Juan 13:21 - Biblia Pume

²¹ Jechu judi jibëa̧ jadü pio ji̧ri̧ ja̧di ta̧rëri̧ ni̧bä chjao ëte, gito ana̧ tjamo̧ri̧ jo̧rȩtaremȩrȩ yo̧a̧dejȩrȩ areiëmi̧ dari̧: —Danȩrȩ, mȩnȩro̧ cja̧rȩmȩrȩ u̧i̧pë gatë tänȩpadique —yo̧a̧dejȩrȩ—. Tjamo̧ davä. Mȩnȩro̧ cja̧rȩmȩrȩ pio coa u̧i̧pë gatë tänȩpadique coa goëdëri̧ cjiaji̧ri̧ pio ji̧ri̧iäpȩmo̧. Tjamo̧i̧ cjiari̧ yo̧requededibe —yo̧a̧dejȩrȩ.

Juan 13:21 Iomraidhean Croise

Mateo 26:21

Ado judiro̧ jurë cha̧ nö̧ta, Jechu judi yo̧a̧dejȩrȩ: ⁠—⁠Tjamo̧ri̧ yo̧requededibe ca̧ jadü ⁠—⁠yo̧a̧dejȩrȩ⁠—⁠. Danȩrȩ, mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, pio coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ ⁠—⁠yo̧a̧dejȩrȩ.

Mateo 26:38

Ja̧dëa ji̧ yo̧a̧dejȩrȩ tjarari̧ oa: ⁠—⁠Acji cjaeämi̧ dari̧ boadique gitori̧ jo̧rȩta̧ pio judi ⁠—⁠yo̧a̧dejȩrȩ⁠—⁠. Ca̧ tjo üdë ja̧bopami̧ tarari̧ jo̧rȩtarequede. Pio yi cjiadiächji̧vä. Pio cüdëmi̧ dari̧ na̧e chiachji̧vä ⁠—⁠yo̧mȩrȩ yo̧a̧dejȩrȩ.

Marcos 14:18

Ado judiro̧ mechjaräpȩ jura cha̧ nö̧ta, Jechu judi yo̧a̧dejȩrȩ: —Danȩrȩ, tjamo̧ri̧ yo̧requededibe. Mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ —yo̧a̧dejȩrȩ.

Marcos 3:5

Ado Jechu judi jiro pumȩ ji̧ri̧iäpȩmo̧ oëra̧ti̧ oa gatë damȩrȩ ërecjiapea̧dejȩrȩ. Peaja̧di gitori̧ jo̧rȩtamȩrȩ daea̧dejȩrȩ judiro̧ chjuari̧ jiada̧ oaiä. Ja̧dëa ji̧ Jechu judi yo̧a̧dejȩ ichi chjadëdëmȩ ju̧i̧: —Ichi chjia oa tobovä. Ado judi ichi chjia oa toboa̧ oaiä, chjaodëri̧ chjapea̧de.

Juan 11:33

Ado ejaro cjiayi̧ oa daea̧dejȩ Jechu judi. Ado ji̧ nö̧ta ëba jana̧reji̧ri̧ pio ji̧ri̧bo daea̧dejȩrȩ ejaro cjiaji̧ri̧ oa. Ado ana̧ri̧ jo̧rȩtamȩpea̧de jibëa̧ chji̧rä. Ado iëno̧ë ta̧rëa̧dejȩ:

Juan 11:35

Ado Jechu pio judiborë da ui gu̧rori̧ eamȩpea̧de.

Juan 11:38

Ado Jechu judi jibëa̧ chji̧rä ana̧ri̧ jo̧rȩtamȩrȩ jäa̧de Dacharo ju̧i̧ arë ara̧räpȩ, ta̧dë cjararäpȩ. Ado tutia̧ oa cjiarëremȩde ta̧dë chachara̧.

Juan 12:27

Ado Jechu judi ji̧dë u̧i̧ yo̧mȩrȩ a̧de ni̧bä chjaoremȩdejȩrȩ: —Danȩrȩ, a̧dë chjäte gitori̧ jo̧rȩtarequede ca̧ chji̧ oa chacha tjamo̧mi̧ dari̧ —yo̧a̧dejȩrȩ—. ¿Jabo yö̧ta yo̧pea̧de ca̧ Ama̧i̧ ju̧i̧iäpȩmo̧? “Cjäri̧ ma Ama̧i̧, ana̧ri̧ tara tänȩdëcoe” ¿yo̧pea̧? Jabechji̧ cüdë ana̧ri̧ tarachea oa chjadëri̧ chjätä tänȩcoe Ama̧i̧” ¿yo̧pea̧? Cjäri̧ marequede, ja̧di ta̧rëri̧ yo̧dëpareconȩ ca̧ Ama̧i̧ ju̧i̧. Jabechji̧ goae tjamo̧dë pio ju̧i̧bo chjätäpea̧ oa birë ma̧na̧requede —yo̧a̧dejȩrȩ Jechu judi jibëa̧ jadü yo̧a̧ri̧ oa.

