Juan 11:44 - Biblia Pume

⁴⁴ Ado Dacharo judi chjaodëri̧ go̧düa̧de. Ja̧boa̧mȩ oa purirea̧ chjibo cotora̧ pio ju̧ri̧ra̧ puria̧ oa cjiamȩrȩ go̧düa̧de. Jibëa̧ ichi üdë, jibëa̧ ta üdë puria̧ oa cjiamȩrȩ go̧düa̧de. Ado jibëa̧ dacho üdë peaja̧di puria̧ oa cjiaremȩde chjibo cotora̧. —Jareno̧chji̧jo̧ȩ judi chjadëri̧ baärea̧mi̧ dari̧ —yo̧a̧dejȩrȩ Jechu judi. Ado jareno̧a̧diro̧jo̧ȩ. Ado jareno̧a̧ oa cjiarä, baäa̧de Dacharo judi.

Juan 11:44 Iomraidhean Croise

Taruparea̧ Ma̧ȩ 1:3

Ja̧dëa ji̧ Ütë tjamo̧ judi jibëa̧ ma̧ȩ maeara̧ pareapamȩrȩ ja̧di ta̧rëri̧ yo̧rëremȩde: "Tatarea̧ üdë tatatäde." Ado tatarea̧ decjiarërea̧ ji̧, jabechji̧ tatapea̧de.

Marcos 5:43

Jabo Jechu judi to̧bari̧ yo̧rëremȩdejȩrȩ o ji̧ri̧iäpȩmo̧ yo̧chea oa. Ado pio ju̧i̧ uëri jurarea̧ oa yürütä yo̧a̧dejȩrȩ pea bëdüa̧yi̧ pio ji̧iäpȩmo̧.

Lucas 19:20

Ado ja̧dea̧ ji̧ ado cja̧rȩmo mu̧i̧tjo̧i̧ üdë peaja̧di ütarë yo̧a̧dejȩ jibëa̧ ütë oa, jȩnȩ ja̧bepea̧ pio ju̧i̧ chjiari. "Dane ütë, mȩnȩ coa yürürërea̧ chërei̧ pio ju̧i̧mo̧i̧ oa goa jana̧requedeme. Jabechji̧ chjibo cotoro joë puri ëte goadia̧reconȩ chjadëri̧ boeapea̧ oa.

Lucas 7:15

Ado ja̧dëa ji̧ chjaodëri̧ cjitërëremȩde üi̧ pëi̧ chja üdë, ado taruparëremȩde ni̧bäpea̧ ji̧. Ado ja̧dëa ji̧ Jechu judi ado chjereno̧ yürüa̧dejȩ jojini̧ pio ji̧iäpȩmo̧.

Juan 10:30

Ado cüdë, ca̧ Ama̧i̧borë, jabechji̧ cja̧rȩmȩrea̧rȩ —dëbë yo̧mȩrȩ yo̧rëremȩdejȩrȩ Jechu judi.

Juan 11:39

Ado Jechu judi yo̧a̧dejȩrȩ: —Yuroropȩmo̧ arë jo̧ȩra̧chji̧jo̧ȩ ta̧dë oa —yo̧a̧dejȩrȩ. Jabo ja̧boa̧mȩ pio ju̧i̧rea̧ ja̧ jo̧ȩra̧mi̧ jini̧, Marta pio jini̧ chjaodëri̧ tuti yo̧a̧nȩjȩ: —Jabo cjäri̧ made, ja̧di dari̧ japarea̧mi̧dëde. Pea arë ara̧ oa cjia ma ja̧didëde. Jabechji̧ jadüchiami̧ dopea̧de yaba̧ ca̧ Ano̧mȩ. A̧dë chjäte pjȩa̧pe baga̧ jirode —yo̧a̧nȩjȩ.

Juan 11:43

Ado ja̧di dari̧ yo̧ ëte, ma̧ȩ to̧bari̧ ëna̧diämȩrȩ ëna̧diärëremȩde ütëborë ta̧rërea̧mi̧ dari̧: —Dacharo, go̧düvä —ëna̧diäa̧de.

