Juan 12:6 - Biblia Pume

⁶ Aja̧, ja̧di ta̧rëri̧ yo̧rëremȩde Juda Icariote judi iei̧ pio ji̧ chjiari, judi garümȩ tara. Tjamo̧ davä. Judi chjö̧na̧i̧ti̧ oa cjäri̧ ja̧boji̧ri̧ pio ji̧ri̧ tjamo̧ri̧ a̧dorea̧ taradërëremȩde, jabo chëre maea oa jo̧rȩtarëremȩde judi garümȩ tara. Jabechji̧ Jechu ja̧ jadü ja̧ chëre pio ju̧i̧ boeamȩ tjamo̧rëremȩde. Chjibo jo̧ërä boea̧ oa goarëremȩde ji̧ri̧ ja̧ chëre oa, jabo babui̧ra̧ baë mitërëremȩde pio ji̧ri̧iä. Pio ju̧i̧iä Jechu ja̧ tarä arë cjarätä ea tjamo̧dëa̧dejȩ iei̧ ji̧.

Juan 12:6 Iomraidhean Croise

Mateo 21:13

Ado yo̧a̧dejȩrȩ Jechu judi: ⁠—⁠Danȩrȩ, ja̧di ta̧rëri̧ go̧ȩpea̧ oa cjiade ma̧ȩ üdë, Ütë tjamo̧ pio judi yo̧rërea̧ ma̧ȩ üdë. “Ca̧ bë üdë, pio coaiäpȩmo̧ ma ni̧bäpea̧ bëde." Aja̧, ja̧di ta̧rëri̧ yo̧diibe ma̧ȩ üdë ⁠—⁠yo̧a̧dejȩrȩ Jechu judi⁠—⁠. Jabo cjäri̧ manȩrȩ, pio mȩnȩro̧ ma̧i̧ dari̧ japea̧ oaiä, garüji̧ri̧ pio judiro̧ a̧doparea̧ bëmi̧ dapea̧de ⁠—⁠yo̧a̧dejȩrȩ.

Lucas 8:3

Ado cja̧rȩmo̧ iei̧ jini̧, Juana quȩyi̧ pio jini̧nȩ. Cucha quȩmȩ pio ju̧i̧ ja̧ iei̧nȩ. Ado Cucha pio judi Erode ja̧ bë oa jidamȩrȩ cjo̧ro̧rëremȩde. Ado cja̧rȩmo̧ iei̧ jini̧ Chuchana quȩyi̧rëreyi̧nȩ. Aja̧, ado pio jiro ivi jini̧ro̧mo̧rȩdë jabo ji̧ra̧ tjamo̧rëreyi̧ni̧rȩ Jechu pio ju̧i̧ nö̧ta ëba tai̧rëreji̧ri̧ jini̧ro̧. Ado jini̧ro̧, jabechji̧ jibëa̧ra̧ pio ju̧ri̧ra̧ a̧dorëreji̧ri̧ni̧ro̧jo̧ȩ Jechu pio ju̧i̧, jibëa̧ jadü pio ji̧ri̧bo. Aja̧, a̧doa̧ni̧ro̧jȩrȩ judiro̧ jurapea̧ oa, judiro̧ chjadëri̧ cjo̧ro̧rea̧ dapea̧ oa.

Juan 10:13

Jabechji̧ o judiro̧ tänȩa̧ oa jidamȩ judi chëre boapea̧ pio ju̧i̧mo̧i̧ jo̧rȩtade. Oveja pio ji̧ri̧ ba chia dadëdejȩrȩ. Pio ji̧ri̧ chjiari bücjüri̧ cjiadëde. Ado pio ju̧i̧iä chjaodëri̧ a̧dë bagureno̧dejȩrȩ.

Juan 12:5

—Jabo cjäri̧ manȩ, oëra̧ japea̧nȩ pio yi̧nëje —yo̧a̧dejȩrȩ—. Pio jiro goaeri̧ pjȩa̧mȩ joarea̧ üdë gatë tänȩa̧ oa cjia̧täremȩde chjö̧na̧i̧ti̧ oa cjäri̧ ja̧boji̧ri̧ pio ji̧ri̧iäpȩmo̧ chjarapë yürüpea̧ oa. Danȩrȩ, a̧dë chjäte ba chiade. Cja̧rȩmȩ ui codë oa ja̧bepea̧ bade, jono̧ra̧ a̧de. Ja̧di dari̧ japadëa̧täreyi̧nȩ —yo̧a̧de.

