YAKUBUS 4:11 - PEJANJIAN EMPAI CERITAU ILUAK

¹¹ Kantin-kantinku, jangan kamu sangi buruakka ngan sangi salaka. Jemau diau mburuakka ngan nyalaka kantinau, diau mburuakka ngan nyalaka ukum Allah. Amun kamu nyalaka ukum Allah, kamu nidau na'ati ukumtu, tapitu kamu njadi akimau.

YAKUBUS 4:11 Iomraidhean Croise

LUKAS 6:37

“Jangan kamu ngadili jemau, mangku kamu nidau diadili. Jangan kamu ngukum, mangku kamu nidau diukum. Ampunila jemau, mangku kamu diampuni.

RUM 2:1

Ui kantin-kantinku, apu kamu endak nyalaka jemau? Amun luak itu, kamu nidau bediau tapakan endak mbenaghka diri kamu. Amun kamu nyalaka jemau, awuak kamu pulau ngerjauka kerjau diau ughangtu kerjauka, kamu ngukum diri kamu itula.

RUM 2:13

Jemau nidau dibenaghka, amun keruan ukum Taurat. Jemau dibenaghka, amun ngerjauka setu diau diajung ukum Taurattu.

RUM 7:7

Amun luak itu, tuapau diau pacak kitau kiciakka? Apu ukum Taurat ja'at? Nidau ka adau! Aku keruan dusau karnau ukum Taurat. Aku nidau keruan, tuapau retiau ngibauka barang jemau, amun ukan ukum ngiciakka, “Jangan ngibauka barang jemau.”

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.

IPISUS 4:31

Lengitkala gegalau peghasauan purik, mara ngan dendam. Jangan tegauk-gauk ngan nggelakka. Jangan agi adau peghasauan luat ngan peghasauan diau ja'at lainau.

1 TIMUTIUS 3:11

Biniau pulau mesti jemau iluak. Jangan diau galak ngupatka jemau. Diau mesti nguasaui diriau ngan pacak dipercayaui ngan gegalaunyau.

2 TIMUTIUS 3:3

nidau sayang, nidau endak seilu'an ngan jemau, galak ngarutka jemau, kejam, garang, meluatka setu diau iluak,

TITUS 2:3

Luak itu pulau jemau tinau diau tuau mesti idup ngan carau diau pantas ngan jemau diau percayau ngan Allah. Jangan ughangtu ngupatka jemau ngan jangan memabu'an. Ughangtu mesti ngajaghka setu diau iluak.

YAKUBUS 1:16

Kantin-kantinku diau kusayangi, jangan kamu tetipu!

YAKUBUS 1:19

Ui kantin-kantinku diau kusayangi. Ingatkala iluak-iluak. Bilang jemau mesti cepat ndengagh, tapitu nidau cepat nimbal ngan nidau cepat mara.

YAKUBUS 1:25

Ukum Allah sempernau, adau kuasau endak nyelamatka manusiau. Jemau diau melajaghi, meratikanyau iluak-iluak ngan ngerjauka ukumtu nian, jemautu ka disayangi Allah, mangku gegalaunyau diau dikerjaukanyau ka buasil, karnau ukan cuman ndengagh ajau, mangku nidau teghingat agi,

YAKUBUS 2:8

Amun kamu nuruti ukum diau penting ini diau ditulis di Injil, “Sayangila kantin kaba, luak kaba nyayangi diri kaba”, kamu ngerjauka setu diau iluak.

YAKUBUS 5:10

Ingatkala nabi diau ngiciak dalam namau Tuhan. Ughangtu ngaligh ngan ta'an sengsarau. Penaula ughangtu.

YAKUBUS 5:7

Karnau itu, ngalighla, enggut Tuhan datang. Kina'ila jemau tani. Ngan ngaligh diau nantika asil diau beregau jak di umaunyau. Ngan ngaligh diau nantika pangkau ujan.

YAKUBUS 5:9

Jangan kamu bemumut ngan sangi salaka, mangku kamu nidau diukum. Ingatkala, akim diau ngadili kitau laka datang.

1 PITRUS 2:1

Karnau itu capakkala jak di kamu gegalaunyau diau ja'at. Jangan agi mbu'ung, jangan cak iluak, jangan sengit, jangan ngupatka jemau.