Juan 14:1 - Biblia Pume

¹ Ado Jechu judi, jibëa̧ jadü pio ji̧ri̧ ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧rëremȩdejȩrȩ jabë mechjaräpȩ chaji̧ri̧ oa: —Danȩrȩ, dibëa̧ chji̧ra̧ bücjüri̧ cjiadëchji̧vä —yo̧a̧dejȩrȩ—. Jabechji̧ Ütë tjamo̧ pio ju̧i̧ quëna̧chji̧jo̧ȩ. Pio coabo quëna̧chji̧coe.

Juan 14:1 Iomraidhean Croise

Juan 11:33

Ado ejaro cjiayi̧ oa daea̧dejȩ Jechu judi. Ado ji̧ nö̧ta ëba jana̧reji̧ri̧ pio ji̧ri̧bo daea̧dejȩrȩ ejaro cjiaji̧ri̧ oa. Ado ana̧ri̧ jo̧rȩtamȩpea̧de jibëa̧ chji̧rä. Ado iëno̧ë ta̧rëa̧dejȩ:

Juan 12:27

Ado Jechu judi ji̧dë u̧i̧ yo̧mȩrȩ a̧de ni̧bä chjaoremȩdejȩrȩ: —Danȩrȩ, a̧dë chjäte gitori̧ jo̧rȩtarequede ca̧ chji̧ oa chacha tjamo̧mi̧ dari̧ —yo̧a̧dejȩrȩ—. ¿Jabo yö̧ta yo̧pea̧de ca̧ Ama̧i̧ ju̧i̧iäpȩmo̧? “Cjäri̧ ma Ama̧i̧, ana̧ri̧ tara tänȩdëcoe” ¿yo̧pea̧? Jabechji̧ cüdë ana̧ri̧ tarachea oa chjadëri̧ chjätä tänȩcoe Ama̧i̧” ¿yo̧pea̧? Cjäri̧ marequede, ja̧di ta̧rëri̧ yo̧dëpareconȩ ca̧ Ama̧i̧ ju̧i̧. Jabechji̧ goae tjamo̧dë pio ju̧i̧bo chjätäpea̧ oa birë ma̧na̧requede —yo̧a̧dejȩrȩ Jechu judi jibëa̧ jadü yo̧a̧ri̧ oa.

Juan 12:44

Ado Jechu judi to̧bari̧ ëna̧diämȩrȩ ni̧bärëremȩdejȩrȩ pumȩ buba oa: —Danȩrȩ, pio coaiäpȩmo̧ quëna̧mȩ judi, pio coaiäpȩmo̧ ma quëna̧dëde, jabo coa chjadüa̧mȩ pio ju̧i̧iäpȩmo̧bo quëna̧mȩde —yo̧a̧dejȩrȩ—.

Juan 13:19

Ado pio ibë nö̧ta tai̧mȩ pio ju̧i̧ chjiari ma̧ȩ üdë tjamo̧i̧ cjiari̧ cjiabea yaboi̧, jabërä yo̧requededibe mȩnȩro̧ pio coa chjiari coëma cjiari̧ quëna̧pea̧ oa, ‘Cüdërequede quȩmȩ pio judi tjamo̧dida’ quëna̧ dabapea̧ oa.

Juan 16:24

Ado pio ju̧i̧iä jabechji̧, mȩnȩro̧ ca̧ Ama̧i̧ ju̧i̧iä ca̧ quȩrä eami̧ oa cja̧rȩmȩ co cjo̧dëdërërea̧ ji̧, jabechji̧ cjo̧dëchji̧jo̧ȩ yaba̧, mȩnȩro̧ mitërea̧ dapea̧ oa. Aja̧, mȩnȩro̧ a̧dë chjäte ma̧ chiadëri̧ cjiarea̧ dapea̧ oa, pjärämȩ cjiadiädëri̧ ma̧ chiadëri̧ cjiari̧ jo̧rȩtapea̧ oa, jabechji̧ cjo̧dëchji̧jo̧ȩ —yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧ Jechu judi.

Juan 16:3

Jabechji̧ Ama̧i̧ tjamo̧ pio ju̧i̧ dabadë tara, ja̧di dari̧ jo̧rȩtapadirȩ, pio coabo dabadë tara.

Juan 16:6

Ado yaba̧ cüdë dibë yo̧a̧ pio oaiä, jabechji̧ odai̧ dari̧ jo̧rȩtanȩrȩ.

Juan 5:23

Jabechji̧ pumȩ judiro̧ ütëborë Ja tjamo̧ pio ju̧i̧iäpȩmo̧ ba chia jo̧rȩtapea̧ oa, Ütë tjamo̧ pio ju̧i̧ ba chia dami̧ dari̧ dapea̧ oa, pio jiro ja̧beparea̧ oa yürüa̧dique. Ado eami̧ pumȩ judi Ja tjamo̧ pio ju̧i̧ ba chia jo̧rȩtadërä judi, peaja̧di ba chia jo̧rȩtadëdejȩ Ama̧i̧ tjamo̧ ju̧i̧ia̧pȩmo̧. Jabechji̧ pio judide coa chjadüa̧mȩ judi —yo̧mȩrȩ ni̧bä chjaorëremȩdejȩrȩ judio tjamo̧ yo̧ji̧ri̧ pio ji̧ri̧iäpȩmo̧ Jechu judi.