Juan 13:29

Jabechji̧ Juda judi ütëbo ja̧ chëre oa tjamo̧ jidamȩrȩ cjo̧ro̧a̧ oaiä, ado uëmo̧ a̧dë chjätärea̧ do üdë ma̧na̧na̧ra̧ oaiä, jabechji̧ ‘jurarea̧ oa gatëtä yo̧a̧ jirodiji̧da, pio a̧ro̧rȩ jurapea̧ oa, ado chjö̧na̧i̧ti̧ oa cjäri̧ ja̧boji̧ri̧ pio ji̧ri̧iäpȩmo̧ yürüpea̧ oa gatëtä yo̧a̧ jirodiji̧da’ quëna̧ jo̧rȩtaji̧ri̧rȩ ta̧rërëreji̧ri̧diro̧jo̧ȩ.

Cori̧tio Ma̧ȩ 1 6:10

Tjamo̧ davä. Garüji̧ri̧ pio judiro̧, o ji̧ri̧ ja̧ oa dae ja̧bo dae ja̧bo dae chjaoji̧ri̧ pio judiro̧, a̧dë chjäte jara ëte yu̧i̧ji̧ri̧ pio judiro̧, jibëa̧ pumȩ pio ji̧ri̧ chjiari ma̧ȩ chjádë yürüji̧ri̧ pio judiro̧, conȩda ëte baë mitëji̧ri̧ pio judiro̧, jabechji̧ Ütërë yo̧a̧ chja̧oeräpȩ yu̧a̧rea̧ dadëpadirȩ.

Garata Ma̧ȩ 2:10

Ado pio ju̧i̧ uëri a̧de yo̧a̧diro̧ibe a̧ro̧rȩ chjö̧na̧i̧ti̧ oa cjäri̧ ja̧boji̧ri̧ pio ji̧ri̧iäpȩmo̧ a̧dotä, Jerucharȩräpȩ quëna̧ji̧ri̧ pio ji̧ri̧. Ado jabechji̧remȩde pio ibëiä. Tjamo̧ri̧ a̧dotämi̧ cjiarëreji̧ri̧rea̧ro̧jȩrȩ.

Techaronichȩche Ma̧ȩ 5:22

Ado danȩrȩ, eami̧ti̧ chjai̧dë pio ju̧i̧ a̧dë jachipadärämi̧ dari̧ cjo̧ro̧chji̧vä a̧dë bagurami̧ dari̧. Jabechji̧ chjai̧dë ja̧ queri̧mi̧ daräpȩ cjiadëchji̧vä, jabo chjai̧dë oa a̧dë bagurami̧ dari̧ japachji̧vä.

Santiago Ma̧ȩ 2:2

Jabo danȩrȩ, ¿yö̧ta dari̧ japanȩrȩ mȩnȩro̧? Pumȩ judiro̧, mȩnȩro̧ a̧dopamȩräpȩ go̧düdärärä, pio dibë nö̧ta ëba a̧dopapea̧ oa go̧düdärärä, ado o judiro̧ chjacjiamȩri̧ ina̧ oa cjiaji̧ri̧rȩ go̧düdärärä, chjibo ba chia oa ina̧ oa cjiaji̧ri̧rȩ go̧düdärärä, ado ichi chaärea̧ ji̧ra̧ oa, ba chia oa, orora̧ japea̧ oa cjiamȩ ichi chaärea̧ oa chaäa̧ oa cjiaji̧ri̧rȩ go̧düdärärä, ¿yö̧ta dari̧ jo̧rȩtaji̧ri̧rȩ darenȩro̧jȩrȩ? Ado o judiro̧ peaja̧di go̧düdärärä, chjö̧na̧i̧ti̧ oa cjäri̧ ja̧boji̧ri̧rȩ go̧düdärärä, chjibo cjari̧da oa ina̧ oa cjiaji̧ri̧rȩ go̧düdärärä, ¿yö̧ta dari̧ japanȩrȩ?

Santiago Ma̧ȩ 2:6

Jabo cjäri̧ manȩrȩ, chjö̧na̧i̧ti̧ oa cjäri̧ ja̧bomȩ pio ju̧i̧ badë dae chjaorenȩro̧jo̧ȩ. ¿Tjana̧pea̧ ji̧ pio ju̧i̧ badë dae chjaorenȩro̧jo̧ȩ jabo ji̧ra̧ri̧ goamȩ ju̧i̧ ba chia dae chjaorenȩro̧jo̧ȩ? Danȩrȩ, ¿ji̧ra̧ri̧ goaji̧ri̧ pio judiro̧dëdirȩ dibë chjai̧dëri̧ cjo̧ro̧ tänȩji̧ri̧ judiro̧? ¿Pio judiro̧dëdirȩ dibë aechide yo̧ji̧ri̧ judiro̧? ¿Tjamo̧ cjo̧ro̧ji̧ri̧ ja̧ dëbëräpȩ ju̧ri̧ dibë aechide yo̧ji̧ri̧ pio judiro̧dëdirȩ? Dëdëdirȩ, pio judiro̧dirȩ.