Juan 1:12 - Biblia Pume

¹² Jabo o judiro̧ jiadadëa̧diro̧jo̧ȩ. Ba chia daea̧diro̧jo̧ȩ. Quëna̧diro̧jo̧ȩ. Ado pio ji̧ri̧iäpȩmo̧ Ütë tjamo̧ ja̧ u̧ri̧pe bagarea̧ yürürëremȩdejȩrȩ pio jȩaiäpȩmo̧ quëna̧ji̧ri̧ oa.

Juan 1:12 Iomraidhean Croise

Mateo 10:40

Ado Jechu judi ji̧dë u̧i̧ ni̧bä chjaorëremȩdejȩrȩ: ⁠—⁠Danȩrȩ, eami̧ pumȩ üdë pio cüdëmi̧ dari̧ japarä judi, pio dibë cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjia dami̧ dari̧ jeadique. Ado eami̧ pumȩ üdë pio coa cjäri̧ri̧ cjia damȩrȩ jearä judi, pio coa chjadüa̧mȩ pio ju̧i̧bo cjäri̧ri̧ cjia dami̧ dari̧ jeadejȩ.

Mateo 12:21

Ado pio ju̧i̧iämo̧i̧ jidatarea̧ dapadirȩ chiriräpȩti̧ oa cjo̧ro̧ji̧ri̧ pumȩ pio judiro̧.” Aja̧, ja̧di ta̧rëri̧ go̧ȩparëremȩde Ichaia judi. Ütë tjamo̧ judi Joja pio ju̧i̧ chjiari ni̧bärërea̧ ma̧ȩ pio ju̧i̧ go̧ȩparëremȩde.

Mateo 18:5

Danȩrȩ, eami̧ pumȩ üdë pio cüdëmi̧ dari̧ japarä judi, pio yoa pumȩ boi̧chji̧ oa cjäri̧ri̧ cjiamȩrȩ jearä judi, ba chiadëmȩmi̧ damȩ pio ju̧i̧ cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjia dami̧ dari̧ jeadique ⁠—⁠yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.

Juan 1:11

Jabechji̧ jibëa̧ chiriräpȩ cjo̧rera̧pea̧räbo, jibëa̧ pumȩ charerä cjo̧rera̧pea̧räbo, jiadarëreji̧ri̧diro̧jo̧ȩ.

Juan 1:7

Tatami̧ damȩ pio ju̧i̧ chjiari ni̧bä chjaopea̧ oa chjadüa̧ oa cjo̧ro̧rëremȩde pumȩ judiro̧ chjadëri̧ ta̧rëpea̧ oa, chjadëri̧ quëna̧pea̧ oa.

Juan 11:52

Ado judio pio ji̧ri̧mo̧ ni̧bädëa̧de, jabo Ütë tjamo̧ ja̧ u̧ri̧paji̧ri̧ pio ji̧ri̧ chjiaribo ni̧bärëremȩde, chiriräpȩti̧ oa chjuchuti̧mi̧ cjo̧ro̧ji̧ri̧ pio ji̧ri̧ chjiaribo. Tjamo̧ davä. Jechu judi Ütë tjamo̧ ja̧ u̧ri̧paji̧ri̧ ütëbo ja̧ oa ano̧ mire ja̧bopea̧ pio ju̧i̧ chjiaribo ni̧bärëremȩde. Jabechji̧ jibëa̧ u̧ri̧paji̧ri̧ judiro̧ ütëborë Jechu pio ju̧i̧iä cja̧rȩmȩrä a̧dopea̧ oa cjiapea̧ oa, ni̧bärëremȩde jabërä Caipa pio judi, jibëa̧ ma̧na̧ri̧ jo̧rȩtadëmȩrȩ.

Juan 2:23

Jechu judi Jerucharȩräpȩ ju̧ri̧ cjiadiärëremȩde uëmo̧ a̧dë chjätärea̧ do üdë chjätäa̧rä yuro. Ado ju̧ri̧pȩ cjiadiäa̧ nö̧ta noi̧dërë quëna̧ji̧ri̧pea̧diro̧jo̧ȩ quëna̧dërërea̧ ji̧. Jabechji̧ jauëchja cjiari̧ japamȩ oa dae chjaoa̧ oaiä, jabechji̧ quëna̧mi̧ dari̧ japarëreji̧ri̧diro̧jo̧ȩ.

