Juan 1:47 - Biblia Pume

⁴⁷ Ado järëreji̧ri̧dirȩ. Ado Jechu judi Natanera pio ju̧i̧ cjacjarë damȩrȩ, ja̧di ta̧rëri̧ yo̧rëremȩde pio ju̧i̧ chjiari, quëri̧na̧ra̧mȩ pio ju̧i̧ chjiari: —Chia chia, pio yodëje Icharai pio judiri ja̧ tjamo̧mȩde. Jabechji̧ u̧i̧pe u̧i̧pe ni̧bädëmȩde, jabo jënȩ jo̧rȩtami̧ yo̧mȩde goadirea̧ decjiari̧.

Juan 1:47 Iomraidhean Croise

Juan 2:25

Jabechji̧ pio ji̧ri̧ chjiari chjö̧na̧i̧däräti̧ oa daba darëremȩde, pumȩ pio ji̧ri̧iä ta̧rëdëmȩborë. 'Jabechji̧ pio jiro pumȩ üdë ja̧di dari̧ cjo̧ro̧dida, ja̧di dari̧ jo̧rȩtadida, ja̧di dari̧ quëna̧mȩcji̧ quëna̧ japamȩdida’ quëna̧ daba marëremȩdejȩrȩ, pumȩ ja̧ chji̧ pio ju̧i̧ chjiari tjamo̧ri̧ dabamȩrȩ.

Juan 4:16

Ja̧dëa ji̧ Jechu judi yo̧a̧dejȩ: —Damȩ, ënadiäriä jäju̧i̧ na̧ üi̧ ju̧i̧, mȩa ëbamȩ ju̧i̧. Ado ëba jana̧ju̧i̧.

Juan 8:31

Ado pio jȩaiäpȩmo̧ quëna̧ji̧ri̧ judio pio ji̧ri̧iäpȩmo̧ yo̧mȩrȩ ni̧bärëremȩdejȩrȩ Jechu judi: —Danȩrȩ mȩnȩro̧, cüdë a̧ra̧ano̧a̧ ma̧ȩrä ji̧dë ma ta̧rëdiärä judi, ca̧ jadü tjamo̧parenȩrȩ —yo̧a̧dejȩrȩ—.

Juan 8:39

Jabo yo̧a̧diro̧jo̧ȩ: —Ibëa̧ taru judi, ibëa̧ ama̧i̧mi̧ da judi, jabechji̧ Abaraa̧ pio judide. Pio judiri ja̧ maearea̧rȩ —yo̧a̧diro̧jo̧ȩ. Jabo Jechu judi dëbë yo̧a̧dejȩrȩ: —Cjäri̧ manȩrȩ, mȩnȩro̧ Abaraa̧ pio ju̧i̧ ja̧ u̧ri̧ tjamo̧rä judi, pio ju̧i̧ cho̧rëdiätäreji̧ri̧renȩro̧jo̧ȩ. Pio judi japarërea̧mi̧ japatäreji̧ri̧nȩrȩ —yo̧a̧dejȩrȩ—.

Domano Ma̧ȩ 9:4

Jabechji̧ icharaitadirȩ. Ado Ütë tjamo̧ judi mitëa̧ u̧ri̧ pio judiro̧dirȩ. Aja̧, pio ju̧i̧ ja̧dirȩ. Pio ju̧i̧ ja̧pe baga̧dirȩ. Ado pio ji̧ri̧iäpȩmo̧ jibëa̧ jauëchja oa ana̧ri̧ na̧rȩmȩrȩ na̧rȩ chjaorëremȩdejȩrȩ, jibëa̧ tatarea̧ pio ju̧i̧bo. Ado pio ji̧ri̧iäpȩmo̧ jibëa̧ ma̧ȩ oa yürürëremȩdejȩrȩ peaja̧di. Aja̧, judi yo̧ë cji̧därërea̧ ma̧ȩ pio ju̧i̧, Moicherë go̧ȩparërea̧ ma̧ȩ pio ju̧i̧ pio ji̧ri̧iäpȩmo̧ ma yürürëremȩdejȩrȩ. Ado pio jȩaiäpȩmo̧ goe gu̧rori̧ cäë yürüpea̧ oa, pio jȩaiäpȩmo̧ chjacjiamȩri̧ jo̧rȩtaji̧ri̧rȩ cjo̧ro̧pea̧ oa, jabechji̧ chjadëri̧ dabarea̧ yürürëremȩdejȩrȩ. Ba chia tjamo̧ oa yürürëremȩdejȩrȩ.

