Juan 11:5 - Biblia Pume

^5-6 Ado Jechu judi, jabechji̧ ea tjamo̧rëremȩdejȩrȩ pio jiro pumȩ ji̧ri̧. Aja̧, Marta pio ji̧, ji̧ ja̧ oyi̧ Maria pio ji̧, ado Dacharo pio ju̧i̧ ea tjamo̧rëremȩdejȩrȩ. Jabo pio ji̧ri̧ ea tjamo̧räbo, ado Dacharo pio ju̧i̧ chjiari ma̧ȩ oa ta̧rëa̧räbo, jabechji̧ chjaodëri̧ jädërëremȩde. Jo̧ȩra̧pe jätärea̧ ji̧, jënȩ cjo̧ro̧mȩri pio judiri chjaodëri̧ jätärea̧ ji̧, jabechji̧ jëreeadëmȩrȩ cjiadiäa̧de yo̧a̧ri̧ do.

Juan 11:5 Iomraidhean Croise

Lucas 10:38

Ado Jechu judi, jibëa̧ jadüborë ji̧dë u̧i̧ jachi oa järërea̧ ji̧, bë ma̧ri̧ boi̧chji̧räpȩ yu̧a̧rëreji̧ri̧dirȩ. Ado Marta quȩyi̧ iei̧ pio jini̧ jibëa̧ bëräpȩ jana̧tä yo̧a̧nȩjȩrȩ.

Lucas 10:40

Jabo Marta jini̧ peaja̧di ta̧rë chatärea̧ ji̧, ta̧rë chadëa̧nȩ jabo jurarea̧ oa jëdano̧pea̧ pio ju̧i̧mo̧i̧ jo̧rȩtarëreyi̧nȩ. Ado pio ju̧i̧iä jäeno̧a̧nȩjȩ Jechu pio ju̧i̧iäpȩ. Ado yo̧a̧nȩjȩ: —Danȩ Ano̧mȩ, ¿bücjüri̧ cjiadënȩ pio coa chjiari? —iëno̧ë ta̧rëa̧nȩjȩ—. Danȩ, ca̧ oyi̧ jini̧ pio coa chjadëri̧ a̧dotärea̧ ji̧, jurarea̧ pio ju̧i̧ chjadëri̧ jëdano̧pea̧ ji̧ a̧dotärea̧ ji̧, a̧dodë mani̧que. Chja ja̧di yo̧je pio coa a̧dotä cüdë ca̧ea̧ma̧i̧ ja̧bepachea oa —yo̧a̧nȩjȩ.

Lucas 10:41

Jabo Jechu judi dëbë yo̧a̧dejȩ: —Damȩ Marta, ca̧ jadü. Chjadëri̧ ta̧rëcoa —yo̧a̧dejȩ—. Jabechji̧ dami̧ti̧ oa jo̧rȩte chjaoyi̧rȩ bücjüri̧ cjia tjamo̧mȩ.

Juan 11:1

Cja̧rȩmȩ üi̧ judi Dacharo quȩmȩrëremȩde. Betania quȩmȩ bë ma̧ri̧räpȩ cjo̧ro̧rëremȩde jibëa̧ ami̧ ji̧ri̧ nö̧ta, Maria pio ji̧ nö̧ta, Marta pio ji̧ nö̧ta. Ado chjadëri̧ cjo̧ro̧rërea̧ ji̧, Dacharo judi gito ja̧bomȩrȩ cjo̧ro̧mȩpea̧de. Ado Maria jini̧ pio jini̧nȩ Jechu pio ju̧i̧iäpȩ järëreyi̧nȩ. Goaeri̧ pjȩa̧mȩ joarea̧ oa Ano̧mȩ pio ju̧i̧ ja̧ tarä arë cjarärëreyi̧ pio jini̧nȩ. Jibëa̧ cö̧ra̧ Ano̧mȩ ja̧ ta oa bubëguarëreyi̧ pio jini̧nȩ. Pio ji̧ ja̧ ayi̧ma̧i̧ judi gito ja̧bomȩpea̧de.

