Juan 13:23 - Biblia Pume

²³ Ado Jechu ja̧ jadü üdë cja̧rȩmȩrȩ, Jechurë ea̧ jadü pio judi pio ju̧i̧ ja̧ yuroro charemȩde.

Juan 13:23 Iomraidhean Croise

Lucas 16:22

Jabo ja̧dëa ji̧ japamitë chjätä ëte, chjö̧na̧i̧ti̧ oa cjäri̧ ja̧bomȩ pio judi ja̧borëremȩde. Ado Ütë tjamo̧ ja̧ mu̧i̧tjoi̧ pio judiro̧ ëba baäa̧diro̧jo̧ȩ Abaraa̧rea̧rȩ cjiamȩräpȩ. Ado ji̧ra̧ri̧ go̧arëremȩ pio judiborë ja̧borëremȩde. Ado na̧ra̧diro̧jo̧ȩ.

Juan 1:18

Danȩrȩ, eami̧ pumȩrȩ cja̧rȩmȩ co Ütë tjamo̧ pio ju̧i̧ daea̧ ma ja̧didë jabo Joja pio judi chjadëri̧ dabarea̧ yürürëremȩdiibe pio ju̧i̧ chjiari. Danȩrȩ, Ütë tjamo̧ judi ëbadejȩ jibëa̧ ja oa, cja̧rȩmȩ oa. Jabechji̧ Jäjäa pio ju̧i̧iäpȩde. Ji̧mo̧ cjiadirȩ, cja̧rȩmȩ maearë. Ado Joja judi peaja̧di Ütë tjamo̧de. Ado danȩrȩ, pio judide davä ibë chjadëri̧ dabarea̧ yürürëremȩ judi Jäjäa pio ju̧i̧ chjiari.

Juan 11:3

Ado pio ju̧i̧iä yaboji̧ri̧ jini̧ro̧ ma̧ȩ chjadüa̧ni̧ro̧jo̧ȩ Jechu ju̧i̧iäpȩmo̧ pumȩ pio ju̧i̧iä. “Aja̧ Ano̧mȩ, mȩnȩ ea̧ tjamo̧ pumȩ pio judi gito ana̧pea̧de” yo̧mȩ ma̧ȩ pio ju̧i̧ yo̧ji̧ri̧rȩ ma̧ȩ chjadürëreji̧ri̧ni̧ro̧jo̧ȩ.

Juan 11:36

Ado judio judiro̧ eamȩ oa daea̧ oaiä, jibëa̧ dëbëti̧ra̧ chia ni̧bä chjaorëreji̧ri̧dirȩ, ja̧di ta̧rëri̧ yo̧ji̧ri̧rȩ: —Aja̧, Dacharo pio ju̧i̧ ea tjamo̧rëremȩdejȩ —yo̧a̧dirȩ Jechu pio ju̧i̧ chjiari.

Juan 11:5

Ado Jechu judi, jabechji̧ ea tjamo̧rëremȩdejȩrȩ pio jiro pumȩ ji̧ri̧. Aja̧, Marta pio ji̧, ji̧ ja̧ oyi̧ Maria pio ji̧, ado Dacharo pio ju̧i̧ ea tjamo̧rëremȩdejȩrȩ. Jabo pio ji̧ri̧ ea tjamo̧räbo, ado Dacharo pio ju̧i̧ chjiari ma̧ȩ oa ta̧rëa̧räbo, jabechji̧ chjaodëri̧ jädërëremȩde. Jo̧ȩra̧pe jätärea̧ ji̧, jënȩ cjo̧ro̧mȩri pio judiri chjaodëri̧ jätärea̧ ji̧, jabechji̧ jëreeadëmȩrȩ cjiadiäa̧de yo̧a̧ri̧ do.

Juan 13:24

Ado pio ju̧i̧iä Chimo̧ Pedro judi, jibëa̧ ichira̧ goë mitëmȩrȩ yo̧a̧dejȩ Jechu ja̧ yuroro chamȩ pio ju̧i̧iäpȩmo̧: —Danȩ, chjadëri̧ iëno̧ë ta̧rëjo̧ȩ na̧ yuroro chamȩ ju̧i̧, a̧ro̧rȩ ‘pio judi tjamo̧dida’ quëna̧ dabapea̧ oa —yo̧a̧dejȩ.

Juan 13:25

Ado pio ju̧i̧iä pio jiro jadü üdë jachidai̧ ano̧ mire chadäräa̧mȩrȩ iëno̧ë ta̧rëa̧dejȩ Jechu ju̧i̧: —¿Chjiade mȩa ja̧di dari̧ japajamȩ judi Ano̧mȩ —iëno̧ë ta̧rëa̧dejȩ—. Chjadëri̧ yo̧ibe.

