Juan 12:9 - Biblia Pume

⁹ Judio judiro̧ no̧i̧dërë goë ta̧rëji̧ri̧pea̧dirȩ Jechu judi Betania quȩmȩ bë ma̧ri̧räpȩ go̧düdäräa̧ pio ju̧i̧ chjiari. Ado pio ju̧i̧iä ja̧dira̧ järëreji̧ri̧dirȩ. Jabo Jechu pio ju̧i̧mo̧ jo̧rȩtaji̧ri̧rȩ jädëa̧dirȩ. Jabechji̧ Jechu judi bëdü tänȩa̧ oa cjiamȩ pio ju̧i̧bo datämi̧ cjiaji̧ri̧rȩ järëreji̧ri̧dirȩ, ja̧boa̧remȩ pio ju̧i̧ dapea̧ oa.

Juan 12:9 Iomraidhean Croise

Marcos 12:37

Jabo yo̧chji̧coe —yo̧a̧dejȩrȩ—. Ütërë mitëa̧ Chjätä Tänȩmȩ pio judi Davirea̧ pio judiri ja̧mȩrä judi, ¿tjana̧ ju̧i̧iä ‘ca̧ Ano̧mȩdida’ quëna̧ jo̧rȩtarëremȩde jibëa̧ri ja̧mȩ pio ju̧i̧ chjiari? Chjadëri̧ yo̧chji̧coe —yo̧mȩrȩ iëno̧ë ta̧rëa̧dejȩrȩ pumȩ ji̧ri̧ Jechu judi. Ado pumȩ bubarë, jabechji̧ goaeri̧ ta̧rë ja̧bo charëreji̧ri̧diro̧jo̧ȩ Jechu ju̧i̧.

Juan 12:1

Uëmo̧ a̧dë chjätärea̧ do üdë jabë ma̧na̧dëa̧rä, jabë 6 do pjärämȩrä, Jechu judi ado järëremȩde Betania quȩmȩ bë ma̧ri̧räpȩ. Jënȩ bëdü tänȩa̧ pio ju̧i̧iäpȩ järëremȩde, Dacharorë cjo̧ro̧mȩräpȩ.

Juan 12:10

Ado pio ju̧i̧iä tjamo̧ goë tuti ja̧bepaji̧ri̧ pio judiro̧ järi tjamo̧pea̧dirȩ Dacharo pio ju̧i̧bo ja̧bo tänȩpea̧ ji̧.

Juan 12:12

Ja̧dëa ji̧ dopea̧rä, pumȩ no̧i̧dë tjamo̧rȩ ta̧rëji̧ri̧pea̧dirȩ Jechu judi Jerucharȩräpȩ go̧düdäräpea̧ pio ju̧i̧ chjiari. Uëmo̧ a̧dë chjätärea̧ doro a̧dopera̧pea̧ji̧ri̧ pio judiro̧, Jerucharȩräpȩ a̧dopera̧pea̧ji̧ri̧ pio judiro̧ ta̧rëji̧ri̧pea̧dirȩ.

Juan 12:17

Ado Jechu judi Dacharo pio ju̧i̧ bëdü tänȩa̧ ma̧ȩ üdë, ta̧dë cjararä arë a̧ra̧ oa cjiaremȩ pio ju̧i̧ bëdü tänȩa̧ ma̧ȩ üdë, jabechji̧ oëra̧ti̧ oa baärëremȩde irä darëreji̧ri̧ pio ji̧ri̧iä, pumȩ judiro̧ ütëbodärärë ta̧rërea̧mi̧ dari̧ ja̧boa̧remȩ pio ju̧i̧ chjiari.

Japarea̧ 4:14

Ado judiro̧ to̧bari̧ dëbë yo̧tärea̧ ji̧, jabechji̧ mau maearë cjiadiäa̧dirȩ. Jabechji̧ ta piruremȩrȩ chjapea̧ oa cjiamȩ pio ju̧i̧ irä daea̧ oaiä, Jechu ja̧ jadü pio ji̧ri̧ nö̧ta cjiamȩ pio ju̧i̧ daea̧ oaiä, jabechji̧ dëbë yo̧rea̧ dadëa̧diro̧jȩrȩ.