Domano Ma̧ȩ 9:6

Jabo danȩrȩ ca̧ oti̧, Ütë tjamo̧ judi Icharai pio judiri ja̧ji̧ri̧ pio ji̧ri̧iäpȩmo̧ ji̧ra̧ tjamo̧ oa yürüa̧räbo, ba chia tjamo̧ oa yürüa̧räbo, chjadëri̧ a̧doa̧räbo, jabechji̧ mö̧na̧mi̧ dari̧ cjiadirȩ orë. Jabechji̧ dairäpȩ tutia̧ oa cjiami̧ dari̧ cjiadirȩ. Ado pio ju̧i̧iä ¿yö̧ta dari̧ jo̧rȩtapea̧de? 'Aja, Ütë tjamo̧ judi ji̧ri̧iäpȩmo̧ yürüa̧ ma̧ȩ üdë ¿ba chia tjamo̧dëdida' quëna̧pea̧? Cjäri̧ made ca̧ oti̧, ja̧di dari̧ quëna̧rea̧mi̧dëde. Danȩrȩ, chjadëri̧ ta̧rëchji̧coe. Icharai pio judiri ja̧ji̧ri̧ judiro̧ orë Ütë tjamo̧ ja̧ pumȩdëdirȩ. Jabechji̧ judiro̧ Icharai pio judiri ja̧ji̧ri̧borë, Ütë tjamo̧ ja̧ pumȩdëdirȩ.

Pjiripo Ma̧ȩ 3:3

Jabo cjäri̧ madirȩ, chjadëri̧ a̧ra̧ano̧dëdirȩ. Danȩrȩ, tjamo̧ri̧ budoa̧ oa cjiami̧ dari̧ cjiaji̧ri̧ pio judiro̧rea̧rȩ a̧ro̧rȩ coëma cjiari̧ quëna̧ji̧ri̧pea̧ tara. Ado Tjo tjamo̧ pio judi a̧doa̧ oaiä, Ütë tjamo̧ pio ju̧i̧iäpȩmo̧ chjacjiamȩri̧ jo̧rȩtaji̧ri̧ pio judiro̧ tjamo̧rea̧rȩ. Jabechji̧ Jechu Quiricho judi pio ibë chjiari tuti japea̧ pio ju̧i̧iämo̧i̧ ma̧ chiadëri̧ cjiari̧ jo̧rȩtarea̧rȩ. 'Jabechji̧ a̧ro̧rȩ pumȩ chjadë tara Ütë tjamo̧ ja̧ pumȩpe järea̧ dapai̧ daa̧ro̧da' quëna̧ jo̧rȩtadë marea̧rȩ.

Pedro Ma̧ȩ 1 2:1

Ado mȩnȩro̧ Ütë tjamo̧ ja̧ ma̧ȩ pio oaiä ado nö̧ria̧ oa cjiaji̧ri̧pea̧ tara, jabechji̧ dami̧ti̧ chjai̧dë jo̧rȩtarea̧ oa aeno̧chji̧vä ca̧ oti̧. Jabechji̧ ma̧ȩ chjádë yürüdëchji̧vä. Ado ‘pumȩ chjadëquëda’ quëna̧cji̧ quëna̧ japaji̧ri̧rȩ u̧i̧padëchji̧jȩrȩ o ji̧ri̧. Ado pumȩrȩ goa̧ pio ju̧i̧ dae ja̧bo dae ja̧bo dadëchji̧vä. ‘Aja̧, goadida, coa u̧i̧ ji̧ra̧ri̧ goadida’ quëna̧ jo̧rȩji̧ri̧rȩ ma̧ cjüëtüri̧ jo̧rȩtadëchji̧vä. Ado chjai̧dëri̧ ni̧bädëchji̧vä quëna̧ji̧ri̧ pio ji̧ri̧ chjiari.

Pedro Ma̧ȩ 1 2:22

Jabechji̧ ma̧i̧ da chjai̧dë oa chjätäa̧räbo, cja̧rȩmȩ co chjai̧dëri̧ japadërëremȩde. Cja̧rȩmȩ co jibëa̧ yara̧ u̧i̧pe ni̧bädërëremȩde.

Jechurë Na̧rȩrërea̧ Ma̧ȩ 14:5

Jabechji̧ ma̧ȩ chjádë yürüji̧ri̧rȩ cjo̧ro̧reji̧ri̧dirȩ o judiro̧ pio ji̧ri̧iäpȩmo̧ aechide yo̧rea̧mi̧dëri̧.