Juan 1:40 - Biblia Pume

⁴⁰ Cja̧rȩmȩ üdë, Juan pio ju̧i̧iä ta̧rë ëte Jechu pio ju̧i̧ cho̧rë järemȩ pio judi, A̧däre quȩmȩrëremȩde. Chimo̧ Pedro ja̧ omȩrëremȩde.

Juan 1:40 Iomraidhean Croise

Mateo 10:2

Ado Jechurë chjadüa̧ judiro̧, 12rë, ¿chjiadirȩ judiro̧? ¿Chjiadëdirȩ, pio yodëro̧dirȩ. Danȩrȩ, Chimo̧ pio ju̧i̧ ja̧ quȩ oa yabochja ütarë yo̧requededibe. Aja̧, Chimo̧ quȩmȩde jabo Pedro ma yo̧diro̧jo̧ȩ. Ado cja̧rȩmo̧ üdë, A̧däre pio judide. Pedro pio ju̧i̧di ja̧mȩde. Ado Chebedeo quȩmȩ joja üdë, Santiago pio judide. Ado ju̧i̧di ja̧mȩ judi, Juan quȩmȩde. Pio judiro̧borë chjadüa̧ oa cjiadirȩ.

Lucas 5:1

Ado cja̧rȩmo̧ doremȩrä, Jechu judi Genachare quȩmȩ tja yuroro cjiamȩrȩ a̧ra̧ano̧rërea̧ ji̧, pumȩ bubarë gi̧de ariä baärëreji̧ri̧dirȩ Jechu ja̧ yuro oa, Ütë tjamo̧ ja̧ ma̧ȩ oa tjamo̧ri̧ ta̧rëtämi̧ cjiaji̧ri̧rȩ.

Juan 1:39

Ado Jechu judi dëbë yo̧a̧dejȩrȩ: —Cho̧rë jana̧chji̧coe chjadëri̧ dapea̧ oa. Ado ëba järëreji̧ri̧diro̧jo̧ȩ do üdë chjiaräpȩmo̧diäa̧rä. Ado daea̧diro̧jo̧ȩ jënȩ cjo̧ro̧mȩ bë oa. Ado pio ju̧i̧ nö̧ta cjiadiärëreji̧ri̧dirȩ gȩnȩpea̧rä yuro.

Juan 2:2

Ado Jechu judi peaja̧di cjiarëremȩde, jibëa̧ jadüborë. Jabechji̧ pio jibë jätä yabëa̧ oaiä peaja̧di järëreji̧ri̧dirȩ.

Juan 4:33

Pio ju̧i̧ ta̧rëa̧ oaiä, Jechu ja̧ jadü judiro̧ jibëa̧ dëbëti̧ra̧ chia yo̧a̧dirȩ: —¿Tjana̧ jurarea̧ goade? Jabechji̧ a̧ro̧rȩ decjiarä, ado cja̧rȩmo̧rȩ yürüa̧ oa goa jirode —yo̧a̧dirȩ.

Juan 6:8

Ja̧dëa ji̧ Jechu ja̧ jadü üdë cja̧rȩmȩrȩ, A̧däre pio judi, Chimo̧ Pedro pio ju̧i̧ ja̧ omȩ pio judi yo̧a̧dejȩ Jechu ju̧i̧:

Japarea̧ 1:13

Ado ju̧ri̧pȩ go̧düdärä ëte, baäa̧dirȩ jënȩro̧ cjiadiärërea̧ bëräpȩ. Ado ju̧ri̧pȩ go̧düdärä ëte, bua̧dirȩ jënȩro̧ cjo̧ro̧mȩ jo̧ tjoräpȩmo̧, uëräpȩ cjiamȩ jo̧ tjoräpȩmo̧. Pedro judi, Juan judi, Santiago judi, Andres judi, Felipe judi buarëreji̧ri̧dirȩ. Ado Tomas judi, Bartolome judi, Mateo judi peaja̧di buarëreji̧ri̧dirȩ. Ado Apjeo joja pio judi, Santiago quȩmȩ pio judi peaja̧di buarëremȩde. Ado cja̧rȩmo̧ Chimo̧ judi, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio judiborë buarëremȩde Juda quȩmȩ pio ju̧i̧ nö̧ta, Santiago quȩmȩ joja pio ju̧i̧ nö̧ta. Ja̧di quȩji̧ri̧ pio judiro̧ buarëreji̧ri̧dirȩ.