Juan 1:44 - Biblia Pume

⁴⁴ Ado pio jiro pumȩ üdë, Pjeripe pio judi, Bechaida quȩmȩ bë ma̧ri̧ri pio judirimȩrëremȩde. Ado A̧däre judi, Pedro judi peaja̧di pio judiriji̧ri̧rëreji̧ri̧dirȩ.

Juan 1:44 Iomraidhean Croise

Mateo 10:3

Ado Felipe quȩmȩ judi, ado Bartolomȩ quȩmȩ judi, ado Tomas judi, Jechurë chjadüa̧ oa cjia maeadirȩ peaja̧di. Ado Mateo judi, domano̧ ja̧ oa chëre oa boarëremȩ pio judiborë Jechurë chjadüa̧ oa cjiade. Ado Santiago judi, Apjeo quȩmȩ pio ju̧i̧ ja̧ joja pio judi, peaja̧di Jechurë chjadüa̧ oa cjiade. Ado Tadeo quȩmȩ pio judiborë chjadüa̧ oa cjiade.

Mateo 11:21

⁠—⁠Jabechji̧ Corachi̧ quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧ acji cjatätädidibe a̧dë chjäte ma̧i̧ dari̧ bape chjaorea̧ üdë ⁠—⁠yo̧a̧dejȩrȩ⁠—⁠. Ado Bechaida quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧bo acji cjatätädidibe a̧dë chjäte ma̧i̧ dari̧ bape chjaorea̧ üdë. Jabechji̧ cüdë dibë ji̧ra̧ tjamo̧ oa na̧rȩa̧räbo, ano̧ mire jo̧rȩtadëa̧nȩrȩ. Jabo Tiro quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧ ja̧di dari̧ na̧rȩa̧rä judi, chjaodëri̧ ano̧ mire jo̧rȩtaji̧ri̧pe baga̧täreji̧ri̧dirȩ. Ado cüdë Chido̧ quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧ ja̧di dari̧ na̧rȩa̧rä judi, peaja̧di chjaodëri̧ ano̧ mire jo̧rȩtaji̧ri̧pe baga̧täreji̧ri̧dirȩ. Tjamo̧ davä. Gito ana̧ri̧ jo̧rȩta̧täreji̧ri̧dirȩ jënȩro̧ chjai̧dëri̧ japea̧ pio ju̧i̧ chjiari. Jabechji̧ cjo̧dë gu̧bë maearäpȩ chaji̧ri̧rȩ, ma̧i̧ da töcamȩ ina̧rea̧ra̧ ano̧ mire ina̧ji̧ri̧rȩ japea̧täreji̧ri̧dirȩ. Jabechji̧ chjadëri̧ na̧rȩpea̧ oa, jënȩro̧ chjai̧dëri̧ japea̧ pio ju̧i̧ chjiari gitori̧ jo̧rȩta̧ pio ju̧i̧ chjadëri̧ na̧rȩpea̧ oa ja̧di dari̧ japea̧täreji̧ri̧dirȩ.

Marcos 3:18

Ado cja̧rȩmo̧rȩ A̧däre quȩmȩde. Ado Felipe quȩmȩ oa peaja̧di mitërëremȩdejȩ, Batoromȩ quȩmȩ pio ju̧i̧bo. Ado Mateo quȩmȩ oa, Tomas quȩmȩ oa peaja̧di mitërëremȩdejȩrȩ. Ado Santiago quȩmȩ oa, Apjeo quȩmȩ pio ju̧i̧ ja̧ joja pio ju̧i̧bo mitërëremȩdejȩ. Ado Tadeo quȩmȩ oa peaja̧di mitërëremȩdejȩ. Ado Chimo̧ quȩmȩ pio ju̧i̧bo mitëa̧dejȩ. Domano ji̧ri̧ ea tjamo̧dëmȩ pio ju̧i̧, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio ju̧i̧bo mitërëremȩdejȩ Chimo̧ pio ju̧i̧.

