Juan 14:12 - Biblia Pume

¹² Danȩrȩ, tjamo̧i̧ cjiari̧ yo̧requededibe ca̧ pumȩ —yo̧a̧dejȩrȩ—. Pio coaiäpȩmo̧ quëna̧ji̧ri̧ judiro̧ pio cüdë japea̧mi̧ japarea̧ dapadirȩ. Ado cüdë japea̧ ju̧i̧ u̧i̧ ba chia oa japarea̧ dapadirȩ peaja̧di. Tjamo̧ davä. Cüdë japea̧ ju̧i̧ u̧i̧ ji̧ra̧ oa japarea̧ dapadirȩ. Jabechji̧ cüdë ca̧ Ama̧i̧ pio ju̧i̧iäpȩ baäpa tara, cüdë japea̧ ju̧i̧ u̧i̧ ba chia oa japarea̧ dapadirȩ.

Juan 14:12 Iomraidhean Croise

Mateo 21:21

Ado Jechu judi dëbë yo̧a̧dejȩrȩ: ⁠—⁠Tjana̧ ju̧i̧iädë, jabechji̧ pio cüdë quëna̧mȩrȩ yo̧a̧ oaiä, ja̧di dari̧ cjiadiäa̧de ⁠—⁠yo̧a̧dejȩrȩ⁠—⁠. Danȩrȩ, tjamo̧i̧ cjiari̧ yo̧requededibe. Mȩnȩro̧ Ütë tjamo̧ pio ju̧i̧ chjuari̧ quëna̧rä judi, chji̧ chjara chia jo̧rȩtarea̧ decjiari̧ quëna̧rä judi, ‘jabo cjäri̧ madida, tjamo̧ri̧ japadëpa jirodida’ quëna̧dërä judi, peaja̧dimi̧ dari̧ japapai̧ danȩrȩ to oa. Ado ju̧i̧ u̧i̧ ana̧mi̧ dari̧ japapai̧ danȩrȩ peaja̧di ⁠—⁠yo̧a̧dejȩrȩ⁠—⁠. Danȩrȩ, pio yoa ya̧mi̧ üdë ui ana̧räpȩmo̧ ju̧ri̧ aeno̧a̧ oa cjiatä earä judi, peaja̧dimi̧ dari̧ aeno̧a̧ oa cjiapai̧ dade, mȩnȩro̧ tjamo̧ri̧ quëna̧rä judi.

Marcos 11:13

Ado jachi chja cjiamȩ to oa daea̧dejȩ igera quȩmȩ to oa, jurarea̧ to oa. Pjö̧da ji̧ra̧ri̧ chiamȩ oa daea̧dejȩ. 'Ado jurarea̧ chiapamȩ jirodida' quëna̧ jo̧rȩtamȩrȩ jätea̧dejȩ. Jabo cjäri̧ made, to pjö̧da maea oa chiarëremȩde. Jabë chiarea̧ gupënȩdë oaiä, jabechji̧ jurarea̧ decjiarëremȩde.

Marcos 16:17

Ado pio coaiäpȩmo̧ quëna̧ji̧ri̧ pio judiro̧, jabechji̧ Ütë tjamo̧ ja̧ jauëchja pio ju̧i̧ na̧rȩrea̧ chiapadirȩ. Aja̧, ca̧ quȩ pio ju̧i̧iä baä tänȩrea̧ dapadiro̧jȩrȩ yaröca pio ji̧ri̧. Ado cja̧rȩmo̧ ni̧bärea̧ ma̧ȩra̧ ni̧bärea̧ dapadirȩ peaja̧di, jënȩro̧ dabapadëa̧ ma̧ȩ oa.

Juan 14:28

Danȩrȩ, peadë yo̧a̧requededibe cüdë dibë a̧dë baäpea̧ pio ju̧i̧ chjiari. Ado dibë yo̧a̧mi̧ ado yo̧requededibe. Danȩrȩ, cüdë ca̧ Ama̧i̧ pio ju̧i̧iäpȩ baäa̧ duri oa, jabechji̧ ado chjereno̧ jana̧parequededibe. Jabo yabochja baäparequede ca̧ Ama̧i̧ ju̧i̧iäpȩ. Ado mȩnȩro̧ coa ea tjamo̧rä judi, jabechji̧ ma̧ chiadëri̧ cjiari̧ jo̧rȩtapanȩrȩ, cüdë pio ju̧i̧iäpȩ baärea̧ da tara. Jabechji̧ coa u̧i̧ ba chiade ca̧ Ama̧i̧ judi —yo̧a̧dejȩrȩ—. Ado pio ju̧i̧iäpȩ tjamo̧ri̧ baätämi̧ cjiarequede.

