Juan 13:18 - Biblia Pume

¹⁸ Ado Jechu judi ji̧dë u̧i̧ yo̧mȩrȩ a̧de ni̧bä chjaorëremȩdejȩrȩ jibëa̧ jadü ji̧ri̧, jabë mechjaräpȩ chaji̧ri̧ oa: —Danȩrȩ ca̧ jadü, cüdë dibë ütëbo oa jo̧rȩtamȩrȩ yo̧dërequededibe, jabo cja̧rȩmȩ pio ju̧i̧mo̧i̧ jo̧rȩtamȩrȩ yo̧requededibe —yo̧a̧dejȩrȩ—. Jabechji̧ pio dibë mitëa̧requededibe. Ado pio dibë chjiari tjamo̧ri̧ dabarequede. Jabo danȩrȩ, cja̧rȩmȩ üdë, pio ibë nö̧ta tai̧mȩ pio judi chjai̧dëri̧ japapadique. Ado pio ju̧i̧ chjiari go̧ȩpea̧ oa cjiade ma̧ȩ üdë. Ja̧di ta̧rëri̧ yo̧diibe: “Aja̧, pio coa nö̧ta ëba juraremȩ pio judi putu jura̧ a̧dë chami̧ dari̧ japapadique”. Aja̧, ja̧di ta̧rëri̧ go̧ȩpea̧ oa cjiade ma̧ȩ üdë.

Juan 13:18 Iomraidhean Croise

Mateo 10:36

Jabechji̧ dibëa̧ bëräji̧ri̧ pio judiro̧padirȩ pio dibë dëbëpe chjaomi̧ dari̧ japaji̧ri̧ judiro̧. Tjamo̧ davä. O judiro̧ quëna̧ oaiä, jabo o judiro̧ quëna̧dëri̧ cjia oaiä, jabechji̧ ja̧di dari̧ tutia̧ oa cjiami̧ dari̧ cjo̧ro̧padirȩ dibëa̧ bëräji̧ri̧ judiro̧ ⁠—⁠yo̧a̧dejȩrȩ.

Mateo 26:21

Ado judiro̧ jurë cha̧ nö̧ta, Jechu judi yo̧a̧dejȩrȩ: ⁠—⁠Tjamo̧ri̧ yo̧requededibe ca̧ jadü ⁠—⁠yo̧a̧dejȩrȩ⁠—⁠. Danȩrȩ, mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, pio coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ ⁠—⁠yo̧a̧dejȩrȩ.

Mateo 26:23

Ado Jechu judi dëbë yo̧a̧dejȩrȩ: ⁠—⁠Danȩrȩ, pio coa nö̧ta chja̧pe oa tachjarä chudamȩ pio judide coaiäpȩmo̧ chjai̧dëri̧ japapamȩ judi ⁠—⁠yo̧a̧dejȩrȩ⁠—⁠. Tjamo̧ davä. Coa eadëji̧ri̧ pio ji̧ri̧iäpȩmo̧ yürüpamȩ pio judide.

Marcos 14:17

Ado ja̧dëa ji̧ gȩnȩpea̧rä Jechu judi järëremȩde judiro̧ jabërä jëdano̧a̧ jo̧ tjoräpȩ ju̧ri̧. Jibëa̧ jadü pio ji̧ri̧ nö̧ta järëremȩde, 12 pio ji̧ri̧ nö̧ta.

Marcos 14:18

Ado judiro̧ mechjaräpȩ jura cha̧ nö̧ta, Jechu judi yo̧a̧dejȩrȩ: —Danȩrȩ, tjamo̧ri̧ yo̧requededibe. Mȩnȩro̧ cja̧rȩmȩrȩ, pio coa nö̧ta juramȩ pio judi chjai̧dëri̧ japapadique, coa eadëji̧ri̧ pio judiro̧ mitërea̧mi̧ dari̧, pio coa mitërea̧mi̧ dari̧ —yo̧a̧dejȩrȩ.

