Juan 16:4 - Biblia Pume

⁴ Aja̧, jabërä pio yoa ma̧ȩ oa yo̧requededibe mȩnȩro̧ dabadëchea oa mȩnȩro̧ chjai̧dëri̧ chjätäpea̧ pio ju̧i̧ chjiari. Ado ja̧dëa ji̧ japamitë chjätä ëte mȩnȩro̧ conȩda̧ oa cjo̧ro̧ro, ‘Aja̧, tjamo̧ri̧ yo̧a̧diibëda, judi yo̧a̧mi̧ chjai̧dë oa chjätäa̧ro̧da yaba̧’ quëna̧ jo̧rȩtapanȩrȩ —yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧ Jechu judi, judiro̧ chjai̧dë oa chjätäpea̧ pio ju̧i̧ chjiari. Ado Jechu judi ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ jibëa̧ jadü ji̧ri̧: —Danȩrȩ, cüdë pio dibë nö̧ta pearä ëba cjo̧ro̧rërea̧ ji̧, dibë a̧dë baäpea̧ pio ju̧i̧ chjiari ni̧bä chjaodëa̧requededibe.

Juan 16:4 Iomraidhean Croise

Mateo 10:7

Ado a̧ra̧ano̧riä tai̧chji̧vä. Ja̧di ta̧rëri̧ a̧ra̧ano̧riä tai̧chji̧vä. “Aja̧, Ütërë yo̧a̧ chja̧oeräpȩ cjo̧ro̧pea̧ japamitë üdë ma̧na̧pea̧ ji̧ querediä tjamo̧diibe” yo̧eji̧ri̧nȩrȩ.

Mateo 24:25

Aja̧ ca̧ pumȩ, ja̧di ta̧rëri̧ ni̧bä chjaorequededibe. Mȩnȩro̧ dabadëchea oa, jabechji̧ jabërä uapai̧ ta̧rëri̧ yo̧ë cji̧därequededibe. Ado a̧dë jo̧rȩtadëchji̧vä cüdë dibë yo̧a̧ pio ju̧i̧ ⁠—⁠yo̧a̧dejȩrȩ Jechu judi.

Mateo 9:15

Ado Jechu judi pio ji̧ri̧ ta̧rëa̧ oaiä, ja̧di ta̧rëri̧ yo̧mȩrȩ dëbë yo̧rëremȩdejȩrȩ na̧rȩrea̧ ma̧ȩmi̧ dara̧. Jabechji̧ iei̧ pea ëbamȩmi̧ darë na̧rȩrea̧ ma̧ȩmi̧ dara̧ ni̧bä chjaorëremȩdejȩrȩ, pio jȩa chjiari ni̧bämȩrȩ: ⁠—⁠Tjana̧ ju̧i̧iä jurarea̧ oa jiadadë, danȩrȩ, pumȩ judi jibëa̧ iei̧ pio ji̧ pea ëba̧rä, jabechji̧ pumȩ judiro̧ a̧dopapadirȩ airi̧ cjia airi̧ cjia jurapea̧ oa ⁠—⁠yo̧a̧dejȩrȩ⁠—⁠. Ado pea ëbamȩ judi pio ji̧ri̧di ëba a̧dopea̧ oaiä, jabechji̧ jurarea̧ pio ju̧i̧ jiadaji̧ri̧rȩ ëba a̧doparea̧mi̧dëde. Jabechji̧ jurapea̧de. Ana̧ri̧ jo̧rȩtadëpea̧de jabo ma̧ chiadëri̧ cjiaji̧ri̧rȩ a̧dopapea̧de. Ëba airi̧ cjiaji̧ri̧rȩ jurapea̧de. Aja̧, ja̧di tara yo̧requededibe ⁠—⁠yo̧a̧dejȩrȩ⁠—⁠. Danȩrȩ, üi̧ judi jibëa̧ iei̧ pio ji̧ pea ëba̧rä, jabechji̧ jurarea̧ pio ju̧i̧ jiadaji̧ri̧rȩ a̧dopadëpea̧de. Jabo dëdë, pea ëbamȩ üi̧ pio judi baë goa baäa̧ oa cjiarä, jȩa eadëji̧ri̧ ji̧ri̧iä baë goa baäa̧ oa cjiarä, jabechji̧ jibëa̧ pumȩ judiro̧ jurarea̧ pio ju̧i̧ a̧dë jo̧rȩtapadiro̧jo̧ȩ, judiro̧ odai̧ dari̧ jo̧rȩta̧ oaiä. Aja̧, pio jiro japamitërä, dëdë, jurarea̧ pio ju̧i̧ jiadaji̧ri̧rȩ ana̧ri̧ jo̧rȩtapai̧ dadiro̧jo̧ȩ Ütë tjamo̧ ju̧i̧ ⁠—⁠yo̧mȩrȩ dëbë yo̧rëremȩdejȩrȩ Jechu judi Juan pio ju̧i̧ ja̧ jadü pio ji̧ri̧iäpȩmo̧.

