Juan 11:1 - Biblia Pume

^1-2 Cja̧rȩmȩ üi̧ judi Dacharo quȩmȩrëremȩde. Betania quȩmȩ bë ma̧ri̧räpȩ cjo̧ro̧rëremȩde jibëa̧ ami̧ ji̧ri̧ nö̧ta, Maria pio ji̧ nö̧ta, Marta pio ji̧ nö̧ta. Ado chjadëri̧ cjo̧ro̧rërea̧ ji̧, Dacharo judi gito ja̧bomȩrȩ cjo̧ro̧mȩpea̧de. Ado Maria jini̧ pio jini̧nȩ Jechu pio ju̧i̧iäpȩ järëreyi̧nȩ. Goaeri̧ pjȩa̧mȩ joarea̧ oa Ano̧mȩ pio ju̧i̧ ja̧ tarä arë cjarärëreyi̧ pio jini̧nȩ. Jibëa̧ cö̧ra̧ Ano̧mȩ ja̧ ta oa bubëguarëreyi̧ pio jini̧nȩ. Pio ji̧ ja̧ ayi̧ma̧i̧ judi gito ja̧bomȩpea̧de.

Juan 11:1 Iomraidhean Croise

Taruparea̧ Ma̧ȩ 48:1

Ado japamitë ana̧dë chjätä ëte, Joche judi jäja pio ju̧i̧ chjiari ta̧rërëremȩde. "Gito ja̧bode na̧ ama̧i̧ judi" yo̧a̧ oa ta̧rërëremȩde. Pio ju̧i̧ ta̧rëa̧ oaiä goë daepea̧dejȩ jibëa̧ ama̧i̧ ju̧i̧. Ado ëba järëremȩdejȩrȩ jibëa̧ u̧ri̧ ji̧ri̧, Manache quȩmȩ oa, Epjarai̧ quȩmȩ oa.

Mateo 21:17

Ja̧dëa ji̧ Jechu judi järëremȩde Betania quȩmȩ bë ma̧ri̧räpȩ. Jabechji̧ pio jiro pumȩ pio ji̧ri̧ a̧dë jämȩrȩ, Jerucharȩ quȩmȩ bë ma̧ri̧ri pio judiri go̧dümȩrȩ, mo̧e järëremȩde Betania quȩmȩ bë ma̧ri̧räpȩ, pio ju̧ri̧pȩ ano̧ mire mo̧a̧pea̧ oa.

Marcos 11:1

Ado Jechu judi pio jȩa nö̧ta jäji̧ri̧ judiro̧ Jerucharȩ bë ma̧ri̧ queri̧räpȩ go̧düdäräa̧rä, Orivo quȩmȩ ya̧mi̧räpȩ go̧düdäräa̧rä, Betage quȩmȩ bë ma̧ri̧ boi̧chji̧räpȩ go̧düdärärëreji̧ri̧dirȩ, Betania quȩmȩ bë ma̧ri̧ boi̧chji̧räpȩbo. Ado pio judiri jibëa̧ jadü yo̧a̧ri̧ oa yabo jätä eamȩrȩ chjadürëremȩdejȩrȩ Jechu judi.

Juan 11:11

Ado ja̧dëa ji̧ a̧de yo̧a̧dejȩrȩ jibëa̧ jadü ji̧ri̧: —Danȩrȩ, ibëa̧ jadü üdë, Dacharo pio judi jabomo̧ mo̧a̧mȩpea̧de, jabo jäparequede bëdü tänȩpea̧ oa —yo̧a̧dejȩrȩ.

Juan 11:18

Ado Betania quȩmȩ bë ma̧ri̧ üdë Jerucharȩ bë ma̧ri̧ queri̧räpȩde. Jachi tjamo̧dëde.

Juan 11:19

Ado pio ju̧i̧iä judio judiro̧ no̧i̧dërë go̧düdärärëreji̧ri̧dirȩ Jerucharȩ bë ma̧ri̧ri pio judiri. Jabechji̧ Marta pio ji̧ dapea̧ oa, Maria pio ji̧ dapea̧ oa, go̧düdäräa̧dirȩ jibëa̧ omȩrea̧ pio ju̧i̧ ana̧ri̧ jo̧rȩtaji̧ri̧ pio ji̧ri̧ ori̧ bagari̧ ëba cjiapea̧ oa, jini̧ro̧ cjatäcjie jo̧rȩtarea̧ dapea̧ oa.

Juan 11:3

Ado pio ju̧i̧iä yaboji̧ri̧ jini̧ro̧ ma̧ȩ chjadüa̧ni̧ro̧jo̧ȩ Jechu ju̧i̧iäpȩmo̧ pumȩ pio ju̧i̧iä. “Aja̧ Ano̧mȩ, mȩnȩ ea̧ tjamo̧ pumȩ pio judi gito ana̧pea̧de” yo̧mȩ ma̧ȩ pio ju̧i̧ yo̧ji̧ri̧rȩ ma̧ȩ chjadürëreji̧ri̧ni̧ro̧jo̧ȩ.

Juan 12:17

Ado Jechu judi Dacharo pio ju̧i̧ bëdü tänȩa̧ ma̧ȩ üdë, ta̧dë cjararä arë a̧ra̧ oa cjiaremȩ pio ju̧i̧ bëdü tänȩa̧ ma̧ȩ üdë, jabechji̧ oëra̧ti̧ oa baärëremȩde irä darëreji̧ri̧ pio ji̧ri̧iä, pumȩ judiro̧ ütëbodärärë ta̧rërea̧mi̧ dari̧ ja̧boa̧remȩ pio ju̧i̧ chjiari.

Juan 12:9

Judio judiro̧ no̧i̧dërë goë ta̧rëji̧ri̧pea̧dirȩ Jechu judi Betania quȩmȩ bë ma̧ri̧räpȩ go̧düdäräa̧ pio ju̧i̧ chjiari. Ado pio ju̧i̧iä ja̧dira̧ järëreji̧ri̧dirȩ. Jabo Jechu pio ju̧i̧mo̧ jo̧rȩtaji̧ri̧rȩ jädëa̧dirȩ. Jabechji̧ Jechu judi bëdü tänȩa̧ oa cjiamȩ pio ju̧i̧bo datämi̧ cjiaji̧ri̧rȩ järëreji̧ri̧dirȩ, ja̧boa̧remȩ pio ju̧i̧ dapea̧ oa.

Japarea̧ 9:37

Jabo Pedro judi jabë Dida quȩmȩräpȩ cjia̧ nö̧ta, gito ja̧boyi̧pea̧nȩ. Ado cjatäcjiarea̧ dadëa̧ oaiä chjaodëri̧ jaboeno̧a̧nȩ. Pio ju̧i̧iä judiro̧ japarërea̧mi̧ jëdano̧a̧diro̧jo̧ȩ jibëa̧ icjararemȩ oa na̧ra̧pea̧ oa. Joa̧diro̧jo̧ȩ. Ado joa ëte uëräpȩ cjiamȩ jo̧ tjoräpȩ ju̧ri̧ are a̧ra̧diro̧jȩ.