Juan 11:16 - Biblia Pume

¹⁶ Ado Jechu judi ja̧di ta̧rëri̧ yo̧a̧ oaiä, jibëa̧ jadü üdë, Toma pio judi yo̧a̧dejȩrȩ jadü pio ji̧ri̧iäpȩmo̧: —Jaeibe, cho̧rë jätäro̧jo̧ȩ. Pio a̧ro̧rȩborë jätäreji̧ri̧rea̧rȩ ibëa̧ Ano̧mȩ pio ju̧i̧ nö̧ta. Jabechji̧ a̧ro̧rȩ ja̧borä judi, pio ju̧i̧ nö̧ta ja̧botäreji̧ri̧rea̧rȩ —yo̧a̧dejȩrȩ. Ado Toma judi, peaja̧di “Chjara” quȩmȩrëremȩde.

Juan 11:16 Iomraidhean Croise

Mateo 10:3

Ado Felipe quȩmȩ judi, ado Bartolomȩ quȩmȩ judi, ado Tomas judi, Jechurë chjadüa̧ oa cjia maeadirȩ peaja̧di. Ado Mateo judi, domano̧ ja̧ oa chëre oa boarëremȩ pio judiborë Jechurë chjadüa̧ oa cjiade. Ado Santiago judi, Apjeo quȩmȩ pio ju̧i̧ ja̧ joja pio judi, peaja̧di Jechurë chjadüa̧ oa cjiade. Ado Tadeo quȩmȩ pio judiborë chjadüa̧ oa cjiade.

Mateo 26:35

Jabo Pedro judi dëbë yo̧a̧dejȩ: ⁠—⁠Cjäri̧ marequede ⁠—⁠yo̧a̧dejȩ⁠—⁠. Ja̧di dari̧ yo̧dëtäremȩrequede. Pio mȩadi ja̧bo tänȩa̧räbo, jabechji̧ mȩa dabadëcji̧ quëna̧ yo̧dëtäremȩrequedejȩrȩ ⁠—⁠yo̧mȩrȩ yo̧a̧dejȩ Pedro judi. Ado Jechu ja̧ jadü pio judiro̧ peaja̧di ta̧rëri̧ yo̧rëreji̧ri̧diro̧jo̧ȩ.

Marcos 3:18

Ado cja̧rȩmo̧rȩ A̧däre quȩmȩde. Ado Felipe quȩmȩ oa peaja̧di mitërëremȩdejȩ, Batoromȩ quȩmȩ pio ju̧i̧bo. Ado Mateo quȩmȩ oa, Tomas quȩmȩ oa peaja̧di mitërëremȩdejȩrȩ. Ado Santiago quȩmȩ oa, Apjeo quȩmȩ pio ju̧i̧ ja̧ joja pio ju̧i̧bo mitërëremȩdejȩ. Ado Tadeo quȩmȩ oa peaja̧di mitërëremȩdejȩ. Ado Chimo̧ quȩmȩ pio ju̧i̧bo mitëa̧dejȩ. Domano ji̧ri̧ ea tjamo̧dëmȩ pio ju̧i̧, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio ju̧i̧bo mitërëremȩdejȩ Chimo̧ pio ju̧i̧.

Lucas 22:33

Jabo Pedro judi dëbë yo̧a̧dejȩ: —Danȩ Ano̧mȩ, ji̧dë ma cho̧rë jäparequedemȩ, putu jura̧ a̧dë chami̧ dari̧ japarea̧ decjiari̧. Tjamo̧ davä. Coa chaärea̧ bëräpȩ tutia̧räbo ji̧dë ma cho̧rë jäparequedemȩ, pio coa ja̧bo tänȩräbo —yo̧a̧dejȩ.

Lucas 6:15

Ado cja̧rȩmo̧ üdë Mateo quȩmȩde. Ado cja̧rȩmo̧ üdë Santiago quȩmȩde. Alfeo quȩmȩ pio ju̧i̧ ja̧ joja pio judide. Ado Chimo̧ quȩmȩ judi, ado cja̧rȩmo̧de, ado cja̧rȩmo̧ Chimo̧de. Aja̧, järi tjamo̧rëremȩde domano̧ pio ji̧ri̧ dëbëpe chjaopea̧ ji̧. Jabechji̧ pio judiro̧ Israelita pio ji̧ri̧ ja̧ chiri oa boana̧ra̧rërea̧ oaiä, jabechji̧ järi tjamo̧rëremȩde pio ji̧ri̧ dëbëpe chjaopea̧ ji̧.

