji̧ ütëborë ta̧rërea̧mi̧ dari̧ ni̧bärequedemȩ to̧bari̧ ni̧bämȩrȩ. Aja̧, pio yi a̧dopea̧ oa cjiaji̧ri̧ pio judiro̧borë ta̧rëpea̧ oa, cüdë mȩa yo̧a̧ pio ju̧i̧ ta̧rëpea̧ oa, mȩnȩ pio coa chjadüa̧ pio ju̧i̧ chjiari quëna̧pea̧ oa, jabechji̧ ütëborë ta̧rërea̧mi̧ dari̧ ni̧bärequedemȩ. Aja̧ Ama̧i̧, pio ju̧i̧mo̧i̧ yo̧requedemȩ. Ja̧ditäde —yo̧a̧dejȩ.
Jabo cüdë dibë a̧dë baäpa tara, ca̧ Ama̧i̧ judi ado cja̧rȩmo̧ oa chjadüpadidibe ano̧ mire a̧dopea̧ oa. Aja̧, Tjo tjamo̧ pio ju̧i̧ chjadüpadejȩ, tjamo̧ a̧domȩ pio ju̧i̧. Ado jabechji̧ dami̧ti̧ oa a̧ra̧ano̧padidibe. Ado cüdë dibë ni̧bä chjaoa̧ chjö̧na̧i̧ oa chjadëri̧ jo̧rȩta tänȩpadidibe peaja̧di —yo̧a̧dejȩrȩ Jechu judi.
Jabechji̧ pio a̧ro̧rȩmi̧ dari̧ cjiapea̧ oa, chjadëri̧ a̧dojȩrȩ pio judiro̧ cja̧rȩmȩrȩ cjiami̧ dari̧ cjiapea̧ oa. Danȩ Ama̧i̧, cja̧rȩmȩrea̧rȩ. Ji̧mo̧ cjiarea̧rȩ. Mȩnȩ ca̧ tjoro cjiarenȩ, ado cüdë na̧ tjoro cjiarequede. Ado peaja̧dimi̧ dari̧ cjiatädirȩ Ama̧i̧, pio ibë nö̧ta. Jabechji̧ pio ibë nö̧ta cja̧rȩmȩpe bagami̧ dari̧ cjiatä earequedejȩrȩ. Ado judiro̧ cja̧rȩmȩrȩ cjiami̧ dari̧ cjo̧ro̧a̧ oaiä, judiro̧ coa chjiari chjadëri̧ na̧rȩji̧ri̧rȩ cjo̧ro̧a̧ oaiä, jabechji̧ na̧ȩ chiape bagatädirȩ dai chirirä ja̧ jo̧rȩtarea̧ra̧ jo̧rȩtaji̧ri̧ pio judiro̧ pio coa chjiari. ‘Aja̧, Ütë tjamo̧ pio judi chjadüa̧ oa birë ma̧na̧diibëda’ quëna̧ jo̧rȩtatädirȩ Ama̧i̧, pio coa chjiari.
Jabechji̧ pio ji̧ri̧ ja̧ tjoro cjiarequede cüdë. Ado mȩnȩ ca̧ tjoro cjiarenȩ Ama̧i̧. Jabechji̧ judiro̧ cja̧rȩmȩrȩ cjiami̧ dari̧ cjiapea̧ oa goë cjo̧dërequedemȩ Ama̧i̧, dai chirirä ja̧ jo̧rȩtaji̧ri̧ pio judiro̧ na̧e chiape bagapea̧ oa. ‘Aja̧, Jechu judi Ütërë chjadüa̧ oa ma̧na̧dida, ado Ütë tjamo̧ judi quëna̧ji̧ri̧ pio ji̧ri̧ eadiji̧ri̧da, Joja pio ju̧i̧ eami̧ eadiji̧ri̧da’ quëna̧ dabapea̧ oa, cja̧rȩmȩrȩ cjiami̧ dari̧ cjo̧ro̧tä eamȩrȩ goë cjo̧dërequedemȩ Ama̧i̧ —yo̧a̧dejȩ Jechu judi jibëa̧ Ama̧i̧ ju̧i̧.
