Devitico Ma̧ȩ 1:3 - Biblia Pume

³ Ado mȩnȩro̧ oëra̧ yürüchea oa ja̧di ta̧rëri̧ yo̧requededibe. ‘Danȩrȩ, mȩnȩro̧ dibëa̧ baca pio ju̧i̧ cäë yürüpea̧ oa yürürä judi, jabechji̧ baca üi̧ chjadë oa yürütäreji̧ri̧nȩrȩ co chja oa. Aja̧, dëbëdiärea̧ jo̧ yu̧a̧rea̧ yaräpȩ ju̧ri̧ yürütäreji̧ri̧nȩrȩ Jeova pio ju̧i̧ ja̧ dachoro. Ado mȩnȩro̧ ja̧di dari̧ yürüa̧ oaiä, 'Aja̧, pio jiro pumȩ üdë jabechji̧dida' quëna̧ jo̧rȩtamȩrȩ dapadidibe Jeova judi, pio dibë cjäri̧ri̧ cjia damȩrȩ.

Devitico Ma̧ȩ 1:3 Iomraidhean Croise

Taruparea̧ Ma̧ȩ 22:13

Ja̧dëa ji̧ Abaraa̧ judi gatë damȩrȩ darëremȩdejȩ oveja üi̧ oa to boi̧chji̧rä puri cjiamȩ oa yatërä. Ado a̧dë bagurarea̧mi̧dëmȩ oa mitëa̧dejȩ. Ado goe gu̧rori̧ ano̧ mire ja̧bo tänȩrëremȩdejȩ. Aja̧, joja pio ju̧i̧ cäë yürütärea̧mi̧ ano̧ mire ja̧bo tänȩrëremȩdejȩ.

Taruparea̧ Ma̧ȩ 22:2

Ado Ütë tjamo̧ judi yo̧a̧dejȩ: —Danȩ, na̧ ja pio ju̧i̧mo̧i̧ ëbarenȩ, Icha quȩmȩ oa. Pio ju̧i̧ mitëvä. Mȩnȩ cjäri̧ri̧ cjia da̧ pio ju̧i̧ mitëvä Moria quȩmȩ chiriräpȩ ëba jäpea̧ oa. Ado mȩnȩ ju̧ri̧pȩ go̧düdäräa̧rä, jabechji̧ goe gu̧rori̧ cäë yürütä earequedemȩ na̧ ja oa. Cüdë mȩa na̧rȩpea̧ ya̧mi̧räpȩ ju̧ri̧ yürütä earequedemȩ —yo̧a̧dejȩ.

Taruparea̧ Ma̧ȩ 22:8

Ado Abaraa̧ judi dëbë yo̧a̧dejȩ: —Jabechji̧ Ütë tjamo̧ pio judi dabami̧ tuti yürüpadejȩ oveja oa ca̧ ja, a̧ro̧rȩ pio ju̧i̧iäpȩmo̧ chjadëri̧ cäë yürüpea̧ oa. Aja̧, ja̧di ta̧rëri̧ yo̧mȩrȩ dëbë yo̧rëremȩdejȩ joja oa Abaraa̧ judi. Ado judiro̧ yo̧a̧ri̧rȩ ji̧mo̧ jäji̧ri̧rȩ järëreji̧ri̧dirȩ.

Taruparea̧ Ma̧ȩ 8:20

Ja̧dëa ji̧ Noe judi Jeova pio ju̧i̧iäpȩmo̧ yürüpea̧ oa yürürea̧ mechja oa japeno̧rëremȩdejȩ. Ado goe gu̧rori̧ yürüpea̧ oa mitërëremȩdejȩrȩ chirirä cjo̧ro̧ji̧ri̧ pio ji̧ri̧, pua pio ji̧ri̧bo. Ado pio ji̧ri̧ goe gu̧rori̧ ja̧bo tänȩ ëte, jabechji̧ cäa̧dejȩrȩ icjara oa, codë oa. Yürürea̧ mechjarä yürürëremȩde.