Juan 11:15

Ado cüdë jabë ju̧ri̧pȩ go̧düdärädëa̧ oaiä, jabechji̧ ma̧ chiadëri̧ cjiarequede. Ado pio dibëiä chjadëde peaja̧di. Jabechji̧ yaba̧ ji̧dë u̧i̧ quëna̧rea̧ daparenȩro̧coe. Jaeibe. Jätärȩ yaba̧ —yo̧a̧dejȩrȩ Jechu judi.

Juan 11:8

Jabo ju̧i̧ ta̧rëa̧ oaiä, Jechu ja̧ jadü judiro̧ bücjüri̧ cjiaji̧ri̧rȩ yo̧a̧diro̧jo̧ȩ: —Jabo cjäri̧ marenȩ a̧ra̧ano̧mȩ, ja̧dira̧ järea̧mi̧dëde. Jabechji̧ ado cja̧rȩmo̧ doremȩrä pio ju̧ri̧pȩji̧ri̧ judiro̧ ta̧dëra̧ pio ju̧ri̧ra̧ ae ja̧bo tänȩtämi̧ cjiareji̧ri̧diro̧mȩ. ¿Pio ju̧i̧ dabamȩborë ja̧dira̧ jätämi̧ cjianȩ? —yo̧ë ta̧rëa̧diro̧jo̧ȩ.

Juan 13:37

Jabo Pedro judi cjiadiädëmȩrȩ dëbë yo̧a̧dejȩ: —Jabo Ano̧mȩ, pio yaba̧ cho̧rë jätämi̧ cjiarequedemȩ. ¿Tjana̧ ju̧i̧iä cho̧rë järea̧ yürüdëparenȩque? Jabechji̧ pio mȩa chjiari ano̧ mire ja̧bopea̧ oa chjaodëri̧ yürütäremȩrequede ca̧ icjara oa —yo̧a̧dejȩ.

Juan 14:5

Ja̧dëa ji̧ Toma judi yo̧a̧dejȩ: —Ano̧mȩ, a̧ro̧rȩ dabadërea̧rȩ mȩnȩ baäpea̧räpȩ. Ado dabadë tara, ¿yö̧ta dari̧ go̧düdärärea̧ daparea̧rȩ?

Juan 21:2

Danȩrȩ, Jechu ja̧ jadü judiro̧ orë ji̧mo̧ cjiarëreji̧ri̧dirȩ pio jiro tjaräpȩ. Aja̧, Pedro judi pio ju̧ri̧pȩrëremȩde. Ado Toma judi, peaja̧di Chjara quȩmȩ pio judi peaja̧di tjaräpȩrëremȩde. Ado Natanera judi, Garirea chiririmȩ pio judi, Cana bë ma̧ri̧rimȩ pio judi peaja̧di pio ju̧ri̧pȩrëremȩde. Ado Chebedeo ja̧ u̧ri̧ yo̧a̧ri̧borë pio ju̧ri̧pȩrëreji̧ri̧dirȩ peaja̧di. Ado ji̧ri̧ uëri ado cja̧rȩmo̧ jadü yo̧a̧ri̧rȩ cjiarëreji̧ri̧dirȩ peaja̧di. Aja̧, pio judiro̧rëreji̧ri̧dirȩ tjaräpȩji̧ri̧ judiro̧

Japarea̧ 1:13

Ado ju̧ri̧pȩ go̧düdärä ëte, baäa̧dirȩ jënȩro̧ cjiadiärërea̧ bëräpȩ. Ado ju̧ri̧pȩ go̧düdärä ëte, bua̧dirȩ jënȩro̧ cjo̧ro̧mȩ jo̧ tjoräpȩmo̧, uëräpȩ cjiamȩ jo̧ tjoräpȩmo̧. Pedro judi, Juan judi, Santiago judi, Andres judi, Felipe judi buarëreji̧ri̧dirȩ. Ado Tomas judi, Bartolome judi, Mateo judi peaja̧di buarëreji̧ri̧dirȩ. Ado Apjeo joja pio judi, Santiago quȩmȩ pio judi peaja̧di buarëremȩde. Ado cja̧rȩmo̧ Chimo̧ judi, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio judiborë buarëremȩde Juda quȩmȩ pio ju̧i̧ nö̧ta, Santiago quȩmȩ joja pio ju̧i̧ nö̧ta. Ja̧di quȩji̧ri̧ pio judiro̧ buarëreji̧ri̧dirȩ.