Juan 10:8 - Biblia Pume

⁸ Jabo ca̧ yaboi̧ jana̧rëreji̧ri̧ pio judiro̧ oëra̧ a̧ra̧ano̧ji̧ri̧dirȩ. Oveja eacji̧ quëna̧ japaji̧ri̧dirȩ. Jabomo̧ garüji̧ri̧rëreji̧ri̧dirȩ. Pumȩ chjadëdërëreji̧ri̧dirȩ. Ado pio ju̧i̧iä oveja judiro̧ ta̧rë ja̧bodëa̧diro̧jȩrȩ.

Juan 10:8 Iomraidhean Croise

Juan 10:1

Ado Jechu judi ji̧dë u̧i̧ yo̧tämi̧ cjiamȩrȩ a̧de ni̧bä chjaorëremȩdejȩrȩ pumȩ ji̧ri̧: —Danȩrȩ, tjamo̧i̧ cjiari̧ yo̧requededibe —yo̧a̧dejȩrȩ—. Oveja jidamȩ judi chjadëri̧ jidadejȩrȩ oveja pio ji̧ri̧. Ado gȩnȩpea̧rä, tutia̧rä yu̧a̧ tänȩdejȩrȩ totarea̧räpȩ, judiro̧ chjadëri̧ mo̧a̧pea̧ oa. Ado oveja jidamȩ judi totarea̧räpȩ yu̧a̧rä, jabechji̧ tjaoëri yu̧a̧dëmȩde, jabo yu̧a̧rea̧ jo̧ë yari pio judiri yu̧a̧de chjadëri̧. Jabo ja̧di dari̧ japadëmȩde garümȩ judi. Tjaoëri yu̧a̧mȩde. Uëri buë ëte yu̧a̧de garüpea̧ oa. Pumȩ chjadëdëde.

Juan 10:27

Jabechji̧ ca̧ ovejami̧ daji̧ri̧ pio judiro̧ ta̧rë ja̧bodiro̧coe. Ado chjadëri̧ dabarequedejȩrȩ peaja̧di. Ado chjadëri̧ cho̧rë jana̧diro̧coe.

Juan 10:5

Ado cja̧rȩmo̧ oa cho̧rë jädëdiro̧jo̧ȩ, jabo a̧dë bagureno̧diro̧jo̧ȩ ji̧dëri̧. Jabechji̧ jibëa̧ ma̧ȩ oa daba ta̧rëdë tara, a̧dë bagureno̧diro̧jo̧ȩ.

Japarea̧ 5:36

Jabechji̧ no̧mȩ cjo̧ro̧rëremȩ pio ju̧i̧, Teuda quȩmȩ pio ju̧i̧ ¿jo̧rȩtadënȩrȩ ca̧ jadü? Dëdë, jo̧rȩta jirorenȩro̧jo̧ȩ. Pio judi goaeri̧ yo̧a̧ oaiä, no̧i̧dërë cho̧rë jäa̧diro̧jo̧ȩ. 'Ba chiadida, tjamo̧ yo̧mȩdida, ibë a̧dorea̧mi̧ dadida' quëna̧ jo̧rȩtaji̧ri̧rȩ cho̧rë järëreji̧ri̧diro̧jo̧ȩ. Aja̧, 400 oari judiro̧ cho̧rë jäa̧diro̧jo̧ȩ. Jabo japamitë chjätä ëte, pumȩrȩ tänȩa̧ oa ja̧boa̧de. Ado ju̧i̧ cho̧rë järeji̧ri̧ pio judiro̧, cjäri̧ madirȩ, chjuchjupechärëreji̧ri̧dirȩ. Ado yaba̧ ji̧dë ma jo̧rȩtadë madiro̧jo̧ȩ.