Juan 10:5 - Biblia Pume

⁵ Ado cja̧rȩmo̧ oa cho̧rë jädëdiro̧jo̧ȩ, jabo a̧dë bagureno̧diro̧jo̧ȩ ji̧dëri̧. Jabechji̧ jibëa̧ ma̧ȩ oa daba ta̧rëdë tara, a̧dë bagureno̧diro̧jo̧ȩ.

Juan 10:5 Iomraidhean Croise

Marcos 4:24

Ado Jechu judi ji̧dë u̧i̧ yo̧mȩrȩ a̧de yo̧a̧dejȩrȩ: —Danȩrȩ, mȩnȩro̧ pio coaiä ta̧rëa̧ pio ju̧i̧ urëdi chari̧ jo̧rȩtachji̧vä dibëa̧ chji̧ra̧. Chjadëri̧ ta̧rëdiächji̧jo̧ȩ. Jabechji̧ mȩnȩro̧ ca̧ ma̧ȩ oa ta̧rëdiäji̧ri̧rȩ cjo̧ro̧rä judi, jabechji̧ ji̧dë u̧i̧ a̧de goaji̧ri̧mi̧ dari̧ dabape jäpanȩrȩ.

Lucas 8:18

Ado pio ju̧i̧iä na̧e chiatäreji̧ri̧nȩrȩ ca̧ ma̧ȩ oa chjadëri̧ dabapea̧ oa, chjadëri̧ ta̧rëdiäpea̧ oa. Jabechji̧ ta̧rëdiämȩ pio judi, jënȩ dabapea̧ pio ju̧i̧ ta̧rëdiämȩ pio judi, jabechji̧ ji̧dë u̧i̧ a̧de goamȩmi̧ dari̧ dabape jäpade, ji̧ra̧ tjamo̧ oa a̧de dabapadärärea̧mi̧ dari̧. Jabo pumȩ judi, jënȩ dabapea̧ pio ju̧i̧ ta̧rëdiädëmȩ pio judi, jabechji̧ ji̧dë u̧i̧ a̧de goamȩmi̧ dari̧ dabapatärea̧ ji̧, ja̧di dari̧ cjiadiärea̧ dadëpade, jabo jënȩ dabapatarërea̧ pio judi goarijäa̧ oa cjiapade ji̧dëri̧, jënȩ ji̧dë u̧i̧ dabape jätärea̧ ji̧. Pio ju̧i̧iä yo̧requededibe mȩnȩro̧ chjadëri̧ dabapatä, mȩnȩro̧ chjadëri̧ ta̧rëdiätä —yo̧mȩrȩ ni̧bä chjaorëremȩdejȩrȩ Jechu judi.

Juan 10:16

Ado o oa peaja̧di goarequedejȩrȩ ovejami̧ da pio ji̧ri̧. Peaja̧di ca̧ea̧dirȩ, jabo pio yoa totarea̧rä cjiadëdirȩ. Pio ji̧ri̧bo ëna̧diäpea̧ chiarequedejȩrȩ. Ado ta̧rë ja̧bopadiro̧coe ca̧ ma̧ȩ oa. Ado ëba ma̧na̧parequedejȩrȩ. Ado cja̧rȩmȩ bubape bagari̧ goaparequedejȩrȩ ji̧mo̧ ma cjo̧ro̧ji̧ri̧ oa. Ado ütëbo oa jidaparequedejȩrȩ, oveja jidamȩ cja̧rȩmȩrȩ —yo̧mȩrȩ ni̧bä chjaorëremȩdejȩrȩ Jechu judi pumȩ ji̧ri̧iäpȩmo̧.

Juan 10:4

Tjamo̧ davä. Oveja jidamȩ judi oveja pio ji̧ri̧ totarea̧ dairäpȩ ëba go̧düa̧rä, yabo ëba jä madejȩrȩ. Ado cho̧rë jädiro̧jo̧ȩ. Ju̧i̧ ja̧ ma̧ȩ oa daba ta̧rëji̧ri̧rȩ cho̧rë jädiro̧jo̧ȩ.

Timoteo Ma̧ȩ 2 4:3

Jabechji̧ japamitë chjätä ëte, ta̧rë ja̧bodëpadiro̧jo̧ȩ Ütë tjamo̧ ja̧ ma̧ȩ oa. Ütë ja̧ ma̧ȩ oa coëma cjiari̧ a̧ra̧ano̧ji̧ri̧ pio ji̧ri̧ ta̧rë ja̧bodëpadiro̧jȩrȩ. Jabechji̧ pio jibë chjadëri̧ a̧dopamȩ ma̧ȩ oa ta̧rë ja̧botärea̧ ji̧, a̧ra̧ano̧rea̧ ma̧ȩ ba chia oa ta̧rë ja̧botärea̧ ji̧, jabechji̧ jibëa̧ ma̧na̧ri̧ jo̧rȩtaji̧ri̧rȩ na̧padiro̧jȩrȩ oëra̧ a̧ra̧ano̧ji̧ri̧ pio ji̧ri̧. Aja̧, ji̧ra̧ oa na̧padiro̧jȩrȩ. Ado pio ji̧ri̧ ano̧ mire ta̧rë ja̧bopadiro̧jȩrȩ. Jabechji̧ goaeri̧ ta̧rëpea̧ oa, pio jibëiäpȩmo̧ aechideji̧ri̧mi̧ dari̧ a̧ra̧ano̧dëji̧ri̧ oa ano̧ mire ta̧rë ja̧bopadiro̧jȩrȩ.

