Juan 16:16 - Biblia Pume

¹⁶ Ado Jechu judi jibëa̧ jadü pio ji̧ri̧ ji̧dë u̧i̧ ni̧bä chjaomȩrȩ a̧de yo̧rëremȩdejȩrȩ: —Danȩrȩ, japamitë boi̧chji̧ chjätä ëte, dadëparenȩro̧coe. Ado ja̧dëa ji̧ ji̧dë duri oa ado chjereno̧ daparenȩro̧coe —yo̧a̧dejȩrȩ Jechu judi.

Juan 16:16 Iomraidhean Croise

Marcos 16:19

Ado Ano̧mȩ Jechu judi jibëa̧ jadü pio ji̧ri̧ nö̧ta ni̧bä chjaoa̧ duri oa, cjitë tänȩa̧ oa cjiarëremȩde a̧dëräpȩ yuro. Ado Ütë tjamo̧ pio ju̧i̧ ja̧ mu̧i̧ chjuari pio judiri chadäräa̧de, ba chia tjamo̧räpȩ.

Juan 12:35

Ado Jechu judi dëbë yo̧a̧dejȩrȩ: —Danȩrȩ, japamitë boi̧chji̧ maea oa cjiadique tatami̧ damȩ ju̧i̧, dibëa̧ chjarerä cjo̧ro̧pea̧ ji̧. Jabechji̧ dibë a̧dë baäpea̧ ji̧ querediä tjamo̧requede. Ado pio ju̧i̧iä yo̧requededibe. Tatami̧ damȩ pio judi jabë cjo̧ro̧a̧ nö̧ta, jabechji̧ tatami̧ darämo̧ cjo̧ro̧chji̧vä. Aja̧, bagönȩ üdë dibë chjaodëri̧ acji jana̧mi̧ dari̧ japachea oa tatami̧ darämo̧ cjo̧ro̧chji̧vä. Jabechji̧ bagönȩrä ta̧i̧mȩ judi, ‘ja̧dira̧ baäquëda’ quëna̧ dabadëmȩrȩ ta̧ide.

Juan 13:3

Ado Jechu judi Ama̧i̧rȩ pio jȩaiäpȩmo̧ jauëchja oa yürüa̧ pio ju̧i̧ chjiari dabarëremȩde. ‘Aja̧, jibëa̧ jauëchjarea̧ chjö̧na̧i̧ oa yürüa̧dicoada, a̧dë chjäte ji̧ra̧ri̧ cjiamȩ jauëchjarea̧ pio ju̧i̧ yürüa̧dicoada’ quëna̧ dabarëremȩde. Ado jënȩ a̧dëri jana̧pea̧ pio ju̧i̧ chjiari, ado jënȩ ado chjereno̧ baäpea̧ pio ju̧i̧ chjiari peaja̧di dabarëremȩde. ‘Aja̧, Ütë tjamo̧ pio judiri birë ma̧na̧quëda, ado pio ju̧i̧iäpȩ ado chjereno̧ baäpaquëda’ quëna̧ dabarëremȩde.

Juan 13:33

Ado yaba̧ ca̧ u̧ri̧, japamitë boi̧chji̧ chjätä ëte, a̧dë baäparequededibe. Na̧taparenȩro̧coe, jabo dadärädëparenȩro̧coe. Jabechji̧ tjamo̧ yo̧ji̧ri̧ judio pio ji̧ri̧ yo̧rërea̧mi̧ yo̧requededibe peaja̧di. Cüdë baäpea̧räpȩ baärea̧mi̧dënȩrȩ.

Juan 16:10

Ado peaja̧di jo̧rȩta tänȩpadejȩrȩ pio coaiä jabechji̧parȩa̧ oa cjiapea̧ pio ju̧i̧ chjiari. Danȩrȩ, cüdë Ama̧i̧ tjamo̧ pio ju̧i̧iäpȩ baäa̧rä, dadëparenȩro̧coe. Jabo cüdë pio ju̧i̧iäpȩ baäa̧rä, chjadüpareconȩ Tjo tjamo̧ pio ju̧i̧. Ado pio judi chjadëri̧ jo̧rȩta tänȩpadejȩrȩ pumȩ ji̧ri̧ jabechji̧parȩa̧ oa cjiapea̧ pio ju̧i̧ chjiari, pio coaiä jabechji̧parȩa̧ oa cjiapea̧ pio ju̧i̧ chjiari.

Juan 16:22

Peaja̧dimi̧ dari̧ cjiapanȩrȩ mȩnȩro̧. Gito ana̧ri̧ jo̧rȩtanȩrȩ yaba̧, cüdë dibë a̧dë baäpea̧ yo̧a̧ oaiä. Jabo danȩrȩ, daparequededibe ado chjereno̧ —yo̧a̧dejȩrȩ—. Ado judirä, a̧dë chjäte ma̧ chiadëri̧ cjiapanȩrȩ, o judiro̧ dibë tja̧rȩparȩrea̧mi̧dëri̧, o judiro̧ dibë ma̧ chiadëri̧ cjiadëpe baga tänȩrea̧mi̧dëri̧.

Juan 16:28

Aja̧, Ama̧i̧ tjamo̧ pio judi chjadüa̧ oa birë ma̧na̧requede —yo̧a̧dejȩrȩ—. Birë ma̧na̧requede dai chiriräpȩ cjo̧ro̧pea̧ oa. Jabo pio yoa chiri oa a̧dë baäpareconȩ ado chjereno̧, Ama̧i̧ pio ju̧i̧iäpȩ baäpea̧ oa —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧.

