Juan 1:18 - Biblia Pume

¹⁸ Danȩrȩ, eami̧ pumȩrȩ cja̧rȩmȩ co Ütë tjamo̧ pio ju̧i̧ daea̧ ma ja̧didë jabo Joja pio judi chjadëri̧ dabarea̧ yürürëremȩdiibe pio ju̧i̧ chjiari. Danȩrȩ, Ütë tjamo̧ judi ëbadejȩ jibëa̧ ja oa, cja̧rȩmȩ oa. Jabechji̧ Jäjäa pio ju̧i̧iäpȩde. Ji̧mo̧ cjiadirȩ, cja̧rȩmȩ maearë. Ado Joja judi peaja̧di Ütë tjamo̧de. Ado danȩrȩ, pio judide davä ibë chjadëri̧ dabarea̧ yürürëremȩ judi Jäjäa pio ju̧i̧ chjiari.

Juan 1:18 Iomraidhean Croise

Taruparea̧ Ma̧ȩ 16:13

Ado Jeova judi jibëa̧ mu̧i̧tjoi̧ pio ju̧i̧iä Aga pio ji̧iäpȩmo̧ ma̧ȩ yürüa̧ tara, jabechji̧ ado cja̧rȩmo̧ quȩmi̧ da oa ni̧bärëreji̧yi̧nȩ Jeova pio ju̧i̧ chjiari. "Aja̧, Ütë tjamo̧ pio judide coa daea̧mȩ judi” yo̧a̧nȩ. “Aja̧, ado coa daea̧räbo, jabechji̧ cjo̧ro̧parequede cüdë ja̧botärea̧ ji̧" yo̧a̧nȩ. Aja̧, ja̧di ta̧rëri̧ yo̧rëreyi̧nȩ Jeova pio ju̧i̧ chjiari.

Taruparea̧ Ma̧ȩ 18:33

Ado Jeova judi Abaraa̧ pio ju̧i̧ nö̧ta ni̧bä chjao ëte baärëremȩde. Ado Abaraa̧ judi peaja̧di baärëremȩde jibëa̧ bëräpȩ.

Go̧dürea̧ Ma̧ȩ 24:10

Ado buadäräa̧rä darëreji̧ri̧diro̧jo̧ȩ Icharai ja̧ Ütë oa. Ado judi boë cjaeäa̧ dabu oa a̧dë chjäte chjacjiamȩri̧ a̧rȩmȩ oa darëreji̧ri̧diro̧jo̧ȩ. Aja̧, tütüa oa, a̧dë imi̧ da oa, cjacjarë darea̧mi̧ da oa, coëri̧ coëri̧ jämȩmi̧ da oa darëreji̧ri̧diro̧jo̧ȩ jënȩ boë cjaeäa̧ pio ju̧i̧.

Mateo 11:27

Ja̧dëa ji̧ Jechu judi ado ni̧bärëremȩdejȩrȩ pumȩ ji̧ri̧, ja̧di ta̧rëri̧ yo̧mȩrȩ: ⁠—⁠Danȩrȩ ca̧ pumȩ, ca̧ Ama̧i̧ pio judi tjamo̧ yo̧rea̧ yürürëremȩdique ⁠—⁠yo̧a̧dejȩrȩ⁠—⁠. Ado pio ju̧i̧iä chjö̧na̧i̧därärë ca̧ chja̧oerämo̧ cjiade. Ado ca̧ Ama̧i̧ pio judi chjadëri̧ dabadique. O judiro̧ tjamo̧ri̧ dabadëdiro̧coe jabo ca̧ Ama̧i̧ pio judi, dëdë, tjamo̧ri̧ dabadique. Ado cüdë peaja̧di dabareconȩ ca̧ Ama̧i̧ pio ju̧i̧. O judiro̧ tjamo̧ri̧ dabadë madiro̧jo̧ȩ jabo cüdë, dëdë, tjamo̧ri̧ dabareconȩ. Ado cüdë mitëa̧ pio ji̧ri̧bo daba tänȩparequedejȩrȩ ca̧ Ama̧i̧ pio ju̧i̧ ⁠—⁠yo̧a̧dejȩrȩ.