Juan 19:40

Ado judiro̧ yo̧a̧ri̧borë Jechu ja̧ icjara oa bira tänȩ ëte, puria̧diro̧jo̧ȩ chjibo cotora̧ pio ju̧ri̧ra̧. Jabechji̧ judiorë a̧ra̧ano̧rërea̧mi̧ goaeri̧ pjȩa̧mȩ joarea̧ra̧ pio ju̧ri̧ra̧ yu̧i̧ tänȩa̧diro̧jo̧ȩ chjibo coto oa. Ado ja̧di dari̧ japa ëte, puria̧diro̧jo̧ȩ jibëa̧ icjara nö̧tai̧ oa. Icjara üdë ta̧dë cjararä chjadëri̧ arë a̧ra̧ oa cjiabëmi̧ ja̧di dari̧ jëdano̧rëreji̧ri̧diro̧jo̧ȩ.

Juan 20:5

Jabo yu̧a̧dëa̧de, jabo dairäpȩ uëdai̧ garë dae cjiamȩrȩ daea̧dejȩ puria̧rea̧ chjibo coto oa, Jechu pio ju̧i̧ puria̧rea̧ chjibo coto oa.

Juan 20:7

Ado cja̧rȩmo̧ chjibo coto oa peaja̧di daea̧dejȩ, Jechu ja̧ tjübë oa puria̧rea̧ chjibo coto pio ju̧i̧. Chjibo coto orë a̧rȩmȩräpȩ a̧rȩdërëremȩde, jabo chjadëri̧ puria̧ oa cjiarëremȩde ado cja̧rȩmo̧ro.

Juan 5:21

Jabechji̧ Ama̧i̧ tjamo̧ judi ja̧boa̧ji̧ri̧ pio ji̧ri̧ bëdü tänȩdejȩrȩ. Cjo̧ro̧rea̧ yürüdejȩrȩ. Ado peaja̧dimi̧ dari̧ japarequede, Ja tjamo̧mȩrȩ. Aja̧, cüdë jo̧rȩtami̧ bëdü tänȩrequedejȩrȩ pumȩ ji̧ri̧. Cjo̧ro̧rea̧ yürürequedejȩrȩ.

Juan 5:25

Danȩrȩ, tjamo̧i̧ cjiari̧ yo̧requededibe ado —yo̧a̧dejȩrȩ—. Ja̧boa̧mi̧ dari̧ cjo̧ro̧ji̧ri̧ pio judiro̧ orë ta̧rë jabo̧padirȩ ca̧ ma̧ȩ pio ju̧i̧, Ütë ja̧ Joja ja̧ ma̧ȩ pio ju̧i̧. Ado pio yaba̧mȩ oa peaja̧di ta̧rë ja̧bodiro̧coe ca̧ ma̧ȩ oa. Ado ta̧rë ja̧boji̧ri̧ pio judiro̧ bëdüa̧ oa cjiami̧ dari̧ cjo̧ro̧rea̧ dapadirȩ.

Pjiripo Ma̧ȩ 3:21

Ado pio judi jana̧rä, chjö̧na̧i̧däräti̧rȩ pio ju̧i̧ ja̧ chja̧oerämo̧ cjiadiäpade pio judi tänȩa̧ oa. Jabechji̧ judi a̧dë chjäte jauëchja tara, ja̧di dari̧ japarea̧ dapade. Ado pio jiro jauëchjara̧ pio ju̧ri̧ra̧ chjadëri̧ jëdano̧padejȩ ibëa̧ icjararemȩ pio ju̧i̧. Aja̧, jibëa̧ icjarami̧ dape järea̧mi̧ dari̧, bucho ana̧ cjo̧ro̧rea̧mi̧ dari̧ jëdano̧padejȩ a̧dëräpȩ go̧düdärärea̧mi̧ dari̧. Tjamo̧ davä. Ja̧borea̧ chiamȩ icjara pio ju̧i̧, dai chiririmȩ icjara pio ju̧i̧ jëdano̧padejȩ ja̧borea̧ chiadëpe bagari̧, Ütë tjamo̧ pio ju̧i̧ nö̧ta ëba cjiarea̧mi̧ dari̧.

Jechurë Na̧rȩrërea̧ Ma̧ȩ 1:18

Cjo̧ro̧rea̧ yürümȩ pio judirequede. Ja̧boa̧rëremȩrȩ bëdüa̧requede davä bucho ana̧ cjo̧ro̧pea̧ oa. Danȩ, ja̧borea̧ üdë ca̧ mu̧i̧tjoi̧mi̧ dade. Ca̧ chja̧oerä cjiami̧ dari̧ cjiade. Ado joë ya coërea̧ oa goarequede ja̧boa̧ji̧ri̧ judiro̧ tutia̧ oa cjiamȩräpȩ arë goëpea̧ oa, chjuari̧ tuti carapea̧ oa.