Juan 16:7

Jabo tjamo̧i̧ cjiari̧ yo̧requededibe. Jabechji̧ ji̧dë u̧i̧ chjadëde davä cüdë dibë a̧dë baäpea̧ üdë —yo̧a̧dejȩrȩ—. Tjamo̧ davä. Cüdë baädërä judi, ma̧na̧na̧ra̧dëpadidibe A̧domȩ judi. Jabo cüdë baäa̧rämo̧i̧ chjadürea̧ dapareconȩ Tjo tjamo̧ pio ju̧i̧.

Juan 4:37

Peaja̧di dari̧ yo̧dirȩ pumȩ judiro̧: “Aja̧, cja̧rȩmȩ üdë ponȩmi̧ dari̧ ja̧bepade. Ado judi ja̧bepea̧ duri pio ju̧i̧ mitëmȩmi̧ dari̧ ja̧bepade ado cja̧rȩmo̧rȩ.”

Juan 5:20

Jabechji̧ Ama̧i̧ tjamo̧ judi ea tjamo̧dique jibëa̧ Ja oa. Ado coa ea tjamo̧ tara, jabechji̧ jënȩ jo̧rȩta̧ pio ju̧i̧ daba tänȩdique chjö̧na̧i̧ oa. Danȩrȩ, jauëchja cjiari̧ japamȩrȩ pea na̧rȩa̧didibe pio coaiä, judi pumȩ pio ju̧i̧ chjaparȩa̧ pio ju̧i̧iä. Jabo ji̧dë duri oa ji̧dë u̧i̧ jauëchja cjiari̧ na̧rȩpadidibe. Ado mȩnȩro̧ pio ju̧i̧ da̧ oaiä, jabechji̧ ütëborë dacho bëremi̧ cjiami̧ dari̧ jo̧rȩtapanȩrȩ —yo̧a̧dejȩrȩ—.

Juan 7:33

Ado ja̧dëa ji̧ yo̧a̧dejȩrȩ Jechu judi ju̧i̧ ja̧ yuroro a̧dopë cjiaji̧ri̧ oa: —Danȩrȩ, japamitë boi̧chji̧ maea oa ëba cjiaparequededibe —yo̧a̧dejȩrȩ—. Ado japamitë boi̧chji̧ chjätä ëte, ado chjereno̧ baäparequede coa chjadüa̧mȩ pio ju̧i̧iäpȩ.

Juan 7:39

Ado Jechu judi ja̧di ta̧rëri̧ yo̧a̧ ji̧, jabechji̧ Tjo tjamo̧ pio ju̧i̧ chjiari yo̧rëremȩde, pio jȩaiäpȩmo̧ quëna̧paji̧ri̧ pio judiro̧ chiapea̧ pio ju̧i̧ chjiari. Jabo jabërëremȩde jabo. Pio jiro japamitërä Tjo tjamo̧ pio judi jabë yürüa̧ oa cjiadërëremȩde. Quëna̧ji̧ri̧ pio ji̧ri̧iäpȩmo̧ jabë yürüa̧ oa cjiadëa̧de. Jabechji̧ Jechu judi jabë a̧dëräpȩ baädëa̧ oaiä, Ütë tjamo̧ judi Joja pio ju̧i̧ jabë a̧dë chjäte ba chia tjamo̧räpȩ chadärä tänȩdëa̧ oaiä, jabechji̧ jabë yürüa̧ oa cjiadërëremȩde Tjo tjamo̧ judi.

Japarea̧ 10:46

Jabechji̧ tjaoëpai̧ dari̧ ni̧bäji̧ri̧ oa ta̧rërëreji̧ri̧diro̧jȩrȩ, jënȩro̧ dabapadëa̧ ma̧ȩra̧ ni̧bäji̧ri̧ oa. Ütë tjamo̧ pio ju̧i̧iäpȩmo̧ chjacjiamȩri̧ ni̧bäji̧ri̧ oa ta̧rërëreji̧ri̧diro̧jȩrȩ. Ado Pedro judi pio ji̧ri̧ daea̧ oaiä yo̧a̧dejȩrȩ jibëa̧ jadü pio ji̧ri̧iäpȩmo̧:

Japarea̧ 16:18

Tjaoërämo̧i̧dë jabo doti̧mi̧ jape chjaorëreyi̧ni̧ibe goae tjamo̧dëpe bagari̧. Pio ju̧i̧iä Pablo judi goëdëri̧ cjiapea̧de. Ado iei̧ pio ji̧iäpȩmo̧ mȩmȩrȩpë cjiadiämȩrȩ to̧bari̧ yo̧a̧dejȩ yaröca pio ju̧i̧iäpȩmo̧: —Jechu Quiricho pio ju̧i̧ ja̧ quȩrä yo̧tarequedemȩ. A̧dë go̧düje pio jiro iei̧ ji̧ —yo̧a̧dejȩ. Ado yaröca üdë chjaodëri̧ a̧dë go̧düa̧dejȩ.