Aja̧ Ama̧i̧, mȩnȩ coa yürüa̧ ma̧ȩ pio ju̧i̧ yürüa̧requedejȩrȩ pio ji̧ri̧iäpȩmo̧. Ado jiadadëa̧diro̧coe. Chjadëri̧ ta̧rë ja̧boa̧diro̧coe na̧ ma̧ȩ oa. Ado tjamo̧ri̧ dabadirȩ Ama̧i̧ pio coa chjiari. 'Aja̧, pio judiri ma̧na̧diibëda, pio judi chjadüa̧ oa ma̧na̧diibëda’ quëna̧ dabaji̧ri̧pea̧dirȩ pio coa chjiari —yoa̧dejȩ Jechu judi.
Ado pio ju̧i̧ uëri dibëa̧ dëbëti̧ra̧ chia ma̧ chiadëri̧ cjiaji̧ri̧rȩ ba chiaparȩmi̧ dari̧ chjacjiamȩri̧ ni̧bärenȩrȩ. Aja̧, dibëa̧ pumȩ judiro̧ pio dibë ba chiaparȩmi̧ dari̧ ni̧bärä judi goae tjamo̧didibe, jabo 'Ütë tjamo̧ judi pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Jabechji̧ Ütë tjamo̧ pio judimo̧rȩ Ütëräbo, 'pio coaiäpȩmo̧ ba chia datä eacuni̧da' quëna̧ jo̧rȩtadë marenȩro̧jo̧ȩ. Ado pio ju̧i̧iä quëna̧rea̧ dadërenȩro̧jo̧ȩ.
Danȩrȩ, coa chjadüa̧mȩ judi, ca̧ Ama̧i̧ pio judi cjo̧ro̧de. Ado pio ju̧i̧iä tarupade cjo̧ro̧rea̧ üdë. Jabechji̧ ca̧ Ama̧i̧ pio ju̧i̧iä cjo̧ro̧requede cüdë. Ado pio coa juraji̧ri̧ judiro̧ cjo̧ro̧padirȩ pio coaiä. Jabechji̧ Ama̧i̧ tjamo̧ pio judiri ma̧na̧mȩ cjo̧ro̧rea̧ra̧ pio ju̧ri̧ra̧ cjo̧ro̧ tänȩparequedejȩrȩ —yo̧a̧dejȩrȩ—.
Jabo ja̧dëa ji̧ ado iëno̧ë ta̧rëa̧diro̧jo̧ȩ Jechu ju̧i̧: —¿Jabo tjana̧räpȩde na̧ Ama̧i̧ judi? Ado Jechu judi dëbë yo̧a̧dejȩrȩ: —Danȩrȩ, mȩnȩro̧ pio coa tjamo̧ri̧ dabadërenȩro̧coe. Ado ca̧ Ama̧i̧ pio ju̧i̧bo dabadërenȩro̧jo̧ȩ. Jabechji̧ pio coa tjamo̧ri̧ dabarä judi, peaja̧di dabatäreji̧ri̧renȩro̧jo̧ȩ ca̧ Ama̧i̧ pio ju̧i̧ —yo̧a̧dejȩrȩ.
Ado pio ju̧i̧iä yo̧requededibe ca̧ oti̧. Poë cürë jo̧rȩtachji̧vä bëdü järi̧ jo̧rȩtarea̧mi̧ dari̧. Jabechji̧ chjai̧dë pio ju̧i̧ japë ano̧chji̧vä. Chia chia, pio mȩnȩro̧ orë Ütë tjamo̧ pio ju̧i̧ ji̧dë u̧i̧ dabatärea̧ ji̧, cjäri̧ marenȩro̧jo̧ȩ, jabë tjamo̧ri̧ dabadërenȩro̧jo̧ȩ. Ado pio ju̧i̧iä idëri̧ cjia tjamo̧täreji̧ri̧nȩrȩ.
Ja̧di tara, ¿yö̧ta dari̧ jo̧rȩtatäreji̧ri̧rea̧rȩ ca̧ oti̧ go̧a̧ oa jurapea̧ pio ju̧i̧ chjiari, pumȩrȩ jëdano̧a̧ ütë pio ju̧i̧iäpȩmo̧ yürüa̧ go̧a̧ pio ju̧i̧ chjiari? Danȩrȩ, pio jiro ütë pio ju̧i̧ chjiari tjamo̧ri̧ dabarea̧rȩ. ‘Jabechji̧ teracaba ütëdida, ütëdë madida’ quëna̧ dabarea̧rȩ, tjamo̧ri̧ dabaji̧ri̧rȩ. Jabechji̧ Ütë tjamo̧ pio judimo̧de. Cja̧rȩmȩ maeade, ado judiri decjiade.
