Juan 16:3 - Biblia Pume

³ Jabechji̧ Ama̧i̧ tjamo̧ pio ju̧i̧ dabadë tara, ja̧di dari̧ jo̧rȩtapadirȩ, pio coabo dabadë tara.

Juan 16:3 Iomraidhean Croise

Lucas 10:22

Ja̧dëa ji̧ Jechu judi ado ni̧bärëremȩdejȩrȩ jibëa̧ jadü ji̧ri̧, 72 oa. Ja̧di ta̧rëri̧ yo̧mȩrȩ ni̧bä chjaoa̧dejȩrȩ: —Danȩrȩ ca̧ pumȩ, tjamo̧ yo̧rea̧ yürüa̧dique ca̧ Ama̧i̧ judi chjö̧na̧i̧därärë ca̧ chja̧oerämo̧ cjiarea̧mi̧ dari̧ —yo̧a̧dejȩrȩ—. Aja̧, ca̧ Ama̧i̧ pio judi chjadëri̧ dabadique. O judiro̧ tjamo̧ri̧ dabadëdiro̧coe jabo ca̧ Ama̧i̧ pio judimo̧rȩ tjamo̧ri̧ dabadique. Ado cüdë peaja̧di tjamo̧ri̧ dabareconȩ ca̧ Ama̧i̧ pio ju̧i̧. O judiro̧ tjamo̧ri̧ dabadë madiro̧jo̧ȩ jabo cüdë, dëdë, tjamo̧ri̧ dabareconȩ. Ado cüdë mitëa̧ pio ji̧ri̧bo daba tänȩparequedejȩrȩ ca̧ Ama̧i̧ pio ju̧i̧ —yo̧a̧dejȩrȩ.

Juan 15:21

Jabo o judiro̧, jabechji̧ ma̧i̧ dari̧ japapadiro̧dibe, mȩnȩro̧ ca̧ea̧pea̧ tara. Jabechji̧ pio coa chjadüa̧mȩ pio ju̧i̧ dabadë tara, ja̧di dari̧ japajadiro̧dibe —yo̧a̧dejȩrȩ—.

Juan 15:23

Ado pio judiro̧dirȩ coaiäpȩmo̧ goëdëri̧ cjiaji̧ri̧ judiro̧. Ado pio coaiäpȩmo̧ goëdëri̧ cjiaji̧ri̧ judiro̧, peaja̧di goëdëri̧ cjiadiro̧jo̧ȩ ca̧ Ama̧i̧ pio ju̧i̧iäpȩmo̧.

Juan 17:25

Danȩ Ama̧i̧, chjai̧dë oa miredëmȩ Ama̧i̧renȩ. Ado dai chirirä ja̧ jo̧rȩtaji̧ri̧ pio judiro̧ dabadëdiro̧mȩ. Jabo dabarequedemȩ cüdë. Ado pio jiro pumȩ judiro̧, mȩnȩ coa chjadüa̧ pume pio judiro̧ peaja̧di chjadëri̧ dabadiro̧mȩ.

Juan 17:3

Jabechji̧ pio mȩa dabadiro̧mȩ Ama̧i̧. Ado pio mȩa daba̧ üdë bucho ana̧ cjo̧ro̧rea̧de. Aja̧ Ama̧i̧, pio judimo̧rȩnȩ, ado judiri decjiade. Tjamo̧ri̧ cjiamȩ Ütë pio judimo̧renȩ. Ado pio mȩnȩrenȩ coa chjadürëremȩ judi pio yoa chiriräpȩmo̧ ma̧na̧pea̧ ji̧. Aja̧ Ama̧i̧, Jechu Quiricho pio judirequede. Ado pio coa chjadürëremȩrenȩque. Ado ca̧ jadü judiro̧ peaja̧di dabadiro̧coe. Jabechji̧ pio coa daba̧ üdë, peaja̧di bucho ana̧ cjo̧ro̧rea̧de —yo̧mȩrȩ ni̧bärëremȩdejȩ Jechu judi jibëa̧ Ama̧i̧ ju̧i̧iäpȩmo̧.

