RASUL 6:5 - PEJANJIAN EMPAI CERITAU ILUAK

⁵ Pendapat itu diterimau gegalau ughangtu. Mangku ughangtu milia Setipanus diau percayau nian ngan dikuasaui Rua Allah, ngan Pilipus, Perukurus, Nikanur, Timun, Parmenas ngan Nikulaus, jemau Antiukia diau masuak agamau Yahudi.

RASUL 6:5 Iomraidhean Croise

MATIUS 23:15

Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi pegi jawua-jawua nyembeghang laut ngan ngidari daghatan cuman endak dijadika sughang ajau anak-bua kapu dighi. La udim diau njadi anak-bua kapu dighi, dijadika anak nerakau diau lebia ja'at jak di kapu dighi.

RASUL 11:19

La udim Setipanus mati dibunua, jemau diau percayau ngan Yesus mulai meghasauka sengsarau, mangku ughangtu teceghai-beghai ke manau-manau. Adau diau belaghi sampai ke Penisia, adau diau sampai ke Siprus ngan Antiukia. Ughangtu ngiciakka ceritau iluak jak di Allah cuman ngan jemau Yahudi ajau.

RASUL 11:20

Anyautu jak di ughangtu adau pulau jemau Siprus ngan jemau Kirini diau pegi sampai ke Antiukia ngiciakka ceritau iluak ngan jemau diau ukan jemau Yahudi, bangsau Yesus itula Tuhan.

RASUL 11:22

Ceritau jemau Antiukia itu pulau sampai di Yerusalim, didengagh jemau percayau di situ, mangku Barnabas diajung pegi ke Antiukia.

RASUL 11:24

Barnabastu jemau iluak atiau, lagi dikuasaui Rua Allah ngan percayau nian ngan Tuhan, mangku banyak jemau ngikut Tuhan.

RASUL 11:26

Ughang duautu nyeghundak ngan jemau percayau di Antiukia setaun lamaunyau, sampai ngajagh banyak jemau. Di Antiukia itula jemau percayau dulu sekali dinamauka jemau Keristen.

RASUL 11:27

Masau itula adau bebeghapau nabi diau datang jak di Yerusalim pegi ke Antiukia.

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 2:4

Ughang u dikuasaui Rua Allah, mangku mulai ngiciak ngan serbau basau. Ughangtu ngiciak luak la dienjuakka Ruatu.

RASUL 21:8

Pagi di aghiau kami pegi mangku sampai di Kaisaria. Di situ kami pegi ke ghuma Pilipus, penginjiltu, mangku mendam di ghumahau. Diautu sala sughang jak di tujua ughang diau dipilia di Yerusalim senitu.

RASUL 22:20

Mangku satu Setipanus diau ngiciakka ceritau Dighi dibunua, aku pulau adau di situ nyetujui pembunuan itu, lagi akuni nunggui pekakas jemau diau ngerjaukanyautu.’

RASUL 6:10

Anyautu ughangtu nidau pacak melawan kici'an Setipanustu, karnau Rua Allah ngenjuakka pengertian nian ngan diau.

RASUL 6:3

Jadi, kapu dighi piliala tujua ughang jak di kapu dighi diau iluak ngan dikuasaui Rua Allah lagi bepengertian, mangku kami njadika ughangtu pengurus makanan tadi.

RASUL 6:8

Allah iluak nian ngan Setipanus, mangku dienjuakka kuasau ngerjauka banyak tandau nyelia di guak jemau banyak.

RASUL 7:1

Imam Besak betanyau, “Nyela, luak itu?”

PENGINA'AN 2:15

Mangku adau pulau jemau di kamu diau ngikut ajaghan anak-bua Nikulaus.

PENGINA'AN 2:6

Anyautu adau pulau setu diau iluak di kaba: Kaba luat ngan gegalau kerjau anak-bua Nikulaus diau Kuluatka pulau.