Juan 6:40

Jabechji̧ ja̧di dari̧ eade ca̧ Ama̧i̧ judi. Pio coa da ëte quëna̧ji̧ri̧ pio judiro̧ ütëborë bucho ana̧ cjo̧ro̧rea̧ datä ea madejȩrȩ. Pio ju̧i̧iä quëna̧ji̧ri̧ pio ji̧ri̧, dëdë, bëdü tänȩparequedejȩrȩ cjiadiäa̧ japamitërä, judiro̧ tjamo̧ri̧ bucho ana̧ cjo̧ro̧rea̧ dapea̧ oa —yo̧mȩrȩ yo̧rëremȩdejȩrȩ Jechu judi pio jȩa na̧tarëreji̧ri̧ pumȩ pio ji̧ri̧iäpȩmo̧.

Cori̧tio Ma̧ȩ 2 2:7

Ado pio ju̧i̧iä yo̧requededibe. Jabechji̧ duridëparȩmi̧ dari̧ japachji̧jo̧ȩ. Ori̧ bagari̧ ëba chachji̧jo̧ȩ, judi cjatäcjie jo̧rȩtarea̧mi̧ dari̧. Jabechji̧ mȩnȩro̧ ju̧i̧ ado chjereno̧ ori̧ bagari̧ ëba cjiadërä judi, a̧dë chjäte gitori̧ jo̧rȩtamȩrȩ cjiadiäpai̧ dade, järi tjamo̧dëpe bagamȩrȩ bucho ana̧.

Epjecho Ma̧ȩ 1:15

Ado pio dibë chjiari ta̧rëa̧requede ca̧ oti̧. 'Aja̧, ja̧di dari̧ cjo̧ro̧diro̧da, Ano̧mȩ Jechu pio ju̧i̧ chjuari̧ quëna̧ji̧ri̧rȩ cjo̧ro̧diro̧da, ado tutia̧ oa cjiaji̧ri̧ pumȩ pio ji̧ri̧ eaji̧ri̧rȩ cjo̧ro̧diro̧da' quëna̧ ta̧rëa̧requede.

Techaronichȩche Ma̧ȩ 2 2:2

Danȩrȩ ca̧ oti̧, mȩnȩro̧ pumȩrȩ yo̧a̧ oa goë goë ta̧rërä judi, "Aja̧, Ano̧mȩ judi ma̧na̧pea̧ do üdë peadë tarupea̧de" yo̧a̧ oa goë goë ta̧rërä judi, jabechji̧ chjaodëri̧ bücjüri̧ cjiape bagadëchji̧vä. Ado o judiro̧, "Aja̧, Pablo judi go̧ȩpe chjadüa̧ pio ju̧i̧ irä goarequede. Dabarequede Jechu judi ma̧na̧pea̧ pio ju̧i̧ chjiari" yo̧rä judi, ta̧rë ja̧bodëchji̧jo̧ȩ. Ado eami̧ pumȩ üdë, "Aja̧, Ütërë pea ea jana̧ chjadüa̧ oa dabarequede. Jabechji̧ Ano̧mȩ judi ma̧na̧pea̧ do üdë peadë tarupea̧diibe" yo̧a̧ oa ta̧rërä judi, jabechji̧ ana̧ri̧ jo̧rȩtadëchji̧vä. Ma̧i̧ dari̧ uapadëchji̧vä. 'Aja̧, ma̧ȩ tjamo̧pamȩ jirodida' quëna̧dëchji̧vä.

Pedro Ma̧ȩ 1 1:21

Ado yaba̧ mȩnȩro̧ birë ma̧na̧rëremȩ pio ju̧i̧iä quëna̧ji̧ri̧pea̧renȩro̧jo̧ȩ Ütë tjamo̧ pio ju̧i̧. Tjamo̧ davä. Quiricho pio ju̧i̧iä quëna̧ji̧ri̧pea̧renȩro̧jo̧ȩ Ütë tjamo̧ pio ju̧i̧ bëdü tänȩrëremȩ pio ju̧i̧. Ado Quiricho pio ju̧i̧, bëdüa̧ oa cjiarëremȩ pio ju̧i̧ a̧dë chjäte ba chiaparȩrëremȩdejȩ Jäja judi. Tjamo̧ davä. Pumȩ judiro̧ ba chia dadërërea̧ pio ju̧i̧ a̧dë chjäte ba chiaparȩrëremȩdejȩ. Ado pio ju̧i̧iä jabechji̧, Ütë tjamo̧ pio ju̧i̧iäpȩmo̧ ma quëna̧renȩro̧jo̧ȩ yaba̧. Ado pio ju̧i̧iäpȩmo̧ ma jidatarenȩro̧jo̧ȩ dibëiäpȩmo̧ teracabari̧ ma̧diä ma̧diä cjia tänȩdëmȩ pio ju̧i̧. Ado danȩrȩ ca̧ oti̧, Ütë tjamo̧ judi ja̧di dari̧ tuti japarërea̧ oaiä, pio ibë chjiari a̧dë chjäte chjadëri̧ japarërea̧ oaiä, jabechji̧ järi tjamo̧täreji̧ri̧rea̧rȩ tatachjami̧ dari̧ cjo̧ro̧pea̧ ji̧ a̧ro̧rȩ pio yoa chiri oa cjo̧ro̧a̧ nö̧ta.