Ado Moicherë go̧a̧rërea̧ duri pio ju̧i̧ go̧a̧reji̧ri̧dirȩ, Oveja pëi̧ chjamȩmi̧ darë go̧a̧rërea̧ duri pio ju̧i̧. Tjamo̧ davä, pio judiro̧ go̧a̧rërea̧ duri pio ju̧i̧ go̧a̧reji̧ri̧dirȩ. Ja̧di ta̧rëri̧ go̧a̧reji̧ri̧dirȩ: “Ano̧mȩ Ütë, a̧dë chjäte ju chiamȩrenȩ. A̧dë chjäte chjadëri̧ japamȩrenȩ a̧ro̧rȩ dabarea̧mi̧dë pio ju̧i̧. Dacho bëremi̧ cjiari̧ jo̧rȩtaji̧ri̧rȩ darea̧rȩ davä mȩnȩ japea̧ pio ju̧i̧. Aja̧, chiriräpȩti̧ oa cjo̧ro̧ji̧ri̧ pumȩ pio ji̧ri̧ ja̧ Ano̧mȩrenȩ. Ado coëma cjiari̧ japamȩrenȩ tjamo̧i̧ cjiari̧.
Juan 12:13 - Biblia Pume13 Ado Jechu pio jui̧ chjiari̧ ta̧rëa̧ oaiä, chjaodëri̧ budeno̧a̧dirȩ tjotjo a̧rümi̧ da oa, ji̧ra̧ tjamo̧ oa. Ado mu̧i̧ji̧ri̧rȩ järëreji̧ri̧dirȩ jana̧pamȩ pio ju̧i̧ dëbëdiäpea̧ oa. Ado ja̧dëa ji̧ Jechu pio ju̧i̧ no̧ro jana̧mȩ oa daea̧ji̧ri̧rȩ ja̧di ta̧rëri̧ ëna̧diäa̧dirȩ: —Ibëa̧ Ano̧mȩ pio yoa chjacjiamȩri̧ ni̧bätäro̧jo̧ȩ. Jabechji̧ a̧dëräpȩ cjiamȩ Ano̧mȩ pio judi chjadüa̧ oa ma̧na̧diibe. Jabechji̧ chjacjiamȩri̧ ni̧bätäro̧jo̧ȩ ibëa̧ Ütë oa, Icharai pio judiri ja̧ji̧ri̧ ja̧ Ütë oa —yo̧ji̧ri̧rȩ ëna̧diärëreji̧ri̧dirȩ. Faic an caibideil |
Juan 12:13
19 Iomraidhean Croise
Ado pio ju̧i̧ duri oa daea̧requede pumȩ bubati̧ oa, pumȩrȩ ütararea̧mi̧dë oa. Chiri nö̧tai̧ oa cjo̧ro̧ji̧ri̧ pumȩ pio ji̧ri̧, ado cja̧rȩmo̧ jo̧rȩtarea̧ chiaji̧ri̧ pio ji̧ri̧, ado cja̧rȩmo̧ ma̧ȩ oa ni̧bäji̧ri̧ pio ji̧ri̧, ado cja̧rȩmo̧ taruri ja̧ pumȩ pio ji̧ri̧ daea̧requede, a̧dë chjäte ji̧ra̧ tjamo̧ oa. Aja̧, Ütë ja̧ charea̧ dëbëräpȩ cjiaji̧ri̧ oa daea̧requedejȩrȩ, Oveja pëi̧ chjamȩmi̧ da pio ju̧i̧ ja̧ dëbëräpȩ cjiaji̧ri̧ oa. Chjibo bërebërea maeara̧ ina̧ji̧ri̧ oa, tjotjo pjö̧dami̧ da oa ara cjiaji̧ri̧ oa daea̧requedejȩrȩ.
