Juan 15:10 - Biblia Pume

¹⁰ Danȩrȩ, cüdë ca̧ Ama̧i̧ pio ju̧i̧ ta̧rëdiäa̧ oaiä cjo̧ro̧requede judi ea̧ chja̧oerä. Ado peaja̧di dari̧ cjo̧ro̧panȩrȩ. Aja̧, cüdë dibë yo̧a̧ pio ju̧i̧ ta̧rëdiäa̧ oaiä, jabechji̧ cüdë ea̧ chja̧oerä cjo̧ro̧panȩrȩ peaja̧di —yo̧a̧dejȩrȩ Jechu judi.

Juan 15:10 Iomraidhean Croise

Go̧dürea̧ Ma̧ȩ 7:6

Ado Jeova judi yo̧a̧mi̧ nötadäräri̧ japarëreji̧ri̧dirȩ Moiche judi, Aro̧ judi.

Ichaia 50:5

Danȩrȩ, Ano̧mȩ Ütë pio judi urëdi tjamo̧ oa jo̧rȩtarea̧ yürüa̧dique. Ado judi coa daba tänȩa̧ pio ju̧i̧ putu jura̧ a̧dë chami̧ dari̧ jiadadëa̧reconȩ, jabo jabechji̧ chjuari̧ quëna̧reconȩ pio ju̧i̧ ja̧ ma̧ȩ oa.

Juan 10:18

Eami̧ üdë coa ja̧bo tänȩrea̧mi̧dëdique. Jabo jabechji̧, ca̧ea̧ ma̧na̧ri̧ jo̧rȩtamȩrȩ yürürequede ca̧ icjara oa ja̧bopea̧ oa —yo̧a̧dejȩrȩ—. Jabechji̧ jauëchjamȩrȩ yürüpai̧ darequede ca̧ icjara oa judiro̧ coa ja̧bo tänȩpea̧ oa. Ado cüdë jauëchja tara, jabechji̧ ado chjereno̧ mitëpai̧ darequede peaja̧di ca̧ cjo̧ro̧rea̧ pio ju̧i̧. Ado chjereno̧ cjo̧ro̧pai̧ darequede. Ado peaja̧di dari̧ japatä yo̧a̧dique ca̧ Ama̧i̧ judi —yo̧a̧dejȩrȩ Jechu judi.

Juan 12:49

Tjamo̧i̧ cjiari̧ yo̧requededibe. Danȩrȩ, ca̧ea̧ ma̧na̧ri̧ jo̧rȩtamȩrȩ ni̧bädë marequede, jabo coa chjadüa̧mȩ pio judi yo̧a̧ duri pio ju̧i̧mo̧i̧ ni̧bärequededibe, ca̧ Ama̧i̧rȩ yo̧a̧ duri pio ju̧i̧mo̧i̧.

Juan 14:15

Ado Jechu judi jibëa̧ jadü pio ji̧ri̧ ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧rëremȩdejȩrȩ: —Danȩrȩ, mȩnȩro̧ pio coa earä judi, ta̧rëdiäpanȩrȩ cüdë yo̧a̧ pio ju̧i̧ —yo̧a̧dejȩrȩ—.

Juan 14:21

Danȩrȩ, cüdë yo̧a̧ pio ju̧i̧ ta̧rë ja̧boji̧ri̧rȩ ta̧rëdiäji̧ri̧ pio judiro̧ eadiro̧coe. Ado coa eaji̧ri̧ pio ji̧ri̧ eapadejȩrȩ ca̧ Ama̧i̧ judi. Ado cüdë peaja̧di eaparequedejȩrȩ. Ado pio coa chjiari ana̧ri̧ na̧rȩparequedejȩrȩ, are iëmi̧ dari̧ daba tänȩmȩrȩ —yo̧a̧dejȩrȩ.

Juan 14:23

Ado Jechu judi dëbë yo̧a̧dejȩ: —Danȩ, pio coa eaji̧ri̧ judiro̧ cüdë a̧ra̧ano̧a̧ pio ju̧i̧ ta̧rëdiäpadiro̧jo̧ȩ —yo̧a̧dejȩrȩ—. Ado ca̧ Ama̧i̧ pio judiborë eapadejȩrȩ. Ado pio ji̧ri̧iäpȩ go̧düdäräparequede ca̧ Ama̧i̧ pio ju̧i̧ nö̧ta, pio ji̧ri̧ ja̧ icjararä bëpapea̧ oa bucho ana̧.

