Devitico Ma̧ȩ 1:2 - Biblia Pume

² "Danȩ, ja̧di ta̧rëri̧ yo̧tä earequedemȩ icharaita pio ji̧ri̧iäpȩmo̧. 'Danȩrȩ, mȩnȩro̧ Jeova pio ju̧i̧iäpȩmo̧ eami̧ oa yürürä judi, mȩnȩro̧ pio coaiäpȩmo̧ eami̧ oa yürürä judi, jabechji̧ dibëa̧ pio ju̧i̧iä mitë ëte yürürä judi, jabechji̧ chjadëde. Tjamo̧ davä. Mȩnȩro̧ dibëa̧ baca oa yürürä judi, dibëa̧ oveja oa yürürä judi, dibëa̧ chjivo oa yürürä judi, dibëa̧ pua oa yürürä judi, dibëa̧ pio ju̧i̧iä mitë ëte yürürä judi, jabechji̧ chjadëde.

Devitico Ma̧ȩ 1:2 Iomraidhean Croise

Taruparea̧ Ma̧ȩ 4:3

Ja̧dëa̧ ji̧ Cai̧ judi japamitë chjätä ëte yürürëremȩdejȩ Jeova pio ju̧i̧iäpȩmo̧. ‘Aja̧, cüdë ja̧bepea̧rä ja̧ oa, tjadoro ja̧bepea̧ ba oa yürütäremȩcuni̧da’ quëna̧ jo̧rȩtamȩrȩ yürütarëremȩdejȩ Jeova pio ju̧i̧iäpȩmo̧.

Taruparea̧ Ma̧ȩ 4:5

Jabo Jeova judi Cai̧ pio ju̧i̧iäpȩmo̧ ja̧di dari̧ jo̧rȩtamȩrȩ dadëa̧dejȩ. 'Jabechji̧dida' quëna̧mȩrȩ' dadëa̧. Jabechji̧ jënȩ yürütea̧ pio ju̧i̧iäpȩmo̧ daea̧rä, 'jabechji̧dida' quëna̧ dadëa̧dejȩ. Ja̧di tara Cai̧ judi da ga̧ri̧rȩ ërecjiapea̧de, ma̧ cjüëtüri̧ jo̧rȩtamȩrȩ.

Marcos 7:11

Jabo cjäri̧ marenȩro̧jȩrȩ, dibëa̧ pumȩ pio ji̧ri̧ chjadëri̧ a̧ra̧ano̧dërenȩro̧jȩrȩ pio jibë nö̧riji̧ri̧ pio ji̧ri̧ chjiari. Jabechji̧ eami̧ pumȩ judi pio jibë nö̧riji̧ri̧ pio ji̧ri̧iäpȩmo̧ yo̧rä judi, "Jabo cjäri̧ marequededibe. Ca̧ea̧ üdë china̧chjari̧ tutia̧ oa cjiade. Ütë tjamo̧ pio ju̧i̧iäpȩmo̧ yürüpea̧ oa tutia̧ oa cjiade cüdë pio ju̧i̧iäpȩmo̧ yo̧ë cji̧däa̧ oaiä. Ado pio ju̧i̧iä pio dibëiäpȩmo̧ eami̧ oa yürürea̧mi̧dërequededibe. Pio dibë a̧dorea̧mi̧dërequededibe" yo̧rä judi, "Aja̧, jabechji̧ chjadëde" yo̧renȩro̧jȩrȩ. Ado mȩnȩro̧ ja̧di dari̧ a̧ra̧ano̧a̧ oaiä, 'Aja̧, jabechji̧dida, cüdë pio coa nö̧riji̧ri̧ pio ji̧ri̧ a̧dodërä judi, jabechji̧dida' quëna̧ jo̧rȩtaji̧ri̧pe jädirȩ pumȩ judiro̧.

Domano Ma̧ȩ 12:1

Ja̧di tara ca̧ oti̧, Ütë tjamo̧ judi ibë cjäri̧ri̧ cjia da tara, jabechji̧ yo̧tarequededibe dibëa̧ icjara codë oa goe gu̧rori̧ yürümi̧ dari̧ yürütä Ütë tjamo̧ pio ju̧i̧iäpȩmo̧. China̧chjari̧, goaeri̧ pjea̧ cjitëmi̧ dari̧ tutitä yo̧tarequededibe, Ütë tjamo̧ pio ju̧i̧ ma̧ chiadëri̧ cjiaparȩrea̧mi̧ dari̧. Aja̧, ja̧di dari̧ yürütäreji̧ri̧rea̧ro̧jo̧ȩ chjacjiamȩ tjamo̧ri̧.

Domano Ma̧ȩ 12:6

Ado Ütë tjamo judi pio judirimȩ maearë, cjäri̧ri̧ cjiamȩrȩ, chuchuti̧mi̧ cjia yürürëremȩdiibe quëna̧ji̧ri̧ nö̧ta oa a̧ro̧rȩ pumȩ icjarami̧ dari̧ cjiapea̧ oa, tjaoëti̧ chia ja̧beparea̧ oa chiapea̧ oa. Ado pio ju̧i̧iä jabechji̧, Ütërë yürüa̧ pio ju̧i̧ daburäpȩmo̧ arë cürëmi̧ dari̧ japadë matäreji̧ri̧rea̧rȩ jabo jabechji̧, chjadëri̧ ja̧bepatäreji̧ri̧rea̧rȩ ibëa̧ ja̧beparea̧ra̧. Ado pio ju̧i̧iä yo̧requededibe. Danȩrȩ, Ütërë ea jana̧ chjadüa̧ pio ju̧i̧ ni̧bärea̧ oa yürüa̧rä judi, jabechji̧ pio jiro ja̧beparea̧ra̧ ja̧bepatäreji̧ri̧rea̧rȩ a̧ro̧rȩ nö̧tarä yuro, pio ju̧i̧iäpȩmo̧ quëna̧ji̧ri̧rȩ.

Epjecho Ma̧ȩ 5:2

Jabechji̧ Quiricho judi dibë ea̧ra̧ pio ju̧ri̧ra̧ eachji̧jȩrȩ dibëa̧ pumȩ ji̧ri̧. Danȩrȩ, ibë ea tjamo̧mȩrȩ ja̧boera̧parëremȩde. Aja̧, Ütë tjamo̧ pio ju̧i̧iäpȩmo̧ goaeri̧ pjȩa̧ cjitëmi̧ dari̧ ja̧bopea̧ oa yürürëremȩde jibëa̧ icjara oa, ovejami̧darë ja̧bopea̧ oa. Ado pio jiro earea̧ra̧ pio ju̧ri̧ra̧ eatäreji̧ri̧rea̧ro̧jȩrȩ ibëa̧ pumȩ ji̧ri̧ peaja̧di.