Marcos 14:20

Jabo Jechu judi dëbë yo̧a̧dejȩrȩ: —Danȩrȩ, 12nȩrȩ, jabo mȩnȩro̧ cja̧rȩmȩrȩ, pio coa nö̧ta chja̧pe oa tachjarä chudamȩ pio judide pio coaiäpȩmo̧ chjai̧dëri̧ japapamȩ judi —yo̧a̧dejȩrȩ—.

Lucas 22:21

Ado ja̧dëa ji̧ ja̧di ta̧rëri̧ yo̧rëremȩde Jechu judi jibëa̧ jadü pio ju̧i̧ chjiari, cja̧rȩmȩ pio ju̧i̧ chjiari: —Jabo danȩrȩ, pio coa chjai̧dëri̧ japapamȩ pio judi, pio coa ja̧bo tänȩtämi̧ cjiaji̧ri̧ pio ji̧ri̧iäpȩmo̧ goadi gatë tänȩpamȩ pio judi, jabechji̧ pio ibë nö̧ta chade mechjaräpȩ —yo̧a̧dejȩrȩ—.

Juan 13:21

Jechu judi jibëa̧ jadü pio ji̧ri̧ ja̧di ta̧rëri̧ ni̧bä chjao ëte, gito ana̧ tjamo̧ri̧ jo̧rȩtaremȩrȩ yo̧a̧dejȩrȩ areiëmi̧ dari̧: —Danȩrȩ, mȩnȩro̧ cja̧rȩmȩrȩ u̧i̧pë gatë tänȩpadique —yo̧a̧dejȩrȩ—. Tjamo̧ davä. Mȩnȩro̧ cja̧rȩmȩrȩ pio coa u̧i̧pë gatë tänȩpadique coa goëdëri̧ cjiaji̧ri̧ pio ji̧ri̧iäpȩmo̧. Tjamo̧i̧ cjiari̧ yo̧requededibe —yo̧a̧dejȩrȩ.

Juan 13:22

Ado pio ju̧i̧ ta̧rëa̧ oaiä, Jechu ja̧ jadü judiro̧ jibëa̧ dëbëti̧ra̧ chia dëbë dae chaji̧ri̧rȩ ana̧ri̧ jo̧rȩtaji̧ri̧pea̧dirȩ, ¿Chjia ju̧i̧ chjiari ni̧bäcjivadi? quëna̧ jo̧rȩtaji̧ri̧rȩ.

Juan 13:26

Ado Jechu judi dëbë yo̧a̧dejȩ: —Danȩ, chja̧pe pio ju̧i̧ chuda ëte, yürüpareconȩ. Pio judide. Ado chja̧pe oa mitë ëte, chuda ëte, yürüa̧dejȩ Juda ju̧i̧, Chimo̧ Icariote joja pio ju̧i̧iäpȩmo̧.

Juan 15:16

Jabechji̧ mitëa̧requededibe. Pio mȩnȩro̧ coa mitëdëa̧renȩro̧coe, jabo pio cüdë mitëa̧requededibe dibë. Ado dibë mitë ëte, chjadüa̧requededibe —yo̧a̧dejȩrȩ—. Mȩnȩro̧ ba chia oa ja̧bepapea̧ oa, jurarea̧ ji̧ra̧ tjamo̧ oa chiaji̧ri̧mi̧ dari̧ cjo̧ro̧pea̧ oa, bucho ana̧ cjiamȩ jurarea̧ ji̧ra̧ tjamo̧ oa chiaji̧ri̧mi̧ dari̧ ja̧bepapea̧ oa chjadüa̧requededibe —yo̧a̧dejȩrȩ—. Ado ja̧di tara mȩnȩro̧ Ama̧i̧ tjamo̧ pio ju̧i̧iä eami̧ oa cjo̧dërä, ca̧ quȩ oaiä cjo̧dërä, jabechji̧ mȩnȩro̧ cjo̧dëa̧mi̧ yürüpadidibe —yo̧a̧dejȩrȩ—.

