YAKUBUS 4:1 - PEJANJIAN EMPAI CERITAU ILUAK

¹ Jak di manau asalau gegalau belagau ngan bebala? Apu ukan asalau jak di serilau kamu diau maju bekerjau di kamu?

YAKUBUS 4:1 Iomraidhean Croise

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RUM 7:23

Anyautu aku meghasau di aku adau pulau carau lain diau belawanan ngan carau diau disetujui rupu'anku. Carau itu diau nguasaui diriku, mangku aku tunduak ngan dusau diau mendam di atiku.

RUM 7:5

Senitu kitau idup nurut carau manusiau. Masau itu serilau bedusau nguasaui kitau. Serilautu nimbul karnau ukum Taurat, mangku kitau ngerjauka setu diau nyebapka kitau mati.

RUM 8:7

Amun ati jemau dikuasaui serilau manusiau, diau bemusuan ngan Allah, karnau diau nidau na'ati ukum Allah, nyela, diau nidau pacak ta'at ngan ukum Allah.

GALATIA 5:17

Serilau manusiau belawanan ngan kendak Rua Allah, kendak Rua Allah belawanan ngan serilau manusiau, karnau sangi musui. Itula sebapau kamu nidau pacak ngerjauka setu diau kamu kenda'i.

KULUSI 3:5

Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,

2 TIMUTIUS 2:23

Jangan ngikut bebala ngan jemau bigal mbalaka setu diau nidau begunau. Kaba keruan, gegalaunyautu cuman mbuat jemau belagau.

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.

TITUS 3:9

Jawuhila balahan diau nidau begunau diau bigal, ceritau niniak puyang, becelikaian ngan balahan ceritau ukum Taurat. Gegalaunyautu nidau bediau gunaunyau ngan nidau bediau untungau.

YAKUBUS 1:14

Tapitu bilang jemau dicubaui ngan serilaunyau sendighi, diau dipikati serilaunyautu.

YAKUBUS 4:3

Mangku amun kamu bedu'a, kamu nidau ka dapat, karnau du'a kamu sala. Setu diau kamu pintaktu batan endak serilau kamu itula.

1 PITRUS 1:14

Kamu la ta'at ngan Allah, mangku jangan nuruti serilau kamu senitu, luak masau kamu lum keruan Allah.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.

2 PITRUS 2:18

Ughangtu muji diriau ngan kici'an bigal. Ngan serilau diau nidau senangaian ughangtu mikati jemau diau empai bibas jak di guak jemau diau idupau sesat.

2 PITRUS 3:3

Diau penting diau mesti kamu keruani, bansau masau pengabisan saman ka adau jemau diau idupau dikuasaui serilaunyau. Ughangtu ka nggelakka kamu.