Juan 16:5

Jabo yaba̧ coa chjadüa̧mȩ pio ju̧i̧iäpȩ baäpea̧ ji̧ querediä tara, jabechji̧ ni̧bä chjaopea̧ chiarequededibe —yo̧a̧dejȩrȩ—. "¿Jabo tjana̧räpȩ baäpanȩ?” yo̧ji̧ri̧rȩ iëno̧ ta̧rëdë marenȩro̧coe.

Juan 17:13

Ado ji̧dë u̧i̧ yo̧mȩrȩ a̧de yo̧a̧dejȩ Jechu judi: —Aja̧ Ama̧i̧, japamitë boi̧chji̧ chjätä ëte, pio mȩaiäpȩ baäparequede —yo̧a̧dejȩ—. Jabo cüdë pio yoa chirirä jabë cjo̧ro̧a̧ nö̧ta, ma̧ȩ ji̧ra̧ oa ni̧bäa̧requedejȩrȩ ca̧ jadü ji̧ri̧, judiro̧ a̧dë chjäte ma̧ chiadëri̧ cjiari̧ cjo̧ro̧pea̧ oa, judiro̧ ca̧ chji̧ goaera̧ jo̧rȩtapea̧ oa, judiro̧ ca̧ea̧ri ma̧na̧mȩ ma̧ chiadëri̧ cjiarea̧ra̧ cjo̧ro̧pea̧ oa.

Juan 17:5

Ado yaba̧ Ama̧i̧, japamitë boi̧chji̧ chjätä ëte, ado baäparequede pio mȩaiäpȩ. Ado cüdë pio ju̧ri̧pȩ go̧düdäräa̧rä, jabechji̧ Ama̧i̧, ca̧ chjacjiamȩrea̧ üdë ado chjereno̧ ana̧ri̧ na̧rȩa̧ oa cjiapea̧ oa japavä. Aja̧, ca̧ chjacjiamȩrea̧ üdë pearä na̧rȩa̧ oa cjiarërea̧mi̧, na̧rȩa̧ oa cjiatä eareconȩ Ama̧i̧, dabu üdë jabë pareapea̧ oa cjiadëa̧rä cjiarërea̧mi̧ —yo̧mȩrȩ yo̧a̧dejȩ Jechu judi jibëa̧ Ama̧i̧ ju̧i̧.

Juan 7:33

Ado ja̧dëa ji̧ yo̧a̧dejȩrȩ Jechu judi ju̧i̧ ja̧ yuroro a̧dopë cjiaji̧ri̧ oa: —Danȩrȩ, japamitë boi̧chji̧ maea oa ëba cjiaparequededibe —yo̧a̧dejȩrȩ—. Ado japamitë boi̧chji̧ chjätä ëte, ado chjereno̧ baäparequede coa chjadüa̧mȩ pio ju̧i̧iäpȩ.

Japarea̧ 1:3

Aja̧ Jechu judi toro gitoi̧ dari̧ ja̧boa̧remȩrȩ ado chjereno̧ bëdüa̧de. Ado bëdüa̧mȩ oa jënȩ chjadüa̧ pio judiro̧ co ji̧ra̧ri̧ dae chjaorëreji̧ri̧diro̧jo̧ȩ. Jabechji̧ pio jȩaiäpȩmo̧ irä darea̧mi̧ dari̧ na̧rȩ chjaorëremȩdejȩrȩ do ji̧ra̧ nö̧ta, 40 do nö̧ta. 'Aja̧, tjamo̧ri̧ bëdüa̧dida, toro ja̧boa̧remȩ pio judi tjamo̧ri̧ bëdüa̧dida' quëna̧rea̧mi̧ dari̧ na̧rȩ chjaorëremȩdejȩrȩ babui̧ra̧. Ado pio ju̧i̧iä irä daea̧diro̧jo̧ȩ. Irä ta̧rëa̧diro̧jo̧ȩ. Aja̧, Ütërë yo̧a̧ chja̧oerä cjo̧ro̧pea̧ pio ju̧i̧ chjiari ni̧bä chjaoa̧mȩ oa irä ta̧rëa̧diro̧jo̧ȩ.

Ebereo Ma̧ȩ 12:2

Ado ja̧di dari̧ japarea̧ darea̧rȩ a̧ro̧rȩ Jechu pio ju̧i̧iäpȩmo̧ ji̧dë ma dami̧ dari̧ jo̧rȩta̧ oaiä. Jabechji̧ pio ju̧i̧iä taruparëremȩde a̧ro̧rȩ quëna̧ üdë. Ado pio ju̧i̧iä peaja̧di nö̧tadäräri̧ quëna̧rea̧ darea̧rȩ. Jabechji̧ Jechu pio ju̧i̧iä peaja̧di ju chiarea̧ darea̧rȩ nö̧tadäräri̧ quëna̧pea̧ oa, pio judimi̧ dari̧ quëna̧pea̧ oa. Jabechji̧ pio judi toro cji̧däa̧ oa cjia̧rä, ‘Aja̧, ca̧ goe oaiä noi̧dërë chjätärea̧ dapadiro̧da’ quëna̧ jo̧rȩta̧ oaiä, jabechji̧ ma̧ chiadëri̧ cjiari̧ jo̧rȩtamȩrȩ chjätärëremȩde pio jiro ma̧i̧ da chjai̧dë oa. Jabechji̧ ma̧ chjua jo̧rȩtamȩrȩ chjätärëremȩde, pio jȩa idëri̧ cjia tänȩa̧ pio ju̧i̧ chjiari bücjüri̧ cjiadëmȩrȩ. Ado yaba̧ chadäräa̧ oa cjiade tjamo̧ yo̧mȩ Ütë pio ju̧i̧ ja̧ mu̧i̧ chjuaräpȩ ju̧ri̧.