YAKUBUS 5:7 - PEJANJIAN EMPAI CERITAU ILUAK

⁷ Karnau itu, ngalighla, enggut Tuhan datang. Kina'ila jemau tani. Ngan ngaligh diau nantika asil diau beregau jak di umaunyau. Ngan ngaligh diau nantika pangkau ujan.

YAKUBUS 5:7 Iomraidhean Croise

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 24:27

Karnau luak cayau kilat diau besinagh jak di sebela matau-aghi idup enggut ke sebela matau-aghi padam, luak itula nanti, amun Anak Manusiau ka datang.

MATIUS 24:44

Itula sebapau kamu mesti siagau, karnau Anak Manusiau datang masau diau nidau kamu sangkau.”

LUKAS 18:8

Percayaula, Diau ka cepat mbenaghka pekarau ughangtu. Anyautu amun Anak Manusiau datang, apu gi adau jemau di deniauni percayau ngan Diau?”

LUKAS 21:27

Masau itula jemau ka nginak Anak Manusiau datang dalam aban ngan kuasau ngan terang besak.

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

YUHANIS 21:22

Katau Yesus, “Misalau Aku endak diau maju idup, enggut Aku datang, itu ukan kerjau kaba. Anyautu kabani, mela ngikut Aku!”

YUHANIS 21:23

Mangku tesiar ceritau di pugan anak-buaHau, mbak bansau anak-bua itu nidau ka mati. Anyautu Yesus nidau ngiciakka, bansau anak-buaHautu nidau ka mati, tapitu, “Misalau Aku endak diau maju idup, enggut Aku datang, itu ukan kerjau kaba.”

RUM 15:4

Gegalaunyau diau la ditulis di Injil endak ngajagh kitau, supayau kitau tekun ngan tegua ngaghapka Allah, karnau ajaghan Injiltu.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

GALATIA 6:9

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

KULUSI 1:11

Mangku kamu diteguaka ngan kuasau Allah diau agung endak nanggungka gegalaunyau ngan ngaligh ngan riang.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

1 TESALUNIKA 2:19

Kamuni ngenian njadi aghapan kami ngan meriangka kami, karnau amun nanti Tuhan Yesus datang ngan kitau ngadapiNyau, kamuni pulau njadi kebanggaan kami.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

IBRANI 6:15

Abrahamtu nunggu ngan ngaligh mangku nerimau setu diau dijanjikatu.

YAKUBUS 4:11

Kantin-kantinku, jangan kamu sangi buruakka ngan sangi salaka. Jemau diau mburuakka ngan nyalaka kantinau, diau mburuakka ngan nyalaka ukum Allah. Amun kamu nyalaka ukum Allah, kamu nidau na'ati ukumtu, tapitu kamu njadi akimau.

YAKUBUS 5:10

Ingatkala nabi diau ngiciak dalam namau Tuhan. Ughangtu ngaligh ngan ta'an sengsarau. Penaula ughangtu.

YAKUBUS 5:3

Emas ngan pirak kamu la bekarat. Karattu ka nyalaka kamu, ka makan badan kamu luak api. Kamu la melungguakka retau bendau masau pengabisan ini.

2 PITRUS 3:4

Katau ughangtu, “Kataunyau Tuhan bejanji ka datang! Mbak kini di manau Diau? Jak niniak puyang kitau mati gegalaunyau gi semegi luak masau deniau dijadika.”