Juan 15:19

Jabo dëdë, mȩnȩro̧ dai chirirä ja̧ pumȩrä judi, ba chia datäreji̧ri̧diro̧dibe. Jabechji̧ jibëa̧ pumȩ pio ji̧ri̧ eaji̧ri̧rȩ datäreji̧ri̧diro̧dibe. Jabo ja̧didënȩrȩ yaba̧. Mitëa̧requededibe —yo̧a̧dejȩrȩ—. Dai chirirä cjo̧ro̧ji̧ri̧ oa mitëa̧requededibe, dai chiriri ja̧dëpe bagari̧. Ado ji̧ri̧ ja̧ pumȩdëpe baga̧ oaiä, jabechji̧ goëdëri̧ cjia dapadiro̧dibe, ja̧di dari̧ dadërërea̧ ji̧.

Juan 15:25

Ado pio jiro pumȩ judiro̧ ja̧di dari̧ jiada̧ oaiä, jabechji̧ tjamo̧i̧ cjiari̧ cjiadiäa̧de jabërä go̧ȩpea̧ oa cjiarëremȩ ma̧ȩ üdë, Ütë tjamo̧ ja̧ ma̧ȩ üdë. Ta̧rëchji̧vä: "Aja̧, cüdë eami̧ chjai̧dë oa japadëa̧räbo, goëdëri̧ cjia darëreji̧ri̧diro̧coe. Jabechji̧ teracabari̧ goëdëri̧ cjia darëreji̧ri̧diro̧coe." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Aja̧, Jechu judi jiadaji̧ri̧ pio ji̧ri̧ chjiari yo̧a̧ ma̧ȩ üdë, jabërä go̧ȩpea̧ oa cjiarëremȩde —yo̧a̧dejȩrȩ.

Juan 17:12

Danȩ, cüdë pio yoa chirirä pio ji̧ri̧di ëba cjia̧ nö̧ta, jabechji̧ chjadëri̧ jida̧requedejȩrȩ, mȩnȩ coa yürüa̧ jauëchjarea̧ra̧. Ado pio ju̧i̧iä jabechji̧, judiro̧ cja̧rȩmȩrȩ dabadëpea̧ oa cjiadëade. Jabo dëdë Ama̧i̧, pio judimo̧rȩ dabadëpea̧de dabadëpapamȩ üdë. Jabechji̧ na̧ maȩ üdë, no̧mȩ tjamo̧ri ja̧ go̧ȩpea̧ oa cjiarërea̧ ma̧ȩ üdë tjamo̧i̧ cjiari̧ cjiadiäpea̧ oa, jabechji̧ dabadëpea̧ oa cjiapade —yo̧a̧dejȩ Jechu judi jibëa̧ Ama̧i̧ ju̧i̧.

Juan 18:32

Jabechji̧ ja̧di ta̧rëri̧ yo̧rëreji̧ri̧dirȩ judio tjamo̧ yo̧ji̧ri̧ judiro̧ eami̧ pumȩ oa ja̧bo tänȩpea̧ pio ju̧i̧ chjiari. Ado ja̧di ta̧rëri̧ yo̧a̧ oaiä, jabechji̧ tjamo̧i̧ cjiari̧ cjiadiäa̧de Jechurë no̧mȩ yo̧rërea̧ ma̧ȩ üdë, jënȩ toro ja̧bopea̧ pio ju̧i̧ chjiari ma̧ȩ üdë.

Juan 19:24

Ado guadia judiro̧ jibëa̧ dëbëti̧ra̧ yo̧a̧dirȩ: —Danȩrȩ, cja̧rȩmȩ codë tara, mu̧i̧ quiradëtäreji̧ri̧rea̧ro̧jo̧ȩ. Jabechji̧ ta̧dë chjaocjiarea̧ra̧ japa ëte, cja̧rȩmȩrȩ mitëtäremȩdejȩ codë oa —yo̧a̧dirȩ. Ado judiro̧ ja̧di dari̧ japabëmi̧ jabërä go̧ȩpea̧ oa cjiarëremȩde ma̧ȩ üdë pio ji̧ri̧ chjiari. “Aja̧, judiro̧ chjarapë mitëa̧dirȩ ca̧ chjiboremȩ pio ju̧i̧. Ado chjaocjiarea̧ ta̧dëra̧ pio ju̧ri̧ra̧ japea̧dirȩ ca̧ chjibo oa mitëpea̧ oa, tjori ina̧rea̧ chjibo pio ju̧i̧ mitëpea̧ oa, cja̧rȩmȩrȩ." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Ado tjamo̧i̧ cjiari̧ cjiadiäa̧de guadia pio judiro̧ ja̧di dari̧ japea̧ oaiä.