Ado yaba̧ pio yoa ma̧ȩ oa yo̧requededibe mȩnȩro̧ dabadëchea oa —yo̧a̧dejȩrȩ—. Danȩrȩ, ado chjereno yu̧a̧dëparequede dibëa bë ma̧ri̧ oa pio yaba̧. Jabechji̧ ado judiri dadëparenȩro̧coe. Jabo cüdë ado chjereno̧ ma̧na̧rä, dëdë, daparenȩro̧coe. Ado coa darä, jabechji̧ ja̧di ta̧rëri̧ yo̧parenȩrȩ pio coa chjiari: “Aja̧, chjacjiamȩri̧ ni̧bätäro̧jo̧ȩ Ano̧mȩ judi chjadüa̧ pio ju̧i̧” yo̧mȩ ma̧ȩ pio ju̧i̧ yo̧parenȩro̧coe cüdë ado chjereno̧ ma̧na̧mȩ oa —yo̧rëremȩdejȩrȩ. Ado Jechu judi ja̧di ta̧rëri̧ yo̧ ëte, jabechji̧ cjiadiärëremȩde.
Jabo to̧bari̧ dëbë ëna̧diä chjaoa̧diro̧jo̧ȩ: —Ja̧bo tänȩjo̧ȩ. Ja̧bo tänȩjo̧ȩ. Toro cji̧dä ëte, ja̧bo tänȩjo̧ȩ —ëna̧diäa̧dirȩ. Jabo Pirato judi iëno̧ë ta̧rëa̧dejȩrȩ: —¿Jabo yö̧ta dari̧ jo̧rȩtanȩrȩ? ¿Dibëa̧ ütë pio ju̧i̧ ja̧bo tänȩtä earenȩro̧coe? Jabo tjamo̧ goë tuti ja̧bepaji̧ri̧ pio judiro̧ dëbë yo̧a̧diro̧jo̧ȩ: —Cjäri made, ibëa̧ ütëdëde. Domaräpȩ cjo̧ro̧mȩ ütë pio ju̧i̧mo̧i̧ goarea̧ro̧jo̧ȩ. Ütëdëde pio yüdëje —dëbë yo̧a̧diro̧jo̧ȩ.
Ado jibëa̧ chjibo ina̧rea̧ go̧a̧ti̧rä go̧ȩpea̧ oa cjiaremȩde jibëa̧ quȩ üdë, jibëa̧ yai tarurobo. Aja̧, ja̧di dari̧ go̧ȩpea̧ oa cjiaremȩde quȩ ji̧ra̧ri̧ chiamȩrȩ. “Ado cja̧rȩmo̧rȩ dëbëparea̧mi̧dëri̧ a̧dë chjäte chiri Ütëmȩde” yo̧mȩ quȩ üdë go̧ȩpea̧ oa cjiade. Ado pio yoa quȩ üdë, “Ado cja̧rȩmo̧rȩ nö̧tadärärea̧mi̧dëri̧ a̧dë chjäte Ano̧mȩde” yo̧mȩ quȩbo go̧ȩpea̧ oa cjiade peaja̧di. Aja̧, pio jiro quȩmi̧ da oa chiaremȩde.
—Cjäri̧ made, o ji̧ri̧ chjadëri̧ chjätärea̧ yürürëremȩdejȩrȩ, jabo jibëa̧ ma̧na̧ri̧ japea̧ ju̧i̧iä chjätärea̧mi̧dëde —yo̧a̧dirȩ—. Danȩrȩ, Icharai pio judiri ja̧ji̧ri̧ ja̧ Ütërä judi, pio ji̧ri̧ ja̧ Ütë tjamo̧rä judi, jabechji̧ jibëa̧ ma̧na̧ri̧ japea̧ oaiä tori pio judiri biratäremȩde —yo̧a̧dirȩ—. Ado judi tori pio judiri tjamo̧ri̧ birarä judi, jabechji̧ quëna̧täreji̧ri̧rea̧ro̧jo̧ȩ —yo̧ji̧ri̧rȩ ya̧e chjaorëreji̧ri̧dirȩ—.
Sanasan