Lucas 10:22

Ja̧dëa ji̧ Jechu judi ado ni̧bärëremȩdejȩrȩ jibëa̧ jadü ji̧ri̧, 72 oa. Ja̧di ta̧rëri̧ yo̧mȩrȩ ni̧bä chjaoa̧dejȩrȩ: —Danȩrȩ ca̧ pumȩ, tjamo̧ yo̧rea̧ yürüa̧dique ca̧ Ama̧i̧ judi chjö̧na̧i̧därärë ca̧ chja̧oerämo̧ cjiarea̧mi̧ dari̧ —yo̧a̧dejȩrȩ—. Aja̧, ca̧ Ama̧i̧ pio judi chjadëri̧ dabadique. O judiro̧ tjamo̧ri̧ dabadëdiro̧coe jabo ca̧ Ama̧i̧ pio judimo̧rȩ tjamo̧ri̧ dabadique. Ado cüdë peaja̧di tjamo̧ri̧ dabareconȩ ca̧ Ama̧i̧ pio ju̧i̧. O judiro̧ tjamo̧ri̧ dabadë madiro̧jo̧ȩ jabo cüdë, dëdë, tjamo̧ri̧ dabareconȩ. Ado cüdë mitëa̧ pio ji̧ri̧bo daba tänȩparequedejȩrȩ ca̧ Ama̧i̧ pio ju̧i̧ —yo̧a̧dejȩrȩ.

Juan 1:14

Ma̧ȩ quȩmȩ pio judi pumȩpe bagarëremȩde. Icjara chiamȩpe järëremȩde. Ado ibëa̧ chjarerä cjo̧ro̧rera̧pea̧de. Ado ibëa̧ chjarerä cjo̧ro̧mȩ oa irä darëreji̧ri̧rea̧ro̧jo̧ȩ jibëa̧ chjacjiamȩrea̧ pio ju̧i̧. Tjamo̧ davä. Jibëa̧ jauëcharea̧ oa daea̧rea̧ro̧jo̧ȩ, a̧dë chjäte tatari̧ cjiamȩ oa. Danȩrȩ, Ama̧i̧ Ütë judi Joja pio ju̧i̧mo̧i̧ ëbarëremȩdejȩ cja̧rȩmȩ oa. Ado pio ju̧i̧ ja̧ chjacjiamȩrea̧ pio ju̧i̧ darëreji̧ri̧rea̧ro̧jo̧ȩ ji̧dë ma cjäri̧ri̧ cjiamȩrȩ a̧domȩ ju̧i̧, ji̧dë ma tjamo̧i̧ cjiari̧ ni̧bämȩ ju̧i̧.

Juan 12:41

Aja̧, ja̧di ta̧rëri̧ jabërä yo̧rëremȩde Ichaia judi Jechu pio ju̧i̧ chjiari. Jabechji̧ pio ju̧i̧ ja̧ chjacjiamȩrea̧ oa jabërä darërea̧ oaiä, ja̧di ta̧rëri̧ yo̧rëremȩde.

Juan 13:23

Ado Jechu ja̧ jadü üdë cja̧rȩmȩrȩ, Jechurë ea̧ jadü pio judi pio ju̧i̧ ja̧ yuroro charemȩde.

Juan 14:9

Jabo Jechu judi dëbë yo̧a̧dejȩ: —Chia chia, cüdë mȩa nö̧ta no̧mȩ tjamo̧ri ja̧ ëba cjo̧ro̧räbo, jabë tjamo̧ri̧ dabadërenȩque —yo̧a̧dejȩ—. Danȩ Pjeripe, pio coa daea̧mȩ judi, Ama̧i̧ tjamo̧ pio ju̧i̧bo daea̧dejȩ. Pio ju̧i̧iä, “Chjadëri̧ na̧rȩibe Ama̧i̧ pio ju̧i̧” yo̧rea̧mi̧dëde.

Juan 17:26

Jabechji̧ pio mȩa dabadërërea̧ ji̧, chjadëri̧ daba tänȩa̧requedejȩrȩ. Ado mȩa ji̧dë u̧i̧ dabapea̧ oa, ji̧dë u̧i̧ daba tänȩparequedejȩrȩ. Jabechji̧ mȩnȩ coa ea̧ra̧ pio ju̧ri̧ra̧ eariä cjo̧ro̧pea̧ oa, cüdë pio ji̧ri̧ nö̧ta cja̧rȩmȩpe bagami̧ dari̧ cjiapea̧ oa, goë cjo̧dërequedemȩ Ama̧i̧. Ja̧ditäde. Aja̧, ja̧di ta̧rëri̧ yo̧mȩrȩ goë cjo̧dërëremȩdejȩ Jechu judi jibëa̧ Ama̧i̧ pio ju̧i̧iä jibëa̧ jadü pio ji̧ri̧ chjiari, jibëa̧ jadü pio ji̧ri̧iä ta̧rë ëte quëna̧paji̧ri̧ pio ji̧ri̧ chjiaribo.