Marcos 6:45

Ja̧dëa ji̧ Jechu judi yo̧rëremȩdejȩrȩ jibëa̧ jadü ji̧ri̧ tja oëräpȩ jätä charara̧. Jibëa̧ yaboi̧ jätä chjadüa̧dejȩrȩ Betaida quȩmȩ chiriräpȩmo̧ jënȩ pumȩ buba oa baä tänȩa̧ nö̧ta.

Marcos 8:22

Ado judiro̧ Bechaida quȩmȩ bë ma̧ri̧räpȩ go̧düdäräa̧ ji̧, pumȩ judiro̧ ëba järëreji̧ri̧diro̧jo̧ȩ da cotomȩ ju̧i̧ Jechu pio ju̧i̧iäpȩ. Ga̧re taratä cjo̧dëa̧diro̧jo̧ȩ judi chjapaparȩa̧ oa cjiapea̧ oa.

Lucas 10:13

Ado Jechu judi ji̧dë u̧i̧ ni̧bä chjaomȩrȩ uapai̧ ta̧rëri̧ yo̧ë cji̧därëremȩdejȩrȩ ano̧ mire jo̧rȩtadëri̧ cjiaji̧ri̧ ji̧ri̧, pio ji̧ri̧iäpȩmo̧ irä ni̧bämȩmi̧ ja̧di dari̧: —Pio mȩnȩro̧, Corachi̧ quȩmȩ bë ma̧ri̧räpȩ cjo̧ro̧ji̧ri̧ pio judiro̧, uapai̧ da tjamo̧ri̧ cjo̧ro̧nȩrȩ —yo̧a̧dejȩrȩ—. Ado Bechaida quȩmȩ bë ma̧ri̧räpȩ cjo̧ro̧ji̧ri̧ pio judiro̧borë uapai̧ da tjamo̧ri̧ cjo̧ro̧nȩrȩ. Jabechji̧ ma̧i̧ dari̧ bape chjaorea̧ üdë pio dibëiäpȩmo̧ acji cjatäpadidibe a̧dë chjäte uapai̧ dari̧. Jabechji̧ cüdë dibë ji̧ra̧ tjamo̧ oa na̧rȩa̧räbo, ano̧ mire jo̧rȩtadëa̧nȩrȩ. Jabo danȩrȩ, cüdë Tiro quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧ ja̧di dari̧ na̧rȩa̧rä judi, chjaodëri̧ ano̧ mire jo̧rȩtaji̧ri̧pe baga̧täreji̧ri̧dirȩ. Ado cüdë Chido̧ quȩmȩ bë ma̧ri̧räpȩ cjo̧ro̧ji̧ri̧ pio ji̧ri̧iäpȩmo̧ ja̧di dari̧ na̧rȩa̧rä judi, peaja̧di chjaodëri̧ ano̧ mire jo̧rȩtaji̧ri̧pe baga̧täreji̧ri̧dirȩ. Tjamo̧ davä. Gito ana̧ri̧ jo̧rȩta̧täreji̧ri̧dirȩ jënȩro̧ chjai̧dëri̧ japea̧ pio ju̧i̧ chjiari. Jabechji̧ cjo̧dë gu̧bë maearäpȩ chaji̧ri̧rȩ, ma̧i̧ da töcamȩ ina̧rea̧ra̧ ano̧ mire ina̧ji̧ri̧rȩ japea̧täreji̧ri̧dirȩ. Aja̧, chjadëri̧ na̧rȩpea̧ oa, jënȩro̧ chjai̧dëri̧ japea̧ pio ju̧i̧ chjiari gitori̧ jo̧rȩta̧ pio ju̧i̧ chjadëri̧ na̧rȩpea̧ oa ja̧di dari̧ japea̧täreji̧ri̧dirȩ —yo̧a̧dejȩrȩ.

