Jabo judiro̧ jiada̧räbo, jabechji̧ ütarë jo̧rȩtarërea̧mi̧ japamȩde Jeova judi. Ado pio ju̧i̧iä jabechji̧, ma̧ chiadëri̧ cjiamȩrȩ darëremȩdejȩ jibëa̧ mu̧i̧tjoi̧ oa. Aja̧, pea buiua̧ toi̧mi̧ damȩ oa, dabu gaüri pio judiri buiua̧mȩ toi̧mi̧ da oa ma̧ chiadëri̧ cjiamȩrȩ darëremȩdejȩ, ütëpe jäa̧mȩ oa. Jabo a̧ro̧rȩ pio ju̧i̧ irä daea̧rä judi, chamacho chjacjiamȩ tjamo̧dëmi̧ da oa daea̧täreji̧ri̧rea̧ro̧jo̧ȩ. Pio ju̧i̧ irä daea̧rä judi, jabechji̧, pio ju̧i̧iäpȩmo̧ earea̧ taradëa̧täreji̧ri̧rea̧ro̧jo̧ȩ. Pio ju̧i̧iäpȩmo̧ daea̧ üdë, ma̧ chiadëri̧ cjiari̧ jo̧rȩta tänȩdëa̧täremȩdiibe.
Juan 1:14 - Biblia Pume14 Ma̧ȩ quȩmȩ pio judi pumȩpe bagarëremȩde. Icjara chiamȩpe järëremȩde. Ado ibëa̧ chjarerä cjo̧ro̧rera̧pea̧de. Ado ibëa̧ chjarerä cjo̧ro̧mȩ oa irä darëreji̧ri̧rea̧ro̧jo̧ȩ jibëa̧ chjacjiamȩrea̧ pio ju̧i̧. Tjamo̧ davä. Jibëa̧ jauëcharea̧ oa daea̧rea̧ro̧jo̧ȩ, a̧dë chjäte tatari̧ cjiamȩ oa. Danȩrȩ, Ama̧i̧ Ütë judi Joja pio ju̧i̧mo̧i̧ ëbarëremȩdejȩ cja̧rȩmȩ oa. Ado pio ju̧i̧ ja̧ chjacjiamȩrea̧ pio ju̧i̧ darëreji̧ri̧rea̧ro̧jo̧ȩ ji̧dë ma cjäri̧ri̧ cjiamȩrȩ a̧domȩ ju̧i̧, ji̧dë ma tjamo̧i̧ cjiari̧ ni̧bämȩ ju̧i̧. Faic an caibideil |
Juan 1:14
60 Iomraidhean Croise
Jeova pio judi na̧rȩrea̧ yürüpadidibe. Jabechji̧ iei̧ jini̧, pea ütëpea̧yi̧ pio jini̧, üi̧rȩ cja̧rȩmo̧ co ëba mo̧a̧dëa̧ iei̧ pio jini̧ bo maipanȩ. Ado arapanȩjȩ jibëa̧ ja oa. Ado Emanue quȩra̧ pio ju̧ri̧ra̧ quȩpajanȩjȩ. Aja̧, “Ütë tjamo̧ judi pio ibëdimȩde” yo̧mȩ quȩra̧ pio ju̧ri̧ra̧ quȩpajanȩjȩ. Aja̧, ja̧di ta̧rëri̧ go̧ȩpea̧ oa cjiade Go̧dü Tänȩmȩ pio ju̧i̧ chjiari.
Jabo pumȩ no̧i̧dërë Berȩräpȩ jibëa̧ yaboi̧ go̧düdäräa̧ oaiä, jabechji̧ pio jibë ëba cjo̧ro̧mȩ pio ju̧i̧ dadëa̧dirȩ. Pio ju̧i̧iä bacarë cjo̧ro̧rea̧ bëräpȩ yu̧a̧dirȩ. Ado pio ju̧ri̧ ararëreyi̧nȩjȩ boi̧chji̧ oa, jibëa̧ ja yabomȩ oa. Ado boi̧chji̧ pio ju̧i̧ ara ëte, chjibo cotora̧ pio ju̧ri̧ra̧ joë purirëreyi̧nȩjȩ. Ado joë puria̧ duri oa, bacarë jurarea̧ chararä idë a̧ra̧rëreyi̧nȩjȩ.
