Juan 11:18 - Biblia Pume

¹⁸ Ado Betania quȩmȩ bë ma̧ri̧ üdë Jerucharȩ bë ma̧ri̧ queri̧räpȩde. Jachi tjamo̧dëde.

Juan 11:18 Iomraidhean Croise

Mateo 21:17

Ja̧dëa ji̧ Jechu judi järëremȩde Betania quȩmȩ bë ma̧ri̧räpȩ. Jabechji̧ pio jiro pumȩ pio ji̧ri̧ a̧dë jämȩrȩ, Jerucharȩ quȩmȩ bë ma̧ri̧ri pio judiri go̧dümȩrȩ, mo̧e järëremȩde Betania quȩmȩ bë ma̧ri̧räpȩ, pio ju̧ri̧pȩ ano̧ mire mo̧a̧pea̧ oa.

Lucas 24:13

Ji̧dë duri oa pio jiro doro, Jechu pio ju̧i̧ cho̧rë järëreji̧ri̧ pio judiro̧ yo̧a̧ri̧rȩ järëreji̧ri̧dirȩ Emau quȩmȩ bë ma̧ri̧räpȩmo̧ a̧rȩmȩ no̧ro, Jerucharȩ bë ma̧ri̧ri pio judiri jachi tjamo̧dëräpȩ, 11 kilometro jachi oa cjiamȩ bë ma̧ri̧räpȩ.

Juan 11:1

Cja̧rȩmȩ üi̧ judi Dacharo quȩmȩrëremȩde. Betania quȩmȩ bë ma̧ri̧räpȩ cjo̧ro̧rëremȩde jibëa̧ ami̧ ji̧ri̧ nö̧ta, Maria pio ji̧ nö̧ta, Marta pio ji̧ nö̧ta. Ado chjadëri̧ cjo̧ro̧rërea̧ ji̧, Dacharo judi gito ja̧bomȩrȩ cjo̧ro̧mȩpea̧de. Ado Maria jini̧ pio jini̧nȩ Jechu pio ju̧i̧iäpȩ järëreyi̧nȩ. Goaeri̧ pjȩa̧mȩ joarea̧ oa Ano̧mȩ pio ju̧i̧ ja̧ tarä arë cjarärëreyi̧ pio jini̧nȩ. Jibëa̧ cö̧ra̧ Ano̧mȩ ja̧ ta oa bubëguarëreyi̧ pio jini̧nȩ. Pio ji̧ ja̧ ayi̧ma̧i̧ judi gito ja̧bomȩpea̧de.

Juan 6:19

Ado ja̧dëa ji̧ judiro̧ jibëa̧ tai̧tora̧ 6 kilometros jachi oa tai̧a̧ ji̧, jachi tjamo̧ oa tai̧a̧ ji̧, tja tjoräpȩ ju̧ri̧ go̧düdäräa̧ ji̧, chjaodëri̧ daea̧diro̧jo̧ȩ Jechu ju̧i̧, pio jibëiäpȩmo̧ jana̧mȩ oa. Ui uëmo̧i̧ tai̧mȩ oa daea̧diro̧jo̧ȩ chami̧dëmȩ oa. Jabo cjäri̧ madiro̧jo̧ȩ. ‘Jechu pio judidida’ quëna̧ jo̧rȩtaji̧ri̧rȩ dadëa̧diro̧jo̧ȩ. Jabechji̧ ¿chjiacjivadi? quëna̧ jo̧rȩtaji̧ri̧rȩ daea̧diro̧jo̧ȩ, a̧dë chjäte uapaji̧ri̧pea̧ji̧ri̧rȩ.

Jechurë Na̧rȩrërea̧ Ma̧ȩ 14:20

Jabechji̧ bë ma̧ri̧ dairäpȩ ju̧ri̧ boa boa cjaeäa̧ oa cjiaremȩde uva cho üdë. Ado daea̧reconȩ goe ji̧ra̧ tjamo̧ oa. Uva ui maea oa datärea̧ ji̧, goe maea oa daea̧reconȩ. Boa boa cjaeärea̧ boi̧dëri pio judiri go̧dümȩ oa daea̧reconȩ. Goae tarari̧ ca̧remȩde beami̧ dari̧. Jabechji̧ jachi tjamo̧ oa ca̧remȩde, 300 kilometros jachi oa. Ado cjücjürüri̧ ca̧remȩde peaja̧di. Yae ja̧ putu jurëmi̧ cjiari̧ cjücjürüremȩde. Aja̧, ja̧di dari̧ ca̧remȩde goe üdë Ütë ja̧ ërecjia̧ pio ju̧i̧iä.

Jechurë Na̧rȩrërea̧ Ma̧ȩ 21:16

Ado bë ma̧ri̧ üdë, jabechji̧ to̧to̧ chiari̧ cjiaremȩde. Putu jumi̧ dari̧ cjiaremȩde. Cja̧rȩmȩ ütararea̧ maeara̧ japea̧ oa cjiaremȩde. Ado mu̧i̧tjoi̧ üdë bë ma̧ri̧ oa ütara̧ ji̧, 'Aja̧, ¿napai̧ go̧a̧ti̧dida' quëna̧mȩrȩ ütara̧ ji̧, jabechji̧ go̧a̧ti̧ tjamo̧ oa ütara̧dejȩ. Aja̧, 2,200 kilometros go̧a̧ti̧ oa ütara̧dejȩ. Jachi tjamo̧ oa ütara̧dejȩ. Ado peaja̧di ana̧remȩde. Peaja̧di uëremȩde. Nö̧tami̧ cjiaremȩde. Aja̧, cja̧rȩmȩ ütararea̧ maeara̧ japea̧ oa cjiaremȩde.