Juan 10:34 - Biblia Pume

³⁴ Jabo Jechu judi yo̧a̧dejȩrȩ: —Danȩrȩ, Moicherë go̧ȩparërea̧ ma̧ȩrä go̧ȩpea̧ oa cjiade Ütë tjamo̧ judi icharaita tjamo̧ yo̧ji̧ri̧ pio ji̧ri̧iäpȩmo̧ yo̧rërea̧ ma̧ȩ üdë —yo̧a̧dejȩrȩ—. Jabechji̧ icharaita judiro̧, tjamo̧ yo̧ji̧ri̧ pio ji̧ri̧ ja̧ chja̧oerä cjo̧ro̧rëreji̧ri̧dirȩ. Pio ji̧ri̧ ja̧ ma̧ȩ oa ta̧rëa̧ oaiä na̧e chiapea̧dirȩ Ütë tjamo̧ judi yo̧a̧ pio ju̧i̧ chjiari. Ado pio ju̧i̧iä ja̧di ta̧rëri̧ yo̧rëremȩdejȩrȩ Ütë tjamo̧ judi tjamo̧ yo̧ji̧ri̧ pio ji̧ri̧iäpȩmo̧. “Mȩnȩro̧ pio ji̧ri̧ ja̧ ütënȩrȩ” yo̧rëremȩdejȩrȩ.

Juan 10:34 Iomraidhean Croise

Go̧dürea̧ Ma̧ȩ 4:16

Mȩnȩ na̧ ayima̧i̧ oa yo̧a̧ pio ju̧i̧ goë yo̧padejȩrȩ icharaita pio ji̧ri̧iäpȩmo̧. Pio mȩnȩ yo̧tärea̧ ji̧, Aro̧ pio judi goë yo̧pade na̧ yami̧ dari̧ cjiamȩrȩ. Aja̧, cüdë mȩa yo̧a̧ pio ju̧i̧mo̧i̧ goë yo̧pade, ca̧ ma̧ȩ duri maea oa.

Go̧dürea̧ Ma̧ȩ 7:1

Ado Jeova judi yo̧rëremȩdejȩ Moiche ju̧i̧: —Danȩ Moiche, pjarao̧ judi Ütë tjamo̧mi̧ da oa dapadimȩ mȩa, pio cüdë tänȩa̧ oaiä. Ado Aro̧ judi, na̧ ayima̧i̧ pio judi, pio mȩa chjiari goë ni̧bäpadejȩ. Mȩnȩ ju̧i̧ yo̧a̧ pio ju̧i̧ goë yo̧pade.

Juan 10:35

Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado Ütë tjamo̧ ja̧ ma̧ȩ pio ju̧i̧ chjiari tjamo̧ri̧ dabarea̧rȩ. ‘Oëra̧ cjiapamȩ jirodida’ quëna̧rea̧mi̧dëde. Jabechji̧ coëma cjiade tjaoëdiäpe bagarea̧ decjiari̧. Pio ju̧i̧ tjamo̧ri̧ dabarea̧rȩ. Ado pio ju̧i̧iä iëno̧ë ta̧rërequededibe.

Juan 12:34

Ado pumȩ buba judiro̧ pio ju̧i̧ ta̧rëa̧ oaiä, yo̧a̧diro̧jo̧ȩ: —Danȩ, ibëa̧ ma̧ȩ üdë, tüdüa̧mi̧ darä cjo̧ro̧pea̧ ma̧ȩ üdë ni̧bädiibe Ütërë mitëa̧ Chjätä Tänȩmȩ pio ju̧i̧ chjiari —yo̧a̧diro̧jo̧ȩ—. “Aja̧, Ütërë mitëa̧ Chjätä Tänȩmȩ judi bucho ana̧ cjo̧ro̧pade” yo̧diibe ma̧ȩ üdë. “Ja̧bopade” yo̧dëdiibe. Ado ja̧dirä judi, ¿tjana̧ ju̧i̧ä ja̧di ta̧rëri̧ yo̧renȩ? —iëno̧ë ta̧rëa̧diro̧jo̧ȩ—. ¿Tjana̧ ju̧i̧iä “Pumȩrȩ Ara̧ Tjamo̧ pio judi toro uëräpȩmo̧ cjiari̧ cji̧däa̧ oa cjiapade” yo̧a̧renȩibe? Oëra̧ baämi̧ dari̧ cjiade. Ado ¿chjia tjamo̧de jiro Pumȩrȩ Ara̧ Tjamo̧ judi? Chjadëri̧ yo̧ibe —yo̧a̧diro̧jo̧ȩ.

Juan 15:25

Ado pio jiro pumȩ judiro̧ ja̧di dari̧ jiada̧ oaiä, jabechji̧ tjamo̧i̧ cjiari̧ cjiadiäa̧de jabërä go̧ȩpea̧ oa cjiarëremȩ ma̧ȩ üdë, Ütë tjamo̧ ja̧ ma̧ȩ üdë. Ta̧rëchji̧vä: "Aja̧, cüdë eami̧ chjai̧dë oa japadëa̧räbo, goëdëri̧ cjia darëreji̧ri̧diro̧coe. Jabechji̧ teracabari̧ goëdëri̧ cjia darëreji̧ri̧diro̧coe." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Aja̧, Jechu judi jiadaji̧ri̧ pio ji̧ri̧ chjiari yo̧a̧ ma̧ȩ üdë, jabërä go̧ȩpea̧ oa cjiarëremȩde —yo̧a̧dejȩrȩ.

Juan 8:17

Danȩrȩ, tüdüa̧mi̧ darä cjo̧ro̧pea̧ ma̧ȩrä cjo̧ro̧nȩrȩ. Ado ja̧di ta̧rëri̧ yo̧diibe dibëa̧ ma̧ȩ üdë: “Aja̧, pumȩ judiro̧ yo̧a̧ri̧rȩ, ado cja̧rȩmo̧ pumȩ pio ju̧i̧ chjiari cja̧rȩmȩ jo̧rȩtarea̧ oa ni̧bä chjaorä judi, jabechji̧ chjadëde. Coëma cjiade.” Aja̧, ja̧di ta̧rëri̧ yo̧diibe dibëa̧ ma̧ȩ üdë.

Cori̧tio Ma̧ȩ 1 14:21

Danȩrȩ, yabo yürüa̧ pënȩrä ja̧di ta̧rëri̧ go̧ȩparëremȩde Ichaia quȩmȩrea̧ judi Ütë tjamo̧ pio ju̧i̧ chjiari, judi icharaita pio ji̧ri̧iäpȩmo̧ ni̧bätarërea̧ pio ju̧i̧ chjiari. Ta̧rëchji̧vä: "Ca̧ pumȩ pio judiro̧, cjäri̧ madiro̧coe, ji̧dë ma jiade ta̧rë chjaodiro̧coe. Jabechji̧ cüdë pio ji̧ri̧iäpȩmo̧ ni̧bäräbo, cüdë tjaoëriji̧ri̧ pio ji̧ri̧iä pio ji̧ri̧iäpȩmo̧ ma̧ȩ yürüräbo, tjaoëriji̧ri̧ pio ji̧ri̧ ja̧ ya pio oaiä ni̧bäräbo, cjäri̧ madiro̧coe, ji̧dë ma jiade ta̧rë chjaodiro̧coe." Aja̧, ja̧di ta̧rëri̧ go̧ȩpea̧ oa cjiade ma̧ȩ üdë.