Lucas 6:14

Ado Jechu judi mitërërea̧ pio judiro̧ ja̧di quȩji̧ri̧dirȩ: Aja̧, cja̧rȩmȩ üdë Chimo̧ quȩmȩde. Jabo ji̧dë duri oa japamitë chjätä ëte, Jechu judi ano̧ mire quȩparëremȩdejȩ Pedro yo̧mȩ quȩra̧. Aja̧, pio judide cja̧rȩmȩrȩ. Ado cja̧rȩmo̧ üdë A̧däre quȩmȩde. Chimo̧ pio ju̧i̧ ja̧ omȩde. Ado cja̧rȩmo̧ üdë Santiago quȩmȩde. Ado Juan, Felipe, ado Bartolome quȩji̧ri̧dirȩ o judiro̧.

Lucas 9:10

Ado japamitë chjätä ëte, Jechurë chjadüa̧ pio judiro̧ ado cuchupë ma̧na̧rëreji̧ri̧dirȩ. Jechu pio judi chjadüa̧ oa oëra̧ti̧ oa a̧ra̧ano̧riä järëreji̧ri̧ pio judiro̧ ado chjereno̧ cuchupë ma̧na̧rëreji̧ri̧dirȩ Jechu pio ju̧i̧iäpȩ. Ado ana̧ri̧ ni̧bä chjaoa̧diro̧jo̧ȩ jënȩro̧ japea̧ pio ju̧i̧ chjiari. Ado ja̧dëa ji̧ Jechu judi jibëa̧ jadü pio ji̧ri̧iä ta̧rë ëte, ëba jäa̧dejȩrȩ Bechaida quȩmȩ bë ma̧ri̧räpȩ. Jabechji̧ judiro̧ jibëa̧ma̧i̧ ëba cjiapea̧ oa, pio ji̧ri̧mo̧i̧ ëba jäa̧dejȩrȩ, o ji̧ri̧ a̧dë jämȩrȩ.

Juan 1:43

Ado dopea̧rä Jechu judi, 'Aja̧, Garirea quȩmȩ chiriräpȩ jätäquëda’ quëna̧ jo̧rȩtamȩrȩ järëremȩde. Ado ju̧ri̧pȩ dadäräa̧dejȩ Pjeripe quȩmȩ ju̧i̧. Ado pio ju̧i̧ damȩrȩ yo̧a̧dejȩ: —Cho̧rë jana̧coe. Ado jadea ji̧ cho̧rë jäa̧dejȩ.

Juan 1:45

Ado Pjeripe judi jäeno̧a̧de Natanera quȩmȩ pio ju̧i̧ dadäräpea̧ oa. Ado pio ju̧i̧ dadäräa̧rä, yo̧a̧dejȩ: —Danȩ, Ütërë mitëa̧ Chjätä Tänȩmȩ pio ju̧i̧ dadäräa̧rea̧ro̧jo̧ȩ. Moicherë go̧ȩparërea̧ pumȩ pio ju̧i̧ dadäräa̧rea̧ro̧jo̧ȩ. Ütërë ea jana̧ chjadüa̧ oa ni̧bäji̧ri̧ judiro̧ go̧ȩparërea̧ pumȩ pio ju̧i̧ dadäräa̧rea̧ro̧jo̧ȩ. Danȩ, Jechu pio judide. Joche quȩmȩ pio ju̧i̧ ja̧ joja pio judide. Tjamo̧ davä. Nachare quȩmȩ bë ma̧ri̧rimȩde.

Juan 1:46

Ado pio ju̧i̧ ta̧rëa̧ oaiä Natanera judi dëbë yo̧a̧dejȩ: —Jabo cjäri̧ made, ibë a̧dopamȩ pumȩ judi Nachare quȩmȩ bë ma̧ri̧ri pio judiri go̧dürea̧mi̧dëde. Jabechj, pio jiro bë ma̧ri̧ üdë ba chiadëde. Jabo Pjeripe judi dëbë yo̧a̧dejȩ: —Jaeibe. Goëdetäro̧jo̧ȩ.