Jabechji̧ Ütë tjamo̧ judi chjö̧na̧i̧ oa pearä judirä pareaparërea̧ ji̧, jabechji̧ judi ni̧bärërea̧ ma̧ȩ oaiä tata mape bagarëremȩde ma̧i̧ da bagönȩ marërea̧ ji̧. Ado peaja̧dimi̧ dari̧ japarëremȩdiibe pio ibëiäpȩmo̧. Jabechji̧ bagönȩmi̧ darä jo̧rȩta marëreji̧ri̧rea̧rȩ. Tjamo̧ davä. A̧ro̧rȩ pearä judi dabadëa̧ oaiä, a̧ro̧rȩ Quiricho pio ju̧i̧ dabadëa̧ oaiä, jabechji̧ a̧dë chjäte bagönȩmi̧ darä jo̧rȩta marëreji̧ri̧rea̧rȩ, damirerea̧mi̧dërä. Jabo ¿tjana̧ japarëremȩdiibe Ütë tjamo̧ judi? Tjana̧ japadë, jabechji̧ tatami̧ darä jo̧rȩta tänȩrëremȩdiibe. Tjamo̧ davä, tatami̧ darä jo̧rȩta tänȩrëremȩdiibe a̧ro̧rȩ Quiricho pio ju̧i̧iä chjadëri̧ dabarea̧ dapea̧ oa, a̧ro̧rȩ Quiricho pio ju̧i̧iä Ütë tjamo̧ ja̧ jauëchjarea̧ pio ju̧i̧ chjiari dabaparea̧ dapea̧ oa. Tjamo̧ davä. A̧ro̧rȩ ma̧i̧ da bagönȩmi̧ darä jo̧rȩtarërea̧ ji̧, jabechji̧ pearä tata mape baga tänȩrërea̧mi̧ tatami̧ darä jo̧rȩta tänȩrëremȩdiibe Ütë tjamo̧ judi, a̧ro̧rȩ Quiricho pio ju̧i̧iä Ütë tjamo̧ ja̧ chjacjiamȩrea̧ pio ju̧i̧ chjiari chjadëri̧ dabaparea̧ dapea̧ oa.
Ado yaba̧ jabechji̧, Quiricho pio ju̧i̧ ji̧dë u̧i̧ dabatämi̧ cjiareconȩ, uëmo̧ uëmo̧ jo̧rȩtarea̧ decjiari̧. Ado bëdüa̧ oa cjiarëremȩ pio ju̧i̧ ja̧ ju chiarea̧ maeara̧ cjo̧ro̧tämi̧ cjiarequede ca̧ea̧dë maeara̧. Ado judi conȩda̧ oa cjo̧ro̧rërea̧mi̧ cjo̧ro̧tämi̧ cjiarequede peaja̧di, pio ju̧i̧ cho̧rëdiämȩrȩ. Danȩrȩ, jënȩ ja̧boa̧rä yuro ta̧rëdiärëremȩdejȩ Ütë tjamo̧ ju̧i̧. Peaja̧dimi̧ dari̧ ta̧rëdiätämi̧ cjiareconȩ ja̧bopai̧ dari̧ cjiamȩborë.
Tjamo̧ davä. 'Cüdë cjo̧ro̧rërea̧ üdë ba chiadë madida, icharaita chjarë ara̧ oa cjia̧ üdë ba chiadë madida, cüdë jo̧rȩtarërea̧ üdë badë madida, jabechji̧ pio coa chjätä tänȩpea̧ ji̧ nö̧tadë madida, eami̧ti̧ japea̧ üdë badë madida, jabechji̧ ami̧ da maea oa aeno̧cuni̧da, jabechji̧ ca̧ Ano̧mȩ Jechu Quiricho pio ju̧i̧ daba̧ üdë a̧dë chjäte ba chiadida' quëna̧ jo̧rȩtamȩpea̧requede Quiricho pio ju̧i̧ ja̧ pumȩpe jäpea̧ oa.