—Ado danȩ Ama̧i̧, mȩnȩ coa yürüa̧ pumȩ pio judiro̧ pio coadi cjiatä earequedejȩrȩ cüdë cjiapea̧räpȩ ju̧ri̧, ca̧ chjacjiamȩrea̧ pio ju̧i̧ chjadëri̧ dapea̧ oa —yoa̧dejȩ—. Jabechji̧ dabu oa jabë pareapea̧ oa cjiadëa̧rä, coa ea tjamo̧mȩrȩ yürürëremȩrenȩque na̧ chjacjiamȩrea̧ pio ju̧i̧. Ado pio ju̧i̧ chjadëri̧ datä earequedejȩrȩ ca̧ pumȩ ji̧ri̧.
Pio ju̧i̧ ta̧rëa̧ oaiä, Pirato judi iëno̧ë ta̧rëa̧dejȩ: —¿Jabo mȩnȩ tjamo̧ yo̧mȩrȩ cjo̧ro̧dënȩ? —yo̧a̧dejȩ. Ado Jechu judi dëbë yo̧a̧dejȩ: —Dëdë, tjamo̧ yo̧mȩre cjo̧ro̧quede. Birë ma̧na̧mȩrȩ ara̧ oa cjiarëremȩrequede pio yoa chirirä cjo̧ro̧pea̧ oa, tjamo̧i̧ cjiari̧ baämȩ ma̧ȩ pio ju̧i̧ ni̧bäpea̧ oa. Tjamo̧i̧ cjiari̧ baämȩ ma̧ȩ pio ju̧i̧ ta̧rë ja̧boji̧ri̧ pio judiro̧, ta̧rë ja̧bodiro̧coe —yo̧a̧dejȩ.
Ado Jechu judi jauëchja cjiari̧ japadërëremȩrȩ ja̧di dari̧ japamȩpea̧de Cana quȩmȩ bë ma̧ri̧räpȩ ju̧ri̧, Garirea quȩmȩ chiriräpȩ ju̧ri̧. Ado ja̧di dari̧ japamȩrȩ na̧rȩrëremȩde pio jȩa chjiari. ‘Aja̧, Ütë tjamo̧ ja̧ Jojadida’ daba quëna̧rea̧mi̧ dari̧ na̧rȩrëremȩde. Ado pio ju̧i̧iä jibëa̧ jadü judiro̧ quëna̧ji̧ri̧pea̧diro̧jo̧ȩ.
Jabechji̧ Ütë tjamo̧ judi pumȩ ütëbodärä oa ea tjamo̧ tara, tuti yürürëremȩdejȩ jibëa̧ Ja oa pumȩ pio ji̧ri̧ chjiari ano̧ mire ja̧bopea̧ oa. Yo̧a̧ri̧ oa ëbadëmȩborë chjadürëremȩdejȩ, pio ju̧i̧mo̧i̧ ëbamȩrȩ. Ado eami̧ pumȩ judi, pio ju̧i̧iäpȩmo̧ quëna̧mȩ judi, jabechji̧ bucho ana̧ cjo̧ro̧rea̧ dapade aeno̧rea̧ decjiari̧.
Ado eami̧ pumȩ üdë, Joja pio ju̧i̧ quëna̧mȩ pio judi, jabechji̧ bape chjaoa̧ oa cjiadëpade. Jabo quëna̧dëmȩ pio judi, jabechji̧ bape chjaopea̧ maearë cjo̧ro̧de Ütë tjamo̧ ja̧ Joja pio ju̧i̧ quëna̧dë tara. Joja pio ju̧i̧mo̧i̧ ëbadejȩ Ütë tjamo̧ judi. Ado pio ju̧i̧ quëna̧dëmȩ pio judi bape chjaopea̧ maearë cjo̧ro̧de.