Juan 13:18

Ado Jechu judi ji̧dë u̧i̧ yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧, jabë mechjaräpȩ chaji̧ri̧ oa: —Danȩrȩ ca̧ jadü, cüdë dibë ütëbo oa jo̧rȩtamȩrȩ yo̧dërequededibe, jabo cja̧rȩmȩ pio ju̧i̧mo̧i̧ jo̧rȩtamȩrȩ yo̧requededibe —yo̧a̧dejȩrȩ—. Jabechji̧ pio dibë mitëa̧requededibe. Ado pio dibë chjiari tjamo̧ri̧ dabarequede. Jabo danȩrȩ, cja̧rȩmȩ üdë, pio ibë nö̧ta tai̧mȩ pio judi chjai̧dëri̧ japapadique. Ado pio ju̧i̧ chjiari go̧ȩpea̧ oa cjiade ma̧ȩ üdë. Ja̧di ta̧rëri̧ yo̧diibe: “Aja̧, pio coa nö̧ta ëba juraremȩ pio judi putu jura̧ a̧dë chami̧ dari̧ japapadique”. Aja̧, ja̧di ta̧rëri̧ go̧ȩpea̧ oa cjiade ma̧ȩ üdë.

Juan 13:2

Ado gȩnȩpea̧rä Jechu judi ëba jurarëremȩdejȩrȩ jibëa̧ jadü pio ji̧ri̧ nö̧ta. Ado Ichiae judi peadë jo̧rȩta tänȩrëremȩdejȩ Juda ju̧i̧, Jechu pio ju̧i̧ u̧i̧pë gatë tänȩpea̧ pio ju̧i̧ chjiari. Tjamo̧ davä, Chimo̧ Icariote quȩmȩ pio ju̧i̧ ja̧ joja pio ju̧i̧ peadë jo̧rȩta tänȩa̧dejȩ.

Juan 13:22

Ado pio ju̧i̧ ta̧rëa̧ oaiä, Jechu ja̧ jadü judiro̧ jibëa̧ dëbëti̧ra̧ chia dëbë dae chaji̧ri̧rȩ ana̧ri̧ jo̧rȩtaji̧ri̧pea̧dirȩ, ¿Chjia ju̧i̧ chjiari ni̧bäcjivadi? quëna̧ jo̧rȩtaji̧ri̧rȩ.

Japarea̧ 17:16

Ado Pablo judi Atenaräpȩ jibëa̧ jadü pio ji̧ri̧ jidata nö̧ta, Chira pio ju̧i̧, Timoteo pio ju̧i̧ jidata nö̧ta, gito ana̧ri̧ jo̧rȩtarëremȩde teracaba ütë buba oa dae chjaoa̧ oaiä. Jabechji̧ pumȩrȩ jëdano̧a̧ ütë üdë no̧i̧dë tjamo̧rëremȩde pio jiro bë ma̧ri̧räpȩ.

Juan Ma̧ȩ 1 2:19

Ado pio jiro pumȩ judiro̧, Quiricho pio ju̧i̧ dëbëpe chjaoji̧ri̧ pio judiro̧, jabechji̧ pio ibë nö̧ta a̧doparëreji̧ri̧dirȩ pearä judi. Jabo pio ibë nö̧ta ëba a̧dopea̧räbo, jabechji̧ pio ibë nö̧ta tjamo̧ri̧ cara̧ oa cjiami̧ dari̧ cjiadërëreji̧ri̧dirȩ. Jabechji̧ judiro̧ pio ibë nö̧ta tjamo̧ri̧ cara̧ oa cjiami̧ dari̧ cjiadiäa̧rä judi, dëdë, cjiadiäa̧täreji̧ri̧dirȩ pio ibë nö̧ta jadü cjiarea̧mi̧ dari̧ ëba a̧dopapea̧ oa. Jabo cjäri̧ madiro̧ibe, pio ibë nö̧ta tjamo̧ri̧ a̧doparea̧mi̧dë tara a̧dë baärëreji̧ri̧diro̧ibe, ibëa̧ pumȩ tjamo̧dë maearë.