Juan 20:31

Jabo danȩrȩ, cüdë go̧ȩpea̧ ma̧ȩ üdë, jabechji̧ mȩnȩro̧ chjadëri̧ quëna̧pea̧ oa go̧ȩpea̧ oa cjiade. ‘Aja̧, Jechu judi Ütërë mitëa̧ Chjätä Tänȩmȩ pio judidida, Ütë tjamo̧ ja̧ Joja pio judi tjamo̧dida’ quëna̧ dabapea̧ oa go̧ȩpea̧ oa cjiade pio mȩnȩro̧ Jechu pio ju̧i̧ quëna̧ oaiä bucho ana̧ cjo̧ro̧rea̧ dapea̧ oa.

Juan 3:18

Ado eami̧ pumȩ üdë, Joja pio ju̧i̧ quëna̧mȩ pio judi, jabechji̧ bape chjaoa̧ oa cjiadëpade. Jabo quëna̧dëmȩ pio judi, jabechji̧ bape chjaopea̧ maearë cjo̧ro̧de Ütë tjamo̧ ja̧ Joja pio ju̧i̧ quëna̧dë tara. Joja pio ju̧i̧mo̧i̧ ëbadejȩ Ütë tjamo̧ judi. Ado pio ju̧i̧ quëna̧dëmȩ pio judi bape chjaopea̧ maearë cjo̧ro̧de.

Japarea̧ 3:16

Ado pio judi tjamo̧de ta piruremȩ pio ju̧i̧ chjaparȩa̧mȩ judi, a̧ro̧rȩdë. Jabechji̧ Jechu pio ju̧i̧ ja̧ jauëchja oaiä chjapea̧ oa cjiade. Pio ju̧i̧ ja̧ quȩ pio oaiä ju chjadëpea̧de. Tjamo̧ davä. A̧ro̧rȩ quëna̧ oaiä, 'Aja̧, Jechu judi chjaparȩmȩdida' quëna̧ oaiä, jabechji̧ chjaparȩa̧ oa cjiade yaba̧ pio mȩnȩro̧ ütëbodärärë dari̧ —yo̧a̧dejȩrȩ—.

Domano Ma̧ȩ 8:14

Jabechji̧ Tjo tjamo̧rȩ tara tänȩa̧mi̧ cjo̧ro̧ji̧ri̧ judiro̧, yabo ëba baämi̧ dari̧ japamȩ pio ju̧i̧ cho̧rë jämi̧ dari̧ cjo̧ro̧ji̧ri̧ pio judiro̧, jabechji̧ Ütë tjamo̧ ja̧ u̧ri̧ tjamo̧dirȩ.

Domano Ma̧ȩ 8:16

Ado Tjo tjamo̧ judi chjadëri a̧dodiibe ibëa̧ tjoro a̧ro̧rȩ coëma cjiari̧ jo̧rȩtapea̧ oa Ama̧i̧ tjamo̧ pio ju̧i̧ chjiari. 'Aja̧, Ütë tjamo̧ pio ju̧i̧ ja̧ u̧ri̧a̧ro̧da, pio ju̧i̧ ja̧ u̧ri̧pea̧a̧ro̧da' quëna̧ jo̧rȩtarea̧ yürüdiibe.

Domano Ma̧ȩ 8:19

Jabechji̧ Ütërë pareaparërea̧ chjö̧na̧i̧rȩ tobo tobo datämi̧ dari̧ cjiade Ütë tjamo̧ ja̧ u̧ri̧ pio ji̧ri̧ tjamo̧ri̧ datämi̧ cjiamȩmi̧ darë. 'Aja̧, Ütë tjamo̧ ja̧ u̧ri̧diro̧da, ado Ütë tjamo̧ judi pio ji̧ri̧iä ana̧ri̧ na̧rȩpadida, pio ju̧i̧ tjamo̧ri̧ dapea̧dida' quëna̧mi̧ dari̧ cjiade, jidatami̧ dari̧, garë dae cjiamȩmi̧ dari̧.