Ado pio jiro chja̧pe pio judirequede cüdë. Tjamo̧ davä. A̧dëri ja̧ chja̧pe pio judirequede. Bucho ana̧ cjo̧ro̧rea̧ yürümȩ chja̧pe pio judirequede. Ado eami̧rȩ pio yoa chja̧pe oa jurarä judi, jabechji̧ bucho ana̧ cjo̧ro̧pade —yo̧a̧dejȩrȩ—. Ado danȩrȩ, pio jiro chja̧pe üdë ca̧ go̧a̧ pio judide. Ado ca̧ go̧a̧ pio ju̧i̧ yürürequededibe mȩnȩro̧ jurapea̧ oa. Jabechji̧ yürürequede ca̧ icjara oa pumȩ judiro̧ ütëbodärärë bucho ana̧ cjo̧ro̧rea̧ dapea̧ oa —yo̧mȩrȩ ni̧bä chjaorëremȩdejȩrȩ Jechu judi ma̧ȩ go̧a̧ti̧ oa.
Jabo Moicherë go̧ȩparërea̧ ma̧ȩ pio ju̧i̧iä chjätärea̧ dadëa̧rea̧rȩ. Pio jiro ma̧ȩ ju̧i̧iä jabechji̧parȩa̧ oa cjiarea̧ dadëa̧rea̧rȩ. Jabechji̧ a̧ro̧rȩ pio jiro ma̧ȩ oa nö̧tadäräri̧ ta̧rëdiärea̧ dadëa̧ oaiä, a̧ro̧rȩ pumȩ ma oaiä, jabechji̧ pio ju̧i̧iä chjätärea̧ dadëa̧rea̧rȩ. Ado pio ju̧i̧iä Ütë tjamo̧ pio judi tuti yürü chjadürëremȩdejȩ jibëa̧ Ja pio ju̧i̧. Aja̧, pumȩpe jäpea̧ oa, pumȩ icjararä cjo̧ro̧pea̧ oa, chjai̧dëri̧ japaji̧ri̧ pumȩ pio ji̧ri̧ ja̧ icjara oa goami̧ dari̧ cjo̧ro̧pea̧ oa, tuti yürü chjadürëremȩdejȩ. Aja̧, chjadürëremȩdejȩ ja̧bopea̧ oa a̧ro̧rȩ chjai̧dë ja̧ chja̧oerä cjo̧ro̧chea oa.
Ado danȩrȩ, no̧mȩ tjamo̧ri ja̧ cjo̧ro̧rëreji̧ri̧ taru pio judiri ja̧ maeadirȩ. Taru ba chia tjamo̧ji̧ri̧ pio judiri ja̧ji̧ri̧ maeadirȩ. No̧mȩ cjo̧ro̧rëreji̧ri̧ Ebereo pio judiri ja̧ maeadirȩ. Ado Go̧dü Tänȩmȩ judi peaja̧di pio judiri ja̧de. Pio ji̧ri̧ ja̧ pumȩde. Icharaitarë ara̧ oa pumȩpea̧de. Ado pio ju̧i̧iä yo̧requededibe. Danȩrȩ, a̧dë chjäte tjamo̧ yo̧mȩ Ütë pio judi bucho ana̧ chjacjiamȩ tjamo̧ri̧ jo̧rȩtapea̧ maeade. Pio ju̧i̧ ja̧ chja̧oerämo̧ ji̧dë ma cjo̧ro̧pea̧de. Ja̧ditäde.
Jabo cjäri̧ madique. Cüdë pio ju̧i̧iä cjo̧dëtea̧mi̧ nö̧ta ja̧di ta̧rëri̧ dëbë yo̧rëremȩdique. “Jabechji̧de” yo̧a̧dique. “Mȩnȩ taradëpea̧ oa tuti japadëparequede, jabo jabechji̧ mȩa cjäri̧ri̧ cjiamȩrȩ ji̧dë ma a̧dorea̧ yürüparequedemȩ mȩnȩ taramȩ oa. Jabechji̧ cüdë mȩa a̧dopea̧ üdë nö̧tade” yo̧a̧dique. “Aja̧, mȩnȩ gito oaiä ju chiadëmȩrȩ cjo̧ro̧a̧ oaiä, jabechji̧ ji̧dë u̧i̧ ana̧ri̧ na̧rȩa̧ oa cjiapade ca̧ jauëchjarea̧ üdë pio mȩaiä. Ado pio ju̧i̧iä jabechji̧, cjatäcjiarea̧ yürüdëparequedemȩ” dëbë yo̧rëremȩdique Ütë tjamo̧ judi. Ado pio ju̧i̧iä ca̧ oti̧, jabechji̧ ji̧dë ma goaeri̧ ni̧bäparequede cüdë ju chiadëmȩrȩ cjo̧ro̧a̧ pio ju̧i̧ chjiari. Jabechji̧ cüdë conȩda̧ oa cjia̧ oaiä, ju chiadëmȩrȩ cjo̧ro̧parequede. Jabo danȩrȩ, cüdë ju chiadëmȩrȩ cjo̧ro̧a̧ oaiä, jabechji̧ Quiricho pio ju̧i̧ ja̧ jauëchjarea̧ üdë pio coaiä ji̧dë u̧i̧ ana̧ri̧ na̧rȩa̧ oa cjiade, cüdë pio ju̧i̧ ja̧ ju chiarea̧ maeara̧ cjo̧ro̧a̧ oaiä.
