RASUL 5:21 - PEJANJIAN EMPAI CERITAU ILUAK

²¹ Mangku rasultu nuruti pesan malaikattu. Gi akap nianan ughangtu masuak Ghuma Allah mangku mulai ngajagh di situ. Penarau itu Imam Besak ngan anak-buahau ngajung gegalau pengulu-pengulu jemau Yahudi betunggal endak ngadauka sidang pengadilan agamau. Mangku ughangtu ngajung jemau njenguak rasul tadi di jil endak dibatak ngadap sidangtu.

RASUL 5:21 Iomraidhean Croise

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

LUKAS 22:66

Aghitu la siang, tuau-tuau jemau Yahudi ngan imam-imam bepangkat tinggi ngan guru-guru ukum Taurat betunggal, mangku Yesus dibata'i ngadap pengadilan agamau.

YUHANIS 18:35

Katau Pilatus, “Apu akuni jemau Yahudi? Bangsau Kabatula ngan imam-imam bepangkat tinggi diau nyeraka Kaba ngan aku. Tuapau perembak Kaba?”

YUHANIS 8:2

Pagi di aghiau akap nian Yesus pegi ke Ghuma Allah, banyak jemau datang njenguak Diau. Yesus duduak mangku mulai ngajagh.

RASUL 22:15

karnau kaba mesti ngiciakka ngan gegalau jemau setu diau la kaba kinak ngan kaba dengagh.

RASUL 22:5

Imam Besak ngan gegalau pengulu kitau pacak nceritauka, bansau aku nidau mbu'ung. Ughang itula la ngenjuakka surat kuasau ngan aku batan endak nangkap jemau diau ngikut ajaghan empaitu diau adau di Damsik. Mangku aku pegi ke situ endak nangkap jemau diau ngikut ajaghan empaitu diau adau di situ, mangku mbata'i ughangtu ke Yerusalim endak diukum.”

RASUL 5:17

Mangku Imam Besak ngan anak-buahau diau jak di rumbungan jemau Saduki sengit nian,

RASUL 5:27

Rasultu dibatak masuak ngadap pengadilan, mangku Imam Besak merisau nanyaui rasultu,

RASUL 5:34

Anyautu adau sughang Parisi jak di angguta pengadilan agamautu, namaunyau Gamali'il. Diautu guru ukum Taurat ngan diregaui gegalau jemau. Diau betegak ngan mintak, supayau rasul tadi diajung keluagh jerang.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.