RASUL 4:33 - PEJANJIAN EMPAI CERITAU ILUAK

³³ Ngan kuasau diau besak rasul-rasul ngiciakka ceritau Tuhan Yesus diau ngulang idup, mangku Allah iluak nian ngan gegalau ughangtu.

RASUL 4:33 Iomraidhean Croise

MARKUS 16:20

Mangku anak-buaHautu pegi ngiciakka ceritau iluaktu ke manau-manau. Mangku Tuhan ngenjuakka kuasau ngan ughangtu ngerjauka titu. Ngan tandau nyelia Diau mbuktika, bansau setu diau dikiciakka ughangtu benagh.]

LUKAS 2:52

Yesus tamba besak, tamba bepengertian, mangku tamba disayangi Allah ngan manusiau.

YUHANIS 1:16

Keilu'anNyau la banyak tegalau. Kitau maju meghasaukanyau.

RASUL 1:22

Jemau itu mesti seghundak ngan kitau jak di aghi Yesus dibaptis enggut Diau tuangkat ke sergau, mangku ngiciakka ngan jemau, bansau Yesus ngulang idup jak di mati.”

RASUL 1:8

Kamuni ka nerimau kuasau, amun Rua Allah nguasaui kamu, mangku kamu ka nceritauka ngan jemau gegalaunyau diau kamu keruani ceritau Aku. Kebarka ngan kamu di Yerusalim, di gegalau Yudia ngan Samaria enggut sampai ke ujung deniau.”

RASUL 2:47

Ughangtu maju ngagungka Allah, mangku gegalau jemau riang ngan ughangtu. Mangku idang aghi ughangtu maju betamba, karnau Tuhan ngenju'i jemau diau diselamatkaNyau.

RASUL 4:30

Nyataukala kuasau Dighi, mangku jemau buidapan dighaduka ngan tandau nyelia karnau kuasau namau Yesus, Budak Dighi diau beresia itu.”

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

IBRANI 2:4

Lagi pulau Allah neguaka kici'an ughangtu ngan tandau nyelia ngan nyatauka kuasauNyau ngan ngenjuakka Rua Allah ngan jemau nurut kenda'Au.