Marcos 13:23

Pio ju̧i̧iä na̧e chiachji̧vä. Jabërä yo̧a̧requededibe mȩnȩro̧ dabadëchea oa —yo̧mȩrȩ ni̧bä chjaoa̧dejȩrȩ jibëa̧ jadü 4 oa Jechu judi.

Marcos 2:19

Ado Jechu judi pio ji̧ri̧ ta̧rëa̧ oaiä, dëbë yo̧rëremȩdejȩrȩ na̧rȩrea̧ ma̧ȩmi̧ dara̧ pio ju̧ri̧ra̧. Jabechji̧ iei̧ pea ëbamȩmi̧ darë yo̧mȩrȩ ja̧di ta̧rëri̧ ni̧bä chjaorëremȩdejȩrȩ na̧rȩrea̧ ma̧ȩmi̧ dara̧, pio jȩa chjiari ni̧bämȩrȩ: —Tjana̧ ju̧i̧iä jurarea̧ oa jiadadë, danȩrȩ, pumȩ judi jibëa̧ iei̧ ji̧ pea ëba̧rä, jabechji̧ pumȩ judiro̧ a̧dopapadirȩ airi̧ cjia airi̧ cjia jurapea̧ oa —yo̧a̧dejȩrȩ—. Ado pea ëbamȩ judi pio ji̧ri̧di ëba a̧dopea̧ oaiä, jabechji̧ jurarea̧ pio ju̧i̧ jiadaji̧ri̧rȩ ëba a̧doparea̧mi̧dëde. Jabechji̧ jurapea̧de. Ana̧ri̧ jo̧rȩtadëpea̧de jabo ma̧ chiadëri̧ cjiaji̧ri̧rȩ a̧dopapea̧de.

Juan 13:19

Ado pio ibë nö̧ta tai̧mȩ pio ju̧i̧ chjiari ma̧ȩ üdë tjamo̧i̧ cjiari̧ cjiabea yaboi̧, jabërä yo̧requededibe mȩnȩro̧ pio coa chjiari coëma cjiari̧ quëna̧pea̧ oa, ‘Cüdërequede quȩmȩ pio judi tjamo̧dida’ quëna̧ dabapea̧ oa.

Juan 14:29

Jabechji̧ mȩnȩro̧ dabadëchea oa, jabërä yo̧requededibe, cüdë dibë a̧dë baäpea̧ pio ju̧i̧ chjiari. Ado ja̧dëa ji̧ cüdë baäa̧rä, ‘Aja̧ tjamo̧ri̧ yo̧a̧diibëda, jabërä chjadëri̧ yo̧a̧diibëda’ quëna̧rea̧ dapanȩrȩ.

Japarea̧ 9:16

Ado pio cüdë na̧rȩpareconȩ judi pio coa chjiari gitoi̧ dari̧ tarapea̧ pio ju̧i̧ chjiari. Ja̧di tara jabechji̧, goëdeno̧jo̧ȩ —yo̧a̧dejȩ.

Techaronichȩche Ma̧ȩ 2 2:5

Danȩrȩ ca̧ oti̧, ¿jo̧rȩtadënȩrȩ? Cüdë pio dibë nö̧ta jabë ëba cjo̧ro̧rërea̧ ji̧, dibë pio jiro ma̧ȩ oa ni̧bä chjaorërea̧ ji̧, ¿jo̧rȩtadënȩrȩ?

Pedro Ma̧ȩ 2 1:14

Jabechji̧ cüdë ja̧bopea̧ ji̧ querediä tjamo̧dique. Peaja̧di dari̧ daba tänȩa̧dique ibëa̧ Ano̧mȩ Jechu Quiricho pio judi.