Devitico Ma̧ȩ 16:3 - Biblia Pume

³ Ado danȩ, Aro̧ judi ütara̧mi̧ yu̧a̧rä, a̧dë chjäte china̧chja jo̧ tjoräpȩ yu̧a̧rä, jabechji̧ goe gu̧rori̧ cäë yürüpea̧de yabochja. Aja̧, baca üi̧ pëi̧ chja oa cäë yürüpea̧de judi chjai̧dëri̧ japea̧ pio ju̧i̧ chjiari. Ado ju̧i̧ uëri cja̧rȩmȩ oveja üi̧ oa peaja̧di cäë yürüpea̧de go̧a̧ pënȩrȩ cjiadiädëri̧. Aja̧, ja̧di dari̧ japea̧rämo̧ chjadëri̧ yu̧a̧rea̧mi̧dade. Aja̧, ja̧di ta̧rëri̧ yo̧tä earequedemȩ na̧ ayima̧i̧ ju̧i̧" yo̧mȩrȩ yo̧rëremȩdejȩ Moiche ju̧i̧ Jeova judi.

Devitico Ma̧ȩ 16:3 Iomraidhean Croise

Devitico Ma̧ȩ 1:3

Ado mȩnȩro̧ oëra̧ yürüchea oa ja̧di ta̧rëri̧ yo̧requededibe. ‘Danȩrȩ, mȩnȩro̧ dibëa̧ baca pio ju̧i̧ cäë yürüpea̧ oa yürürä judi, jabechji̧ baca üi̧ chjadë oa yürütäreji̧ri̧nȩrȩ co chja oa. Aja̧, dëbëdiärea̧ jo̧ yu̧a̧rea̧ yaräpȩ ju̧ri̧ yürütäreji̧ri̧nȩrȩ Jeova pio ju̧i̧ ja̧ dachoro. Ado mȩnȩro̧ ja̧di dari̧ yürüa̧ oaiä, 'Aja̧, pio jiro pumȩ üdë jabechji̧dida' quëna̧ jo̧rȩtamȩrȩ dapadidibe Jeova judi, pio dibë cjäri̧ri̧ cjia damȩrȩ.

Ebereo Ma̧ȩ 9:12

Jabechji̧ a̧dë chjäte china̧chja jo̧ tjoräpȩ ju̧ri̧ yu̧a̧rëremȩde, Ütë tjamo̧ ja̧ bëräpȩ ju̧ri̧. Jabo yo̧a̧ri̧ co yu̧a̧dëa̧de, jabo cja̧rȩmȩ co ma yu̧a̧rëremȩde goe chiamȩrȩ. Jabo baca üi̧ ja̧ goe oa chiamȩrȩ yu̧a̧dëa̧de. Chivo goe oa chiamȩrȩ yu̧a̧dëa̧de, jabo jibëa̧ goe pio ju̧i̧ chiamȩrȩ yu̧a̧rëremȩde. Jibëa̧ goera̧ ba ano̧pea̧ oa yu̧a̧rëremȩde pio ibë go̧dü tänȩpea̧ oa, pio a̧ro̧rȩ bucho ana̧ cjo̧ro̧rea̧ dapea̧ oa.

Ebereo Ma̧ȩ 9:7

Jabo ji̧dë u̧i̧ tjoro cjiamȩ jo̧ tjoräpȩ ju̧ri̧ tjamo̧ goë tuti ja̧bepamȩ pio judimo̧rȩ yu̧a̧diärëremȩde. Tjamo̧ davä. Cja̧rȩmȩ co uipamȩ nö̧ta yu̧a̧diärëremȩde a̧dë chjäte china̧chja jo̧ tjoräpȩ ju̧ri̧. Jabo goe decjiamȩrȩ yu̧a̧dërëremȩde, jabo goe chiamȩrȩ yu̧a̧rëremȩde jënȩ chjai̧dëri̧ japea̧ ba oa yürüpea̧ oa, pumȩ judiro̧ dabadëji̧ri̧rȩ chjai̧dëri̧ japea̧ ba pio ju̧i̧bo yürüpea̧ oa. Aja̧, ja̧di dari̧ japamȩrȩ yu̧a̧diärëremȩde cja̧rȩmȩ co uipamȩ nö̧ta.