Juan 14:5 - Biblia Pume

⁵ Ja̧dëa ji̧ Toma judi yo̧a̧dejȩ: —Ano̧mȩ, a̧ro̧rȩ dabadërea̧rȩ mȩnȩ baäpea̧räpȩ. Ado dabadë tara, ¿yö̧ta dari̧ go̧düdärärea̧ daparea̧rȩ?

Juan 14:5 Iomraidhean Croise

Mateo 10:3

Ado Felipe quȩmȩ judi, ado Bartolomȩ quȩmȩ judi, ado Tomas judi, Jechurë chjadüa̧ oa cjia maeadirȩ peaja̧di. Ado Mateo judi, domano̧ ja̧ oa chëre oa boarëremȩ pio judiborë Jechurë chjadüa̧ oa cjiade. Ado Santiago judi, Apjeo quȩmȩ pio ju̧i̧ ja̧ joja pio judi, peaja̧di Jechurë chjadüa̧ oa cjiade. Ado Tadeo quȩmȩ pio judiborë chjadüa̧ oa cjiade.

Marcos 9:19

Ado Jechu ja̧di ta̧rëri̧ ta̧rëa̧ oaiä, yo̧a̧dejȩrȩ pumȩ ütëbo oa: —Jabo cjäri̧ manȩrȩ, ji̧dë ma darequedediibe tjamo̧ri̧ quëna̧dëji̧ri̧ oa. Pio yaba̧mȩ yoaiä cjo̧ro̧ji̧ri̧ pio mȩnȩro̧ chjadëri̧ jo̧rȩtarea̧ chiadëji̧ri̧ti̧nȩrȩ —yo̧a̧dejȩrȩ—. Danȩrȩ, ¿napai̧rä yuro jidatapea̧ chiarequededibe mȩnȩro̧ quëna̧pea̧ ji̧? ¿Napai̧ japamitë ëba cjiapea̧ chiarequededibe mȩnȩro̧ chjadëri̧ quëna̧pea̧ oa —yo̧mȩrȩ yo̧a̧dejȩrȩ ütëbo oa—. Jabo danȩrȩ, ëba jana̧chji̧coe üi̧ bo pio ju̧i̧.

Lucas 24:25

Ja̧dëa ji̧ Jechu judi yo̧rëremȩdejȩrȩ: —Jabo cjäri̧ manȩrȩ ca̧ pumȩ —yo̧a̧dejȩrȩ—. Chjadëri̧ jo̧rȩtarea̧ chji̧ chiadëji̧ri̧mi̧ dari̧ jo̧rȩtanȩrȩ. Jabechji̧ mȩnȩro̧ Ütërë ea jana̧ chjadüa̧ oa ni̧bärëreji̧ri̧ pio judiro̧ jabërä yo̧rërea̧ pio ju̧i̧ chjaodëri̧ quëna̧tärea̧ ji̧, chjao tjamo̧didibe davä judiro̧ go̧ȩparërea̧ ma̧ȩ duri pio ju̧i̧ quëna̧pea̧ ji̧ —yo̧a̧dejȩrȩ—.

Juan 11:16

Ado Jechu judi ja̧di ta̧rëri̧ yo̧a̧ oaiä, jibëa̧ jadü üdë, Toma pio judi yo̧a̧dejȩrȩ jadü pio ji̧ri̧iäpȩmo̧: —Jaeibe, cho̧rë jätäro̧jo̧ȩ. Pio a̧ro̧rȩborë jätäreji̧ri̧rea̧rȩ ibëa̧ Ano̧mȩ pio ju̧i̧ nö̧ta. Jabechji̧ a̧ro̧rȩ ja̧borä judi, pio ju̧i̧ nö̧ta ja̧botäreji̧ri̧rea̧rȩ —yo̧a̧dejȩrȩ. Ado Toma judi, peaja̧di “Chjara” quȩmȩrëremȩde.

Juan 14:4

Dabanȩrȩ davä cüdë baäpea̧räpȩ. Ja̧dira̧ baämȩ no̧ pio ju̧i̧ dabanȩrȩ —yo̧a̧dejȩrȩ Jechu judi jibëa̧ jadü ji̧ri̧.

Juan 15:12

Danȩrȩ, ja̧di ta̧rëri̧ yo̧requededibe mȩnȩro̧ chjadëri̧ ta̧rëdiätä. Jabechji̧ cüdë dibë ea̧ra̧ pio ju̧ri̧ra̧ eachji̧vä dibëa̧ dëbëti̧ra̧ chia —yo̧a̧dejȩrȩ—.

Juan 16:5

Jabo yaba̧ coa chjadüa̧mȩ pio ju̧i̧iäpȩ baäpea̧ ji̧ querediä tara, jabechji̧ ni̧bä chjaopea̧ chiarequededibe —yo̧a̧dejȩrȩ—. "¿Jabo tjana̧räpȩ baäpanȩ?” yo̧ji̧ri̧rȩ iëno̧ ta̧rëdë marenȩro̧coe.