Japarea̧ 19:12

Ado pio ju̧i̧iä pumȩ judiro̧ chjapea̧ oa cjo̧ro̧rëreji̧ri̧dirȩ. Jabechji̧ Pablo ja̧ chjibo oa gito ja̧boji̧ri̧ pio ji̧ri̧iäpȩ a̧depea̧ oaiäbo chjapea̧ oa cjo̧ro̧rëreji̧ri̧dirȩ gito ja̧boreji̧ri̧ judiro̧. Ado yaröca chiaji̧ri̧ pio judiro̧ peaja̧di chjapea̧ oa cjo̧ro̧rëreji̧ri̧dirȩ.

Japarea̧ 2:33

Pio ju̧i̧iä ba chia tjamo̧parȩmi̧ dari̧ japarëremȩdejȩ Ütë tjamo̧ judi ba chiati̧ tjamo̧räpȩ cha tänȩa̧ oaiä, pio ju̧i̧ ja̧ mu̧i̧ chjuari pio judiri cha tänȩa̧ oaiä. Jabechji̧ bëdüa̧mȩ pio ju̧i̧ a̧dëräpȩ yuro cjitë tänȩrëremȩdejȩ Jäjäa pio ju̧i̧ ja̧ cotoräpȩ cha tänȩpea̧ oa. Ado ja̧dëa ji̧ Ama̧i̧ tjamo̧ judi Joja pio ju̧i̧iäpȩmo̧ yürürëremȩdejȩ Tjo tjamo̧ ju̧i̧, jënȩ yo̧ë cji̧därërea̧mi̧. Ado ja̧dëa ji̧ pio ibëiäpȩmo̧ ano̧ mire yürü chjadüa̧diibe yaba̧. Aja̧, Tjo tjamo̧ pio ju̧i̧ yürü chjadüa̧diibe, pio judirimȩ marë. Ado pio ju̧i̧iä tjaoëpai̧ dari̧ ni̧bäji̧ri̧ oa darenȩro̧ibe ca̧ oti̧. Tjamo̧ davä. Tjo tjamo̧ pio ju̧i̧iä oëra̧ti̧ a̧rȩmȩ chirirä ni̧bärea̧ ma̧ȩ oa ni̧bäji̧ri̧ oa ta̧rërenȩro̧ibe —yo̧a̧dejȩrȩ—.

Japarea̧ 2:41

Ado Pedro judi pio jiro doro a̧ra̧ano̧a̧ oaiä, no̧i̧dërë quëna̧ji̧ri̧pea̧dirȩ goëje ji̧ra̧ tjamo̧pe järea̧mi̧ dari̧. Jabechji̧ 3 mil pumȩ quëna̧ji̧ri̧pea̧dirȩ quëna̧dërërea̧ ji̧. Ado judiro̧ ütëborë chjaodëri̧ go̧e cjaeä chuda̧ oa cjiadiärëreji̧ri̧dirȩ.

Japarea̧ 4:16

—¿Jabo tjana̧ oa japatäreji̧ri̧rea̧rȩ yaba̧? Danȩrȩ, Jerucharȩräpȩ cjo̧ro̧ji̧ri̧ pio judiro̧ irä daea̧diro̧jȩrȩ. Ta piruremȩ pio ju̧i̧ jauëchja cjiari̧ chjaparȩa̧ji̧ri̧ oa irä daea̧diro̧jȩrȩ. Ado ma̧ȩ üdë bë nö̧tai̧ oa chjätäa̧ oaiä, cjäri̧ madirȩ, ta̧rëa̧ maeadirȩ yaba̧. Ado a̧ro̧rȩ peaja̧di, 'Tjamo̧ri̧ chjaparȩdëa̧ jirodiro̧ju̧i̧da' quëna̧rea̧mi̧dërea̧rȩ. Tjamo̧ri̧ chjaparȩa̧ jirodiro̧jo̧ȩ.

Japarea̧ 4:33

Ado Jechurë chjadüa̧ pio judiro̧, jabechji̧ goae tarari̧ a̧ra̧ano̧rëreji̧ri̧dirȩ A̧no̧mȩ Jechu judi bëdüa̧ pio ju̧i̧ chjiari. Ado Ütë tjamo̧ judi cjäri̧ri̧ cjiamȩrȩ ana̧ri̧ a̧do chjaorëremȩdejȩrȩ quëna̧ji̧ri̧ pio ji̧ri̧.

Japarea̧ 4:4

Jabo judiro̧ Jechu pio ju̧i̧ chjiari a̧ra̧ano̧a̧ oaiä, jabechji̧ no̧i̧dërë quëna̧ji̧ri̧pea̧diro̧jo̧ȩ Ütë tjamo̧ ja̧ ma̧ȩ oa. Aja̧, 5 mil oari judiro̧ quëna̧ji̧ri̧pea̧diro̧jo̧ȩ. Ado ji̧ri̧ uëri ivi pio jini̧ro̧borë quëna̧ji̧ri̧pea̧ni̧ro̧jo̧ȩ.