Jabechji̧ cüdë pumȩ ba chiadëräbo, cüdë Ütë ja̧ pumȩ pio ji̧ri̧ tjamo̧ri̧ nö̧tadëräbo, jabechji̧ pio coa cjäri̧ri̧ cjiamȩrȩ a̧ra̧ano̧rea̧ yürürëremȩdique Quiricho pio ju̧i̧ chjiari ma̧ȩ oa. Tjamo̧ davä. Ütë tjamo̧ ja̧ pumȩ judiro̧ ütëborë pio coaiä ji̧dë u̧i̧ ba chiaräbo, jabechji̧ pio coa yürürëremȩdique pio jiro ja̧beparea̧ oa. Aja̧, judiodë pio ji̧ri̧iäpȩmo̧ a̧ra̧ano̧pea̧ oa, judiro̧ Quiricho pio ju̧i̧ quëna̧ oaiä a̧dë chjäte ba chiamȩti̧ oa mitërea̧ dapea̧ oa, tjamo̧ri̧ dabarea̧mi̧dë oa mitërea̧ dapea̧ oa, yürürëremȩdique pio jiro ja̧beparea̧ oa.
Jabechji̧ goae tjamo̧rëremȩdejȩ Ütë tjamo̧ pio ju̧i̧iä Joja üdë pio jënȩmi̧ dari̧ cjiapea̧ oa peadëri ja̧, jabëdiärea̧ decjiari̧. Jabechji̧ nö̧tami̧ cjiadirȩ. Ji̧mo̧ ma cjiadirȩ. Joja üdë Ütë tjamo̧ pio judi tjamo̧mi̧ dari̧ cjiade. Ütë tjamo̧ pio judimȩrȩ cjiade. Jabechji̧ goae tjamo̧dejȩ Ütë tjamo̧ ju̧i̧iä, judi Jojarä bëpapea̧ ji̧.
Jabechji̧ Quiricho pio ju̧i̧iä tjamo̧ri̧ dabaparea̧mi̧ dade Ütë tjamo̧ ja̧ dabarea̧ üdë. Quiricho pio ju̧i̧iä tjamo̧ri̧ dabaparea̧mi̧ dade a̧dë chjäte dabarea̧ üdë, urëdi tjamo̧ oa jo̧rȩtarea̧ üdë. Jabechji̧ Ütë tjamo̧ ja̧ dabarea̧ chjö̧na̧i̧rȩ tutia̧ oa cjiami̧ dade jo̧ tjomi̧ darä, chjuari̧ tutia̧ oa cjiamȩ jo̧ tjomi̧ darä. Jabo Quiricho pio ju̧i̧iä arë ia̧ oa cjiami̧ dari̧ cjiade, a̧ro̧rȩ chjö̧na̧i̧ oa chjadëri̧ dabapadärärea̧mi̧ dari̧.
