Juan 12:3 - Biblia Pume

³ Ja̧dëa ji̧ Maria jini̧, goaeri̧ pjȩa̧mȩ joarea̧ ba chia tjamo̧ oa mitëyi̧rȩ arë cjaräa̧nȩjȩ Jechu ja̧ tarä. Nado quȩmȩ yo̧ra̧ japea̧ oa cjiamȩ goaeri̧ pjȩa̧mȩ joarea̧ oa, cja̧rȩmȩ kilo tjomo̧mi̧ arë cjaräa̧nȩjȩ. Ado ja̧di dari̧ japa ëte, jibëa̧ cö̧ra̧ pio ju̧ri̧ra̧ bubëgua̧nȩjȩ gaüparȩpea̧ oa. Ado a̧dë chjäte goaeri̧ pjȩa̧ üdë jo̧ tjo nö̧tai̧ oa goeri̧ pjea̧ cjiaremȩde bërä, pumȩ judiro̧ ütëborë tararea̧mi̧ dari̧.

Juan 12:3 Iomraidhean Croise

Lucas 10:42

Jabo damȩ, cja̧rȩmȩ pio ju̧i̧mo̧i̧ bücjüri̧ cjiatäreyi̧mȩ jabo. Jabechji̧ cüdë a̧ra̧ano̧a̧ pio ju̧i̧ chjadëri̧ dabapapea̧ pio ju̧i̧mo̧i̧ jo̧rȩtatäreyi̧mȩ. Damȩ Marta, na̧ oyi̧ jini̧, jabechji̧ ji̧dë u̧i̧ ba chia oa mitëa̧ni̧. Ado pio ju̧i̧iä tja̧reparȩrea̧mi̧dëquiji̧ —yo̧mȩrȩ yo̧rëremȩdejȩ Marta ji̧iäpȩmo̧ Jechu judi.

Lucas 7:46

Ado danȩ Chimo̧, mȩnȩ arë cjarätärea̧ ji̧, cüdë pea jana̧mȩ oa Orivo quȩmȩ yo̧ra̧ pio ju̧ri̧ra̧ ca̧ tjübë oa chjadëri̧ arë cjarätärea̧ ji̧, cjäri̧ marenȩque, eami̧ oa japadëa̧renȩque, jabo pio yi̧në iei̧ pio i̧në ca̧ ta oa arë cjaräa̧ni̧que goaeri̧ pjȩa̧mȩ joarea̧ ba chia tjamo̧ra̧.

Juan 11:28

Ado Marta jini̧ ja̧di ta̧rëri̧ yo̧ ëte, cuchupë baäeno̧a̧nȩ. Ado jibëa̧ bëräpȩ go̧düdäräa̧rä, goadi yo̧yi̧rȩ yo̧a̧nȩjȩ jibëa̧ oyi̧ ji̧, Maria pio ji̧: —Damȩ, A̧ra̧ano̧mȩ judi jana̧di. Jachi tjamo̧dëräpȩdi —yo̧a̧nȩjȩ—. Ado pio mȩa chjiari iëno̧ë ta̧rëa̧dicoa —yo̧a̧nȩjȩ.

Juan 11:32

Ado Maria jini̧ Jechu pio ju̧i̧iäpȩ go̧düdäräa̧rä, ju chatura̧ cjiadiäyi̧rȩ yo̧a̧nȩjȩ: —Danȩ Ano̧mȩ, mȩnȩ pio yirä judi, ja̧bodëa̧täremȩde ca̧ ayi̧ma̧i̧rea̧ judi —yo̧a̧nȩjȩ.

Juan 19:39

Jabo jibëa̧ma̧i̧ jädëa̧de, jabo jadü chiarë jäa̧de Nicodemo quȩmȩ pio ju̧i̧ nö̧ta, Jechu pio ju̧i̧ gȩnȩrä goëderemȩ pio ju̧i̧ nö̧ta. Ado goaeri̧ pjȩa̧mȩ joarea̧ ji̧ra̧ tjamo̧ oa goamȩrȩ järëremȩde, 30 kilo chacha oa. Jabechji̧ mira quȩmȩ mirerea̧ra̧, aro quȩmȩ mirerea̧ra̧ mirea̧ oa cjiarëremȩde goaeri̧ pjȩa̧mȩ joarea̧ üdë.