Juan 19:36

Aja̧, ja̧di dari̧ japaji̧ri̧ oa irä daea̧requedejȩrȩ. Ado guadia judiro̧ Jechu ja̧ ta ju oa chjichji gu̧na̧dëa̧ oaiä, pio ju̧i̧ ja̧ go̧a̧ oa cjacjarë gua̧ oaiä, jabechji̧ tjamo̧i̧ cjiari̧ cjiadiäa̧de jabërä go̧ȩpea̧ oa cjiarërea̧ ma̧ȩ üdë. Danȩrȩ, “Ju̧i̧ ja̧ ju üdë cja̧rȩmȩrȩ yarëa̧ oa cjiadëpade” yo̧mȩ ma̧ȩ üdë jabërä go̧ȩpea̧ oa cjiarëremȩde Jechu pio ju̧i̧ chjiari.

Juan 21:17

Ja̧dëa ji̧ Jechu judi Pedro pio ju̧i̧ yo̧a̧ri̧ co iëno̧ë ta̧rëremȩrȩ ado yo̧ë ta̧rëa̧dejȩ: —Chimo̧, Juan pio ju̧i̧ ja̧ joja oa iëno̧ë ta̧rërequedemȩ. ¿Pio coa tjamo̧ri̧ earenȩque? Ado Pedro judi pio jȩa iëno̧ë ta̧rëmȩ oa ado ta̧rëa̧ oaiä, gitori̧ jo̧rȩtamȩpea̧de tjarari̧ co iëno̧ë ta̧rëa̧ oaiä. Ado dëbë yo̧a̧dejȩ Jechu ju̧i̧: —Danȩ Ano̧mȩ, chjö̧na̧i̧ oa dabamȩrenȩ. Cüdë mȩa ea tjamo̧ pio ju̧i̧ dabarenȩ —yo̧a̧dejȩ. Ja̧dëa ji̧ Jechu judi ado yo̧a̧dejȩ: —Ja̧dirä judi, chjadëri̧ jidajȩrȩ ca̧ oveja̧mi̧ da pio ji̧ri̧ —yo̧a̧dejȩ—.

Juan 6:70

Ado ja̧dëa ji̧ Jechu judi yo̧a̧dejȩrȩ: —Danȩrȩ, 12 oa mitëa̧requededibe. Jabo mȩnȩro̧ cja̧rȩmȩrȩ Ichiaerë ira̧diä cjaeäa̧ oa cjiade —yo̧a̧dejȩrȩ.

Japarea̧ 1:16

—Danȩrȩ ca̧ oti̧, ta̧rëchji̧coe —yo̧a̧dejȩrȩ—. Davi judi, Tjo tjamo̧ pio judi ma̧ȩ yürüa̧ oa jabërä go̧ȩparëremȩde Juda Iscariote pio ju̧i̧ chjiari, judi chjai̧dëri̧ japapea̧ pio ju̧i̧ chjiari. Tjamo̧ davä, Jechu ju̧i̧ acji jäa̧ji̧ri̧ pio ji̧ri̧ yabo ëba tai̧rëremȩ pio ju̧i̧ chjiari jabërä go̧ȩparëremȩde. Ado pio jiro ma̧ȩ üdë, jabechji̧ coëma cjiari̧ cjiadiäa̧de. Davi judi go̧ȩparërea̧mi̧ coëma cjiari̧ cjiadiäa̧de. Jabechji̧ Tjo tjamo̧ judi Juda Iscariote pio ju̧i̧ chjiari yürüa̧ ma̧ȩ üdë, 'oëra̧ jirodida' quëna̧rea̧mi̧dëde. Jabechji̧ tjamo̧i̧ cjiari̧ baäde.