Juan Ma̧ȩ 1 2:19

Ado pio jiro pumȩ judiro̧, Quiricho pio ju̧i̧ dëbëpe chjaoji̧ri̧ pio judiro̧, jabechji̧ pio ibë nö̧ta a̧doparëreji̧ri̧dirȩ pearä judi. Jabo pio ibë nö̧ta ëba a̧dopea̧räbo, jabechji̧ pio ibë nö̧ta tjamo̧ri̧ cara̧ oa cjiami̧ dari̧ cjiadërëreji̧ri̧dirȩ. Jabechji̧ judiro̧ pio ibë nö̧ta tjamo̧ri̧ cara̧ oa cjiami̧ dari̧ cjiadiäa̧rä judi, dëdë, cjiadiäa̧täreji̧ri̧dirȩ pio ibë nö̧ta jadü cjiarea̧mi̧ dari̧ ëba a̧dopapea̧ oa. Jabo cjäri̧ madiro̧ibe, pio ibë nö̧ta tjamo̧ri̧ a̧doparea̧mi̧dë tara a̧dë baärëreji̧ri̧diro̧ibe, ibëa̧ pumȩ tjamo̧dë maearë.

Juan Ma̧ȩ 1 2:21

Ado pio ju̧i̧iä mȩnȩro̧ tjamo̧ri̧ dabaji̧ri̧pea̧ tara, Quiricho pio ju̧i̧ chjiari tjamo̧i̧ cjiari̧ baämȩ ma̧ȩ pio ju̧i̧ tjamo̧ri̧ dabaji̧ri̧pea̧ tara, jabechji̧ go̧ȩpe chjadürequededibe ca̧ oti̧. Jabechji̧ dabadëji̧ri̧ oa go̧ȩpadërequededibe jabo mȩnȩro̧ tjamo̧ri̧ dabaji̧ri̧pea̧ji̧ri̧ oa go̧ȩpe chjadürequededibe. Jabechji̧ ütarë ta̧rërea̧ chianȩrȩ. Ado pio ju̧i̧iä eami̧ üdë teracaba ma̧ȩ oa a̧ra̧ano̧rä, jabechji̧ coëma cjiari̧ ütarapai̧ danȩrȩ pio ju̧i̧ chjiari. Jabechji̧ oëra̧ a̧ra̧ano̧rea̧ üdë coëma cjiari̧ baämȩ ma̧ȩ pio ju̧i̧ nö̧ta ji̧mo̧ baädë tara, jabechji̧ tjamo̧i̧ cjiari̧ ütararea̧ danȩrȩ oëra̧ a̧ra̧ano̧mȩ pio ju̧i̧ chjiari. Ado mȩnȩro̧ pio ju̧i̧bo dabaji̧ri̧pea̧ tara, jabechji̧ go̧ȩpe chjadürequededibe.

Jechurë Na̧rȩrërea̧ Ma̧ȩ 2:2

Danȩ, dabarequede pio dibë chjiari. Mȩnȩro̧ ca̧ea̧ pio ju̧i̧ ja̧bepe chjaoa̧ pio ju̧i̧ chjiari, mȩnȩro̧ goaedëräbo coëma cjiari̧ cjo̧ro̧a̧ pio ju̧i̧ chjiari dabarequede. Chjuari̧ quëna̧ji̧ri̧rȩ ja̧bepaji̧ri̧ oa, jëreeadëji̧ri̧ oa darequededibe davä conȩda̧ oa cjia̧räbo. Ado chjai̧dëri̧ japaji̧ri̧ pio ji̧ri̧ ta̧rë ja̧bodë marenȩro̧jȩrȩ. ‘Jabechji̧diro̧da’ quëna̧ dadë marenȩro̧jȩrȩ. Pio ju̧i̧bo dabarequede. Ado mȩnȩro̧, teracabari̧ yo̧ji̧ri̧ pio ji̧ri̧ chjadëri̧ ütarë daea̧ pio ju̧i̧ chjiaribo dabarequede. Tjamo̧ davä. Mȩnȩro̧ na̧e chiaji̧ri̧rȩ chjadëri̧ ütarë daea̧ oaiä, chjadëri̧ dabaji̧ri̧pea̧nȩrȩ teracabari̧ yo̧ji̧ri̧ pio ji̧ri̧ chjiari, Jechurë chjadüa̧cji̧ quëna̧ japaji̧ri̧ pio ji̧ri̧ chjiari. ‘Aja̧, ma̧ȩ chjádë yürüji̧ri̧ maeadiro̧da’ quëna̧ dabaji̧ri̧pea̧nȩrȩ chjadëri̧. Pio ju̧i̧ chjiaribo dabarequede.