Go̧dürea̧ Ma̧ȩ 12:5

Oveja pëi̧ chja oa, jabo chivo pëi̧ chja oa mitërä, jabechji̧ üi̧ oa, co chja oa, chjadë oa, cja̧rȩmȩ ui goamȩ oa mitëpea̧ maeade. Oveja oa mitërä judi jabechji̧de. Ado chivo oa mitërä judi peaja̧di jabechji̧de.

Go̧dürea̧ Ma̧ȩ 24:5

Ado Moiche judi ja̧di dari̧ japa ëte, goe gu̧rori̧ cäë yürü tänȩa̧dejȩrȩ pea ütëti̧pea̧ oari pio ji̧ri̧. Jeova pio ju̧i̧iäpȩmo̧ cäë yürü tänȩa̧dejȩrȩ. Ado cja̧rȩmo̧ yürürea̧ oa peaja̧di cäë yürü tänȩa̧dejȩrȩ. Baca oari oa, pëi̧ chja oa cäë yürü tänȩa̧dejȩrȩ ori̧ bagari̧ ëba jurarea̧ quȩmȩ yürürea̧ pio ju̧i̧.

Go̧dürea̧ Ma̧ȩ 32:6

Ado dopea̧rä icharaita judiro̧ bëdürëreji̧ri̧dirȩ peadai̧rä. Ado jënȩro̧ jo̧rȩta̧mi̧ goa järëreji̧ri̧dirȩ cäë yürüpea̧ oa. Baca oa, oveja oa, chivo oa, pua oa goa jäa̧dirȩ. O oa codë oa cäë yürüa̧diro̧jo̧ȩ. Jabo o oa, codë oa cäë yürüdëa̧, jabo piodai̧ maea oa cäë yürüa̧diro̧jo̧ȩ. O oa mitëa̧diro̧jo̧ȩ jurapea̧ oa. Ori̧ bagari̧ ëba jurapea̧ yürürea̧ tara, jabechji̧ ja̧di dari̧ japea̧dirȩ. Ado cäë yürüa̧ duri oa, chadärärëreji̧ri̧dirȩ jurapea̧ oa, bino quȩmȩ ërü oa jarapea̧ oa. Ado a̧dë chjäte jara̧ oaiä yu̧i̧pea̧dirȩ. Ado yu̧i̧ji̧ri̧rȩ bochegua chjaoa̧dirȩ. Ado jibëa̧ iei̧dë oa bae ëba mo̧a̧ji̧ri̧pea̧dirȩ ma̧i̧ da chjai̧dë oa japaji̧ri̧rȩ.

Lucas 1:35

Jabo a̧dërimȩ mu̧i̧tjoi̧ pio judi dëbë yo̧a̧dejȩ: —Damȩ, Tjo tjamo̧ pio judi cjiana̧ra̧padima̧, mȩnȩ a̧dë chjäte jauëchjamȩ Ütë pio ju̧i̧ ja̧ chja̧oerä cjiarea̧mi̧ dari̧, pio mȩa bomai tänȩrea̧mi̧ dari̧ —yo̧a̧dejȩ—. Ado pio ju̧i̧iä mȩnȩ arapea̧ boi̧chji̧ üdë, jabechji̧ a̧dë chjäte tatachjamȩrȩ cjiadiäpadi, chjai̧dë oa chiarea̧ decjiamȩrȩ. Ado pumȩ judiro̧ chjadëri̧ yo̧padiro̧ju̧i̧. 'A̧ja̧, Ütë tjamo̧ ja̧ Jojadida' quëna̧ jo̧rȩtaji̧ri̧rȩ yo̧padiro̧ju̧i̧.

Juan 1:36

Ado chjätämȩ oa daea̧dejȩ Jechu pio ju̧i̧. Ado pio ju̧i̧ damȩrȩ ja̧di ta̧rëri̧ yo̧a̧dejȩrȩ: —Danȩrȩ, Ütë tjamo̧ ja̧ oveja pëi̧ chjami̧ dade.