Japarea̧ 5:15

Ado Jechurë chjadüa̧ judiro̧ ji̧dë ma ana̧ri̧ na̧rȩ chjaoa̧ oaiä, jabechji̧ pumȩ judiro̧ gito ja̧boji̧ri̧ pio ji̧ri̧ jibëa̧ bëri pio judiri ara jä chjaorëreji̧ri̧diro̧jȩrȩ järea̧ no̧räpȩ yuro pio ju̧ri̧pȩ ano̧ mire a̧rȩpea̧ oa. Ado Pedro judi chjätäa̧rä, ju̧i̧ ja̧ chja̧oe üdë pio ji̧ri̧ ja̧ icjara uëmo̧ chja̧oe chjätäpea̧ oa, gito ja̧boji̧ri̧ judiro̧ chjaparȩa̧ oa cjiarëreji̧ri̧dirȩ. Jabechji̧ ja̧di dari̧ japarëreji̧ri̧dirȩ.

Japarea̧ 6:7

Ado Ütë tjamo̧ ja̧ ma̧ȩ üdë, jabechji̧ jachiti̧ oa chjuchjupechärëremȩde oëra̧ti̧ oa. Ado Jerucharȩräpȩ quëna̧ji̧ri̧ judiro̧ no̧i̧dë tjamo̧pe bagarëreji̧ri̧dirȩ. Ado o ji̧ri̧ chjiari goë tuti ja̧bepaji̧ri̧ pio judiro̧borë quëna̧ji̧ri̧pea̧dirȩ no̧i̧dërë.

Japarea̧ 8:7

Ado Felipe judi yaröcarë boa̧ pio ji̧ri̧ peaja̧di no̧i̧dë oa chjaparȩrëremȩdejȩrȩ. Ado judiro̧ a̧dë go̧düa̧ ji̧, ma̧i̧ dari̧ a a ma cjiari̧ ëna̧ quira̧ti̧ cjiaji̧ri̧rȩ go̧dürëreji̧ri̧dirȩ. Ado jibëa̧ tara̧ tai̧rea̧mi̧dëji̧ri̧ pio ji̧ri̧ chjadëri̧ chjaparȩrëremȩdejȩrȩ peaja̧di. Ado o ji̧ri̧, chjadëri̧ tai̧dëji̧ri̧ pio ji̧ri̧bo chjaparȩrëremȩdejȩrȩ chjadëri̧ tai̧rea̧mi̧ dari̧.

Japarea̧ 9:34

Ado Pedro judi yo̧a̧dejȩ: —Danȩ Enea, Jechu Quiricho pio judi chjaparȩdimȩ. Cjitëvä. Na̧ tjae mo̧a̧rea̧ pio ju̧i̧ jëdano̧ ëte mitëjo̧ȩ —yo̧a̧dejȩ. Ado Enea judi chjaodëri̧ cjitëno̧a̧de.

Japarea̧ 9:40

Jabo Pedro judi pio jiro ivi ütëbo oa dairäpȩ go̧dü tänȩa̧ duri oa, ju chatura̧ cjiamȩrȩ ni̧bäa̧dejȩ Ütë tjamo̧ ju̧i̧. Ado ni̧bäa̧ duri oa, icjara pio ju̧i̧iäpȩmo̧ gatë damȩrȩ yo̧a̧dejȩ: —Tabita. Cjitëvä. Ado chjaodëri̧ are ië daea̧nȩ jibëa̧ dacho oa. Ado Pedro pio ju̧i̧ dayi̧rȩ chayi̧pea̧nȩ.

Domano Ma̧ȩ 15:19

Tjamo̧ davä. Pio coaiä ana̧ri̧ ja̧beparëremȩde jauëchja cjiari̧ na̧rȩ chjaomȩrȩ. Tjo tjamo̧ pio judi jibëa̧ jauëchja ana̧ oa yürüa̧ oaiä ja̧di dari̧ ja̧beparea̧ daea̧requede. Danȩrȩ, Quiricho pio ju̧i̧ chjiari ma̧ȩ ütëbo oa to̧bari̧ ni̧bäriä tai̧ chjaorëremȩrequede ma̧ȩ chjadëi̧ pio ju̧i̧. Tjamo̧ davä. Jerucharȩ bë ma̧ri̧ri pio judiri Iriria quȩmȩ chiriräpȩ yuro to̧bari̧ ni̧bäriä tai̧ chjaorëremȩrequede davä, pio jiro ma̧ȩ oa ni̧bä chjaomȩrȩ.