Juan 11:3

Ado pio ju̧i̧iä yaboji̧ri̧ jini̧ro̧ ma̧ȩ chjadüa̧ni̧ro̧jo̧ȩ Jechu ju̧i̧iäpȩmo̧ pumȩ pio ju̧i̧iä. “Aja̧ Ano̧mȩ, mȩnȩ ea̧ tjamo̧ pumȩ pio judi gito ana̧pea̧de” yo̧mȩ ma̧ȩ pio ju̧i̧ yo̧ji̧ri̧rȩ ma̧ȩ chjadürëreji̧ri̧ni̧ro̧jo̧ȩ.

Juan 11:36

Ado judio judiro̧ eamȩ oa daea̧ oaiä, jibëa̧ dëbëti̧ra̧ chia ni̧bä chjaorëreji̧ri̧dirȩ, ja̧di ta̧rëri̧ yo̧ji̧ri̧rȩ: —Aja̧, Dacharo pio ju̧i̧ ea tjamo̧rëremȩdejȩ —yo̧a̧dirȩ Jechu pio ju̧i̧ chjiari.

Juan 11:8

Jabo ju̧i̧ ta̧rëa̧ oaiä, Jechu ja̧ jadü judiro̧ bücjüri̧ cjiaji̧ri̧rȩ yo̧a̧diro̧jo̧ȩ: —Jabo cjäri̧ marenȩ a̧ra̧ano̧mȩ, ja̧dira̧ järea̧mi̧dëde. Jabechji̧ ado cja̧rȩmo̧ doremȩrä pio ju̧ri̧pȩji̧ri̧ judiro̧ ta̧dëra̧ pio ju̧ri̧ra̧ ae ja̧bo tänȩtämi̧ cjiareji̧ri̧diro̧mȩ. ¿Pio ju̧i̧ dabamȩborë ja̧dira̧ jätämi̧ cjianȩ? —yo̧ë ta̧rëa̧diro̧jo̧ȩ.

Juan 16:27

Aja̧, Ama̧i̧ tjamo̧ pio ju̧i̧iä cjo̧dëparenȩro̧jo̧ȩ pio dibë tjamo̧ri̧ eamȩ pio ju̧i̧iä. Jabechji̧ mȩnȩro̧ pio coa ea tjamo̧ tara, mȩnȩro̧ pio coa chjiari coëma cjiari̧ quëna̧ tara, ‘Ama̧i̧ tjamo̧ pio judi chjadüa̧ oa ma̧na̧diibëda’ quëna̧ tara, jabechji̧ ea tjamo̧didibe Ama̧i̧ tjamo̧ judi.

Juan 17:26

Jabechji̧ pio mȩa dabadërërea̧ ji̧, chjadëri̧ daba tänȩa̧requedejȩrȩ. Ado mȩa ji̧dë u̧i̧ dabapea̧ oa, ji̧dë u̧i̧ daba tänȩparequedejȩrȩ. Jabechji̧ mȩnȩ coa ea̧ra̧ pio ju̧ri̧ra̧ eariä cjo̧ro̧pea̧ oa, cüdë pio ji̧ri̧ nö̧ta cja̧rȩmȩpe bagami̧ dari̧ cjiapea̧ oa, goë cjo̧dërequedemȩ Ama̧i̧. Ja̧ditäde. Aja̧, ja̧di ta̧rëri̧ yo̧mȩrȩ goë cjo̧dërëremȩdejȩ Jechu judi jibëa̧ Ama̧i̧ pio ju̧i̧iä jibëa̧ jadü pio ji̧ri̧ chjiari, jibëa̧ jadü pio ji̧ri̧iä ta̧rë ëte quëna̧paji̧ri̧ pio ji̧ri̧ chjiaribo.