Juan 13:16 - Biblia Pume

¹⁶ Danȩrȩ, tjamo̧i̧ cjiari̧ yo̧requededibe. Eami̧ mu̧i̧tjoi̧ üdë jibëa̧ ano̧mȩ ju̧i̧ u̧i̧ ba chiadëde. Ado chjadüa̧ oa cjiamȩ judi peaja̧di nö̧tadëdejȩ jȩa chjadüa̧mȩ ju̧i̧. Jabechji̧, chjadüa̧mȩ judi ji̧dë u̧i̧ ba chiade. Danȩrȩ, dibëa̧ Ano̧mȩborë mu̧i̧tjoi̧mi̧ dari̧ cjo̧ro̧rëremȩrequede dibëa̧ chjarerä, mȩnȩro̧ peaja̧dimi̧ dari̧ japapea̧ oa dibëa̧ pumȩ pio ji̧ri̧.

Juan 13:16 Iomraidhean Croise

Lucas 6:40

Danȩrȩ ca̧ pumȩ, dabanȩrȩ dabapaji̧ri̧ pio ji̧ri̧ chjiari. Jabechji̧ pio jibë a̧ra̧ano̧mȩ pio ju̧i̧iä ji̧dë u̧i̧ dabadë madirȩ, jabo a̧ra̧ano̧mȩ pio judi ji̧dë u̧i̧ dabamȩde. Jabo judiro̧ a̧ra̧ano̧mȩ pio ju̧i̧iä chjö̧na̧i̧ oa dabaji̧ri̧pea̧rä, jabechji̧ a̧ra̧ano̧mȩ pio judimi̧ dari̧ a̧ra̧ano̧rea̧ dapadirȩ. Ado pio ju̧i̧iä jabechji̧, pio coaiämo̧i̧ dabapatäreji̧ri̧nȩrȩ da cotoji̧ri̧ pio judiro̧mi̧ dari̧ cjiachea oa —yo̧mȩrȩ ni̧bä chjaorëremȩdejȩrȩ.

Juan 15:20

Danȩrȩ, cüdë dibë mu̧i̧tjoi̧ pio ju̧i̧ chjiari yo̧a̧ pio ju̧i̧ ado chjereno̧ jo̧rȩtachji̧vä. “Aja̧, mu̧i̧tjoi̧ judi jibëa̧ ano̧mȩ ju̧i̧ u̧i̧ ba chiadëde” yo̧a̧requededibe. Ado mȩnȩro̧ ca̧ mu̧i̧tjoi̧ tara, peaja̧di conȩda̧ oa cjiapanȩrȩ dibëa̧ Ano̧mȩ pio judi conȩda̧ oa cjiarërea̧mi̧. Danȩrȩ, dibëa̧ Ano̧mȩ pio ju̧i̧ conȩda̧diro̧coe —yo̧a̧dejȩrȩ—. Ado pio coa conȩdarërea̧mi̧, conȩdapadiro̧dibe peaja̧di. Ado pio coa ta̧rëdiärërea̧mi̧, ta̧rëdiäpadiro̧dibe peaja̧di. Tjamo̧ davä. Cüdë a̧ra̧ano̧a̧ ji̧, ta̧rëdiäa̧diro̧coe o judiro̧. Ado mȩnȩro̧ a̧ra̧ano̧rä, peaja̧di ta̧rëdiäpadiro̧dibe o judiro̧.

Juan 3:3

Ado Jechu judi yo̧a̧dejȩ: —Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ. Eami̧ pumȩ üdë peaja̧ mape bagari̧ ado nö̧ria̧ oa cjiadërä judi, Ütërë yo̧a̧ chja̧oerä cjo̧ro̧rea̧ dadëpade —yo̧a̧dejȩ.

Juan 3:5

Jabo Jechu judi yo̧a̧dejȩ: —Tjamo̧i̧ cjiari̧ yo̧requedemȩ. Ui oaiä ado nö̧ria̧ oa cjiadëmȩ judi, Tjo tjamo̧ pio ju̧i̧iä ado nö̧ria̧ oa cjiadëmȩ judi, jabechji̧ Ütërë yo̧a̧ chja̧oerä yu̧a̧rea̧mi̧dëde —yo̧a̧dejȩ—.

Cori̧tio Ma̧ȩ 2 8:23

Ado danȩrȩ, eami̧ pumȩ üdë dibë Tito pio ju̧i̧ chjiari iëno̧ë ta̧rërä judi, judi pio dibëiäpȩ go̧düdäräa̧rä iëno̧ë ta̧rërä judi, “Jabechji̧ Pablo pio ju̧i̧ ja̧ jadüde” yo̧ji̧ri̧rȩ dëbë yo̧parenȩro̧jo̧ȩ. “Aja̧, Pablo pio ju̧i̧ nö̧ta ja̧bepamȩde pio ibë chjadëri̧ a̧dopea̧ oa” yo̧ji̧ri̧rȩ dëbë yo̧parenȩro̧jo̧ȩ. Ado Tito pio ju̧i̧ nö̧ta ëba jäpaji̧ri̧ pio judiro̧, jabechji̧ tjaoëdë madirȩ, jabo ibëa̧ pumȩ maeadirȩ Jechu pio ju̧i̧iä. Jabechji̧ mitë chjadüa̧ oa cjiarëreji̧ri̧dirȩ ji̧dëri̧. Tjamo̧ davä. Oëra̧ti̧ oa cjiamȩ a̧doparea̧ bërä a̧dopaji̧ri̧ pio ji̧ri̧iä mitëa̧ oa cjiarëreji̧ri̧dirȩ pio dibëiäpȩ jäpea̧ ji̧. Jabechji̧ Quiricho judi pio ji̧ri̧iä chjacjiamȩri̧ ni̧bäa̧ oa cjia tara, jabechji̧ mitëa̧ oa cjiarëreji̧ri̧dirȩ.

Pjiripo Ma̧ȩ 2:25

Danȩrȩ, chjadëri̧ chjadüa̧renȩro̧coe ibëa̧ omȩ oa, Eparodito quȩmȩ pio ju̧i̧. Jabechji̧ chjadëri̧ a̧doa̧dique jabëdiäa̧mȩ oa. Ado pio coa nö̧ta ëba ja̧beparemȩdique Ütë tjamo̧ pio ju̧i̧ ja̧ oa. Ca̧ jadüdiquȩ. Cüdë ana̧ri̧ taramȩ oa ëba tararemȩdique. Jabo yaba̧ jabechji̧, 'ado chjereno̧ chjadütäremȩcuni̧da, ja̧di dari̧ japea̧ üdë chjadëtäremȩdida' quëna̧ jo̧rȩtareconȩ.