YAKUBUS 3:6 - PEJANJIAN EMPAI CERITAU ILUAK

⁶ Lida itu luak api. Lidatu nimbulka keja'atan di badan kitau mangku gegalaunyau ja'at. Ngan api diau asalau jak di nerakau lidatu mutungka gegalau idup kitau.

YAKUBUS 3:6 Iomraidhean Croise

MATIUS 12:24

Jemau Parisi ndengagh kici'an itu mangku bekatau, “Diau ngisitka iblis ngan kuasau Bilsebul, pengulu iblis itu.”

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MARKUS 7:15

Nidau bediau setu diau masuak ke mulut ngaramka jemau. Anyautu diau ngeluagh jak di mulut, itula diau ngaramkanyau.

LUKAS 16:24

Mangku diau mintak tulung nian, kataunyau, ‘Bapak Abraham, sialkala aku! Ajungla Lasarus masuakka jaghiau ke ayiak mangku datang mbasai lidaku, karnau aku nanggung nian dalam api ini.’

RASUL 20:30

Lagi jak di kapu dighini pulau ka adau jemau diau ka ngiciakka ceritau diau nidau benagh. Ughangtu ngerjauka titu, mangku jemau diau la percayau ngan Yesus ka sesat ngan ngikut ughangtu.

RASUL 5:3

Mangku Pitrus ngiciak ngan diau, kataunyau, “Ananias, ngapau kaba enangka iblis nguasaui ati kaba? Ngapau kaba mbu'ungi Rua Allah ngan mbunika separau tanci regau tanatu?

RASUL 6:13

Mangku ughangtu ngajung jemau diau ngiciakka setu mbu'ung, kataunyau, “Jemau ini maju nggelakka Ghuma Allah ini ngan ukum Taurat.

TITUS 1:11

Jemau diau luak itu mesti ditukup mulutau, karnau ughangtu ngacauka banyak ghuma-tanggau ngan ngajaghka diau nidau-nidau endak bulia untung diau nidau pantas.

YAKUBUS 2:7

Ughangtula nggelakka namau diau diregaui diau dienjuakka ngan kamu.

YAKUBUS 3:7

Bilang mecam benatang belia, benatang njalagh, burung ngan ikan pacak dijinakka manusiau, nyela la dijinakka.

2 PITRUS 3:3

Diau penting diau mesti kamu keruani, bansau masau pengabisan saman ka adau jemau diau idupau dikuasaui serilaunyau. Ughangtu ka nggelakka kamu.

3 YUHANIS 1:10

Nanti amun aku datang, aku ka ngakaghka gegalau peremba'au diau la dikerjaukanyautu. Diautu pembu'ung ngan mburuakka kami. Ukan itu ajau, diau pulau enggup nerimau jemau Keristen diau datang, lagi pulau negahi jemau diau endak nerimau ughangtu, mangku ngeluaghka jemau tadi jak di kumpulan jemau Keristen.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 18:23

Nidau ka kina'an agi sinagh lampu di kaba. Nidau ka kedengaghan agi reramian jemau nika. Senitu pedagang kaba jemau penting di deniauni. Ngan kuasau gelap kamu nipuka gegalau bangsau di deniau.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.