Juan 17:6

—Aja̧ Ama̧i̧, ca̧ jadü pio ji̧ri̧, dai chirirä cjo̧ro̧ji̧ri̧ pumȩ pio ji̧ri̧ china̧chjari̧ tutia̧renȩjȩrȩ pio coaiäpȩmo̧ yürüpea̧ oa —yo̧a̧dejȩ—. Ado mȩnȩ pio coaiäpȩmo̧ yürüa̧ pumȩ pio ji̧ri̧ chjadëri̧ daba tänȩa̧requedejȩrȩ pio mȩa chjiari urëdi tjamo̧ oa jo̧rȩtarea̧ oa. Aja̧, na̧ea̧ maeadirȩ Ama̧i̧, jabo pio coaiäpȩmo̧ yürüa̧renȩque pio ji̧ri̧ chjadëri̧ jidapea̧ oa. Ado na̧ ma̧ȩ pio ju̧i̧ ji̧dë ma ta̧rëdiädiro̧jo̧ȩ —yo̧a̧dejȩ—.

Juan 3:11

Danȩ, chjadëri̧ ta̧rëcoe pio yoa ma̧ȩ oa. Jabechji̧ cüdë, ca̧ jadüborë ni̧bärä, jabechji̧ a̧ro̧rȩ tjamo̧ri̧ daba̧ pio ju̧i̧mo̧i̧ ni̧bärea̧rȩ, a̧ro̧rȩ tjamo̧ri̧ daea̧ pio ju̧i̧mo̧i̧. Jabo cjäri̧ marenȩ, 'tjamo̧ri̧ ni̧bädiro̧coada' quëna̧ jo̧rȩtadërenȩ.

Juan 6:46

Jabo oëra̧ jo̧rȩtadëchji̧vä jabo. Pio jiro pumȩ judi Ütë tjamo̧ pio ju̧i̧iä dabapea̧räbo, jabechji̧ irä dadë madejȩ. Jabechji̧ Ütë tjamo̧ judi chjadüa̧ pio judimo̧rȩ irä darëremȩdejȩ Ama̧i̧ ju̧i̧, cüdëmo̧rȩ.

Cori̧tio Ma̧ȩ 2 4:4

Jabechji̧ Ichiae judi da coto tänȩmi̧ dari̧ japa madejȩrȩ pio jiro pumȩ ji̧ri̧, quëna̧dëji̧ri̧ ja̧ chji̧ pio ju̧i̧. Jabechji̧ judiro̧ coëma cjiari̧ baämȩ no̧mi̧ da oa dachea oa, judiro̧ ji̧dë ma bagönȩmi̧ darä cjo̧ro̧pea̧ oa, da coto tänȩmi̧ dari̧ japa madejȩrȩ. Tjamo̧ davä. Quëna̧dëji̧ri̧ pio judiro̧ Jechu pio ju̧i̧ chjiari ma̧ȩ oa bapë ta̧rëchea oa, judiro̧ tatami̧ damȩ ma̧ȩ pio ju̧i̧ quëna̧chea oa, da coto tänȩmi̧ dari̧ japadejȩrȩ pio yoa chirirä cjo̧ro̧ji̧ri̧ ja̧ ütë pio judi. Jabechji̧ a̧ro̧rȩ ma̧ȩ chjadëi̧ oa a̧ra̧ano̧räbo, a̧ro̧rȩ a̧dë chjäte tatari̧ cjiamȩ pio ju̧i̧ chjiari ma̧ȩ pio ju̧i̧ a̧ra̧ano̧räbo, ta̧rëdë madiro̧ibe. Tjamo̧ davä. A̧ro̧rȩ Quiricho pio ju̧i̧ chjiari a̧ra̧ano̧räbo, a̧ro̧rȩ Ütë tjamo̧ pio judimi̧ damȩ pio ju̧i̧ chjiari a̧ra̧ano̧räbo, cjäri̧ madiro̧ibe, bapë ta̧rëdë madiro̧ibe.