Ado a̧ro̧rȩ Jechu Quiricho pio ju̧i̧ chjiari quëna̧ üdë, ‘jabechji̧ a̧dë chjäte ba chiadida’ quëna̧ dabarea̧rȩ. Jabechji̧ pio jiro ma̧ȩ üdë goadia̧ oa cjiami̧ dari̧ cjiarërea̧ ji̧, chjadëri̧ daba tänȩrëremȩdiibe Ütë tjamo̧ judi. Aja̧, pio yoa ma̧ȩ oa dabapa tänȩrëremȩdiibe. Ta̧rëchji̧vä: "Quiricho judi a̧dëräpȩrëremȩrȩ birarëremȩde pumȩpapea̧ oa. Ado Tjo tjamo̧ pio judi daba tänȩrërea̧ oaiä, ‘Aja̧, Quiricho judi cja̧rȩmȩ co chjai̧dëri̧ japadëa̧dida, coëma cjiari̧ cjo̧ro̧mȩdida’ quëna̧ dabarea̧mi̧ dapea̧de. Ado pumȩ chjarerä cjo̧ro̧mȩpea̧mȩ oa darëreji̧ri̧diro̧jo̧ȩ a̧dëräpȩ mu̧i̧tjoi̧ judiro̧. Ado pio ju̧i̧ chjiari ma̧ȩ üdë to̧bari̧ a̧ra̧ano̧a̧ oa cjiarëremȩde chiri nö̧tai̧ oa cjo̧ro̧ji̧ri̧ pio ji̧ri̧ ja̧ chjarerä. Ado a̧ra̧ano̧a̧ oa cjiadiäa̧ oaiä, jabechji̧ no̧i̧dë tjamo̧rȩ quëna̧ji̧ri̧pea̧dirȩ. Ado ja̧dëa ji̧ ütara̧ doro, Ütë tjamo̧ judi ado chjereno̧ cjitë tänȩrëremȩdejȩ a̧dëräpȩ baäpea̧ oa."
Jabechji̧ Joja pio judi na̧rȩdiibe davä Ütë tjamo̧ pio ju̧i̧ chjiari. Jabechji̧ Joja pio ju̧i̧ daea̧ üdë, Ütë tjamo̧ pio ju̧i̧iäpȩmo̧ darea̧de. Jabechji̧ dacho darea̧rä dami̧ dari̧ da tänȩdiibe Jechu judi Ütë tjamo̧ pio ju̧i̧. Jabechji̧ Ütë tjamo̧ pio judimi̧ darë a̧dë chjäte tatari̧ cjiamȩ pio ju̧i̧ na̧rȩdiibe, Ütë tjamo̧ ja̧ chjacjiamȩ tjamo̧rea̧ pio ju̧i̧. Aja̧, jibëa̧ chjadë pio ju̧i̧, jibëa̧ jauëchjarea̧ pio ju̧i̧, a̧dë chjäte tatari̧ cjiamȩ jauëchjarea̧ pio ju̧i̧ ana̧ri̧ na̧rȩdiibe Jechu judi, jabëdiärea̧ decjiari̧. Ado Ütë tjamo̧ pio ju̧i̧ chjiari na̧rȩmȩ pio judi, jabechji̧ jibëa̧ ma̧ȩ jauëchjara̧ pio ju̧ri̧ra̧ chjadëri̧ jidadejȩ jënȩ pareapea̧ chjö̧na̧i̧därä oa. Jabechji̧ ji̧dë ma chjadëri̧ cjiapea̧ oa, goarijächea oa, chjadëri̧ quirë baä quirë baä cjiapea̧ oa jidadejȩ. Ado pio judi, jabechji̧ chadärärëremȩde a̧dë chjäte ba chiaräpȩ ju̧ri̧. Tjamo̧ davä. Pumȩ judiro̧ chjai̧dëri̧ japea̧ pio ju̧i̧ joami̧ dari̧ duridëparȩa̧ pio ju̧i̧ japadärä ëte, jabechji̧ chadärärëremȩde a̧dë chjäte Ütë tjamo̧ pio ju̧i̧ ja̧ mu̧i̧ chjuaräpȩ ju̧ri̧.
