RASUL 8:1 - PEJANJIAN EMPAI CERITAU ILUAK

¹ Saulus pulau tetuju Setipanus dibunua. Mulai aghi itu jemau percayau di Yerusalim banyak dianiayau, mangku gegalau ughangtu lain jak di rasul teceghai-beghai ke gegalau Yudia ngan Samaria.

RASUL 8:1 Iomraidhean Croise

MATIUS 22:6

Adau pulau diau nangkap anak-bua rajautu, mangku dibaduki ngan dibunua.

MATIUS 23:34

Dengaghkala iluak-iluak, aku ngajung nabi, jemau bepengertian ngan guru-guru ukum Taurat njenguak kapu dighi. Adau jak di ughangtu diau ka kapu dighi bunua ngan pakuka di kayu salip. Adau diau ka kapu dighi siksau di ghuma-ghuma sembayang. Adau pulau diau ka kapu dighi jagal ke sutiak kuta ke kuta diau lain.

MATIUS 5:13

“Kamuni umpamau gagham batan endak deniau. Amun gagham nidau teghasau agi, apu pacak ngulang masin agi? Nidau begati agi. Diau dicapakka, mangku dipijakka jemau.

YUHANIS 15:20

Ingatkala setu diau la Kukiciakka ngan kamu: Sughang budak nidau lebia bekuasau jak di tuanau. Amun ughangtu la nganiayau Aku, ughangtu ka nganiayau kamu pulau. Amun ughangtu la nuruti kici'anKu, ughangtu ka nuruti kici'an kamu pulau.

YUHANIS 16:2

Kamu ka dikeluaghka jak di ghuma sembayang, mangku ka sampai masaunyau, jemau diau mbunua kamu, nyangkau diau melemakka ati Allah.

RASUL 1:8

Kamuni ka nerimau kuasau, amun Rua Allah nguasaui kamu, mangku kamu ka nceritauka ngan jemau gegalaunyau diau kamu keruani ceritau Aku. Kebarka ngan kamu di Yerusalim, di gegalau Yudia ngan Samaria enggut sampai ke ujung deniau.”

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RASUL 13:36

Daud ngerjauka kendak Allah mangku mati ngan dikuburka guak niniak puyangau. Nyela, mayatau busuak.

RASUL 2:47

Ughangtu maju ngagungka Allah, mangku gegalau jemau riang ngan ughangtu. Mangku idang aghi ughangtu maju betamba, karnau Tuhan ngenju'i jemau diau diselamatkaNyau.

RASUL 22:20

Mangku satu Setipanus diau ngiciakka ceritau Dighi dibunua, aku pulau adau di situ nyetujui pembunuan itu, lagi akuni nunggui pekakas jemau diau ngerjaukanyautu.’

RASUL 26:10

Nyela, aku ngerjauka titu di Yerusalim. Aku bulia surat kuasau jak di imam-imam bepangkat tinggi, mangku banyak jemau percayau kumasuakka dalam jil ngan tetuju, amun ughangtu diukum mati.

RASUL 5:18

mangku rasul-rasul ditangkap, dimasuakka dalam jil.

RASUL 5:20

“Pegila, betegak di Ghuma Allah ngan kiciakka ngan jemau banyak ceritau idup empai.”

RASUL 5:33

Ndengagh kici'antu, ughangtu mara kematila endak mbunua rasul-rasul itu.

RASUL 5:40

Rasul tadi dipantau, dibaduki ngan pemecit ngan ditegahi agi ngajaghka dalam namau Yesus. Udim itu dilepaskanyau.

RASUL 7:38

Musatu adau ngan jemau Israil diau betunggal di padang bungin. Diautu adau di situ ngan malaikat di Bukit Sinai ngan niniak puyang kitau. Diautu nerimau katau Allah diau nunjuakka jalan idup, mangku disampaika ngan kitau.

RASUL 7:54

Ndengagh kici'an Setipanustu, gegalau angguta pengadilan agamau mara kematila.

RASUL 7:58

ditaghiak keluagh kuta, disipati ngan batu. Ughangtu nyeghumaka bajuau ngan sughang budak bujang, namaunyau Saulus.

RASUL 8:14

Rasul-rasul di Yerusalim ndengagh, mbak bansau jemau Samaria nerimau katau Allah, mangku diajungau Pitrus ngan Yuhanis ke situ.

RASUL 8:2

Jemau diau takut ngan Allah nguburka Setipanus ngan nangis berandaian nangisi diau.

RASUL 8:4

Jemau diau teceghai-beghai pegi ngiciakka ceritau iluak jak di Allah di manau-manau.

RASUL 8:5

Pilipus pegi ke kuta Samaria ngiciakka ceritau Rajau Penyelamat ngan jemau di situ.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

RUM 1:32

Ughangtu keruan, bansau jemau diau ngerjauka gegalaunyautu pantas diukum mati nurut ukum Allah. Empuak luak itu, ughangtu maju ngerjaukanyau, lagi pulau riang, amun jemau lain ngerjaukanyau pulau.

PILIPI 1:12

Aku endak, supayau kamu keruan, bansau setu diau la tejadi di aku mbuat tamba banyak jemau percayau ngan ceritau iluaktu.

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.