Japarea̧ 1:2

Aja̧, pio judi japarërea̧ pio ju̧i̧ chjiari, Ütë tjamo̧ judi pio jȩa a̧dëräpȩ baä tänȩa̧rä yuro japarërea̧ pio ju̧i̧ chjiari go̧ȩpe chjadürëremȩrequedemȩ. Ado Jechu judi baäbea yaboi̧, jabechji̧ ni̧bä chjaorëremȩdejȩrȩ jënȩ chjadüa̧ pio ji̧ri̧, jënȩ mitëa̧ pio ji̧ri̧. Tjo tjamo̧ ja̧ chja̧oerä cjiamȩrȩ ni̧bä chjaoa̧dejȩrȩ, jënȩ daba̧mi̧.

Cori̧tio Ma̧ȩ 2 4:5

Jabechji̧ a̧ro̧rȩ ma̧ȩ chjadëi̧ pio ju̧i̧ a̧ra̧ano̧rä, pumȩ judiro̧ pio ibëiäpȩmo̧ ba chia dapea̧ oa a̧ra̧ano̧dë marea̧rȩ, jabo Jechu Quiricho pio ju̧i̧ chjiarimo̧i̧ a̧ra̧ano̧rea̧rȩ. Ütëborë, ‘Ano̧mȩ tjamo̧ pio judimo̧dida’ quëna̧ jo̧rȩtapea̧ oa a̧ra̧ano̧rea̧rȩ, pumȩ judiro̧ pio ju̧i̧iäpȩmo̧ ma chjacjiamȩri̧ ni̧bäpea̧ oa. Jabechji̧ Jechu judi ibë chjätärea̧ yürüa̧ oaiämo̧i̧, jabechji̧ dibëa̧ mu̧i̧tjoi̧mi̧ dari̧ cjiadiäji̧ri̧rȩ a̧ra̧ano̧rea̧ro̧dibe.

Ebereo Ma̧ȩ 4:13

Jabechji̧ goadirea̧ decjiade Ütë tjamo̧ pio ju̧i̧iä. Jënȩ pareapea̧ üdë goadirea̧mi̧dë maeade. Ju̧i̧ ja̧ dachoro cjo̧ro̧ marea̧rȩ chäteji̧ri̧mi̧ dari̧. Ado Ütë tjamo̧ pio ju̧i̧ ja̧ dëbëräpȩ cjiadäräparea̧rȩ chjö̧na̧i̧ oa chjadëri̧ dëbë yo̧pea̧ oa, judi ibë iëno̧ iëno̧ cjiarä. Tjamo̧ davä. A̧ro̧rȩ japea̧ pio ju̧i̧ chjiari, a̧ro̧rȩ goaditea̧ pio ju̧i̧ chjiari, a̧ro̧rȩ jo̧rȩta̧ pio ju̧i̧ chjiari dëbë yo̧pea̧ chiarea̧ro̧jo̧ȩ, judi ibë iëno̧ iëno̧ cjiarä.

Jechurë Na̧rȩrërea̧ Ma̧ȩ 2:23

Aja̧, pio ji̧ ta̧rë ja̧boji̧ri̧ pio ji̧ri̧ chjaodëri̧ ja̧bo tänȩparequedejȩrȩ, ji̧ ja̧ u̧ri̧mi̧ da pio ji̧ri̧. Ado cüdë ja̧di dari̧ japea̧ oaiä, cüdë ana̧ri̧ bape chjaoa̧ oaiä, jabechji̧ a̧doparea̧ nö̧tai̧rȩ pio coa chjiari coëma cjiari̧ jo̧rȩtapadirȩ. ‘Aja̧, Jechu judi cjacjarë damȩ pio judidida, ibëa̧ chji̧ra̧ goadi jo̧rȩtarea̧mi̧dëdida, jabechji̧ pio ibë chjiari chjö̧na̧i̧ oa dabamȩdida’ quëna̧ jo̧rȩta mapadirȩ. Tjamo̧ davä. Pio dibë chjiari chjadëri̧ dabamȩrȩ bape chjaoparequededibe pumȩ nö̧tai̧ oa, mȩnȩro̧ chjai̧dëri̧ japea̧ ba oa.