Ado judiro̧ o ji̧ri̧iä ta̧rërërea̧ oaiä, jabechji̧ pio dibë chjiari ji̧dë ma ni̧bä chjaorëreji̧ri̧diro̧ibe a̧ro̧rȩ pio ju̧ri̧pȩ jäa̧ ji̧. Ado a̧ro̧rȩ pio dibëiäpȩ jäa̧ pio ju̧i̧ chjiaribo ni̧bä chjaorëreji̧ri̧diro̧ibe. Aja̧, mȩnȩro̧ ibë chjadëri̧ jea̧ pio ju̧i̧ chjiari, ibë chjadëri̧ ëba cjo̧ro̧a̧ pio ju̧i̧ chjiari ni̧bä chjaoa̧diro̧ibe peaja̧di. Ado mȩnȩro̧ pumȩrȩ jëdano̧a̧ ütë pio ju̧i̧ putu jura̧ a̧dë chami̧ dari̧ jiadarërea̧ pio ju̧i̧ chjiari, Ütë tjamo̧ pio ju̧i̧iäpȩmo̧ ano̧ mire quëna̧rërea̧ pio ju̧i̧ chjiari ni̧bä chjaoa̧diro̧ibe peaja̧di. Aja̧, mȩnȩro̧ teracaba ütëdë ja̧ oa ano̧ mire ja̧bepaji̧ri̧pea̧ pio ju̧i̧ chjiari, ja̧bodëmȩ Ütë pio ju̧i̧ ja̧ oa ja̧bepaji̧ri̧pea̧ pio ju̧i̧ chjiari ni̧bä chjaorëreji̧ri̧diro̧ibe peaja̧di.
Ja̧di tara ca̧ oti̧, a̧ro̧rȩ Ütë tjamo̧ ja̧ oa china̧chjari̧ tutia̧ oa cjia tara, a̧ro̧rȩ a̧dëräpȩ baäpea̧ ji̧ ji̧mo̧ ëna̧diäa̧ oa cjia tara, jabechji̧ urëdi tjamo̧ oa jo̧rȩtatäreji̧ri̧rea̧ro̧jo̧ȩ Jechu pio ju̧i̧. Jabechji̧ Ütërë chjadüa̧ oa cjiadiibe Jechu judi. Ado pio ju̧i̧ tjamo̧ri̧ quëna̧ji̧ri̧pea̧rea̧ro̧jo̧ȩ. Tjamo̧ davä. Pio ibë chjiari ja̧bepamȩ pio ju̧i̧, Ütë tjamo̧ ja̧ dëbëräpȩ goë tuti ja̧bepamȩ pio ju̧i̧ tjamo̧ri̧ quëna̧ji̧ri̧pea̧rea̧ro̧jo̧ȩ.
Ado yaba̧ cüdë ji̧dë u̧i̧ go̧ȩpabea yaboi̧, jabechji̧ Ütë tjamo̧ pio ju̧i̧iä goë cjo̧dëmȩmi̧ dari̧ ni̧bätämi̧ cjiarequededibe. Danȩrȩ, ji̧dë u̧i̧ ji̧ra̧ri̧ a̧dotädidibe Ütë tjamo̧ judi. Ji̧dë u̧i̧ ji̧ra̧ri̧ yürütädidibe ma̧ chjupi̧ cjiari̧ jo̧rȩtarea̧ pio ju̧i̧. Jabechji̧ mȩnȩro̧ Ütë tjamo̧ pio ju̧i̧ ji̧dë u̧i̧ daba̧ oaiä, mȩnȩro̧ Ano̧mȩ Jechu Quiricho pio ju̧i̧ ji̧dë u̧i̧ daba̧ oaiä, jabechji̧ ji̧dë u̧i̧ ji̧ra̧ri̧ a̧de goami̧ dari̧ yürütädidibe a̧dorea̧ pio ju̧i̧, chji̧ goaera̧ jo̧rȩtarea̧ pio ju̧i̧. Aja̧, ja̧di ta̧rëri̧ ni̧bärequededibe ca̧ oti̧, Ütë tjamo̧ pio ju̧i̧iä goë cjo̧dëmȩmi̧ dari̧ ni̧bämȩrȩ pio dibë chjiari.
