Aja̧, pio dibëiäpȩmo̧ ni̧bä chjaorequededibe, pjaricheo pio ji̧ri̧iäpȩmo̧, da cotomi̧ dari̧ jo̧rȩtaji̧ri̧ pio ji̧ri̧iäpȩmo̧. Aja̧, mȩnȩro̧ chjadëri̧ dami̧ dari̧ cjo̧ro̧tärea̧ ji̧, da cotomi̧ dari̧ jo̧rȩtaji̧ri̧nȩrȩ. Jabechji̧ i gȩrȩ chiamȩ ae jararea̧ pio ju̧i̧ tjori ja̧bo chjadëri̧ joami̧ dari̧ japachji̧vä. I gȩrȩ chiamȩ jëdërea̧ tjori ja̧bo chjadëri̧ joami̧ dari̧ japachji̧vä. Ado ja̧dimi̧ dari̧ japea̧ oaiä, jabechji̧ dai oa cjiamȩ üdë peaja̧di chjadëri̧ joa̧ oa cjiami̧ dari̧ cjiapade —yo̧mȩrȩ yo̧rëremȩdejȩrȩ Jechu judi.
Juan 1:24 - Biblia Pume24 Ado Juan pio ju̧i̧ iëno̧ë ta̧rëreji̧ri̧ judiro̧, orë pjaricheo pio judiro̧ chjadüa̧ oa judiro̧ iëno̧ë ta̧rërëreji̧ri̧diro̧jo̧ȩ. Faic an caibideil |
Juan 1:24
13 Iomraidhean Croise
Ado Jechu judi ja̧di ta̧rëri̧ ni̧bä chjaoa̧ duri oa, go̧dürëremȩde. Jabo Moicherë go̧ȩparërea̧ ma̧ȩ oa a̧ra̧ano̧ji̧ri̧ judiro̧, ado pjaricheo pio judiro̧borë ërecjia tjamo̧pe bagarëreji̧ri̧diro̧jo̧ȩ. Ado pio judiri yurori järiji̧ri̧ tjamo̧pea̧dirȩ pio ju̧i̧ conȩdapea̧ ji̧, puëräpȩ choë cjatämi̧ dari̧ japapea̧ ji̧. Tjamo̧ davä. Judiro̧ iëno̧ë iëno̧ë cjia̧ pio ju̧i̧iä jabechji̧ puërä choë cjatämi̧ dari̧ japapea̧ ji̧ järiji̧ri̧ tjamo̧pea̧dirȩ. 'Jabechji̧ oëra̧ dëbë yo̧pai̧ dadiibëda, a̧ro̧rȩ pio ju̧i̧iäpȩmo̧ goae tarari̧ aechide yo̧rea̧mi̧ dari̧ oëra̧ dëbë yo̧pai̧ dadiibëda' quëna̧ jo̧rȩtaji̧ri̧rȩ iëno̧ iëno̧ cjiarëreji̧ri̧diro̧jo̧ȩ, dami̧ti̧ oa iëno̧ë ta̧rëji̧ri̧rȩ.
Ado pjaricheo judiro̧ pio jiro ma̧ȩ oa ta̧rëa̧ oaiä, ya̧rëreji̧ri̧diro̧jo̧ȩ Jechu ju̧i̧. Tjamo̧ davä. Pjaricheo judiro̧, jibëa̧ chëre oa ea tjamo̧ji̧ri̧ pio judiro̧ Jechurë jibëa̧ jadü pio ji̧ri̧iäpȩmo̧ ni̧bä chjaoa̧ pio ju̧i̧ ta̧rëa̧ oaiä, jabechji̧ ya̧ea̧diro̧jo̧ȩ, Jechu pio ju̧i̧ badë daji̧ri̧rȩ.
Jabo cjäri̧ madirȩ, pjaricheo pio judiro̧, ado Moicherë go̧ȩparërea̧ ma̧ȩ oa tjamo̧ri̧ dabaji̧ri̧ pio judiro̧ jiadarëreji̧ri̧dirȩ. Tjamo̧ davä. Ütërë pio jibë chjiari chjadëri̧ japea̧ pio ju̧i̧, judi pio jibë chjiari ütarë jo̧rȩtarërea̧ pio ju̧i̧ jiadarëreji̧ri̧diro̧jo̧ȩ. Ado pio ju̧i̧iä jiada̧diro̧jo̧ȩ Juan pio ju̧i̧, uirä go̧e cjaeä chuda̧ oa cjiadëri̧ cjiaji̧ri̧rȩ —yo̧a̧dejȩrȩ.
