Juan 11:11 - Biblia Pume

¹¹ Ado ja̧dëa ji̧ a̧de yo̧a̧dejȩrȩ jibëa̧ jadü ji̧ri̧: —Danȩrȩ, ibëa̧ jadü üdë, Dacharo pio judi jabomo̧ mo̧a̧mȩpea̧de, jabo jäparequede bëdü tänȩpea̧ oa —yo̧a̧dejȩrȩ.

Juan 11:11 Iomraidhean Croise

Go̧dürea̧ Ma̧ȩ 33:11

Ado Jeova judi, jabechji̧ pumȩrȩ jibëa̧ jadü oa ni̧bä chjaomi̧ dari̧ ni̧bä chjaorëremȩdejȩ Moiche ju̧i̧, irä ni̧bä chjaomi̧ dari̧. Ado Ütë tjamo̧ pio ju̧i̧ nöta ni̧bä chjaoa̧ duri oa, ado chjereno̧ baärëremȩde Moiche judi icharaitarë cjo̧ro̧mȩ bëräpȩ, jibëa̧ bëräpȩ. Jabo Moiche ju̧i̧ a̧domȩ pio judi, jabechji̧ jo̧ dëbëdiärea̧ jo̧ tjoräpȩ cjiadiärëremȩde. Aja̧, Jochue quȩmȩ üdë, üi̧ pëi̧ chja üdë, Nu quȩmȩ joja pio judi, jabechji̧ jibëa̧ bëräpȩ baädërëremȩde, jabo jo̧ boi̧chji̧räpȩ ju̧ri̧ a̧dë cjiadiärëremȩdejȩ Moiche ju̧i̧.

Da̧de 12:2

Jabechji̧ ja̧boa̧ oa cjiarëreji̧ri̧ pio judiro̧, daburo na̧ra̧ oa cjiarëreji̧ri̧ pio judiro̧ bëdüpadirȩ. Ado judiro̧ orë bëdüa̧ oa cjiarä, ma̧ chiadëri̧ cjia tjamo̧ji̧ri̧rȩ cjo̧ro̧padirȩ bucho ana̧. Jabo o judiro̧ bëdüa̧ oa cjiarä, cjäri̧ madirȩ, a̧dë chjäte idëri̧ cjia tjamo̧ji̧ri̧rȩ cjiadiäpadirȩ, bucho ana̧ jiada̧ oa cjiaji̧ri̧rȩ.

Mateo 27:52

Ado ta̧dë cjara üdë chjuari̧ tutia̧ oa cjiarërea̧ ji̧, chjaodëri̧ areia̧ oa cjiadiärëremȩde. Tjamo̧ davä. Pumȩ ja̧ icjararemȩ üdë idë a̧ra̧rea̧räpȩ üdë, jabechji̧ chjaodëri̧ areia̧ oa cjiadiärëremȩde. Ado ja̧boa̧rëreji̧ri̧ pio judiro̧, Ütë tjamo̧ ja̧ pumȩ pio judiro̧ bëdüa̧ oa cjiarëreji̧ri̧dirȩ no̧i̧dërë.

Mateo 9:24

Ado pio ji̧ri̧ daea̧rä, Jechu judi yo̧rëremȩdejȩrȩ pumȩ buba oa: ⁠—⁠Jabechji̧ baächji̧vä ⁠—⁠yo̧a̧dejȩrȩ⁠—⁠. Tjamo̧ri̧ ja̧bodëa̧nȩ iei̧ boi̧ jini̧, jabomo̧ mo̧a̧ cjianȩ. Baächji̧vä ⁠—⁠yo̧a̧dejȩrȩ. Jabo pio ju̧i̧ ta̧rëa̧ oaiä airi̧ cjiaji̧ri̧rȩ daea̧diro̧jo̧ȩ Jechu ju̧i̧, ‘tjamo̧ri̧ dabadëdida’ quëna̧ jo̧rȩtaji̧ri̧rȩ.

Marcos 5:39

Ado Jairo ja̧ bëräpȩ yu̧a̧mȩrȩ iëno̧ë ta̧rëa̧dejȩrȩ Jechu judi: —¿Jabo tjana̧pea̧ oa gürë eari̧ cjiarenȩrȩ? ¿Tjana̧ ju̧i̧iä ejaro cjia maeanȩrȩ mȩnȩro̧? Danȩrȩ, iei̧ boi̧chji̧ jini̧ tjamo̧ri̧ ja̧bodëa̧nȩ jabomo̧ mo̧a̧ cjianȩ —yo̧a̧dejȩrȩ.