Juan 10:7

Ado Jechu judi ji̧dë u̧i̧ yo̧mȩrȩ a̧de ni̧bä chjaorëremȩdejȩrȩ pumȩ ji̧ri̧: —Tjamo̧i̧ cjiari̧ yo̧requededibe. Cüdë yu̧a̧rea̧ jo̧ë yami̧ darequede. Ado pio coaiämo̧i̧ yu̧a̧rea̧ dadirȩ oveja judiro̧.

Juan 10:9

Jabo danȩrȩ, jo̧ë yami̧ darequede cüdë —yo̧a̧dejȩrȩ—. Ado ovejami̧ daji̧ri̧ pumȩ judiro̧ pio coaiä yu̧a̧rea̧ dapadirȩ, chjätärea̧ daji̧ri̧rȩ. Pio coaiä go̧dürea̧ dapadirȩ peaja̧di, mairi̧ jurariä tai̧ji̧ri̧mi̧ dari̧ cjo̧ro̧pea̧ oa.

Cori̧tio Ma̧ȩ 2 8:12

Ado mȩnȩro̧ eami̧ oa yürürä, mȩnȩro̧ järätäa̧rä ja̧ oa yürürä, jabechji̧ yürüdëri̧ cjiaji̧ri̧rȩ yürüdëchji̧vä, jabo jabechji̧ tjamo̧ri̧ yürütämi̧ cjiaji̧ri̧rȩ yürüchji̧vä. Jabechji̧ mȩnȩro̧ yürüdëri̧ cjiaji̧ri̧rȩ yürürä judi, goae tjamo̧dëdejȩ Ütë tjamo̧ pio ju̧i̧iä. Jabo mȩnȩro̧ tjamo̧ri̧ yürütämi̧ cjiaji̧ri̧rȩ yürürä judi, dëdë, goae tjamo̧de pio ju̧i̧iä. Ado pio ju̧i̧iä yo̧requededibe ca̧ oti̧. Yürütämi̧ cjiaji̧ri̧rȩ yürüchji̧vä. Ado eami̧ pumȩ üdë tjamo̧ri̧ goadërä judi, eami̧ oa yürüpea̧ oa goadërä judi, eami̧ jurarea̧ boi̧chji̧ oa goadërä judi, jabechji̧ yürürea̧mi̧dëde. Jabo mȩnȩro̧ goa̧ pio ju̧i̧, dëdë, yürüpai̧ darenȩro̧jo̧ȩ ji̧ra̧dëräbo, jabëtarimi̧räbo.

Cori̧tio Ma̧ȩ 2 9:7

Ado pio ju̧i̧iä mȩnȩro̧ eami̧ oa yürürä, jabechji̧ jabërä chjadëri̧ ütarë jo̧rȩtatäreji̧ri̧nȩrȩ. ‘Aja̧, ¿napai̧ yürüpaquëda, na̧pai̧ ji̧ra̧ oa ponȩmi̧ dari̧ yürüpaquëda, jabechji̧ cüdë tjado boi̧chji̧rä ponȩmi̧ dari̧ japarä judi, jabo tjado boi̧dë oa ponȩmi̧ dari̧ japarä judi, napai̧ ji̧ra̧ oa ponȩmi̧ dari̧ yürüpaquëda’ quëna̧ji̧ri̧rȩ ütarë jo̧rȩtatäreji̧ri̧nȩrȩ jabërä. Ado ja̧dëa ji̧ jabechji̧, mȩnȩro̧ ütara̧ pio ju̧i̧ yürütäreji̧ri̧nȩrȩ. Jabo yürümȩ pio judi chjadëri̧ jo̧rȩtamȩrȩ yürütäremȩde jabo. Jabechji̧ yürüdëri̧ cjiamȩrȩ yürüdëtäremȩde. Pumȩ pio ju̧i̧iä idëri̧ cjiamȩrȩ yürüdëtäremȩde. O judiro̧ ji̧dë ma yo̧a̧ oaiä yürüdëtäremȩde jabo jabechji̧, tjamo̧ri̧ yürütämi̧ cjiamȩrȩ yürütäremȩde, tjamo̧ri̧ yürütämi̧ cjiamȩ chji̧ra̧ jo̧rȩtamȩrȩ. Jabechji̧ tjamo̧ri̧ yürütämi̧ cjiamȩrȩ yürümȩ pio ju̧i̧ ea tjamo̧dejȩ Ütë tjamo̧ judi.