Ado judiro̧ iëno̧ ta̧rë chjaoa̧ oaiä, ja̧di ta̧rëri̧ dëbë yo̧mȩrȩ yo̧rëremȩdejȩrȩ Juan judi, Ichaiarë go̧ȩparërea̧ ma̧ȩra̧ pio ju̧ri̧ra̧: —Danȩrȩ, chiri tjoräpȩ to̧bari̧ ëna̧diämȩ pio judirequede —yo̧a̧dejȩrȩ—. ‘Chjadëri̧ jëdano̧chji̧vä. Danȩrȩ, Ano̧mȩ pio judi chjadëri̧ ma̧na̧rea̧ dapea̧ oa, jabechji̧ no̧ oa coëmape bagami̧ dari̧ cjiapea̧ oa chjadëri̧ jëdano̧chji̧vä' yo̧mȩrȩ ëna̧diämȩrequede. Jabechji̧ Ichaia quȩmȩrea̧ pio judi yo̧rërea̧ duri pio ju̧i̧ yo̧mȩrȩ ëna̧diärequede —yo̧mȩrȩ dëbë yo̧a̧dejȩrȩ Juan judi.
Ado Juan pio ju̧i̧ ta̧rëa̧ oaiä ado iëno̧ë ta̧rëa̧diro̧jo̧ȩ, ja̧di ta̧rëri̧ yo̧ji̧ri̧rȩ: —Jabo cjäri̧ marenȩ. Mȩnȩ Ütërë mitëa̧ Chjätä Tänȩmȩ pio judidërä judi, ado Eria quȩmȩrea̧ pio judidërä judi, ¿chjianȩ? Ado Ütërë ea jana̧ chjadüa̧ oa ni̧bäparemȩ pio judidërä judi, ¿chjia ja̧ ma̧ȩrä go̧ȩ cjaeä chudarenȩjȩrȩ pumȩ ji̧ri̧? —iëno̧ë ta̧rëa̧diro̧jo̧ȩ.
Jabechji̧ Chjaducheo judiro̧, 'Aja̧, ja̧boa̧ji̧ri̧ pio judiro̧ ado chjereno̧ bëdüpadiro̧da' quëna̧dë madirȩ. Ado tjo maearë cjiaji̧ri̧ pio ji̧ri̧ chjiaribo quëna̧dëdirȩ. Ado pio ju̧i̧iä yaröca pio ji̧ri̧ chjiari, a̧dëriji̧ri̧ mu̧i̧tjoi̧ pio ji̧ri̧ chjiari quëna̧dë madirȩ. Jabo pjaricheo judiro̧, dëdë, quëna̧ maeadirȩ pio ji̧ri̧ chjiari. Ado ja̧boa̧ji̧ri̧ judiro̧ ado chjereno̧ bëdüpea̧ pio ju̧i̧ chjiari quëna̧dirȩ peaja̧di. Pio ju̧i̧iä yo̧a̧ri̧ bubape bagami̧ dari̧ cjiadiärëreji̧ri̧dirȩ judio tjamo̧ yo̧ji̧ri̧ judiro̧ Pablorë bëdüpea̧ pio ju̧i̧ chjiari ni̧bä chjaoa̧ oaiä.
Ado cüdë pjaricheope bagarërea̧ ji̧ peaja̧di dabadirȩ. Tjamo̧ davä. Cüdë järi tjamo̧ji̧ri̧ pio ji̧ri̧ nö̧tamȩpea̧ ji̧, judiorë a̧ra̧ano̧rërea̧ ma̧ȩrä cjo̧ro̧pea̧ ji̧ järiji̧ri̧ pio ji̧ri̧ nö̧tamȩpea̧ ji̧, o ji̧ri̧iä ji̧dë u̧i̧ järi̧ji̧ri̧ pio ji̧ri̧ nö̧tamȩpea̧ ji̧, jabechji̧ daba maeadirȩ. Ado judiro̧ yo̧rea̧ tararä judi, peaja̧di ta̧rëri̧ yo̧pai̧ dadiro̧mȩ pio coa chjiari —yo̧a̧dejȩ—.
Sanasan