Juan 11:3 - Biblia Pume

³ Ado pio ju̧i̧iä yaboji̧ri̧ jini̧ro̧ ma̧ȩ chjadüa̧ni̧ro̧jo̧ȩ Jechu ju̧i̧iäpȩmo̧ pumȩ pio ju̧i̧iä. “Aja̧ Ano̧mȩ, mȩnȩ ea̧ tjamo̧ pumȩ pio judi gito ana̧pea̧de” yo̧mȩ ma̧ȩ pio ju̧i̧ yo̧ji̧ri̧rȩ ma̧ȩ chjadürëreji̧ri̧ni̧ro̧jo̧ȩ.

Juan 11:3 Iomraidhean Croise

Taruparea̧ Ma̧ȩ 22:2

Ado Ütë tjamo̧ judi yo̧a̧dejȩ: —Danȩ, na̧ ja pio ju̧i̧mo̧i̧ ëbarenȩ, Icha quȩmȩ oa. Pio ju̧i̧ mitëvä. Mȩnȩ cjäri̧ri̧ cjia da̧ pio ju̧i̧ mitëvä Moria quȩmȩ chiriräpȩ ëba jäpea̧ oa. Ado mȩnȩ ju̧ri̧pȩ go̧düdäräa̧rä, jabechji̧ goe gu̧rori̧ cäë yürütä earequedemȩ na̧ ja oa. Cüdë mȩa na̧rȩpea̧ ya̧mi̧räpȩ ju̧ri̧ yürütä earequedemȩ —yo̧a̧dejȩ.

Lucas 7:13

Ado Jechu judi ja̧boa̧mȩ ja̧ ai̧ pio ji̧ daea̧ ji̧, cjäri̧ri̧ cjia daea̧dejȩ. Ado yo̧a̧dejȩ: —Ejaro cjiadëvä.

Juan 11:1

Cja̧rȩmȩ üi̧ judi Dacharo quȩmȩrëremȩde. Betania quȩmȩ bë ma̧ri̧räpȩ cjo̧ro̧rëremȩde jibëa̧ ami̧ ji̧ri̧ nö̧ta, Maria pio ji̧ nö̧ta, Marta pio ji̧ nö̧ta. Ado chjadëri̧ cjo̧ro̧rërea̧ ji̧, Dacharo judi gito ja̧bomȩrȩ cjo̧ro̧mȩpea̧de. Ado Maria jini̧ pio jini̧nȩ Jechu pio ju̧i̧iäpȩ järëreyi̧nȩ. Goaeri̧ pjȩa̧mȩ joarea̧ oa Ano̧mȩ pio ju̧i̧ ja̧ tarä arë cjarärëreyi̧ pio jini̧nȩ. Jibëa̧ cö̧ra̧ Ano̧mȩ ja̧ ta oa bubëguarëreyi̧ pio jini̧nȩ. Pio ji̧ ja̧ ayi̧ma̧i̧ judi gito ja̧bomȩpea̧de.

Juan 11:11

Ado ja̧dëa ji̧ a̧de yo̧a̧dejȩrȩ jibëa̧ jadü ji̧ri̧: —Danȩrȩ, ibëa̧ jadü üdë, Dacharo pio judi jabomo̧ mo̧a̧mȩpea̧de, jabo jäparequede bëdü tänȩpea̧ oa —yo̧a̧dejȩrȩ.

Juan 11:21

Ado Marta jini̧ Jechu pio ju̧i̧iäpȩ go̧düdäräa̧rä, yo̧a̧nȩjȩ: —Danȩ ca̧ Ano̧mȩ, mȩnȩ jabërä jana̧rea̧ daea̧rä judi, mȩnȩ pio ibëdirä judi, jabechji̧ ca̧ omȩ üdë ja̧bodëa̧täremȩde.

Juan 11:36

Ado judio judiro̧ eamȩ oa daea̧ oaiä, jibëa̧ dëbëti̧ra̧ chia ni̧bä chjaorëreji̧ri̧dirȩ, ja̧di ta̧rëri̧ yo̧ji̧ri̧rȩ: —Aja̧, Dacharo pio ju̧i̧ ea tjamo̧rëremȩdejȩ —yo̧a̧dirȩ Jechu pio ju̧i̧ chjiari.

Juan 11:5

Ado Jechu judi, jabechji̧ ea tjamo̧rëremȩdejȩrȩ pio jiro pumȩ ji̧ri̧. Aja̧, Marta pio ji̧, ji̧ ja̧ oyi̧ Maria pio ji̧, ado Dacharo pio ju̧i̧ ea tjamo̧rëremȩdejȩrȩ. Jabo pio ji̧ri̧ ea tjamo̧räbo, ado Dacharo pio ju̧i̧ chjiari ma̧ȩ oa ta̧rëa̧räbo, jabechji̧ chjaodëri̧ jädërëremȩde. Jo̧ȩra̧pe jätärea̧ ji̧, jënȩ cjo̧ro̧mȩri pio judiri chjaodëri̧ jätärea̧ ji̧, jabechji̧ jëreeadëmȩrȩ cjiadiäa̧de yo̧a̧ri̧ do.

Juan 13:13

Danȩrȩ, “A̧ra̧ano̧mȩ” yo̧renȩro̧coe. “Ano̧mȩ” yo̧renȩro̧coe peaja̧di. Ado jabechji̧de, pio judi tjamo̧requede cüdë.

Juan 13:23

Ado Jechu ja̧ jadü üdë cja̧rȩmȩrȩ, Jechurë ea̧ jadü pio judi pio ju̧i̧ ja̧ yuroro charemȩde.

Timoteo Ma̧ȩ 2 4:20

Ado danȩ, mȩnȩ dabadëchea oa, yo̧requedemȩ ca̧ pumȩ pio ji̧ri̧ chjiari. Erato judi cjiadiäa̧de Cori̧tio quȩmȩ bë ma̧ri̧räpȩ. Ado Toropjimo̧ quȩmȩ pio ju̧i̧ a̧dë ma̧na̧reconȩ Mireto quȩmȩräpȩmȩ oa. Jabechji̧ gito ja̧bomȩ oa a̧dë ma̧na̧reconȩ.

Jechurë Na̧rȩrërea̧ Ma̧ȩ 3:19

Danȩrȩ, cüdë ea̧ pumȩ pio ji̧ri̧ to̧bari̧ chi̧dëearequedejȩrȩ. Cüdë ea̧ pumȩ pio ji̧ri̧ bide cjaeämi̧ dari̧ japarequedejȩrȩ. Ado pio ju̧i̧iä yo̧requededibe. Järichji̧vä. Chjere jo̧rȩtachji̧vä.