Corochȩche Ma̧ȩ 1:15

Danȩrȩ, Ütë tjamo̧ judi darea̧mi̧dëde, jabo Quiricho pio judi, dëdë, darea̧mi̧ dade icjarabomȩpea̧ tara. Ado icjarabomȩpea̧mȩ pio ju̧i̧iä, jabechji̧ dapai̧ darea̧ro̧jo̧ȩ Tjo maearë cjiamȩ pio ju̧i̧. Aja̧, darea̧mi̧ damȩ pio ju̧i̧iä dapai̧ darea̧ro̧jo̧ȩ darea̧mi̧dëmȩ pio ju̧i̧. Ado darea̧mi̧ damȩ pio judi, jabechji̧ Quiricho pio judide. Ado Quiricho pio judi, jabechji̧ cjiamȩde. Jabechji̧ pearä judirämȩde. Jabechji̧ eami̧ üdë jabë pareapea̧ oa cjiadëa̧rä cjiarëremȩde. Jabechji̧ pareapea̧ oa cjiadëde, jabo jabechji̧ cjiamȩ pio judide. Ja̧di tara ji̧dë u̧i̧ ba chiade. Aja̧, Ütërë pareapea̧ pio ju̧i̧iä ji̧dë u̧i̧ ba chiade. Jabechji̧ a̧dë chjäte ba chiamȩ pio judide.

Timoteo Ma̧ȩ 1 1:17

Ado pio ju̧i̧iä jabechji̧, chjacjiamȩri̧ jo̧rȩtapea̧de Ütë tjamo̧ judi, yuroparea̧ decjiari̧. Aja̧, bucho ana̧ cjiamȩ Ütë pio ju̧i̧iäpȩmo̧, ja̧bodëmȩrȩ cjiamȩ Ütë pio ju̧i̧iäpȩmo̧, darea̧mi̧dëmȩ Ütë pio ju̧i̧iäpȩmo̧ ji̧dë ma chjacjiamȩri̧ jo̧rȩtapea̧de, yuroparea̧ decjiari̧. Jabechji̧ pio judimo̧rȩ cjia tara, ado cja̧rȩmo̧ ütë decjia tara, jabechji̧ ji̧dë ma ba chia jo̧rȩtapea̧de, pio ju̧i̧iäpȩmo̧ ma. Ja̧ditäde.

Timoteo Ma̧ȩ 1 6:16

Jabechji̧ pio judimo̧de ja̧bodëmȩrȩ cjiamȩ judi. Ado a̧dë chjäte tatari̧ cjiamȩräpȩ cjiamȩde, a̧ro̧rȩ go̧düdärärea̧mi̧dëräpȩ, a̧ro̧rȩ irä dadärärea̧mi̧dëräpȩ. Jabechji̧ pumȩrȩ daea̧ oa cjiadëmȩde, ado bucho ana̧ dadëpea̧de. Ado pio jiro Ütë judi, ‘Jabechji̧ ji̧dë ma ba chia jo̧rȩtapea̧dida, bucho ana̧ jo̧rȩtapea̧dida’ quëna̧ jo̧rȩtapea̧de bucho ana̧. ‘A̧dë chjäte ju chiamȩ pio judidida, a̧dë chjäte jauëchjamȩ pio judida’ quëna̧ jo̧rȩtapea̧ maeade peaja̧di bucho ana̧. Ja̧ditäde.