Ca̧ oti̧, ibëa̧ Ano̧mȩ Ütë pio judi a̧dë chjäte jauëchja tjamo̧de. Ado jibëa̧ jauëchja pio ju̧i̧ yürüdiibe a̧ro̧rȩ pio judiri ma̧na̧mȩ ju chiarea̧ra̧ pio ju̧ri̧ra̧ cjo̧ro̧pea̧ oa, a̧ro̧rȩ Ütë tjamo̧ pio judimi̧ dari̧ cjo̧ro̧pea̧ oa. Aja̧, ja̧di dari cjo̧ro̧pea̧ oa yürüdiibe jibëa̧ ju chiarea̧ pio ju̧i̧. Jabechji̧ ëna̧diärëremȩdiibe a̧ro̧rȩ a̧dë chjäte coëma cjiari̧ cjo̧ro̧pea̧ oa, a̧ro̧rȩ pio ju̧i̧ nö̧ta a̧dë chjäte tatari̧ cjiapea̧ oa. Jabechji̧ a̧ro̧rȩ yaba̧ pio ju̧i̧ tjamo̧ri̧ dabaji̧ri̧pea̧ oaiä, jibëa̧ ju chiarea̧ oa yürüdiibe a̧ro̧rȩ dami̧ti̧ chjadë oa chiapea̧ oa, a̧ro̧rȩ jabëdiärea̧ decjiari̧ cjo̧ro̧pea̧ oa.
Aja̧ ca̧ oti̧, ja̧di dari̧ a̧de goaji̧ri̧mi̧ dari̧ cjo̧ro̧pea̧ üdë ba chia tjamo̧de. Ado mȩnȩro̧ ja̧di dari̧ ji̧dë ma na̧rȩriä cjo̧ro̧ oaiä, jabechji̧ jurarea̧ to chiadëmȩmi̧ dari̧ cjo̧ro̧dëpanȩrȩ. Jabechji̧ mȩnȩro̧ ji̧dë u̧i̧ urëdi oa jo̧rȩtaji̧ri̧rȩ cjo̧ro̧a̧ oaiä ji̧dë u̧i̧ dabaparenȩro̧jo̧ȩ ibëa̧ Ano̧mȩ Jechu Quiricho pio ju̧i̧.
Ado cjo̧ro̧rea̧ yürümȩ pio judi na̧rȩa̧ oa cjiarëremȩde a̧ro̧rȩ pio ju̧i̧ irä darea̧mi̧ dari̧. Ado pio ju̧i̧iä a̧ro̧rȩ irä darërea̧ pio ju̧i̧ chjiari go̧ȩpe chjadürea̧ro̧dibe ca̧ oti̧, ‘pio judi tjamo̧dida’ quëna̧ji̧ri̧rȩ. Pio ju̧i̧ chjiari a̧ra̧ano̧rea̧ro̧dibe bucho ana̧ cjo̧ro̧rea̧ yürümȩ pio ju̧i̧ chjiari. Jabechji̧ pearäri ja̧ ëba cjiarëremȩde Ama̧i̧ tjamo̧ pio ju̧i̧ nö̧ta. Ado ja̧dëa ji̧ ji̧dë duri oa na̧rȩa̧ oa cjiarëremȩdiibe pio a̧ro̧rȩ irä darea̧mi̧ dari̧.
Tjamo̧ davä. A̧ro̧rȩ irä darërea̧ pio ju̧i̧ chjiari, a̧ro̧rȩ irä ta̧rërërea̧ pio ju̧i̧ chjiari a̧ra̧ano̧rea̧ro̧dibe ca̧ oti̧, mȩnȩro̧ pio ibë nö̧ta ori̧ bagari̧ ëba cjiarea̧ dapea̧ oa. Jabo danȩrȩ, pio ibë nö̧tamo̧dë, jabo Ama̧i̧ tjamo̧ pio ju̧i̧ nö̧ta ori̧ bagari̧ ëba cjiarea̧ dapanȩrȩ peaja̧di. Ado jibëa̧ Ja pio ju̧i̧ nö̧ta ori̧ bagari̧ ëba cjiarea̧ dapanȩrȩ peaja̧di, Jechu Quiricho pio ju̧i̧ nö̧ta.