Juan 19:26

Ado Jechu judi pio jȩa arayi̧ pio ji̧ daea̧ ji̧, ado jënȩ ea̧ jadü pio ju̧i̧bo daea̧ ji̧, to queri̧räpȩ cjiaji̧ri̧ oa daea̧ ji̧, jabechji̧ yo̧a̧dejȩ jibëa̧ ai̧ ji̧: —Damȩ ca̧ a̧i, pio yoaje na̧ jami̧ da oa daju̧i̧ —yo̧a̧dejȩ.

Juan 20:2

Ado pio ju̧i̧ dayi̧rȩ chjaodëri̧ bagureno̧a̧nȩ Chimo̧ Pedro pio ju̧i̧iäpȩ, Jechurë ea̧ jadü pio ju̧i̧iäpȩ. Ado pio ji̧ri̧iäpȩ go̧düdäräa̧rä, yo̧a̧nȩjȩrȩ: —Danȩrȩ, baë mitëa̧diro̧jo̧ȩ ibëa̧ Ano̧mȩ ja̧ icjara oa. Ta̧dë cjarari pio judiri go̧dü tänȩa̧diro̧jo̧ȩ ado ‘pio ju̧ri̧pȩ ano̧ mire arë a̧ra̧ oa cjia jirodida yaba̧’ quëna̧ dabadërequede —yo̧a̧nȩjȩrȩ.

Juan 21:20

Ja̧dëa ji̧ Pedro judi Jechu pio ju̧i̧ nö̧ta ni̧bä chjao ëte, mȩmȩrȩpe cjiadiäa̧mȩrȩ daea̧dejȩ ado cja̧rȩmo̧ jadü oa, Jechurë ea̧ jadü pio ju̧i̧. Aja̧, Jechu ju̧i̧ iëno̧ë ta̧rëremȩ pio ju̧i̧ daea̧dejȩ, u̧i̧pë gatë tänȩmȩ pio ju̧i̧ chjiari iëno̧ë ta̧rëremȩ ju̧i̧. Tjamo̧ davä. Jadü judiro̧ ütëborë jabërä a̧dopea̧rä, Jechu judi jabë ja̧bodëa̧rä ji̧mo̧ a̧dopea̧rä, jadü üdë cja̧rȩmȩrȩ iëno̧ë ta̧rëremȩde Jechu pio ju̧i̧iä u̧i̧pë gatë tänȩpamȩ pio ju̧i̧ chjiari. Jabechji̧ Jechu ja̧ yuroro chamȩrȩ, Jechu ja̧ ca̧toro ja̧ȩ china̧mȩrȩ iëno̧ë ta̧rëremȩdejȩ. Ado pio jiro jadü pio ju̧i̧ damȩrȩ daea̧dejȩ Pedro judi mȩmȩrȩpe cjiadiäa̧mȩrȩ.

Juan 21:24

Aja̧, Juan quȩmȩ pio judirequede cüdë. Jechu ja̧ jadü pio judirequede. Ado Jechu pio ju̧i̧ chjiari chjö̧na̧i̧ oa irä darëremȩrequede. Ado pio ju̧i̧ chjiari go̧ȩpea̧requede pio yoa ma̧ȩ chjö̧na̧i̧ oa. Judi japea̧ pio ju̧i̧ irä damȩrȩ, judi ni̧bäa̧ pio ju̧i̧ irä ta̧rëmȩrȩ go̧ȩpea̧requede, pio ju̧i̧ chjiari dabamȩrȩ. Ado cüdë go̧ȩpea̧ üdë, ‘jabechji̧ coëma cjia maeadida’ quëna̧ daba marea̧ro̧jo̧ȩ. Ado pio ju̧i̧ ja̧ jadümȩrȩ pio yoa ma̧ȩ chjö̧na̧i̧ oa ni̧bämȩrȩ cjo̧ro̧requede cüdë. Peaja̧di chjö̧na̧i̧ oa go̧ȩpea̧requede. 'Jabechji̧ Jechurë yo̧rërea̧ üdë, coëma cjiari̧ cjia maeadida’ quëna̧ dabarea̧rȩ.

Juan 21:7

Ja̧dëa ji̧ Jechurë ea̧ jadü pio judi yo̧a̧dejȩ Pedro ju̧i̧iäpȩmo̧: —Danȩ, tja yuroropȩ cjiamȩ üdë Ano̧mȩ pio judide —yo̧a̧dejȩ. Ado Pedro judi ‘Ano̧mȩ pio judidida’ quëna̧ ta̧rëa̧ oaiä, chjaodëri̧ ineno̧a̧de jibëa̧ chjibo oa. Jabechji̧ ëteri go̧iorea̧ maeara̧ go̧iomȩrȩ ja̧beparërea̧ ji̧, chjaodëri̧ ineno̧a̧de. Ado ja̧di dari̧ japea̧ ëte, uiräpȩmo̧ choa̧de Jechu pio ju̧i̧iäpȩmo̧ tuapea̧ oa.