Jabechji̧ ja̧di ta̧rëri̧ cja̧rȩmȩ co yo̧dë marëremȩdejȩrȩ a̧dëräpȩ cjiaji̧ri̧ mu̧i̧tjoi̧ pio ji̧ri̧, jabo Joja pio ju̧i̧mo̧i̧ yo̧rëremȩdejȩ. Danȩrȩ, ta̧rëchji̧vä: “Aja̧, ca̧ Jarenȩ. Ado na̧ Ama̧i̧pea̧requede” yo̧a̧dejȩ. “Ado pio yaba̧ domȩ oa, ‘jabechji̧ ca̧ Jadida’ quëna̧ jo̧rȩtamȩrȩ yo̧requedemȩ." Aja̧, ja̧di ta̧rëri̧ yo̧mȩrȩ yo̧rëremȩde Ütë tjamo̧ judi Joja pio ju̧i̧ ji̧dë u̧i̧ ba chiara̧ pio ju̧ri̧ra̧. Ado peaja̧di pio yoa ma̧ȩ oa cja̧rȩmȩ co yo̧dëa̧de a̧dëräpȩ cjiaji̧ri̧ mu̧i̧tjoi̧ pio ji̧ri̧ chjiari, jabo Joja pio ju̧i̧ chjiari, dëdë, yo̧rëremȩde. Ta̧rëchji̧vä: “Aja̧, pio coaiäpȩmo̧ Ama̧i̧padique. Ado cüdë pio ju̧i̧iäpȩmo̧ Japareconȩ.” Aja̧, a̧dëräpȩ cjiaji̧ri̧ mu̧i̧tjoi̧ pio ji̧ri̧ chjiari ja̧di ta̧rëri̧ cja̧rȩmȩ co yo̧dërëremȩde Ütë tjamo̧ judi, jabo jibëa̧ Ja pio ju̧i̧ chjiari, dëdë, ja̧di ta̧rëri̧ yo̧rëremȩde ji̧dë u̧i̧ ba chiamȩ pio ju̧i̧ chjiari.
Ado pio ju̧i̧iä Quiricho judi dai chirirä cjo̧rera̧rërea̧ ji̧, ja̧di ta̧rëri̧ yo̧mȩrȩ yo̧rëremȩdejȩ jibëa̧ Ama̧i̧ ju̧i̧: “Aja̧ Ama̧i̧, chivo oa, oveja oa, baca üi̧ oa ji̧dë ma mechjarä goe gu̧rori̧ cäë yürütä eadërenȩ. Ado pio ju̧i̧iä yürüa̧renȩque ca̧ icjara oa, cüdë ca̧ icjara pio ju̧i̧ yürüpea̧ oa” yo̧a̧dejȩ.
Ado yaba̧ cja̧rȩmȩ pumȩ mapea̧rea̧rȩ. Jabechji̧ china̧chjari̧ tutia̧ oa cjiaji̧ri̧ pio judiro̧ cja̧rȩmȩ pumȩ mapea̧rea̧rȩ china̧chjari̧ tutia̧ oa cjia tänȩmȩ pio ju̧i̧ nö̧ta, Jechu pio ju̧i̧ nö̧ta. Jabechji̧ cja̧rȩmȩde ibëa̧ Ama̧i̧ judi. Ado pio ju̧i̧iä idëri̧ cjiadëde Jechu judi pio ibë ope ni̧bäpea̧ ji̧. Tjamo̧ davä. Jibëa̧ ayi̧ma̧i̧ pio ji̧ri̧, jibëa̧ ayi̧cai̧ pio ji̧ri̧, jibëa̧ pumȩ pio ji̧ri̧ ope ni̧bäpea̧ ji̧ idëri̧ cjiadë maeade.
Ado peaja̧dirëremȩde Quiricho judi. Jabechji̧ jibëa̧ ma̧na̧ri̧ jo̧rȩtamȩrȩ tjamo̧ goë tuti ja̧bepamȩpe bagadëa̧de, jabo Ütë tjamo̧ pio judi mitëa̧ oaiä ja̧bepamȩpea̧de. Danȩrȩ, ja̧di ta̧rëri̧ yo̧rëremȩdejȩ Joja oa: “Aja̧, ca̧ Jarenȩ. Ado na̧ Ama̧i̧ tjamo̧requede cüdë. Ado pio yaba̧ domȩ oa, ‘ca̧ Jadida’ quëna̧ jo̧rȩtamȩrȩ yo̧requedemȩ.” Aja̧, ja̧di ta̧rëri̧ yo̧rëremȩdejȩ Joja oa Ütë tjamo̧ judi.