Jabechji̧ eami̧ pumȩ üdë, ‘Aja̧, Jechu judi Ütërë mitëa̧ chjätä tänȩmȩ pio judidida’ quëna̧dërä judi, ‘jabechji̧dida’ quëna̧ dadëpadejȩ Ama̧i̧ tjamo̧ judi. Jabo eami̧ pumȩ üdë, ‘Aja̧, Jechu judi Ütë tjamo̧ ja̧ Joja pio judidida, Ütë tjamo̧ pio judi chjadüa̧ oa pio ibë chjiari birë ma̧na̧diibëda’ quëna̧mȩrȩ ni̧bä chjaorä judi, jabechji̧ ori̧ bagari̧ ëba cjiarea̧ dapade Ama̧i̧ tjamo̧ pio ju̧i̧ nö̧ta.
Jabo a̧ro̧rȩ, jabechji̧ Ütë tjamo̧ ja̧ pumȩrea̧rȩ. Ja̧di tara a̧ro̧rȩ a̧ra̧ano̧rä, jabechji̧ Ütë tjamo̧ ja̧ pumȩ pio judiro̧ ta̧rë ja̧bodiro̧ibe. Tjamo̧ davä. Pio judiro̧ ta̧rë ja̧bodiro̧ibe, jabo Ütë tjamo̧ ja̧ pumȩdë pio judiro̧, cjäri̧ madiro̧ibe, ta̧rë ja̧bodëdiro̧ibe. Ado danȩrȩ, ta̧rë ja̧bodëji̧ri̧ pio judiro̧, ‘jabechji̧ u̧i̧pamȩ ja̧ tjo pio ju̧i̧ chiaji̧ri̧diro̧da’ quëna̧ jo̧rȩtaji̧ri̧rȩ ütarë darea̧ro̧jȩrȩ, judiro̧ ta̧rëdëri̧ cjia̧ oaiä. Jabo ibë tjamo̧ri̧ ta̧rëtämi̧ cjiaji̧ri̧ pio ji̧ri̧ chjiari tjaoëpai̧ dari̧ jo̧rȩtarea̧rȩ. Jabechji̧ ibë ta̧rë ja̧boji̧ri̧ pio judiro̧, ‘Aja̧, Tjo tjamo̧ pio ju̧i̧ chiadiro̧da, tjamo̧i̧ cjiari̧ baämȩ ma̧ȩ pio ju̧i̧ dabarea̧ yürümȩ Tjo pio ju̧i̧ chiadiro̧da’ quëna̧ jo̧rȩtaji̧ri̧rȩ ütarë darea̧ro̧jȩrȩ ji̧ri̧. Tjamo̧ davä. Judiro̧ ta̧rëtämi̧ cjia tara ja̧di dari̧ jo̧rȩtarea̧rȩ pio ji̧ri̧ chjiari.
Ado peaja̧di dabarea̧rȩ Ütë tjamo̧ ja̧ Joja judi birë ma̧na̧pea̧ pio ju̧i̧ chjiari. Aja̧, ma̧na̧rëremȩde, ado yürürëremȩdiibe dabarea̧ oa, a̧ro̧rȩ 'Ütë tjamo̧ pio judidida' quëna̧ dabarea̧ dapea̧ oa. Ado yaba̧, a̧ro̧rȩ Ütë tjamo̧ pio ju̧i̧ tjamo̧ri̧ dabaji̧ri̧pea̧ tara, jabechji̧ pio ju̧i̧ nö̧ta ori̧ bagari̧ ëba cjiarea̧ daea̧rea̧rȩ a̧ro̧rȩ Jechu Quiricho pio judiri ja̧ mapea̧ tara, a̧ro̧rȩ Ütë tjamo̧ ja̧ Joja pio judiri ja̧ mapea̧ tara. Jabechji̧ Jechu Quiricho judi Ütë tjamo̧ pio judide. Ado pio judi tjamo̧de pio ibëiäpȩmo̧ bucho ana̧ cjo̧ro̧rea̧ yürümȩ judi.
Sanasan