Juan 10:21 - Biblia Pume

²¹ Jabo o judiro̧ yo̧a̧dirȩ: —Cjäri̧ made, yaröca chiamȩ judi ja̧di ta̧rëri̧ ni̧bädëmȩde. Yaröca chiamȩ judi da cotomȩ pio ju̧i̧ chjaparȩrea̧mi̧dëde —yo̧a̧dirȩ. Aja̧ ja̧di ta̧rëri̧ yo̧ji̧ri̧pea̧dirȩ yo̧a̧ri̧ bubami̧ dari̧ jo̧rȩtaji̧ri̧rȩ.

Juan 10:21 Iomraidhean Croise

Go̧dürea̧ Ma̧ȩ 4:11

Jabo Jeova judi yo̧a̧dejȩ: —¿Chjiade pumȩ ya Ano̧mȩ judi? ¿Chjiade ni̧bärea̧ yürümȩ judi? ¿Chjiarë tänȩa̧ oa ta̧ra̧ cotodirȩ o judiro̧? Ado ¿chjiade pumȩ dacho Ano̧mȩ judi? ¿Chjiarë tänȩa̧ oa da cotodirȩ o judiro̧? Chjiarëdë, danȩ, pio Cüdërequede. Jeova pio judirequede.

Go̧dürea̧ Ma̧ȩ 8:19

Ja̧dëa ji̧ jauëchja cjiari̧ japaji̧ri̧ judiro̧ yo̧a̧diro̧jo̧ȩ pjarao̧ ju̧i̧: —Danȩ ütë, Ütë tjamo̧ pio judi tjamo̧ri̧ japea̧ oaiä, mȩ ji̧ra̧pe baga̧diibe —yo̧a̧diro̧jo̧ȩ. Jabo pjarao̧ judi ta̧rë ja̧bodëa̧dejȩrȩ. Jabechji̧ mȩ ji̧ra̧ tjamo̧ oa daea̧mȩborë chjuari̧ jiadarëremȩdejȩrȩ Moiche ju̧i̧, Aro̧ ju̧i̧. Jeova pio judi yo̧a̧rea̧mi̧ chjuari̧ jiadarëremȩdejȩrȩ.

Mateo 11:5

Danȩrȩ, dacho cotorëreji̧ri̧ pio judiro̧ chjadëri̧ daji̧ri̧pea̧dirȩ. Ado ma̧i̧ da co chiarëreji̧ri̧ pio judiro̧ chjaparȩa̧ oa cjiaji̧ri̧pea̧dirȩ. Ado tai̧rea̧ chiadërëreji̧ri̧ pio judiro̧ chjadëri̧ tai̧rea̧ daji̧ri̧pea̧dirȩ. Ado ta̧ra̧ cotorëreji̧ri̧ pio judiro̧ chjadëri̧ ta̧rëji̧ri̧pea̧dirȩ. Ado ja̧boa̧reji̧ri̧ pio judiro̧ bëdü ëte, cjo̧ro̧ji̧ri̧pea̧dirȩ ado chjereno̧. Ado chjö̧na̧i̧ti̧ oa cjäri̧ ja̧boji̧ri̧ pio judiro̧ ma̧ȩ chjadëi̧ pio ju̧i̧ ta̧rëdërërea̧ ji̧, jabechji̧ a̧ra̧ano̧a̧ oa ta̧rëji̧ri̧pea̧dirȩ yaba̧. Aja̧, pio ju̧i̧ chjiari chjadëri̧ ta̧rë tänȩchji̧jo̧ȩ Juan pio ju̧i̧. Jabechji̧ cüdë chjö̧na̧i̧ oa japea̧ pio ju̧i̧ chjadëri̧ ni̧bä chjaochji̧jo̧ȩ, mȩnȩro̧ daea̧ pio ju̧i̧. Jabechji̧ judi dabadëchea oa, chjadëri̧ ta̧rë tänȩchji̧jo̧ȩ.

Mateo 4:24

Ado judi ja̧di dari̧ japea̧ oaiä, jabechji̧ pio ju̧i̧ chjiari ma̧ȩ üdë oëra̧ti̧ oa chjuchjupechärëremȩde Chiria quȩmȩ chiri nö̧ta oa. Ado pio ju̧i̧iä ëba go̧düdärä chjaorëreji̧ri̧diro̧jo̧ȩ pumȩ judiro̧ gito ja̧boji̧ri̧ pio ji̧ri̧. Ado jabechji̧ chjö̧na̧i̧därä oa chjaparȩrëremȩdejȩrȩ Jechu judi. Dami̧ti̧ gito oa ja̧boji̧ri̧ pio ji̧ri̧ chjaparȩrëremȩdejȩrȩ. Jabechji̧ gaipa ja̧boji̧ri̧ pio ji̧ri̧, ju chjererea̧ dadëji̧ri̧ pio ji̧ri̧ chjaparȩ marëremȩdejȩrȩ, tai̧rea̧ chiadëji̧ri̧ pio ji̧ri̧bo. Ado cjarari̧ cjiape jäji̧ri̧ pio ji̧ri̧, i ma̧na̧gurami̧ dari̧ cjiaji̧ri̧ pio ji̧ri̧ chjaparȩrëremȩdejȩrȩ peaja̧di. Ado yaröca chiaji̧ri̧ pio ji̧ri̧bo chjaparȩrëremȩdejȩrȩ, yaröca chiadëji̧ri̧pe bagarea̧mi̧ dari̧.

Juan 10:22

Uipamȩ nö̧ta chjöchja tjamo̧pea̧rä, judio judiro̧ a̧dope chjaorëreji̧ri̧dirȩ Jerucharȩräpȩ do chjätäpea̧ oa. Jabechji̧ judiro̧ no̧mȩ tjamo̧ri ja̧ Ütë tjamo̧ ja̧ bë oa jëdano̧rërea̧ ji̧, acji jana̧rëreji̧ri̧ pio judiro̧ iëchäa̧rä, ado chjereno̧ jëdano̧rërea̧ ji̧, Ütë ja̧ bë üdë chjai̧dë gȩrȩ chiadëpe bagami̧ dari̧ cjiadiäpea̧ oa japarërea̧ ji̧, jabechji̧ a̧dope chjaorëreji̧ri̧dirȩ pio ju̧i̧ jo̧rȩtapea̧ oa. Ado pio jiro do chjätärea̧ do üdë ma̧na̧na̧ra̧rä, Jechu pio judiborë järëremȩde a̧dopapea̧ oa. Ado tai̧rëremȩde Ütë tjamo̧ ja̧ bë yuroro. Ütë ja̧ bëri pio judiri cjaȩta̧ra̧ pënȩrimo̧ a̧rüa̧ oa cjiamȩräpȩ ju̧ri̧, tutia̧ oa cjiadëmȩräpȩ ju̧ri̧ tai̧rëremȩde Choromo̧ quȩmȩräpȩ ju̧ri̧.

Juan 9:6

Ado Jechu judi ja̧di ta̧rëri̧ ni̧bä ëte, pju̧i̧noa̧de daburäpȩmo̧. Ado jënȩ pju̧i̧no̧a̧ ya ui oa mirea̧dejȩ dabu pjo̧no̧i̧ra̧ cjara mape bagari̧. Ado pio jiro cjarara̧ pio ju̧ri̧ra̧ joa̧dejȩ pumȩ ja̧ dacho oa.