Juan 8:19

Jabo ja̧dëa ji̧ ado iëno̧ë ta̧rëa̧diro̧jo̧ȩ Jechu ju̧i̧: —¿Jabo tjana̧räpȩde na̧ Ama̧i̧ judi? Ado Jechu judi dëbë yo̧a̧dejȩrȩ: —Danȩrȩ, mȩnȩro̧ pio coa tjamo̧ri̧ dabadërenȩro̧coe. Ado ca̧ Ama̧i̧ pio ju̧i̧bo dabadërenȩro̧jo̧ȩ. Jabechji̧ pio coa tjamo̧ri̧ dabarä judi, peaja̧di dabatäreji̧ri̧renȩro̧jo̧ȩ ca̧ Ama̧i̧ pio ju̧i̧ —yo̧a̧dejȩrȩ.

Juan 8:55

Jabo mȩnȩro̧, cjäri̧ marenȩro̧jo̧ȩ, dabadërenȩro̧jo̧ȩ. Tjamo̧ davä. Mȩnȩro̧ dabadërenȩro̧jo̧ȩ, jabo pio cüdë, jabechji̧ dabareconȩ. Jabo danȩrȩ, cüdë yo̧rä judi, “Aja̧, dabadëreconȩ” yo̧a̧rä judi, jabechji̧ ma̧ȩ chjádë yürütäremȩrequede pio mȩnȩro̧mi̧ dari̧ —yo̧a̧dejȩrȩ—. Jabo dëdë, dabareconȩ Ütë tjamo̧ ju̧i̧, ado pio ju̧i̧ ja̧ ma̧ȩrä cjo̧ro̧requede.

Japarea̧ 3:17

Jabo danȩrȩ ca̧ oti̧, tjamo̧ri̧ dabarequede pio dibë chjiari, tjamo̧ yo̧ji̧ri̧ pio ji̧ri̧ chjiari. Jabechji̧ dabadëa̧nȩrȩ. Mȩnȩro̧ ma̧i̧ dari̧ japea̧ ji̧, 'Aja̧, Jechu judi Chjätä Tänȩmȩ pio judidida' quëna̧ dabadërëreji̧ri̧nȩrȩ.

Cori̧tio Ma̧ȩ 1 2:8

Jabo cjäri̧ madirȩ, pio yoa chiri oa tjamo̧ yo̧ji̧ri̧ pio judiro̧ pio jiro ma̧ȩ oa tjamo̧ri̧ dabadërëreji̧ri̧diro̧jo̧ȩ. Ütë tjamo̧ judi pearä ütarë jo̧rȩtarërea̧ pio ju̧i̧ chjiari tjamo̧ri̧ dabadërëreji̧ri̧diro̧jo̧ȩ. Jabechji̧ tjamo̧ri̧ daba̧rä judi, a̧dë chjäte jauëchjamȩ pio ju̧i̧ toro cji̧de ja̧bo tänȩdëa̧täreji̧ri̧diro̧jo̧ȩ judiro̧. Tjamo̧ davä. ‘Pio judidida’ quëna̧ daba̧rä judi, jabechji̧ ibëa̧ Ano̧mȩ pio ju̧i̧ toro cji̧de ja̧bo tänȩdëa̧täreji̧ri̧diro̧jo̧ȩ.

Techaronichȩche Ma̧ȩ 2 1:8

Ado ja̧dëa ji̧ ma̧i̧ dari̧ japamȩrȩ bape chjaopadejȩrȩ Ütë tjamo̧ ju̧i̧ dabadëji̧ri̧ pio ji̧ri̧. Aja̧, Ano̧mȩ Jechu pio ju̧i̧ chjiari ma̧ȩ chjadëi̧ oa quëna̧dëji̧ri̧ pio ji̧ri̧ bape chjaopadejȩrȩ.

Timoteo Ma̧ȩ 1 1:13

Aja̧, a̧dë chjäte ma̧i̧ dari̧ japamȩ oa, pio jȩa chjiari chjai̧dëri̧ ni̧bämȩ oa, pio jȩaiäpȩmo̧ conȩdamȩmi̧ dari̧ japamȩ oa mitërëremȩdique, pio jȩaiäpȩmo̧ aeno̧ chjao ni̧bämȩmi̧ dari̧ ni̧bämȩ oa. Jaboti̧ri̧ mitërëremȩdique. Jabechji̧ cjäri̧ri̧ cjia jo̧rȩtamȩrȩ darëremȩdique quëna̧dëmȩ oa, ‘chjai̧dëri̧ jape chjaoquëda’ quëna̧dëmȩ oa.