Juan 14:31

Ca̧ Ama̧i̧ pio ju̧i̧ ja̧ chja̧oerämo̧ cjo̧ro̧requede. Ado pio ju̧i̧iä nö̧tadäräri̧ ta̧rëdiäreconȩ. Aja̧, dai chirirä cjo̧ro̧ji̧ri̧ judiro̧ pio coa chjiari chjadëri̧ dabapea̧ oa, pio ji̧ri̧iäpȩmo̧ chjadëri̧ na̧rȩpea̧ oa, jabechji̧ chjadëri̧ ta̧rëdiäreconȩ ca̧ Ama̧i̧ ju̧i̧. ‘Aja̧, Jäjäa pio ju̧i̧ ea tjamo̧diji̧da, jibëa̧ Ama̧i̧ pio ju̧i̧ tjamo̧ri̧ eadiji̧da, ado pio ju̧i̧iä ji̧dë ma ta̧rëdiädiji̧da’ quëna̧ dabapea̧ oa na̧rȩrequedejȩrȩ, ca̧ Ama̧i̧ pio ju̧i̧ ji̧dë ma ta̧rëdiäa̧ oaiä. Jabo danȩrȩ, jaechji̧ibe. Pio yudiri baätärȩ —yo̧mȩrȩ ni̧bä chjaorëremȩdejȩrȩ Jechu judi jibëa̧ jadü ji̧ri̧ mechjaräpȩji̧ri̧ oa, jënȩ ja̧bopea̧ ji̧ querediä tjamo̧mȩrȩ.

Juan 17:4

—Aja̧ Ama̧i̧, cüdë dai chirirä cjo̧ro̧a̧ nö̧ta, chjadëri̧ na̧rȩa̧requede na̧ chjacjiamȩrea̧ pio ju̧i̧ —yo̧a̧dejȩ—. Ado mȩnȩ coa yürüa̧ ja̧beparea̧ pio ju̧i̧ japadäräa̧reconȩ.

Juan 4:34

Jabo Jechu judi yo̧a̧dejȩrȩ: —Danȩrȩ, ca̧ jurarea̧ üdë, coa chjadüa̧mȩ pio ju̧i̧ ja̧ ma̧ȩ oa ta̧rëdiärea̧de. Jabechji̧ judi pio coaiäpȩmo̧ yürüa̧ ja̧beparea̧ pio ju̧i̧ ja̧bepadärätämi̧ cjiareconȩ. Pio judi tjamo̧de ca̧ jurarea̧ üdë. Pio ju̧i̧iä ju chiarea̧ darequede —yo̧a̧dejȩrȩ—. Danȩrȩ, mȩnȩro̧ jurarea̧ goae oa jura̧ oaiä ma̧ chiadëri̧ cjianȩrȩ. Ado peaja̧dimi̧ dari̧ cjiarequede ca̧ Amai̧ ja̧ ma̧ȩ oa ta̧rëdiäa̧ oaiä.

Juan 8:29

Ado danȩrȩ, pio coa chjadüa̧mȩ judi, jabechji̧ pio coadimȩde. A̧dë baädë madique. Jabechji̧ pio ju̧i̧iä goae tjamo̧ pio ju̧i̧mo̧i̧ japamȩrȩ cjo̧ro̧requede —yo̧mȩrȩ ni̧bä chjaorëremȩdejȩrȩ pjaricheo ji̧ri̧iäpȩmo̧ Jechu judi.

Juan 8:55

Jabo mȩnȩro̧, cjäri̧ marenȩro̧jo̧ȩ, dabadërenȩro̧jo̧ȩ. Tjamo̧ davä. Mȩnȩro̧ dabadërenȩro̧jo̧ȩ, jabo pio cüdë, jabechji̧ dabareconȩ. Jabo danȩrȩ, cüdë yo̧rä judi, “Aja̧, dabadëreconȩ” yo̧a̧rä judi, jabechji̧ ma̧ȩ chjádë yürütäremȩrequede pio mȩnȩro̧mi̧ dari̧ —yo̧a̧dejȩrȩ—. Jabo dëdë, dabareconȩ Ütë tjamo̧ ju̧i̧, ado pio ju̧i̧ ja̧ ma̧ȩrä cjo̧ro̧requede.