Garata Ma̧ȩ 3:26

Ado mȩnȩro̧ ütëborë Jechu Quiricho pio ju̧i̧iäpȩmo̧ quëna̧ oaiä, jabechji̧ Ütë tjamo̧ ja̧ u̧ri̧ mapea̧nȩrȩ, Quiricho pio judiri ja̧ mape bagaji̧ri̧rȩ.

Garata Ma̧ȩ 4:6

Ado mȩnȩro̧ peadë Ütë tjamo̧ ja̧ u̧ri̧pea̧ tara, jabechji̧ chjadürëremȩdidibe Joja pio ju̧i̧ ja̧ Tjo ju̧i̧ dibëa̧ icjararä bëpapea̧ oa. Ado pio judi tänȩa̧ oa, Ama̧i̧pea̧rea̧ro̧jo̧ȩ yaba̧ Ütë tjamo̧ ju̧i̧. Tjamo̧ davä. “Ama̧i̧, ca̧ Ama̧i̧renȩ” yo̧rea̧ro̧jo̧ȩ.

Corochȩche Ma̧ȩ 2:6

Mȩnȩro̧ Ano̧mȩ Jechu Quiricho pio ju̧i̧iäpȩmo̧ quëna̧ oaiä, jabechji̧ pio ju̧i̧ ja̧ chja̧oerämo̧ cjo̧ro̧chji̧vä, pio judiri ma̧na̧mȩ cjo̧ro̧rea̧ra̧.

Pedro Ma̧ȩ 2 1:4

Jabechji̧ Ütë tjamo̧ judi jauëchja tara, chjadë tjamo̧ tara, ma̧ȩ goae tjamo̧ oa yürürëremȩdiibe a̧dë chjäte ba chiamȩ ma̧ȩ oa, jënȩ pearä yo̧ë cji̧därërea̧ ma̧ȩ pio ju̧i̧. Pio jiro ma̧ȩ ba chia tjamo̧ oa yürürëremȩdiibe a̧ro̧rȩ dai chirirä ja̧ jo̧rȩtarea̧ oa jo̧rȩtaji̧ri̧ pio judiro̧ jo̧rȩtami̧ dari̧ jo̧rȩtachea oa, a̧ro̧rȩ ibëa̧ icjarari ja̧ chjai̧dë üdë chi̧dëea̧ chja̧oerä cjo̧ro̧chea oa. Jabechji̧ ibëa̧ icjarari ja̧ chjai̧dë üdë china̧chja pio ju̧i̧ ji̧dë ma japatämi̧ cjiade. Jabo pio ju̧i̧ ja̧ chja̧oerä cjo̧ro̧chea oa ma̧ȩ ba chia tjamo̧ oa yürürëremȩdiibe. Tjamo̧ davä, ma̧ȩ goae oa yürürëremȩdiibe a̧ro̧rȩ Ütë tjamo̧ pio ju̧i̧ ja̧ chji̧mi̧ dara̧ pio ju̧ri̧ra̧ jo̧rȩtariä cjo̧ro̧pea̧ oa, pio judi japami̧ dari̧ japapea̧ oa.

Juan Ma̧ȩ 1 3:1

Ütärë jo̧rȩtachji̧vä Ütë tjamo̧ judi ibë ana̧ri̧ eapea̧ pio ju̧i̧ chjiari ca̧ oti̧. Jabechji̧ judi ibë ütararea̧mi̧dëri̧ a̧dë chjäte ji̧ra̧ri̧ eapea̧ pio ju̧i̧ chjiari ütarë jo̧rȩtachji̧vä. Jabechji̧ judi ibë ja̧di dari̧ ea tara, ‘ca̧ u̧ri̧diro̧ca̧da’ quëna̧ jo̧rȩtamȩrȩ dadiibe. Tjamo̧ davä ca̧ oti̧, Ütë tjamo̧ pio ju̧i̧ ja̧ u̧ri̧ tjamo̧rea̧rȩ. Jabo quëna̧dëji̧ri̧ pio judiro̧, cjäri̧ madiro̧ibe, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadë madiro̧ibe. Tjamo̧ davä. Judiro̧ ibëa̧ Ama̧i̧ Ütë pio ju̧i̧ dabadë tara, ‘Ütë tjamo̧ ja̧ u̧ri̧diro̧da’ quëna̧ jo̧rȩtaji̧ri̧rȩ dadëdiro̧ibe.