Juan Ma̧ȩ 1 2:23

Jabechji̧ eami̧ pumȩ üdë, ‘Aja̧, Jechu judi Ütërë mitëa̧ chjätä tänȩmȩ pio judidida’ quëna̧dërä judi, ‘jabechji̧dida’ quëna̧ dadëpadejȩ Ama̧i̧ tjamo̧ judi. Jabo eami̧ pumȩ üdë, ‘Aja̧, Jechu judi Ütë tjamo̧ ja̧ Joja pio judidida, Ütë tjamo̧ pio judi chjadüa̧ oa pio ibë chjiari birë ma̧na̧diibëda’ quëna̧mȩrȩ ni̧bä chjaorä judi, jabechji̧ ori̧ bagari̧ ëba cjiarea̧ dapade Ama̧i̧ tjamo̧ pio ju̧i̧ nö̧ta.

Juan Ma̧ȩ 1 3:1

Ütärë jo̧rȩtachji̧vä Ütë tjamo̧ judi ibë ana̧ri̧ eapea̧ pio ju̧i̧ chjiari ca̧ oti̧. Jabechji̧ judi ibë ütararea̧mi̧dëri̧ a̧dë chjäte ji̧ra̧ri̧ eapea̧ pio ju̧i̧ chjiari ütarë jo̧rȩtachji̧vä. Jabechji̧ judi ibë ja̧di dari̧ ea tara, ‘ca̧ u̧ri̧diro̧ca̧da’ quëna̧ jo̧rȩtamȩrȩ dadiibe. Tjamo̧ davä ca̧ oti̧, Ütë tjamo̧ pio ju̧i̧ ja̧ u̧ri̧ tjamo̧rea̧rȩ. Jabo quëna̧dëji̧ri̧ pio judiro̧, cjäri̧ madiro̧ibe, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadë madiro̧ibe. Tjamo̧ davä. Judiro̧ ibëa̧ Ama̧i̧ Ütë pio ju̧i̧ dabadë tara, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadëdiro̧ibe.

Juan Ma̧ȩ 1 4:8

Jabo eami̧ pumȩ üdë o ji̧ri̧iäpȩmo̧ tjamo̧ri̧ eadërä judi, jabechji̧ tjamo̧ri̧ dabadëdejȩ Ütë tjamo̧ ju̧i̧. Jabechji̧ Ütë tjamo̧ pio judiri ma̧na̧diibe earea̧ üdë. Ado pio ju̧i̧iä eami̧ pumȩ judi o ji̧ri̧iäpȩmo̧ tjamo̧ri̧ eadërä judi, jabechji̧ tjamo̧ri̧ dabadëdejȩ Ütë tjamo̧ ju̧i̧.

Juan Ma̧ȩ 1 5:20

Ado peaja̧di dabarea̧rȩ Ütë tjamo̧ ja̧ Joja judi birë ma̧na̧pea̧ pio ju̧i̧ chjiari. Aja̧, ma̧na̧rëremȩde, ado yürürëremȩdiibe dabarea̧ oa, a̧ro̧rȩ 'Ütë tjamo̧ pio judidida' quëna̧ dabarea̧ dapea̧ oa. Ado yaba̧, a̧ro̧rȩ Ütë tjamo̧ pio ju̧i̧ tjamo̧ri̧ dabaji̧ri̧pea̧ tara, jabechji̧ pio ju̧i̧ nö̧ta ori̧ bagari̧ ëba cjiarea̧ daea̧rea̧rȩ a̧ro̧rȩ Jechu Quiricho pio judiri ja̧ mapea̧ tara, a̧ro̧rȩ Ütë tjamo̧ ja̧ Joja pio judiri ja̧ mapea̧ tara. Jabechji̧ Jechu Quiricho judi Ütë tjamo̧ pio judide. Ado pio judi tjamo̧de pio ibëiäpȩmo̧ bucho ana̧ cjo̧ro̧rea̧ yürümȩ judi.