Juan 11:10

Jabo gȩnȩrä tai̧ji̧ri̧ judiro̧, cjäri̧ madirȩ, ta ano̧e cjatäpai̧ dadirȩ tatarä jädë tara. Jabechji̧ järea̧ no̧ oa darea̧mi̧dë oaiä chjadëri̧ tai̧rea̧ dadëde. Ado pio ju̧i̧iä uapai̧ dade —yo̧a̧dejȩrȩ jibëa̧ jadü ji̧ri̧ Jechu judi. Aja̧, jibëa̧ jadü judiro̧ chjadëri̧ dabapea̧ oa, 'Aja̧, pio yaba̧ jäpea̧ üdë chjadëdida, järea̧mi̧ dadida, chjai̧dë oa chjätädëpaa̧ro̧da’ quëna̧ dabapea̧ oa, ja̧di ta̧rëri̧ ni̧bä chjaorëremȩdejȩrȩ toro tai̧pea̧ pio ju̧i̧ chjiari.

Juan 11:12

Ado ju̧i̧ ta̧rëa̧ oaiä jibëa̧ jadü judiro̧ dëbë yo̧a̧diro̧jo̧ȩ: —Jabomo̧ mo̧a̧rä judi, jabechji̧ chjadëri̧ bëdüpade —yo̧a̧diro̧jo̧ȩ.

Juan 11:13

Jabo Jechu judi “mo̧a̧mȩpea̧de” yo̧a̧ ji̧, jabomo̧ mo̧a̧rämi̧ cjiareji̧ri̧diro̧jo̧ȩ. Jabo cjäri̧ made, mo̧a̧rea̧ pio ju̧i̧ jo̧rȩtamȩrȩ yo̧dëa̧dejȩrȩ. Jabechji̧ Dacharo judi ja̧boa̧ pio ju̧i̧ jo̧rȩtamȩrȩ yo̧a̧dejȩrȩ.

Juan 11:3

Ado pio ju̧i̧iä yaboji̧ri̧ jini̧ro̧ ma̧ȩ chjadüa̧ni̧ro̧jo̧ȩ Jechu ju̧i̧iäpȩmo̧ pumȩ pio ju̧i̧iä. “Aja̧ Ano̧mȩ, mȩnȩ ea̧ tjamo̧ pumȩ pio judi gito ana̧pea̧de” yo̧mȩ ma̧ȩ pio ju̧i̧ yo̧ji̧ri̧rȩ ma̧ȩ chjadürëreji̧ri̧ni̧ro̧jo̧ȩ.

Juan 3:29

Jabechji̧ pio judide, cüdëdë. Danȩrȩ, pumȩ judiro̧ ëba̧ domȩ ju̧i̧iä, ¿chjia ja̧nȩ iei̧ ji̧ni̧? Chjia ja̧dënȩ, jabechji̧ iei̧ ëbapamȩ pio ju̧i̧ ja̧ iei̧nȩ. Pio ju̧i̧iä china̧chjanȩ. Jabo dëdë, ëbapamȩ pio judi jibëa̧ jadü ëbade. Ado jibëa̧ jadü judi ëba cjiadejȩ. Iei̧ ëbapamȩ pio ju̧i̧ ja̧ queri̧räpȩ cjiade a̧dopea̧ oa. Jabechji̧ ea tjamo̧dejȩ. Ado judi ni̧bärä ta̧rë ja̧bodejȩ. Jabechji̧ ma̧ chiadëri̧ cjiamȩrȩ ta̧rëdejȩ iei̧ ëbapamȩ ju̧i̧. Ado peaja̧dimi̧ dari̧ cjiade pio coaiä. Danȩrȩ, iei̧ ëbapamȩ pio ju̧i̧ ja̧ jadümi̧ dari̧ cjiarequede. Ado pio ju̧i̧iä jabechji̧, ca̧ chji̧ra̧ a̧dë chjäte ma̧ chiadëri̧ cjiari̧ jo̧rȩtarequede tjuri cjiami̧ dari̧.