Cori̧tio Ma̧ȩ 1 7:19

Jabechji̧ budoa̧ üdë ba chiadëde. Ado budodëa̧ üdë, peaja̧di ba chiadëde. Jabo Ütë tjamo̧ judi yo̧a̧ pio ju̧i̧ ta̧rëdiäpea̧ üdë, dëdë, ba chia tjamo̧de.

Techaronichȩche Ma̧ȩ 4:1

Ado yaba̧ ibëa̧ oti̧, Ano̧mȩ Jechu pio ju̧i̧ ja̧ quȩrä chi̧dëeatarea̧ro̧dibe mȩnȩro̧ pio ibëiä dabapea̧mi̧ cjo̧ro̧tä. Jabechji̧ pio ibëiä dabapea̧nȩrȩ Ütë tjamo̧ ju̧i̧iäpȩmo̧ ma̧ chiadëri̧ cjiaparȩji̧ri̧rȩ cjo̧ro̧pea̧ ji̧. Ado dëdë, ja̧di dari̧ cjo̧ro̧nȩrȩ, jabo ji̧dë u̧i̧ järitä earea̧ro̧dibe.

Ebereo Ma̧ȩ 7:26

Pio ju̧i̧iä jabechji̧, Jechu pio judide pio ibë chjiari tjamo̧ goë tuti ja̧bepamȩ judi. Jabechji̧ chjadë tjamo̧de pio ibë chjadëri̧ a̧dopea̧ ji̧. Danȩrȩ, judi tata chja tara, judi cja̧rȩmȩ co chjai̧dëri̧ japadëa̧ tara, judi chjai̧dë oa mirea̧ oa cjiadëmȩ tara, jabechji̧ chjadë tjamo̧de ibë chjadëri̧ a̧dopea̧ ji̧. Ado danȩrȩ, ¿tjana̧räpȩde pio ibë chjiari goë tuti ja̧bepamȩ judi? Tjana̧räpȩdë, jabechji̧ baärëremȩde a̧dëräpȩ, a̧dë chäte ba chiaräpȩ ju̧ri̧ chapea̧ oa. Jabechji̧ Ütë tjamo̧ pio judi tänȩa̧ oaiä, chjai̧dëri̧ japaji̧ri̧ judiro̧ yu̧a̧rea̧mi̧dëräpȩ tutia̧ oa cjiade yaba̧, Jäjäa ja̧ mu̧i̧ chjua cotoräpȩ ju̧ri̧.

Pedro Ma̧ȩ 2 2:21

Ado pio ju̧i̧iä yo̧requededibe ca̧ oti̧. Jabechji̧ ji̧dë u̧i̧ chjadëtäremȩde pio jiro oëra̧ a̧ra̧ano̧ji̧ri̧ pio judiro̧ ma̧ȩ chjadëi̧ pio ju̧i̧ cja̧rȩmȩ co ta̧rëdëa̧rä judi. Ji̧dë u̧i̧ chjadëtäremȩde judiro̧ coëma cjiari̧ baämȩ no̧mi̧ da pio ju̧i̧ chjiari dabadëa̧rä judi. Jabo cjäri̧ madirȩ, ta̧rëreji̧ri̧dirȩ. Coëma cjiari̧ baämȩ ma̧ȩ pio ju̧i̧ ta̧rërëreji̧ri̧dirȩ. Ado pio ju̧i̧ ta̧rë ëte, cjäri̧ madiro̧jo̧ȩ, jiada̧diro̧jo̧ȩ. Putu jura̧ a̧dë chami̧ dari̧ japarëreji̧ri̧diro̧jo̧ȩ. Ado pio ju̧i̧iä yo̧requededibe ado chjereno̧. Ji̧dë u̧i̧ chjadëtäremȩde judiro̧ cja̧rȩmȩ co ta̧rëdëa̧rä judi. Jabechji̧ ta̧rëji̧ri̧borë jiada̧ tara, ji̧dë u̧i̧ bape chjaoa̧ oa cjiapadirȩ judiro̧.