Juan 1:48

Ado Natanera judi Jechurë yo̧a̧ pio ju̧i̧ ta̧rëna̧ra̧mȩrȩ iëno̧ë ta̧rëa̧dejȩ: —¿Yö̧ta dari̧ dabane pio coa chjiari? Ado Jechu judi dëbë yo̧a̧dejȩ: —Danȩ, cüdë mȩa irä dadëräbo, jabechji̧ igera quȩmȩ to chja̧oerä cjiamȩ oa daea̧requedemȩ jabërä, Pjeripe judi mȩa jabë yabëdëa̧rä.

Juan 12:21

Ado judiro̧ goëdepea̧diro̧jo̧ȩ Jechu ja̧ jadü cja̧rȩmȩ oa, Pjeripe pio ju̧i̧. Ado Pjeripe judi Garirea quȩmȩ chiriräpȩ ütëpea̧mȩrȩ cjo̧ro̧rëremȩde, Bechaida quȩmȩ bë ma̧ri̧räpȩ. Ado yo̧a̧diro̧jo̧ȩ: —Danȩ, ¿tjana̧räpȩde Jechu judi? —iëno̧ë ta̧rëa̧diro̧jo̧ȩ—. Datämi̧ cjiarea̧ro̧jo̧ȩ.

Juan 12:22

Ado pio ju̧i̧ ta̧rëa̧ oaiä, Pjeripe judi a̧dë jäa̧dejȩrȩ judiodë pio ji̧ri̧. A̧däre pio ju̧i̧ ma̧ȩ yürüpea̧ oa, a̧dë jäa̧dejȩrȩ. Ado A̧däre pio ju̧i̧ dadäräa̧rä, judiro̧ yo̧a̧ri̧rȩ ma̧ȩ yürepea̧diro̧jo̧ȩ Jechu ju̧i̧.

Juan 6:5

Ado Jechu judi oëra̧ti̧ oa mire damȩrȩ pumȩ buba tjamo̧ oa darëremȩdejȩrȩ, pio jȩaiäpȩmo̧ jana̧ji̧ri̧ oa. Ado pio ju̧i̧iä iëno̧ë ta̧rëa̧dejȩ jibëa̧ jadü oa, Pjeripe quȩmȩ pio ju̧i̧: —Danȩ, pio jiro pumȩ bubarë cha̧pe oa chjadëri̧ jurapea̧ oa, ¿tjana̧räpȩ gatërea̧ daparea̧rȩ? Chjadëri̧ yo̧coe —yo̧a̧dejȩ.

Juan 6:7

Ado Pjeripe judi dëbë yo̧a̧dejȩ: —Cjäri̧ marea̧rȩ, japarea̧ decjiade —yo̧a̧dejȩ—. Pumȩ ji̧ra̧ tjamo̧dirȩ. A̧ro̧rȩ 200 chëre ba chia oa goarä judibo, jabechji̧ nö̧tadëtäremȩde. Jabechji̧ pumȩ ütëborë piodai̧ maea oa jurapea̧ ji̧ nö̧tadëtäremȩde. Ado pio ju̧i̧iä jabechji̧, japarea̧ decjiade —dëbë yoa̧dejȩ.

Japarea̧ 1:13

Ado ju̧ri̧pȩ go̧düdärä ëte, baäa̧dirȩ jënȩro̧ cjiadiärërea̧ bëräpȩ. Ado ju̧ri̧pȩ go̧düdärä ëte, bua̧dirȩ jënȩro̧ cjo̧ro̧mȩ jo̧ tjoräpȩmo̧, uëräpȩ cjiamȩ jo̧ tjoräpȩmo̧. Pedro judi, Juan judi, Santiago judi, Andres judi, Felipe judi buarëreji̧ri̧dirȩ. Ado Tomas judi, Bartolome judi, Mateo judi peaja̧di buarëreji̧ri̧dirȩ. Ado Apjeo joja pio judi, Santiago quȩmȩ pio judi peaja̧di buarëremȩde. Ado cja̧rȩmo̧ Chimo̧ judi, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio judiborë buarëremȩde Juda quȩmȩ pio ju̧i̧ nö̧ta, Santiago quȩmȩ joja pio ju̧i̧ nö̧ta. Ja̧di quȩji̧ri̧ pio judiro̧ buarëreji̧ri̧dirȩ.