YAKUBUS 3:13 - PEJANJIAN EMPAI CERITAU ILUAK

¹³ Amun adau jak di kamu diau bepengertian nian, diau mesti nyataukanyau ngan idup iluak ngan kerjau diau iluak diau dikerjauka ngan pengertian ngan nidau geduak.

YAKUBUS 3:13 Iomraidhean Croise

MATIUS 11:29

Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

MATIUS 21:5

“Kiciakkala ngan Siun, ‘Rajau kamu datang njenguak kamu. Diautu iluak atiAu ngan nayiak keledai, anak keledai diau mudau.’ ”

MATIUS 5:5

Riangla jemau diau ngensian, karnau diau ka ngempu deniau.

MATIUS 7:24

“Bilang jemau diau ndengagh kici'anKu ini ngan nurutinyau, jemautu umpamau jemau bepengertian diau negakka ghumahau bepelapiak batu.

1 KURINTUS 6:5

Maluka nian! Apu nidau bediau sughang jak di kamu diau bepengertian diau pacak ndamaika pekarau jemau percayau?

2 KURINTUS 10:1

Aku, Paulus, adau diau endak kukiciakka ngan kamu. Nurut katau jemau akuni nidau beghani, amun buadapan ngan kamu, tapitu beghani, amun jawua. Karnau Keristustu iluak ngan lembut,

2 KURINTUS 8:24

Mangku kami mintak, supayau kamu nyatauka sayang kamu ngan ughangtu, mangku gegalau jemau Keristen keruan, bansau kamu nyayangi ughangtu nian ngan setu diau kami banggaka ceritau kamutu benagh.

GALATIA 5:23

ngensian, ngan pacak nguasaui diriau. Nidau bediau ukum diau negahi kerjau luak itu.

GALATIA 6:1

Kantin-kantinku, amun adau sughang kedapatan mbuat dusau, kamu diau idup na'ati Rua Allah mesti mbimbing jemautu ke jalan diau benagh. Anyautu kamu mesti ngerjauka titu ngan ngaligh sampai njagau diri kamu, supayau jangan bedusau pulau.

GALATIA 6:4

Bilang jemau mesti merisau diriau, apu kerjaunyau iluak apu nidau. Amun iluak, diau bulia meghasau bangga, nidau nanti mbandingkanyau ngan kerjau jemau.

IPISUS 4:2

Kamu mesti maju ngensian, iluak, ngaligh, sangi sayangi ngan sangi terimau.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

KULUSI 3:12

Kamutu la njadi umat Allah. Kamu la dipilia njadi ha'Au ngan disayangiNyau. Karnau itu kamu mesti sial, iluak, ngaligh, ngensian, jangan geduak, jangan kejam.

1 TIMUTIUS 4:12

Jangan sughang kia nidau meregaui kaba, karnau kaba gi mudau. Anyautu jadila penauan batan endak jemau percayau ngan kici'an kaba, perembak kaba, sayang kaba, percayau kaba, ngan keberesian idup kaba.

1 TIMUTIUS 6:11

Anyautu kaba la njadi hak Allah, mangku kaba mesti njawuhi gegalaunyautu. Usahala njadi jemau diau benagh di adapan Allah, diau idup batan endak Allah ngan ngelapan, diau nyayangi jemau, ngaligh ngan nyanauka jemau.

2 TIMUTIUS 2:25

ngajaghi jemau diau galak melawan. Asauku Tuhan endak nulung, mangku jemautu ngubai jak di peremba'au ngan keruan ajaghan diau benagh.

TITUS 3:2

Kiciakka ngan ughangtu, supayau jangan ngupatka jemau ngan jangan belagau, tapitu supayau maju ngaligh ngan iluak ngan sukau bedamai ngan gegalau jemau.

IBRANI 13:5

Jangan kamu tetancian, tapitu cukupkala ngan setu diau adau di kamu, karnau Allah la bekiciak, “Aku nidau ka ngenangka ngan ninggalka kaba.”

YAKUBUS 1:21

Karnau itu capakkala gegalaunyau diau nidau iluak ngan ja'at diau banyak nian. Terimaula ngan riang katau Allah dalam ati kamu, karnau katau itu adau kuasau nyelamatka kamu.

YAKUBUS 2:18

Asauku adau diau bekatau, “Kamutu percayau, akuni ngerjauka setu diau iluak.” Aku ka nimbal, “Tunjuakkala ngan aku percayau kamutu nidau bediau setu diau iluak, mangku aku ka nunjuakka ngan kaba percayauku ngan kerjauku diau iluak.”

YAKUBUS 3:1

Kantin-kantinku, nidau nanti banyak jak di kamu diau endak njadi guru. Kitau keruan, bansau kitau diau njadi guru ka diadili lebia beghat jak di jemau lain.

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

1 PITRUS 1:15

Anyautu gegalaunyau diau kamu kerjauka mesti suci, luak Allah diau milia kamutu suci.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:4

Anyautu kualapan kamu semestiau nimbul jak di ati ngan carau diau iluak ngan tenang. Itu kualapan diau tetap diau beregau nian di adapan Allah.