Epjecho Ma̧ȩ 2:18

Ado yaba̧ Quiricho judi pio ibë chjiari ja̧di dari̧ tuti japarërea̧ oaiä, jabechji̧ a̧ro̧rȩ ütëborë ni̧bärea̧ darea̧ro̧jo̧ȩ ibëa̧ Amai̧ pio ju̧i̧, judio judiro̧, ado judiodë pio judiro̧borë. Jabechji̧ a̧ro̧rȩ ütëborë cja̧rȩmȩ pio ju̧i̧iä ni̧bärea̧ darea̧ro̧jo̧ȩ, Tjo tjamo̧ pio ju̧i̧iä.

Epjecho Ma̧ȩ 5:27

Jabo ¿tjana̧pea̧ oa ja̧boera̧pea̧de? Tjana̧pea̧ oadë, jabechji̧ pio jënȩ mitëpea̧ oa, a̧doparea̧ chjacjiayi̧ tjamo̧ pio ji̧ mitëpea̧ oa ja̧boera̧pea̧de. Tjamo̧ davä. Co chjami̧ dayi̧ pio ji̧ mitëpea̧ oa, chjai̧dë chiadëyi̧ pio ji̧ mitëpea̧ oa, cjari̧darea̧ decjiayi̧ pio ji̧ mitëpea̧ oa, chjadëri̧ tutia̧ oa cjiayi̧ pio ji̧ mitëpea̧ oa ja̧boera̧parëremȩde.

Ebereo Ma̧ȩ 7:26

Pio ju̧i̧iä jabechji̧, Jechu pio judide pio ibë chjiari tjamo̧ goë tuti ja̧bepamȩ judi. Jabechji̧ chjadë tjamo̧de pio ibë chjadëri̧ a̧dopea̧ ji̧. Danȩrȩ, judi tata chja tara, judi cja̧rȩmȩ co chjai̧dëri̧ japadëa̧ tara, judi chjai̧dë oa mirea̧ oa cjiadëmȩ tara, jabechji̧ chjadë tjamo̧de ibë chjadëri̧ a̧dopea̧ ji̧. Ado danȩrȩ, ¿tjana̧räpȩde pio ibë chjiari goë tuti ja̧bepamȩ judi? Tjana̧räpȩdë, jabechji̧ baärëremȩde a̧dëräpȩ, a̧dë chäte ba chiaräpȩ ju̧ri̧ chapea̧ oa. Jabechji̧ Ütë tjamo̧ pio judi tänȩa̧ oaiä, chjai̧dëri̧ japaji̧ri̧ judiro̧ yu̧a̧rea̧mi̧dëräpȩ tutia̧ oa cjiade yaba̧, Jäjäa ja̧ mu̧i̧ chjua cotoräpȩ ju̧ri̧.

Ebereo Ma̧ȩ 9:14

Jabo danȩrȩ, ji̧dë u̧i̧ ba chiade davä Quiricho pio ju̧i̧ ja̧ goe üdë. Jabechji̧ yuropadëmȩ Tjo tjamo̧ pio judi ju chiarea̧ yürüa̧ oaiä Jechu judi jibëa̧ icjara oa yürürërëmȩdejȩ Ütë tjamo̧ ju̧i̧. Oveja co chjami̧ da oa yürürëremȩdejȩ goe gu̧rori̧ ja̧bopea̧ oa. Ado yaba̧ pio jiro goe oaiä ja̧bodëmȩ Ütë pio ju̧i̧ ja̧ oa ja̧beparea̧ daji̧ri̧pea̧rea̧rȩ. Ado pio jiro goe oaiä peaja̧di joa̧ oa cjiami̧ dari̧ cjiade ibëa̧ chji̧ üdë, a̧ro̧rȩ chji̧ chjadëra̧ jo̧rȩtariä cjo̧ro̧pea̧ oa, a̧ro̧rȩ teracaba ma̧ȩrä jo̧rȩtariä cjo̧ro̧chea oa.