YAKUBUS 4:12 - PEJANJIAN EMPAI CERITAU ILUAK

¹² Cuman sughang diau behak netapka ukum ngan ngadili manusiau. Itula Allah diau bekuasau nyelamatka ngan mbenasauka. Anyautu sapau kamu, mangku kamu endak nyalaka kantin kamu?

YAKUBUS 4:12 Iomraidhean Croise

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

LUKAS 12:5

Nyela, Aku ka nunjuakka ngan kamu, sapau diau mesti kamu takuti. Takutla ngan Allah, karnau la udim ngambiak nyawau, Diau bekuasau pulau ncapakka dalam nerakau. Percayaula, Diautu mesti kamu takuti.

RUM 14:13

Karnau itu jangan agi kitau sangi salaka. Anyautu beusahala, supayau kamu jangan mbuat kantin kamu bedusau ngan nyesatka diau.

RUM 14:4

Kamu nidau bulia ngadili budak jemau. Apu diau benagh apu sala, itu urusan tuanau. Nyela, budak itu ka ngerjauka setu diau benagh, karnau Tuhan pacak njagaui diau, supayau maju ngerjauka setu diau benagh

RUM 2:1

Ui kantin-kantinku, apu kamu endak nyalaka jemau? Amun luak itu, kamu nidau bediau tapakan endak mbenaghka diri kamu. Amun kamu nyalaka jemau, awuak kamu pulau ngerjauka kerjau diau ughangtu kerjauka, kamu ngukum diri kamu itula.

RUM 9:20

Sapau kamu, ui jemau, mangku endak nimbali Allah? Apu pacak setu diau dibuat ngiciak ngan diau mbuatau, “Ngapau aku dibuat luak ini?”

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

YAKUBUS 5:9

Jangan kamu bemumut ngan sangi salaka, mangku kamu nidau diukum. Ingatkala, akim diau ngadili kitau laka datang.