Juan Ma̧ȩ 1 2:3

Danȩrȩ ca̧ oti̧, a̧ro̧rȩ Ütë tjamo̧ judi yo̧a̧ pio ju̧i̧ ta̧rëdiäa̧ oaiä, ‘jabechji̧ tjamo̧ri̧ dabacuni̧da’ quëna̧rea̧ darea̧rȩ. Tjamo̧ davä. A̧ro̧rȩ Ütërë yo̧rërea̧ ma̧ȩ pio ju̧i̧ ta̧rëdiäji̧ri̧rȩ cjo̧ro̧a̧ oaiä, ‘jabechji̧ tjamo̧ri̧ dabacuni̧da, Ütë tjamo̧ pio ju̧i̧ tjamo̧ri̧ dacuni̧da’ quëna̧ jo̧rȩtarea̧ darea̧rȩ ca̧ oti̧.

Juan Ma̧ȩ 1 2:5

Jabo eami̧ pumȩ üdë Ütë tjamo̧ judi yo̧a̧ pio ju̧i̧ ta̧rëdiämȩrȩ cjo̧ro̧rä judi, jabechji̧ chjadëri̧ na̧rȩde jënȩ Ütë tjamo̧ pio ju̧i̧ eapea̧ ji̧. Jabechji̧ tjamo̧ri̧ eadejȩ jabëdiärea̧ decjiari̧. Ado a̧ro̧rȩ ja̧di dari̧ ta̧rëdiäji̧ri̧rȩ cjo̧ro̧a̧ oaiä, jabechji̧ tjamo̧ri̧ dabarea̧rȩ pio ibë chjiari. Jabechji̧ a̧ro̧rȩ ta̧rëdiäji̧ri̧rȩ cjo̧ro̧a̧ oaiä, ‘Aja̧, Ütë tjamo̧ pio ju̧i̧ nö̧ta ori̧ bagari̧ ëba cjiarea̧ daea̧quëda, pio ju̧i̧ nö̧ta cja̧rȩmȩpe baga̧quëda’ quëna̧ dabarea̧rȩ, tjamo̧ri̧ dabaji̧ri̧rȩ.

Juan Ma̧ȩ 1 2:6

Ado pio ju̧i̧iä eami̧ pumȩ üdë yo̧rä judi, 'Aja̧, Jechu Quiricho pio ju̧i̧ nö̧ta cja̧rȩmȩpe baga̧quëda, pio judiri ja̧ a̧mi̧ dari̧ cjiaquëda’ quëna̧ jo̧rȩtamȩrȩ yo̧rä judi, jabechji̧ Jechu pio judi pio yoa chirirä cjo̧ro̧rërea̧mi̧ cjo̧ro̧täremȩde peaja̧di.

Juan Ma̧ȩ 1 5:3

Jabechji̧ cüdë yo̧rä judi, “Aja̧, Ütë tjamo̧ pio ju̧i̧ ea tjamo̧reconȩ” yo̧rä judi, ¿tjana̧ yo̧rea̧de? ¿Tjana̧ yo̧rea̧dë, jabechji̧ cüdë Ütë tjamo̧ judi yo̧a̧ pio ju̧i̧ tjamo̧ri̧ earä judi, pio ju̧i̧ ja̧ ma̧ȩ oa ta̧rëdiämȩrȩ cjo̧ro̧parequede. Aja̧, pio ju̧i̧ yo̧rea̧de. Ado danȩrȩ ca̧ oti̧, judi ibë yo̧a̧ ma̧ȩ pio ju̧i̧ ta̧rëdiäpea̧ üdë, jabechji̧ chjao tjamo̧dëde. Chachami̧ dari̧ cjiadëde jabo ta̧rëdiärea̧mi̧ dade.

Jechurë Na̧rȩrërea̧ Ma̧ȩ 22:14

Aja̧ ca̧ oti̧, jibëa̧ ina̧rea̧ oa igȩrȩ chiadëmi̧ dari̧ joaji̧ri̧ pio judiro̧, jabechji̧ a̧dë chjäte ma̧ chiadëri̧ cjiapadirȩ. Ado bucho ana̧ cjo̧ro̧rea̧ yürümȩ to ja̧ jurarea̧ pio ju̧i̧ dapadirȩ. Ado pio ju̧i̧iä bë ma̧ri̧räpȩ yu̧a̧rea̧ dapadirȩ.