Ado a̧ro̧rȩ, Jechu pio ju̧i̧ irä darëreji̧ri̧ pio judiro̧ tjamo̧ri̧ dabarea̧rȩ Ütë tjamo̧ pio ju̧i̧ chjiari. Tjamo̧ davä, a̧ro̧rȩ Jechu pio ju̧i̧ irä darërea̧ pio ju̧i̧iä, jabechji̧ tjamo̧ri̧ dabarea̧rȩ Ütë tjamo̧ pio ju̧i̧ chjiari. ‘Aja̧, Joja pio ju̧i̧ chjadürëremȩdiji̧da, pumȩ pio ji̧ri̧ chjätä tänȩpea̧ oa chjadürëremȩdiji̧da, chiriräpȩti̧ oa cjo̧ro̧ji̧ri̧ pio ji̧ri̧ chjätä tänȩpea̧ oa chjadürëremȩdiji̧da, judiro̧ chjai̧dëri̧ japea̧ pio ju̧i̧ chjiari tuti japapea̧ oa chjadürëremȩdiji̧da’ quëna dabarea̧rȩ Ütë tjamo̧ pio ju̧i̧ chjiari. Pio ju̧i̧iä jabechji̧ a̧ro̧rȩ dëbëdiäa̧ pumȩ pio ji̧ri̧ ji̧dë ma ni̧bä chjaorea̧rȩ Chjätä Tänȩmȩ pio ju̧i̧ chjiari.
Danȩrȩ, Ütë tjamo̧ pio judi na̧rȩrëremȩdiibe jënȩ ea̧ pio ju̧i̧. Tjamo̧ davä. Jënȩ pio ibëiäpȩmo̧ ütararea̧mi̧dëri̧ ea̧ pio ju̧i̧ chjiari ana̧ri̧ na̧rȩrëremȩdiibe. Jabechji̧ ana̧ri̧ na̧rȩmȩrȩ Joja pio ju̧i̧ chjadürëremȩdejȩ pumȩ ja̧ chjarerä cjo̧ro̧pea̧ oa. Cja̧rȩmȩ maea oa ëbamȩborë chjadürëremȩdejȩ a̧ro̧rȩ pio ju̧i̧iä bucho ana̧ cjo̧ro̧rea̧ dapea̧ oa.
Damȩ oyi̧, u̧i̧paji̧ri̧ pio judiro̧ noi̧dëti̧rȩ chiriräpȩti̧ oa a̧ra̧ano̧riä tai̧diro̧ pumȩ ji̧ri̧ u̧i̧pe ni̧bäpea̧ oa, tjamo̧i̧ cjiari̧ baädëmȩ ma̧ȩ pio ju̧i̧ a̧ra̧ano̧pea̧ oa. Jabechji̧ judiro̧ Jechu pio ju̧i̧ chjiari coëma cjiari̧ quëna̧tärea̧ ji̧, oëra̧ quëna̧diro̧. ‘Jabechji̧ pumȩpea̧dida, icjara chiapea̧dida’ quëna̧ji̧ri̧rȩ jo̧rȩtatärea̧ ji̧, oëra̧ quëna̧ji̧ri̧rȩ u̧i̧pe a̧ra̧ano̧ chjaodiro̧ji̧ri̧ pumȩ pio ji̧ri̧ Jechu pio ju̧i̧ chjiari. Jabechji̧ peadëri ja̧ Jechu Quiricho pio ju̧i̧ dëbëpe chjaoji̧ri̧ pio judiro̧diro̧.
Ado to̧bari̧ ni̧bämȩ oa ta̧rëa̧reconȩ Ütë ja̧ charea̧ri pio judiri ni̧bämȩ oa. Ja̧di ta̧rëri̧ yo̧mȩ oa ta̧rëa̧reconȩ: —Danȩrȩ, Ütë tjamo̧ judi bëpea̧de pumȩ pio ji̧ri̧ nö̧ta —yo̧a̧de—. Pio ji̧ri̧ nö̧ta cjo̧ro̧mȩpea̧de. Ado pio judiro̧ jibëa̧ pumȩpea̧dirȩ. Pio ju̧i̧ ja̧ mapea̧dirȩ. Ado Ütë tjamo̧ pio judi ji̧dë ma ëba cjiapadejȩrȩ. Ado pumȩ judiro̧, ‘Aja̧, Ütë tjamo̧ judi ibëa̧ Ütëdida’ quëna̧ mapadiro̧jo̧ȩ.
Sanasan