Juan 13:22 - Biblia Pume

²² Ado pio ju̧i̧ ta̧rëa̧ oaiä, Jechu ja̧ jadü judiro̧ jibëa̧ dëbëti̧ra̧ chia dëbë dae chaji̧ri̧rȩ ana̧ri̧ jo̧rȩtaji̧ri̧pea̧dirȩ, ¿Chjia ju̧i̧ chjiari ni̧bäcjivadi? quëna̧ jo̧rȩtaji̧ri̧rȩ.

Juan 13:22 Iomraidhean Croise

Taruparea̧ Ma̧ȩ 42:1

Ado Jacobo judi Ejitoräpȩ cjo̧ro̧ji̧ri̧ pio ji̧ri̧ chjiari goë goë ta̧rëa̧rä, tirigo cho ji̧ra̧ oa gatë tänȩpea̧ oa goadirȩ yo̧a̧ oa ta̧rëa̧rä, jabechji̧ iëno̧ë ta̧rërëremȩdejȩrȩ jibëa̧ u̧ri̧ ji̧ri̧: —Danȩrȩ, ¿tjana̧pea̧ ji̧ yo̧dë maeari̧ dëbë dae chanȩrȩ?

Mateo 26:21

Ado judiro̧ jurë cha̧ nö̧ta, Jechu judi yo̧a̧dejȩrȩ: ⁠—⁠Tjamo̧ri̧ yo̧requededibe ca̧ jadü ⁠—⁠yo̧a̧dejȩrȩ⁠—⁠. Danȩrȩ, mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, pio coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ ⁠—⁠yo̧a̧dejȩrȩ.

Mateo 26:22

Ado judiro̧ pio ju̧i̧ ta̧rëa̧ oaiä, gito ana̧ri̧ jo̧rȩtaji̧ri̧pea̧dirȩ. Ado ütëborë ano̧ mire yo̧ji̧ri̧rȩ iëno̧ iëno̧ ta̧rërëreji̧ri̧diro̧jo̧ȩ: ⁠—⁠Ano̧mȩ, ¿mȩa chjiari chjai̧dëri̧ japapamȩ pio judidërequede cüdë? ⁠—⁠iëno̧ë ta̧rëa̧diro̧jo̧ȩ.

Marcos 14:18

Ado judiro̧ mechjaräpȩ jura cha̧ nö̧ta, Jechu judi yo̧a̧dejȩrȩ: —Danȩrȩ, tjamo̧ri̧ yo̧requededibe. Mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ —yo̧a̧dejȩrȩ.

Marcos 14:19

Ado pio ju̧i̧ ta̧rëa̧ oaiä, gito ana̧ri̧ jo̧rȩtaji̧ri̧pea̧dirȩ. Ado ütëborë ano̧ mire yo̧ji̧ri̧rȩ iëno̧ iëno̧ ta̧rëa̧diro̧jo̧ȩ: —¿Pio mȩaiäpȩmo̧ chjai̧dëri̧ japapamȩ pio judidërequede cüdë? —yo̧ji̧ri̧rȩ iëno̧ë ta̧rëa̧diro̧jo̧ȩ.

Lucas 22:21

Ado ja̧dëa ji̧ ja̧di ta̧rëri̧ yo̧rëremȩde Jechu judi jibëa̧ jadü pio ju̧i̧ chjiari, cja̧rȩmȩ pio ju̧i̧ chjiari: —Jabo danȩrȩ, pio coa chjai̧dëri̧ japapamȩ pio judi, pio coa ja̧bo tänȩtämi̧ cjiaji̧ri̧ pio ji̧ri̧iäpȩmo̧ goadi gatë tänȩpamȩ pio judi, jabechji̧ pio ibë nö̧ta chade mechjaräpȩ —yo̧a̧dejȩrȩ—.

Lucas 22:23

Ado pio ju̧i̧ ta̧rëa̧ oaiä, Jechu ja̧ jadü pio judiro̧ jibëa̧ dëbëti̧ra̧ chia ba dëbë iëno̧ iëno̧ ta̧rëpea̧ ji̧ taruparëreji̧ri̧dirȩ. 'Aja̧, Jechu pio ju̧i̧ chjai̧dëri̧ japapamȩ pio judi jirodida' quëna̧ jo̧rȩtaji̧ri̧rȩ ba dëbë iëno̧ iëno̧ ta̧rërëreji̧ri̧dirȩ jibëa̧ dëbëti̧ra̧ chia.

Juan 13:18

Ado Jechu judi ji̧dë u̧i̧ yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧, jabë mechjaräpȩ chaji̧ri̧ oa: —Danȩrȩ ca̧ jadü, cüdë dibë ütëbo oa jo̧rȩtamȩrȩ yo̧dërequededibe, jabo cja̧rȩmȩ pio ju̧i̧mo̧i̧ jo̧rȩtamȩrȩ yo̧requededibe —yo̧a̧dejȩrȩ—. Jabechji̧ pio dibë mitëa̧requededibe. Ado pio dibë chjiari tjamo̧ri̧ dabarequede. Jabo danȩrȩ, cja̧rȩmȩ üdë, pio ibë nö̧ta tai̧mȩ pio judi chjai̧dëri̧ japapadique. Ado pio ju̧i̧ chjiari go̧ȩpea̧ oa cjiade ma̧ȩ üdë. Ja̧di ta̧rëri̧ yo̧diibe: “Aja̧, pio coa nö̧ta ëba juraremȩ pio judi putu jura̧ a̧dë chami̧ dari̧ japapadique”. Aja̧, ja̧di ta̧rëri̧ go̧ȩpea̧ oa cjiade ma̧ȩ üdë.

Juan 13:21

Jechu judi jibëa̧ jadü pio ji̧ri̧ ja̧di ta̧rëri̧ ni̧bä chjao ëte, gito ana̧ tjamo̧ri̧ jo̧rȩtaremȩrȩ yo̧a̧dejȩrȩ areiëmi̧ dari̧: —Danȩrȩ, mȩnȩro̧ cja̧rȩmȩrȩ u̧i̧pë gatë tänȩpadique —yo̧a̧dejȩrȩ—. Tjamo̧ davä. Mȩnȩro̧ cja̧rȩmȩrȩ pio coa u̧i̧pë gatë tänȩpadique coa goëdëri̧ cjiaji̧ri̧ pio ji̧ri̧iäpȩmo̧. Tjamo̧i̧ cjiari̧ yo̧requededibe —yo̧a̧dejȩrȩ.