Juan Ma̧ȩ 1 4:12

Danȩrȩ, a̧ro̧rȩ cja̧rȩmȩrȩ Ütë tjamo̧ pio ju̧i̧iäpȩmo̧ cja̧rȩmȩ co daea̧ ma ja̧didë. Jabo pio ju̧i̧ dadëa̧räbo, jabechji̧ pio ju̧i̧ chjiari na̧rȩpai̧ darea̧rȩ. Jabechji̧ eami̧ quëna̧mȩ üdë jibëa̧ pumȩ ji̧ri̧ earä judi, na̧rȩde Ütë tjamo̧ pio ju̧i̧ chjiari. Tjamo̧ davä. Eami̧ quëna̧mȩ judi jibëa̧ pumȩ pio ji̧ri̧ tjamo̧ri̧ earä judi, ana̧ri̧ na̧rȩde Ütë tjamo̧ pio judi jibëa̧ icjararä bëpera̧pea̧ pio ju̧i̧ chjiari. Ado danȩrȩ, a̧ro̧rȩ Ütë tjamo̧ pio judiri ma̧na̧mȩ earea̧ra̧ pio ju̧ri̧ra̧ eariä cjo̧ro̧a̧ oaiä, jabechji̧ ji̧dë u̧i̧ ana̧ri̧ na̧rȩrea̧rȩ judi pio ibëiä ja̧bepapea̧ pio ju̧i̧ chjiari, judi pio ibë yabo ëba baämȩpea̧ pio ju̧i̧ chjiari. Jabechji̧ pumȩ judiro̧ Ütë tjamo̧ pio ju̧i̧ dadëa̧räbo, jabechji̧ tjamo̧ri̧ dadirȩ davä judi pio ibëiä japea̧ pio ju̧i̧.

Juan Ma̧ȩ 1 4:20

Ado pio ju̧i̧iä eami̧ pumȩ üdë yo̧rä judi, “Aja̧, Ütë tjamo̧ pio ju̧i̧ ea tjamo̧reconȩ” yo̧rä judi, jabo jibëa̧ omȩ pio ju̧i̧ goëdëri̧ cjiamȩrȩ darä judi, jibëa̧ bë queri̧räpȩ cjo̧ro̧mȩ pio ju̧i̧ ërecjiamȩrȩ darä judi, cjäri̧ made, ma̧ȩ chjádë yürümȩmi̧ dari̧ cjiade. Jabechji̧ judi irä daea̧ pumȩ pio ju̧i̧ earea̧ dadërä judi, pio jȩa nö̧ta ëba cjo̧ro̧mȩ pio ju̧i̧ earea̧ dadërä judi, ¿yö̧ta dari̧ earea̧ dapadejȩ Ütë tjamo̧ pio ju̧i̧iäpȩmo̧, jënȩ cja̧rȩmȩ co dadërërea̧ pio ju̧i̧iäpȩmo̧? Cjäri̧ madejȩ, earea̧ dadëpadejȩ.

Juan Ma̧ȩ 1 4:9

Danȩrȩ, Ütë tjamo̧ pio judi na̧rȩrëremȩdiibe jënȩ ea̧ pio ju̧i̧. Tjamo̧ davä. Jënȩ pio ibëiäpȩmo̧ ütararea̧mi̧dëri̧ ea̧ pio ju̧i̧ chjiari ana̧ri̧ na̧rȩrëremȩdiibe. Jabechji̧ ana̧ri̧ na̧rȩmȩrȩ Joja pio ju̧i̧ chjadürëremȩdejȩ pumȩ ja̧ chjarerä cjo̧ro̧pea̧ oa. Cja̧rȩmȩ maea oa ëbamȩborë chjadürëremȩdejȩ a̧ro̧rȩ pio ju̧i̧iä bucho ana̧ cjo̧ro̧rea̧ dapea̧ oa.

Juan Ma̧ȩ 1 5:20

Ado peaja̧di dabarea̧rȩ Ütë tjamo̧ ja̧ Joja judi birë ma̧na̧pea̧ pio ju̧i̧ chjiari. Aja̧, ma̧na̧rëremȩde, ado yürürëremȩdiibe dabarea̧ oa, a̧ro̧rȩ 'Ütë tjamo̧ pio judidida' quëna̧ dabarea̧ dapea̧ oa. Ado yaba̧, a̧ro̧rȩ Ütë tjamo̧ pio ju̧i̧ tjamo̧ri̧ dabaji̧ri̧pea̧ tara, jabechji̧ pio ju̧i̧ nö̧ta ori̧ bagari̧ ëba cjiarea̧ daea̧rea̧rȩ a̧ro̧rȩ Jechu Quiricho pio judiri ja̧ mapea̧ tara, a̧ro̧rȩ Ütë tjamo̧ ja̧ Joja pio judiri ja̧ mapea̧ tara. Jabechji̧ Jechu Quiricho judi Ütë tjamo̧ pio judide. Ado pio judi tjamo̧de pio ibëiäpȩmo̧ bucho ana̧ cjo̧ro̧rea̧ yürümȩ judi.