Japarea̧ 7:60

Ado ju chatura̧ cjatämȩrȩ to̧bari̧ yo̧a̧dejȩ: —Aja̧ Ano̧mȩ, judiro̧ pio coaiäpȩmo̧ chjai̧dëri̧ japea̧ ba oa ba eadëjȩrȩ. Jabechji̧ duridëparȩmi̧ dari̧ japajȩrȩ —yo̧a̧dejȩ. Ado ja̧di ta̧rëri̧ yo̧ ëte, ja̧borëremȩde Eteba judi.

Cori̧tio Ma̧ȩ 1 15:18

Tjamo̧ davä. Quiricho judi tjamo̧ri̧ bëdüa̧ oa cjiadërä judi, jabechji̧ dabadëpea̧ oa cjiami̧ dari̧ aeno̧a̧ oa cjiadiäa̧täreji̧ri̧dirȩ Quiricho ju̧i̧ quëna̧reji̧ri̧ pio judiro̧, ja̧boa̧ji̧ri̧ pio judiro̧. Jabechji̧ judiro̧ chjätärea̧ datärea̧ ji̧, chjätärea̧ dadëa̧täreji̧ri̧dirȩ.

Cori̧tio Ma̧ȩ 1 15:34

Ado pio ju̧i̧iä yo̧requededibe ca̧ oti̧. Poë cürë jo̧rȩtachji̧vä bëdü järi̧ jo̧rȩtarea̧mi̧ dari̧. Jabechji̧ chjai̧dë pio ju̧i̧ japë ano̧chji̧vä. Chia chia, pio mȩnȩro̧ orë Ütë tjamo̧ pio ju̧i̧ ji̧dë u̧i̧ dabatärea̧ ji̧, cjäri̧ marenȩro̧jo̧ȩ, jabë tjamo̧ri̧ dabadërenȩro̧jo̧ȩ. Ado pio ju̧i̧iä idëri̧ cjia tjamo̧täreji̧ri̧nȩrȩ.

Cori̧tio Ma̧ȩ 1 15:51

Danȩrȩ, chjadëri̧ ta̧rëchji̧coe ca̧ oti̧. Pearä goadia̧ oa cjiarërea̧ ma̧ȩ pio ju̧i̧ ta̧rë tänȩtämi̧ cjiarequededibe. Jabechji̧ a̧ro̧rȩ quëna̧ji̧ri̧ pio judiro̧ ütëborë ja̧botärea̧ ji̧, a̧ro̧rȩ ütëborë ja̧boa̧mi̧ ja̧botärea̧ ji̧, jabechji̧ a̧ro̧rȩ orë chjaodëri̧ tjaoëdiä tjaoëdiä cjiape jäparea̧rȩ.

Epjecho Ma̧ȩ 5:14

Irä chi̧dëea̧ oaiä, da mirerea̧mi̧ darä cjiade. Ado pio ju̧i̧iä quëna̧dëji̧ri̧ pio ji̧ri̧ ja̧ oa go̧ȩpea̧ oa cjiade pio yoa ma̧ȩ üdë. Ta̧rëchji̧vä: "Mo̧a̧ oa cjiami̧ dari̧ cjiaji̧ri̧ judiro̧ cjitëchji̧vä. Ja̧boa̧ oa cjiami̧ dari̧ cjiaji̧ri̧ judiro̧ bëdüchji̧vä. Ado Quiricho pio judi bëdü tänȩa̧ oaiä, tatarämi̧ dari̧ cjiapade dibëa̧ tjo üdë." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë.

Techaronichȩche Ma̧ȩ 5:10

Jabechji̧ pio judide pio ibë chjiari ano̧ mire ja̧borëremȩ judi a̧ro̧rȩ pio ju̧i̧ nö̧ta cjo̧ro̧rea̧ dapea̧ oa. Jabechji̧ pio judi jana̧rä, jabë ja̧bodëa̧ pio ji̧ri̧ mitëpadiibe, ja̧boa̧ji̧ri̧ pio ji̧ri̧bo.

Santiago Ma̧ȩ 2:23

Ado pio ju̧i̧iä jabechji̧, Ütë tjamo̧ judi jabechji̧parȩrëremȩdejȩ. Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Judi quëna̧rërea̧ oaiä jabechji̧parȩrëremȩdejȩ. Ado pio ju̧i̧ uëri ja̧di ta̧rëri̧ yo̧rëremȩde Ütë tjamo̧ judi Abaraa̧rea̧ pio ju̧i̧ chjiari: “Aja̧, Abaraa̧ judi ca̧ jadüde” yo̧rëremȩde.