Juan Ma̧ȩ 1 3:10

Ado pio ju̧i̧iä chjaodëri̧ dabarea̧mi̧ dade ca̧ oti̧. Tjamo̧ davä. Ütë tjamo̧ ja̧ u̧ri̧ pio ji̧ri̧ chjiari, Ichiae ja̧ pumȩ pio ji̧ri̧ chjiari, chjaodëri̧ dabarea̧mi̧ dade. Chjaodëri̧ ütarë darea̧mi̧ dade. Jabechji̧ coëma cjiari̧ cjo̧ro̧dëji̧ri̧ pio judiro̧, jibëa̧ pumȩ pio ji̧ri̧ ea tjamo̧dëji̧ri̧ pio judiro̧, jabechji̧ Ütë tjamo̧ ja̧ u̧ri̧ tjamo̧dëdiro̧da’ quëna̧ dabarea̧mi̧ dari̧ ütarë darea̧ro̧jȩrȩ.

Juan Ma̧ȩ 1 3:2

Danȩrȩ ca̧ oti̧ ba chia oa, a̧ro̧rȩ Ütë tjamo̧ pio ju̧i̧ ja̧ u̧ri̧ tjamo̧pea̧rea̧rȩ. ‘Jabechji̧ pio ju̧i̧ ja̧ u̧ri̧ tjamo̧dëa̧ro̧da’ quëna̧rea̧mi̧dëde. Jabo danȩrȩ, jabë tjamo̧ri̧ dabadërea̧rȩ. Tjamo̧ davä. Ibëa̧ icjara pio ju̧i̧ chjiari jabë tjamo̧ri̧ dabadërea̧rȩ. Jabechji̧ a̧ro̧rȩ a̧dëräpȩ ano̧ mire cjo̧ro̧ji̧ri̧pea̧rä, ‘Aja̧, ja̧di dari̧ cjo̧ro̧paa̧ro̧da, ja̧di da cjiapaa̧ro̧da, ca̧ icjara üdë ja̧di da cjiapadida’ quëna̧ dabarea̧mi̧dëde. Jabo danȩrȩ ca̧ oti̧, pio yoamo̧i̧ tjamo̧ri̧ dabarea̧rȩ jabo. Jechu Quiricho pio judi ado jana̧rä, jabechji̧ pio judimi̧ dari̧ cjiadiäparea̧rȩ. Pio ju̧i̧ tjamo̧ri̧ dabarea̧rȩ. Pio judimi̧ dari̧ cjiadiäparea̧rȩ. Ado pio judimi̧ dari̧ cjiadiäji̧ri̧rȩ chjadë maeari̧ daparea̧ro̧jo̧ȩ Jechu pio ju̧i̧. Tjamo̧ davä. Judi jana̧rä, jabechji̧ chjadë maeari̧ daparea̧ro̧jo̧ȩ. ‘Jabechji̧ Jechu judi jadi da cjiadida’ quëna̧dërërea̧ ji̧, jabechji̧ irä daparea̧ro̧jo̧ȩ.

Juan Ma̧ȩ 1 3:23

Danȩrȩ ca̧ oti̧, ¿tjana̧ oa japariä cjo̧ro̧tä eadiibe Ütë tjamo̧ judi? Tjana̧dë, jabechji̧ Joja pio ju̧i̧, Jechu Quiricho pio ju̧i̧ quëna̧riä dopatä eadiibe. Ado Jechu Quiricho judi yo̧a̧mi̧ eaji̧ri̧rȩ cjo̧ro̧tä eadiibe peaja̧di, ibëa̧ dëbëti̧ra̧ chia ea tjamo̧ji̧ri̧rȩ. Aja̧ ca̧ oti̧, ja̧di dari̧ japatä eadiibe Ütë tjamo̧ judi.